Author: admin

കത്തോലിക്കാ കോൺഗ്രസ് പാലാ രൂപത ഡയറക്ടർ റവ. ഡോ. ജോർജ് വർഗീസ് ഞാറക്കുന്നേലിനെ ബിഷപ്പ് ഹൗസിന് സമീപം സീബ്ര ലൈനിലൂടെ റോഡ് ക്രോസ് ചെയ്യുമ്പോൾ അമിതവേഗത്തിൽ എത്തി ഇടിച്ചു വീഴ്ത്തിയ ശേഷം കാർ നിർത്താതെ പോയ സംഭവത്തിലെ പ്രതികളെ ഉടൻ അറസ്റ്റ് ചെയ്തു മാതൃകാപരമായി ശിക്ഷിക്കണമെന്ന് കത്തോലിക്കാ കോൺഗ്രസ് പാലാ സമിതി ആവശ്യപ്പെട്ടു.

രൂപതയുടെ ഗോത്ര മേഖലയായ ബംസുഗമിൽ പുതുതായി നിർമ്മിച്ച സെന്റ് തോമസ് പള്ളിയുടെ ആശീർവാദവും ഉദ്ഘാടനവും ശ്രീകാകുളം രൂപതയിൽ സന്തോഷത്തിന്റെയും വിശ്വാസത്തിന്റെയും നിമിഷങ്ങൾക്ക് കാരണമായി. ശ്രീകാകുളം ബിഷപ്പ് പിഐഎംഇയിലെ ഫാ. റായരള വിജയകുമാറിന്റെ നേതൃത്വത്തിലായിരുന്നു തിരുക്കർമങ്ങൾ. പുരോഹിതരുടെയും സന്യാസികളുടെയും വലിയൊരു ജനക്കൂട്ടത്തിന്റെയും സാന്നിധ്യമുണ്ടായിരുന്നു.

വരാനിരിക്കുന്ന തമിഴ്‌നാട് നിയമസഭാ തിരഞ്ഞെടുപ്പിന് മുന്നോടിയായി, യുവാക്കളുടെ രാഷ്ട്രീയ പങ്കാളിത്തം ശക്തിപ്പെടുത്തുക, വോട്ടിംഗ് പ്രോത്സാഹിപ്പിക്കുക, ഭരണഘടനാപരവും ജനാധിപത്യപരവുമായ മൂല്യങ്ങൾ സംരക്ഷിക്കുക എന്നിവ ലക്ഷ്യമിട്ടുള്ള നിരവധി പ്രമേയങ്ങൾ തമിഴ്‌നാട് കാത്തലിക് യൂത്ത് മൂവ്‌മെന്റ് (TCYM) അംഗീകരിച്ചു.

മാമ്മോദീസാ വ്യക്തിത്വവും, മിഷനറി ഉത്തരവാദിത്തവും വീണ്ടും കണ്ടെത്താൻ അല്മായരോട് ആഹ്വാനം ചെയ്ത ഫിലിപ്പ് നേരി കർദ്ദിനാൾ ഫെറോ, കത്തോലിക്കരോട് ലോകത്തിലെ ക്രിസ്തുവിന്റെ യഥാർത്ഥ സാക്ഷികളായി ജീവിക്കാൻ ആഹ്വാനം ചെയ്തു. റാച്ചോളിലെ പാത്രിയാർക്കൽ സെമിനാരിയിൽ, അൽമായർക്കായുള്ള ‘ദൈവശാസ്ത്രപരവും പാസ്റ്ററൽ രൂപീകരണം’ കോഴ്‌സിന്റെ ഡിപ്ലോമ ദിനത്തോടനുബന്ധിച്ച് നടന്ന ദിവ്യബലിക്കിടയിൽ പ്രസംഗിക്കുകയായിരുന്നു അദ്ദേഹം.

കോഴിക്കോട് : എരഞ്ഞിപ്പാലം നവജ്യോതിസ് റിന്യൂവൽ സെൻ്ററിൽ വെച്ച് കേരളത്തിലെ 12 ലത്തീൻ രൂപതകളിലെ യുവജന നേതാക്കൾക്കായി കെ.ആർ.എൽ.സി.ബി.സി (KRLCBC) യൂത്ത് കമ്മീഷനും സി.സി.ബി.ഐ കമ്മ്യൂണിയോയുടെയും (CCBI Communio) സഹകരണത്തോടെ കെ.സി.വൈ.എം. ലാറ്റിൻ സംസ്ഥാന സമിതിയുടെ ആഭിമുഖ്യത്തിൽ ഒരു വർഷം നീണ്ടുനിൽക്കുന്ന നേതൃത്വ പരിശീലന പരിപാടിയായ ‘Y-MAP’ (Youth Missionary Animation Program) ന് തുടക്കമായി. കോഴിക്കോട് അതിരൂപത വികാർ ജനറൽ ഡോ. ജെൻസൺ പുത്തൻവീട്ടിൽ ഉദ്ഘാടനം ചെയ്തു. കെ.സി.വൈ.എം. ലാറ്റിൻ സംസ്ഥാന ഡയറക്ടർ ഫാ. അനൂപ് കളത്തിത്തറ OSJ, സംസ്ഥാന പ്രസിഡൻ്റ് പോൾ ജോസ്, ജനറൽ സെക്രട്ടറി ഷെറിൻ കെ. ആർ., സംസ്ഥാന ആനിമേറ്റർ സി. മെൽന ഡി കോത്ത, സംസ്ഥാന സെക്രട്ടറിമാരായ വിമിൻ എം. വിൻസെൻ്റ്, അലീന ജോർജ്, കോഴിക്കോട് അതിരൂപതാ യൂത്ത് കമ്മീഷൻ ഡയറക്ടർ ഫാ. ടോണി ഗ്രേഷ്യസ്, ജീസസ് യൂത്ത് സംസ്ഥാന കോർഡിനേറ്റർ ഗോഡ്‌വിൻ ഇഗ്നേഷ്യസ് എന്നിവർ സംസാരിച്ചു.

സീ​റോ​മ​ല​ബാ​ർ സ​ഭ പ്ര​ഖ്യാ​പി​ച്ചി​രി​ക്കു​ന്ന സ​മു​ദാ​യ ശ​ക്തീ​ക​ര​ണ​വ​ർഷം 2026ന് ​ച​ങ്ങ​നാ​ശേ​രി അ​തി​രൂ​പ​ത​യി​ൽ പ്രൗ​ഢോ​ജ്വ​ല തു​ട​ക്കം. കു​റു​മ്പ​നാ​ടം സെ​ൻറ് ആ​ൻറ​ണീ​സ് ഫൊ​റോ​നാ​ പ​ള്ളി ഓ​ഡി​റ്റോ​റി​യ​ത്തി​ലെ ആ​ർച്ച്ബി​ഷ​പ് മാ​ർ ജോ​സ​ഫ് പ​വ്വ​ത്തി​ൽ ന​ഗ​റി​ൽ ന​സ്രാ​ണി പാ​ര​മ്പ​ര്യ​ത്ത​നി​മ​യി​ൽ സം​ഘ​ടി​പ്പി​ച്ച സ​മ്മേ​ള​ന​ത്തി​ൽ ആ​ർച്ച്ബി​ഷ​പ് മാ​ർ തോ​മ​സ് ത​റ​യി​ൽ സ​മു​ദാ​യ വ​ർഷാ​ച​ര​ണ​ത്തി​ന് ദീ​പം തെ​ളി​ച്ചു.

പിതാവും, മാതാവും, രണ്ടു സഹോദരന്മാരും, ഒരു സഹോദരിയും അടങ്ങുന്ന സ്വന്തം കുടുംബാംഗങ്ങളെ കൺമുന്നിലിട്ട് ക്രൂരമായി കൊലപ്പെടുത്തിയ കൊലപാതകിയോട് ക്ഷമിച്ച റുവാണ്ടൻ കത്തോലിക്ക വൈദികൻ ക്രൈസ്തവ വിശ്വാസത്തിന്റെ ഉദാത്തമായ മാതൃകയാകുന്നു. 1994-ൽ ഗോത്രവർഗ്ഗങ്ങളായ ടുട്സികളും, ഹുടുക്കളും തമ്മിൽ നടന്ന ആഭ്യന്തരയുദ്ധത്തിനിടയിലാണ് ഫാ. മാർസെൽ ഉവിനേസായുടെ കുടുംബം കൊലചെയ്യപ്പെട്ടത്. അന്ന് വെറും 14 വയസ്സ് മാത്രം പ്രായമുള്ള മാർസെൽ ഈ കൊലപാതകങ്ങളുടെ ദൃക്സാക്ഷിയായിരുന്നു. അന്ന് അനാഥനായ ആ കത്തോലിക്കാ ബാലൻ ക്രിസ്തുവിൽ സമാശ്വാസം കണ്ടെത്തുകയും പിന്നീട് ജെസ്യൂട്ട് സമൂഹത്തിൽ ചേരുകയുമായിരിന്നു.

2026 ജനുവരി 18 മുതൽ 25 വരെ തീയതികളിലായി ആചരിക്കപ്പെടുന്ന ക്രൈസ്തവ ഐക്യവാരത്തിന്റെ ഭാഗമായി, ജനുവരി 25-ന് വിശുദ്ധ പൗലോസിന്റെ ബസലിക്കയിൽ, റോമാ രൂപതയുടെ അദ്ധ്യക്ഷൻ കൂടിയായ ലിയോ പതിനാലാമൻ പാപ്പാ സായാഹ്നപ്രാർത്ഥന നയിക്കും. ക്രൈസ്തവസഭകൾ തമ്മിലുള്ള ഐക്യവും സ്നേഹവും സഹകരണവും ലക്ഷ്യമാക്കി എല്ലാ വർഷവും ആചരിക്കപ്പെടുന്ന ഈ ആഴ്ചയുടെ പ്രധാന വിവരങ്ങൾ, ജനുവരി 16 വെള്ളിയാഴ്ച റോം വികാരിയത്ത് ഒരു പത്രക്കുറിപ്പിലൂടെ പ്രസിദ്ധീകരിച്ചു.

മോണക്കോ രാജകുമാരൻ ആൽബർട്ട് രണ്ടാമന് വത്തിക്കാനിൽ കൂടിക്കാഴ്ച അനുവദിച്ച് ലിയോ പതിനാലാമൻ പാപ്പാ. ജനുവരി 17-ന് രാവിലെയാണ് ലോകത്തിലെ തന്നെ ചെറിയ രാജ്യങ്ങളിൽ രണ്ടാമത്തേതായ മൊണാക്കോയുടെ തലവനായ ആൽബർട്ട് രണ്ടാമൻ രാജകുമാരൻ, ലോകത്തിലെ ഏറ്റവും ചെറിയ പരമാധികാരരാഷ്ട്രമായ വത്തിക്കാനിലെത്തിയത്. പരിശുദ്ധ സിംഹാസനത്തിന്റെ പ്രെസ് ഓഫീസ്, ഇതേദിവസം പുറത്തുവിട്ട ഒരു പത്രക്കുറിപ്പിലൂടെയാണ്, ഇരു രാഷ്ട്ര നേതൃത്വങ്ങളും തമ്മിലുള്ള കൂടിക്കാഴ്ച സംബന്ധിച്ച വിശദവിവരങ്ങൾ അറിയിച്ചത്.

കമ്പ്യൂട്ടർ സയൻസിനെ രസതന്ത്രവുമായി സംയോജിപ്പിക്കുന്നതിൽ ഒരു വിദ്യാർത്ഥിയുടെ കൗതുകമായി തുടങ്ങിയത്, വർഷങ്ങളുടെ ഗവേഷണത്തിലൂടെയും ദൈവത്തിന്റെ ഇടപെടലിലൂടെയും രൂപപ്പെട്ട ഒരു വഴിത്തിരിവായി വികസിച്ചു. ആലപ്പുഴ ചേർത്തലയിൽ നിന്നുള്ള ജോൺ കോട്ടൂരാൻ, ലോകത്തിലെ മുൻനിര ഗവേഷണ സർവകലാശാലകളിലൊന്നായ സൗദി അറേബ്യയിലെ കിംഗ് അബ്ദുള്ള യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി (KAUST) യിൽ കമ്പ്യൂട്ടേഷണൽ കെമിസ്ട്രിയിൽ നാല് വർഷത്തെ ഡോക്ടറൽ പ്രോഗ്രാം പഠിക്കാൻ 3 കോടി രൂപയുടെ പൂർണ്ണ ധനസഹായത്തോടെയുള്ള പിഎച്ച്ഡി സ്കോളർഷിപ്പ് നേടി. 2025 ൽ എംഎസ്സി അപ്ലൈഡ് കെമിസ്ട്രിയിൽ ഒന്നാം റാങ്കും ജോൺ നേടുകയുണ്ടായി.