Author: admin

ആലപ്പുഴ: കെ ആർ എൽ സി സി യുടെ നിർദ്ദേശാനുസരണം, “സമനീതിക്കും അവകാശ സംരക്ഷണത്തിനും” എന്ന മുദ്രാവാക്യമായെടുത്ത് ലത്തീൻ രൂപതകളിൽ നടത്തിവരുന്ന ജന ജാഗരണം ആലപ്പുഴ രൂപതയിൽ, ആലപ്പുഴ രൂപതാ ബിഷപ്പ് ജെയിംസ് റാഫേൽ ആനാപറമ്പിൽ ഉദ്ഘാടനം ചെയ്തു. രൂപതയിലെ എല്ലാ ഇടവകകളിലും നിന്നുള്ള പ്രതിനിധികൾ പങ്കെടുത്തു. ആലപ്പുഴ രൂപതയിലെ ആറ് ഫൊറോനകളിലെ എല്ലാ ഇടവകകളിലും നവംബർ, ഡിസംബർ മാസങ്ങളിലായി ജന ജാഗരം നടത്തപ്പെടും. നീതിയുടെയും സമ്പത്തിന്റെയും അധികാരത്തിന്റെയും തുല്യമായ വിതരണം നടത്ത പെടണമെന്നും, വികസനത്തിന്റെ പേരിൽ ജനങ്ങളിൽ രൂപപ്പെടുന്ന ആശങ്കൾ കൃത്യമായി പരിഹരിക്കപ്പെടണമെന്നും യോഗത്തിൽ അഭിപ്രായംഉണ്ടായി. മോൺ. പയസ് ആറാട്ടുകുളം, ശ്രീ പി. ആര്‍ കുഞ്ഞച്ചൻ, ശ്രീ ലിജോ ജേക്കബ് എന്നിവർ വിവിധ വിഷയങ്ങളെ ആസ്പദമാക്കി ക്ലാസുകളെടുത്തു. ആലപ്പുഴ രൂപത വികാരി ജനറൽ മോൺ. ജോയ് പുത്തൻവീട്ടിൽ അധ്യക്ഷത വഹിച്ചു . അരൂർ എംഎൽഎ ദലീമ ജോജോ, പുന്നപ്ര തെക്ക് പഞ്ചായത്ത് പ്രസിഡന്റ് സൈറസ് സോളമൻ, വിവിധ പഞ്ചായത്തിലെ ജനപ്രതിനിധികൾ,…

കൊച്ചി :വഖഫ് ബോർഡിന്റെ അന്യായമായ അവകാശവാദങ്ങൾ ജീവിതം വഴിമുട്ടിച്ച മുനമ്പം ജനതയ്ക്ക് ഐക്യദാർഢ്യം പ്രഖ്യാപിച്ചുകൊണ്ട് K C B C യുടെ അധ്യക്ഷനും മലങ്കര കത്തോലിക്ക സഭയുടെ തലവനുമായ കർദിനാൾ ബസേലിയോസ് മാർ ക്ലീമീസ് കാതോലിക്ക ബാവയും K C B C ജാഗ്രത കമ്മീഷൻ ചെയർമാനും മൂവാറ്റുപുഴ രൂപത അധ്യക്ഷനുമായ യൂഹാനോൻ മാർ തിയഡോഷ്യസും ആലപ്പുഴ രൂപത അധ്യക്ഷൻ അഭിവന്ദ്യ ജെയിംസ് ആനാപറമ്പിൽ പിതാവും കോട്ടപ്പുറം രൂപത അധ്യക്ഷൻ അഭിവന്ദ്യ അംബ്രോസ് പുത്തൻ വീട്ടിൽ പിതാവും നവംബർ ആറാം തീയതി രാവിലെ 11 മണിക്ക് മുനമ്പം സമരപ്പന്തൽ സന്ദർശിക്കുന്നു.  പരിമിതമാണെങ്കിലും ഉള്ള സൗകര്യങ്ങളിൽ സമാധാനത്തോടെ ജീവിച്ചിരുന്ന, മൽസ്യബന്ധനം മുഖ്യ തൊഴിലായിട്ടുള്ള ഇവിടുത്തെ മനുഷ്യർ പക്ഷേ ഇപ്പോൾ ഗുരുതരമായ പ്രതിസന്ധിയിലൂടെയാണ് കടന്ന് പോകുന്നത്. കേട്ടുകേൾവിയില്ലാത്ത മനുഷ്യാവകാശ ലംഘനങ്ങൾക്കും ജീവിക്കാനും സ്വത്തുകൾ നിയമാനുസൃതം ആർജിക്കാനുമുള്ള ഭരണഘടനാപരമായ അവകാശത്തിന്‍റെ ലംഘനങ്ങൾക്കുമെതിരെ തങ്ങളുടെ ഏക ഉപജീവന മാർഗമായ മൽസ്യ ബന്ധനവും മാറ്റിവെച്ച് സമരം ചെയ്യുകയാണ് ഈ…

പാലക്കാട്: കോൺഗ്രസ് നേതാക്കൾ താമസിക്കുന്ന ഹോട്ടലിലും മുറികളിലും അർദ്ധരാത്രി പൊലീസ് പരിശോധന. പാലക്കാട് കെപിഎം റീജൻസി എന്ന ഹോട്ടലിലായിരുന്നു പൊലീസ് പരിശോധന. വികെ ശ്രീകണ്ഠൻ, ജ്യോതികുമാർ ചാമക്കാല തുടങ്ങിയ നേതാക്കൾ ഹോട്ടലിൽ ഉണ്ടായിരുന്നപ്പോളാണ് മൂന്ന് നിലകളിലായി പൊലീസ് പരിശോധന നടത്തിയത്.തിരഞ്ഞെടുപ്പിന് കള്ളപ്പണം എത്തിച്ചെന്ന് ആരോപിച്ചായിരുന്നു റെയ്ഡ്. പൊലീസ് നടപടിക്കെതിരെ കടുത്ത പ്രതിഷേധമാണ് കോൺഗ്രസ് പ്രവർത്തകർ ഉയർത്തിയത്. ഒരുഘട്ടത്തിൽ ഹോട്ടലിൽ തടിച്ച് കൂടിയ പ്രവർത്തകർ തമ്മിൽ വാക്കേറ്റവും കയ്യാങ്കളിയും ഉണ്ടായിരുന്നു. പൊലീസ് ഇടപെട്ടാണ് കൂടുതൽ സംഘർഷങ്ങൾ ഒഴിവാക്കിയത്.പരിശോധനയിൽ പക്ഷെ ഒന്നും കണ്ടെത്താനായില്ല.

ബിഷപ്പുമാർ മുനമ്പം സമര പന്തൽ സന്ദർശിച്ചു മുനമ്പം: ഇടുക്കി മെത്രാൽ മാർ ജോൺ നെല്ലിക്കുന്നേൽ,മാനന്തവാടി സഹായ മെത്രാൻ മാർ അലക്സ്‌ താരമംഗലം , കോട്ടപ്പുറം മെത്രാൻ ഡോ.അംബ്രോസ് പുത്തൻവീട്ടിൽ എന്നിവർ മുനമ്പം സമര പന്തൽ സന്ദർശിച്ചു. മോൺ. ജോസ് കരുവേലിക്കൽ, മോൺ. ജോസ് പ്ലാചിക്കൽ, ജാഗ്രത സമിതി അംഗങ്ങൾ, ഇടുക്കി സെന്റ്. ജോർജ് കത്തീഡ്രൽ വികാരി ഫാ. ഫ്രാൻസിസ് എടവക്കാടൻ, ഫാ. മാത്യു ഫിലിപ്പ്, ഇടുക്കി എ. കെ. സി. സി. പ്രസിഡന്റ് കെ. സി. ജോർജ്, ബിനോയ്‌ മാടൻ, കേരള കൗൺസിൽ ഓഫ് ചർച്ചസ് ടീം ജനറൽ സെക്രട്ടറി അഡ്വ. പ്രകാശ്.പി. തോമസ്, വൈസ് പ്രസിഡന്റ് മേജർ ആശ ജസ്റ്റിൻ, ട്രഷറർ ഫാ.ടി. ജെയിംസ്, അഖില ഭാരതീയ കോലി സമാജം, കേരള ധീവര സംരക്ഷണ സമിതി,കോഴിക്കോട് രൂപത ചാൻസലർ സജീവ് വർഗീസ് , കത്തീഡ്രൽ വികാരി ഫാ. ജെറോം ചിങ്ങന്തറ ,മറ്റു വൈദികർ, സിസ്റ്റേഴ്സ്, അൽമായ സംഘടന ഭാരവാഹികൾ, പി.…

കൊച്ചി :മുനമ്പം ജനതയ്ക്ക് ഐക്യദാർഢ്യവുമായി കോഴിക്കോട് രൂപതയിൽ നിന്നും വൈദികരും സന്യസ്ഥരും, വിവിധ സംഘടന പ്രതിനിധികളും, യുവജനങ്ങളും എത്തി. വഖഫ് നിയമം മുനമ്പം ജനതയുടെ ജീവിക്കാനുള്ള അവകാശത്തിന്മേൽ പ്രതിരോധം തീർക്കുമ്പോൾ,ജനാധിപത്യപരമായ ഇടപെടലുകൾ പോലും നടത്താൻ കൂട്ടാക്കാത്ത സർക്കാർ നടപടികൾക്കെതിരെ പ്രതിഷേധമുയർത്തി. കോഴിക്കോട് രൂപതാ ചാൻസലർ, ഫാ ജെറോം ചിങ്ങം തറ , ഐക്യദാർഢ്യം പ്രഖ്യാപിക്കുകയും മുനമ്പം ജനതയുടെ കണ്ണീർ ഒപ്പാൻ അവരുടെ പോരാട്ടങ്ങൾ ക്കൊപ്പം അവരുടെ കൂടെ ഉണ്ടാവുമെന്നും സമരം ഉദ്ഘാടനം ചെയ്ത അദ്ദേഹം പറഞ്ഞു. കെ എൽ സി എ രൂപത പ്രസിഡന്റ് ബിനു എഡ്വേർഡ്, കെ ൽ സി എ സംസ്ഥാന വൈസ് പ്രസിഡന്റ് നൈജു അറക്കൽ സാമൂഹിക ക്ഷേമസമിതി ഡയറക്ടർ, ഫാ ആൽഫ്രഡ്‌ തുണ്ടത്തിൽ,ഫാ. ജിയോലിൻ, klcwa പ്രസിഡന്റ്‌ വിനു ഗിൽബർട്ട്,Dss അമല പ്രൊവിൻഷ്യൽ കൗൺസിലർ സിസ്റ്റർ. ഹരിത dss ഫാ സൈമൺ പീറ്റർ പാക്സ് കമ്മ്യൂണിക്കേഷൻ ,സിസ്റ്റർ. ഷിൻസി ലുക്കോസ് ചാരിറ്റി, സിസ്റ്റർ. പ്രിയ, സിസ്റ്റർ…

കൊച്ചി: കാക്കനാട് അത്താണി സെൻ്റ് ആൻറണീസ് ഇടവക മതബോധന വിഭാഗത്തിന്റെ നേതൃത്വത്തിൽ മരിയൻ പ്രത്യക്ഷീകരണ പ്രദർശനം നടത്തി.വിവിധ സ്ഥലങ്ങളിൽ പ്രത്യക്ഷപ്പെട്ട പരിശുദ്ധ മാതാവിൻ്റെ ചരിത്ര സംഭവങ്ങൾ കുട്ടികൾ പഠിച്ച് അവതരിപ്പിച്ചു. ജപമാല മാസം സമാപനത്തോടനുബന്ധിച്ചാണ് പരിപാടി സംഘടിപ്പിച്ചത്. അധ്യാപകരും മാതാപിതാക്കളും കുട്ടികളും ഒരുമിച്ചു ചേർന്ന് നടത്തിയ പ്രദർശനം കാണാൻ നിരവധി പേർ എത്തിച്ചേർന്നു.ഇടവക വികാരി ഫാ. റോബിൻസൺ പനക്കൽ, ഹെഡ്മിസ്ട്രസ് അനിത ആൻഡ്രു, സെക്രട്ടറി ബെനിറ്റ ജോസ്, പി.ടി.എ കൺവീനർ ജോർജ് ഷൈമോൻ എന്നിവർ നേതൃത്വം നൽകി.

കൊച്ചി: നഴ്‌സ്‌ പ്രാക്ടിഷണർ കോഴ്സിനെതിരെയുള്ള കേരള IMA യുടെ പ്രതികരണം തെറ്റിദ്ധരിപ്പിക്കുന്നതും വസ്തുതകൾ വേണ്ടത്ര പഠിക്കാതെയും ഉള്ളതായിപ്പോയി എന്ന് സംസ്ഥാന സമിതി വിലയിരുത്തി.  ഒന്നാമതായി മെഡിക്കൽ പ്രാക്ടിഷണർ എന്ന വാക്ക് പോലും ഇന്ത്യൻ നഴ്സിംഗ് കൗൺസിൽ എവിടെയും ഉപയോഗിച്ചിട്ടില്ലെന്നിരിക്കെ അത്തരം പ്രയോഗങ്ങൾ വഴി ഡോക്ടർമാരെ നഴ്സുമാർക്കെതിരെ തിരിച്ചു വിടാൻ വേണ്ടി സംഘടന മനഃപൂർവം ഉപയോഗിക്കുന്നതായാണ് മനസ്സിലാകുന്നത്. നേഴ്സ് പ്രാക്റ്റീഷണർ എന്ന ജോലി പുതിയതായി കൊണ്ടുവരപ്പെട്ട ഒന്നല്ല. ആരോഗ്യരംഗത്ത് മുൻനിരയിലുള്ള ബ്രിട്ടൻ, അമേരിക്ക, ന്യൂസിലാൻഡ്, കാനഡ തുടങ്ങിയ എല്ലാ വികസിത രാജ്യങ്ങളിലും 1975 മുതൽ തന്നെ നഴ്സ് പ്രാക്ടിഷണർ ജോലി വിജയകരമായി നടപ്പാക്കിയിട്ടുണ്ട്. ഇന്ത്യയിൽ ഇത് നടപ്പാക്കാൻ വൈകി എന്ന് മാത്രമേയുള്ളൂ. ആരോഗ്യ നിലവാരത്തിൽ ഇതേ രാജ്യങ്ങൾക്കൊപ്പം നിൽക്കുന്ന കേരളത്തിൽ ഇത്‌ നടപ്പാക്കിയാൽ അത് എങ്ങനെ അത് ആരോഗ്യ രംഗത്തെ പിറകോട്ടടിക്കുന്നതാവും എന്ന് IMA വിശദീകരിക്കണം. മേൽപ്പറഞ്ഞ രാജ്യങ്ങളിൽ ഒന്നും തന്നെ ഡോക്ടർമാരുടെ ജോലി സാധ്യതയെ ഇത്‌ ബാധിച്ചിട്ടില്ലെന്നിരിക്കെ കേരളത്തിൽ മാത്രം ഇത്‌…

വാഷിങ്ടണ്‍: പ്രസിഡന്റിനെ തെരഞ്ഞെടുക്കുന്നതിനായി അമേരിക്ക ഇന്ന് പോളിങ് ബൂത്തിലേയ്ക്ക്. ഇന്ത്യന്‍ സമയം വൈകിട്ട് നാലരയോടെ പോളിങ് ആരംഭിക്കും. ഡെമോക്രാറ്റിക് പാര്‍ട്ടി സ്ഥാനാര്‍ഥി കമല ഹാരിസും റിപ്പബ്ലിക്കന്‍ സ്ഥാനാര്‍ഥി ഡോണള്‍ഡ് ട്രംപുമാണ് പോരാട്ടത്തില്‍ അവസാന മണിക്കൂറുകളില്‍ ഇടവേളകളില്ലാതെ ഇരുവരും വോട്ടര്‍ഭ്യര്‍ഥിച്ചു. ഏഴ് സ്വിങ് സ്റ്റേറ്റുകളാണ് യുഎസ് ആര് ഭരിക്കുമെന്ന് തീരുമാനിക്കുന്നത്. മറ്റ് സ്റ്റേറ്റുകളെല്ലാം തന്നെ പാരമ്പര്യമായി രണ്ടിലൊരു പാര്‍ട്ടിയെ പിന്തുണക്കുന്നവരാണ്. എന്നാല്‍ സ്വിങ് സ്റ്റേറ്റുകളില്‍ ചാഞ്ചാട്ടമുണ്ടാകും. അരിസോണ, ജോര്‍ജിയ, മിഷിഗണ്‍, നെവാഡ, നോര്‍ത്ത് കരോലിന, പെന്‍സില്‍വാനിയ, വിസ്‌കോണ്‍സിന്‍ എന്നീ ഏഴ് സംസ്ഥാനങ്ങളാണ് സ്വിങ് സ്റ്റേറ്റുകള്‍. ഇവിടെയാണ് പോരാട്ടം. പെന്‍സില്‍വാനിയ കേന്ദ്രീകരിച്ചായിരുന്നു അവസാനവട്ട പ്രചരണങ്ങള്‍. അവിടെ മാത്രം അഞ്ചോളം റാലികളാണ് ഇരുവരും നടത്തിയത്.

എറണാകുളം: കേരള സ്‌കൂൾ കായിക മേളയ്ക്ക് മെട്രോ നഗരത്തിൽ വർണാഭമായ തുടക്കം. ഒളിമ്പിക്‌സ് മാതൃകയിലുള്ള കേരള സ്‌കൂൾ കായിക മേളയുടെ ഉദ്ഘാടനം എറണാകുളം മഹാരാജാസ് കോളജ് ഗ്രൗണ്ടിൽ വിദ്യാഭ്യാസമന്ത്രി വി ശിവൻകുട്ടി നിർവഹിച്ചു. സാംസ്‌കാരിക പരിപാടിയുടെ ഉദ്ഘാടനം മമ്മൂട്ടി നിർവഹിച്ചു. വിദ്യാഭ്യാസ മന്ത്രിയും കായികമേള ബ്രാൻഡ് അംബാസഡർ ഒളിമ്പ്യൻ പിആർ ശ്രീജേഷും ഭിന്ന ശേഷിക്കാരിയായ ശ്രീലക്ഷ്‌മിയും ചേർന്ന് ദീപശിഖ തെളിയിച്ചു. തുടർന്ന് ഉദ്ഘാടന സമ്മേളനത്തിന് ശേഷം നാലായിരത്തോളം കുട്ടികൾ അണിനിരന്ന സാംസ്‌കാരിക പരിപാടികൾ നടന്നു. പിടി ഡിസ്പ്ലേ, കലസ്തെനിക്‌സ്, എയ്റോബിക്‌സ്, സൂംബ, അത്തച്ചമയം, ക്വീൻ ഓഫ് അറേബ്യൻ സീ, തിരുവാതിര, പുലികളി, ചെണ്ടമേളം തുടങ്ങിയവയാണ് പ്രധാനമായും അരങ്ങേറിയത്.

പാലക്കാട്: നിയമസഭാ ഉപതെരഞ്ഞെടുപ്പ് തീയതി മാറ്റി വെച്ചു. നവംബർ 20 ലേക്കാണ് തെരഞ്ഞെടുപ്പ് മാറ്റിവെച്ചത്. കൽപ്പാത്തി രഥോത്സവം കണക്കിലെടുത്താണ് തീരുമാനം. വിവിധ രാഷ്‌ട്രീയ പാർട്ടികള്‍ ഇത് സംബന്ധിച്ച് ആവശ്യം ഉന്നയിച്ചിരുന്നു. വയനാട് ലോക്‌സഭാ ഉപതെരഞ്ഞെടുപ്പും ചേലക്കര നിയമസഭാ തെരഞ്ഞെടുപ്പും നടക്കുന്ന നവംബർ 13 നായിരുന്നു പാലക്കാടും തെരഞ്ഞെടുപ്പ് പ്രഖ്യാപിച്ചിരുന്നത്. എന്നാൽ ഇത് രഥോത്സവത്തിലെ പ്രധാന ദിവസമായതിനാൽ പിന്നീട് മാറ്റിവെക്കണമെന്ന ആവശ്യം ഉയരുകയായിരുന്നു. തീരുമാനത്തെ വിവിധ മുന്നണികള്‍ സ്വാഗതം ചെയ്‌തു. വോട്ടെടുപ്പ് തിയതി മാറ്റുന്നത് നേരത്തെ ആവാമായിരുന്നു എന്ന് എം ബി രാജേഷ് പ്രതികരിച്ചു.