Author: admin

ഓണത്തിന് മുൻപ് വെളിച്ചെണ്ണയ്ക്കു വില കുറയുമെന്ന് മന്ത്രി ജി.ആർ.അനിൽ. കൊല്ലം താലൂക്ക് സപ്ലൈ ഓഫിസ് പരിസരത്തെ സപ്ലൈകോ ഔട്ട്ലെറ്റ് സന്ദർശിച്ച ശേഷമാണ് മന്ത്രി ഇക്കാര്യം അറിയിച്ചത്.

ന്യൂഡല്‍ഹി: ഇന്നലെ ജാമ്യത്തില്‍ പുറത്തിറങ്ങിയ കന്യാസ്ത്രീകളെ ഡല്‍ഹിയിലെ രാജറായി മഠത്തില്‍ എത്തിച്ചു. കനത്ത സുരക്ഷയിലാണ് ഇവരെ മഠത്തിലെത്തിച്ചത്. കന്യാസ്ത്രീകള്‍ക്കെതിരായ കേസ് റദ്ദാക്കുന്നതില്‍ ഹൈക്കോടതിയെ സമീപിക്കുന്ന കാര്യത്തില്‍ കത്തോലിക്ക സഭ വിദഗ്ധരുമായി കൂടിയോചനകള്‍ നടത്തും. കേസ് റദ്ദാക്കുന്നതിന് പ്രതിപക്ഷ പാര്‍ട്ടികൾ പാര്‍ലമെന്റില്‍ പ്രതിഷേധം ശക്തമാക്കാനാണ് തീരുമാനം. ബജ്‌റങ് ദള്‍ നേതാവ് ജ്യോതി ശര്‍മ അടക്കമുള്ള നേതാക്കള്‍ക്കെതിരെ കന്യാസ്ത്രീകള്‍ക്കൊപ്പമുണ്ടായിരുന്ന പെണ്‍കുട്ടികള്‍ ഓണ്‍ലൈനായി ദുര്‍ഗ പൊലീസ് സ്റ്റേഷനില്‍ പരാതി നല്‍കാൻ തീരുമാനിച്ചിട്ടുണ്ട് . ഇന്നലെ നാരായണ്‍പൂര്‍ പൊലീസ് സ്റ്റേഷനില്‍ നല്‍കിയ പരാതി സ്വീകരിച്ചില്ല.

കൊച്ചി: കൊച്ചിയുടെ സാംസ്കാരിക മുഖം കൂടിയായിരുന്ന അന്തരിച്ച എഴുത്തുകാരനും ചിന്തകനുമായ പ്രൊഫ. എം കെ സാനുവിന് നാട് ഇന്ന് വിട ചൊല്ലും. രാവിലെ വീട്ടിലും എറണാകുളം ടൗണ്‍ഹാളിലും പൊതുദര്‍ശനം നടക്കും. വൈകീട്ട് നാല് മണിക്ക് രവിപുരം ശ്മശാനത്തിലാണ് സംസ്‌കാരം.സംസ്ഥാന സര്‍ക്കാരിന്റെ ഔദ്യോഗിക ബഹുമതികളോടെയാണ് സംസ്‌കാരം. രാവിലെ മുഖ്യമന്ത്രി പിണറായി വിജയന്‍ അന്ത്യാഞ്ജലി അര്‍പ്പിക്കാനെത്തി . ശനിയാഴ്ച വൈകീട്ട് 5.35നാണ് അന്ത്യം സംഭവിച്ചത്. 98 കാരനായ എം കെ സാനു ദിവസങ്ങള്‍ക്ക് മുന്‍പ് വരെ പൊതു വേദികളില്‍ നിറഞ്ഞുനിന്നിരുന്നു . വീഴ്ചയില്‍ ഇടുപ്പെല്ലിന് പരിക്കേറ്റ എം കെ സാനുവിനെ ദിവസങ്ങള്‍ക്ക് മുന്‍പാണ് കൊച്ചി അമൃത ആശുപത്രിയില്‍ പ്രവേശിപ്പിച്ചത്. അതിനിടെ ന്യുമോണിയ ബാധിച്ചതോടെ ആരോഗ്യ നില വഷളാവുകയായിരുന്നു. ഇന്നലെ വൈകിട്ടോടെയാണ് അന്ത്യം സംഭവിച്ചത്.

തിരുവനന്തപുരം: ആലുവയില്‍ റെയില്‍വെ പാലത്തില്‍ അറ്റകുറ്റപണി നടക്കുന്നതിനാല്‍ ഇന്ന് ചില ട്രെയിനുകള്‍ വൈകിയോടുകയും റദ്ദാക്കുകയും ചെയ്തു. പാലക്കാട്-എറണാകുളം റൂട്ടിലെ മെമു ട്രെയിന്‍ സര്‍വ്വീസ് ഇന്ന് റദ്ദാക്കി. ട്രെയിന്‍ സമയത്തില്‍ മാറ്റമുണ്ട്. പാലത്തില്‍ അറ്റകുറ്റപ്പണി തുടരുന്നതിനാല്‍ ആഗസ്റ്റ് പത്തിനും ട്രെയിന്‍ സര്‍വ്വീസില്‍ നിയന്ത്രണമുണ്ടാകും. പാലക്കാട്-എറണാകുളം മെമു (66609) എറണാകുളം-പാലക്കാട് മെമു (66610) എന്നീ ട്രെയിനുകളാണ് റദ്ദാക്കിയത് .ഗൊരഖ്പൂർ-തിരുവനന്തപുരം സെൻട്രൽ എക്‌സ്പ്രസ് (12511) കണ്ണൂർ-ആലപ്പുഴ എക്‌സിക്യൂട്ടീവ്എക്‌സ്പ്രസ് (16308) മംഗളൂരു സെൻട്രൽ-തിരുവനന്തപുരം സെൻട്രൽ വന്ദേഭാരത് (20631) തിരുവനന്തപുരം സെൻട്രൽ-മംഗളൂരു സെൻട്രൽ വന്ദേഭാരത് (20632) സെക്കന്തരാബാദ്-തിരുവനന്തപുരം ശബരി എക്‌സ്പ്രസ് (17230) ജാംനഗർ-തിരുനെൽവേലി എക്‌സ്പ്രസ് (19578) എന്നിവയാണ് വൈകിയോടുന്ന ട്രെയിനുകൾ.

കണ്ണൂരിന്റെ ജനകീയ ഡോക്ടർ താണ മാണിക്കക്കാവിന് സമീപത്തെ എ കെ. രൈരു ഗോപാൽ (80) അന്തരിച്ചു

കൊച്ചി : രാജ്യത്ത് ന്യൂനപക്ഷങ്ങളുടെ സംരക്ഷണത്തിന് വേണ്ടിയും ന്യൂനപക്ഷ ക്ഷേമ പദ്ധതികൾ ശുപാർശ ചെയ്യുന്നത് ഉൾപ്പെടെയുള്ള കാര്യങ്ങൾക്ക് വേണ്ടിയും നിയമപരമായി നിയോഗിക്കപ്പെടേണ്ട സംവിധാനം ആണ് ദേശീയ ന്യൂനപക്ഷ കമ്മീഷൻ. ദേശീയ ന്യൂനപക്ഷ കമ്മീഷനിൽ കഴിഞ്ഞ കുറച്ചു വർഷങ്ങളായി ചെയർമാൻ സ്ഥാനവും , വൈസ് ചെയർമാൻ സ്ഥാനവും , അംഗങ്ങളുടെ സ്ഥാനവും ഒഴിഞ്ഞു കിടക്കുകയാണ്. ഇപ്പോൾ ഛത്തീസ്‌ഘട്ടിൽ നടക്കുന്നതു പോലുള്ള നിരവധി വിഷയങ്ങളിൽ ദേശീയ ന്യൂനപക്ഷ കമ്മീഷൻ പ്രവർത്തനത്തിൽ ഉണ്ടെങ്കിൽ സ്വമേധയാ നടപടികൾ എടുക്കാവുന്നതും , ശുപാർശകളിലേയ്ക്ക് കടക്കാവുന്നതുമാണ്. അത്തരത്തിലുള്ള ശുപാർശകൾ പ്രശ്നപരിഹാരം ആകുമോ എന്നതല്ല, മറിച്ചു നിലവിലുള്ള അവസ്ഥയിൽ ഭരണഘടനാപരമായി ചെയ്യേണ്ട കാര്യങ്ങൾ ചെയ്യുന്നതിനുള്ള സംവിധാനങ്ങൾ പോലും പ്രവർത്തന രഹിതമാണ് എന്നതാണ് ആശങ്ക ഉയർത്തുന്നത്.

റഷ്യയിലെ മുൻ പ്രസിഡന്റ് ദിമിത്രി മെദ്‌വദെവിൻ്റെ പ്രകോപന പ്രസ്താവനകൾക്കു മറുപടിയായി രണ്ട് ആണവ അന്തർവാഹിനികളെ ഉചിതസ്ഥലത്തു വിന്യസിക്കാൻ ഉത്തരവിട്ടതായി യുഎസ് പ്രസിഡൻ്റ് ഡോണൾഡ് ട്രംപ് അറിയിച്ചു.

ചേരാനല്ലൂർ : വി. ഇഗ്നേഷ്യസ് ലയോളയുടെ അനുസ്മരണ ദിനമായ ജൂലൈ 31ന് വരാപ്പുഴ അതിരൂപത യുവജന സംഘടനയായ ക്രിസ്ത്യൻ ലൈഫ് കമ്മ്യൂണിറ്റിയുടെ നേതൃത്വത്തിൽ ചേരാനല്ലൂർ സെന്റ് ജെയിംസ് ദേവാലയത്തിൽ വെച്ച് ഇഗ്നേഷ്യൻ ദിനം ഭക്തിപൂർവ്വം ആചരിച്ചു. വി.ഇഗ്നേഷ്യസ് ലയോളയുടെ മാധ്യസ്ഥം അപേക്ഷിച്ച് അനുസ്മരണ പ്രാർത്ഥനയും, വിശുദ്ധന്റെ രൂപത്തിന് മുമ്പിൽ പുഷ്പാർച്ചനയും നടത്തി. വിശുദ്ധന്റെ ജീവിതം യുവജനങ്ങൾക്ക് മാതൃകയാകുവാനും എല്ലാ പ്രവർത്തനങ്ങളും വിശുദ്ധനെ അനുകരിച്ച് ചെയ്യാൻ സാധിക്കട്ടെ എന്നും ചടങ്ങിൽ ആശംസകൾ നേർന്ന് ചേരാനല്ലൂർ സെന്റ് ജെയിംസ് ഇടവക സഹവികാരി ഫാ. എബിൻ വിവേര സംസാരിച്ചു. വരാപ്പുഴ അതിരൂപത സി.ൽ.സി. ആനിമേറ്റർ സിസ്റ്റർ ടീന,പ്രസിഡന്റ് അലൻ ടെറ്റസ്, ജനറൽ സെക്രട്ടറി ഡോണ ഏണസ്റ്റിൻ, ട്രഷറർ അമൽ മാർട്ടിൻ, വൈസ് പ്രസിഡന്റ് അഖിൽ സെബാസ്റ്റ്യൻ, ജോയിൻ്റ് സെക്രട്ടറിമാരായ സുജിത്ത്, ആൻ മേരി, വനിതാ ഫോറം എക്സിക്യൂട്ടീവ് അംഗം നേഹ, മീഡിയ ഫോറം അംഗം ജസ്വിൻ, കൂടാതെ ചേരാനല്ലൂർ സെന്റ് ജെയിംസ് ഇടവക സി.ൽ.സി. പ്രസിഡന്റ്…

കൊച്ചി : പ്രൊഫ. എം.കെ. സാനുമാഷിന്റെ വേർപാട് കേരളത്തിന് അപരിഹാര്യമായ നഷ്ടമാണെന്ന് കെആർഎൽസിസി. കേരളത്തിന്റെ സാമൂഹിക സാംസ്ക്കാരിക മണ്ഡലത്തിലെ പ്രകാശഗോപുരമായിരുന്നു സാനുമാസ്റ്റർ. അദ്ധ്യാപകൻ, പ്രഭാഷകൻ, ഗ്രന്ഥകാരൻ, നിരൂപകൻ എന്നീ തലങ്ങളിൽ വൈജ്ഞാനിക കൈരളിക്ക് അദ്ദേഹം നല്കിയ സംഭാവനകൾ അതുല്യമാണെന്ന് കെആർഎൽസിസി അനുസ്മരിച്ചു.

ബംഗളൂരു മെട്രോയിൽ ഇതാദ്യമായാണ് ശസ്ത്രക്രിയക്കുള്ള അവയവങ്ങൾ കൊണ്ടുപോകുന്നത്. ബംഗളൂരു നഗരത്തിൽ ഗതാഗതക്കുരുക്ക് രൂക്ഷമായതിനെ തുടർന്നാണ് കരൾ കൊണ്ടുപോകാൻ ആശുപത്രി അധികൃതർ മെട്രോ യാത്ര തിരഞ്ഞെടുത്തത്.