Author: admin

വത്തിക്കാന്‍ സിറ്റി: ഇരുശ്വാസകോശങ്ങളിലും ന്യൂമോണിയ ബാധിച്ച് റോമിലെ അഗസ്തീനോ ജെമെല്ലി യൂണിവേഴ്‌സിറ്റി പോളിക്ലിനിക് ആശുപത്രിയില്‍ വിദഗ്ധ ചികിത്സയില്‍ കഴിയുന്ന ഫ്രാന്‍സിസ് പാപ്പായുടെ ആരോഗ്യനിലയില്‍ കഴിഞ്ഞ 24 മണിക്കൂറിനിടെ നേര്‍ത്ത പുരോഗതി കണ്ടതായി ബുധനാഴ്ച വൈകീട്ട് വത്തിക്കാന്‍ ബുള്ളറ്റിനില്‍ അറിയിച്ചു. ”ഏതാനും ദിവസം മുന്‍പ് വൃക്കയുടെ പ്രവര്‍ത്തനത്തില്‍ കാണപ്പെട്ട ചെറിയ തോതിലുള്ള ന്യൂനത ഭേദപ്പെട്ടിട്ടുണ്ട്. ചൊവ്വാഴ്ച രാത്രി എടുത്ത നെഞ്ചിന്റെ സിടി സ്‌കാനില്‍, ശ്വാസകോശവീക്കത്തില്‍ സ്വഭാവിക തോതിലുള്ള വ്യത്യാസം കാണുന്നുണ്ട്. ബുധനാഴ്ച നടത്തിയ രക്തപരിശോധനകള്‍ തലേന്നു കണ്ട പുരോഗതി സ്ഥിരീകരിക്കുന്നതാണ്.” ഉയര്‍ന്ന തോതിലുള്ള ഓക്‌സിജന്‍ തെറപ്പി തുടരുന്നുണ്ട്. കഴിഞ്ഞ ശനിയാഴ്ച അനുഭവപ്പെട്ടതുപോലുള്ള ദീര്‍ഘനേരം നീണ്ടുനില്‍ക്കുന്ന, ആസ്ത്മ പോലെ തീവ്രമായ ശ്വാസതടസം പിന്നീട് ഉണ്ടായിട്ടില്ല. ശ്വസനം മെച്ചപ്പെടുത്താനുള്ള ഫിസിയോതെറപ്പി തുടരുകയാണ്. പൊതുവെ നേര്‍ത്ത പുരോഗതി കാണുന്നുണ്ടെങ്കിലും രോഗത്തിന്റെ ദിശമാറ്റത്തെക്കുറിച്ച് ഇപ്പോള്‍ ഒന്നുംതന്നെ പറയാന്‍ കഴിയുന്ന അവസ്ഥയല്ലെന്ന് മെഡിക്കല്‍ റിപ്പോര്‍ട്ടില്‍ സൂചിപ്പിക്കുന്നു. ചൊവ്വാഴ്ച രാത്രി ശാന്തമായി ഉറങ്ങിയെഴുന്നേറ്റ പാപ്പാ രാവിലെ ചാരുകസേരയിലിരുന്ന് ചികിത്സാവിധികള്‍ തുടര്‍ന്നു. രാവിലെ…

തദ്ദേശ ഭരണകൂട തിരഞ്ഞെടുപ്പുകൾ മുന്നിൽകണ്ട് കാസർകോട് മുതൽ നെയ്യാറ്റിൻകര വരെ ജാഥ കൊച്ചി : ജസ്റ്റിസ് ജെ ബി കോശി കമ്മീഷൻ ശുപാർശകൾ സമയബന്ധിതമായി നടപ്പിലാക്കുന്ന കാര്യം സർക്കാരിൻറെ പരിഗണനയിലുണ്ടെന്ന് മന്ത്രി പി രാജീവ്. കേരള ലാറ്റിൻ കാത്തലിക് അസോസിയേഷൻ കൊച്ചി പിഒസിയിൽ സംഘടിപ്പിച്ച 53 മത് ജനറൽ കൗൺസിൽ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിലെ ക്രൈസ്തവരുടെ വിഷയങ്ങൾ പഠിച്ച് ജസ്റ്റിസ് ജെ.ബി കോശി കമ്മീഷൻ നിർദ്ദേശിച്ചിട്ടുള്ള ശുപാർശകൾ ഗുണഭോക്താക്കളുമായി ചർച്ചചെയ്ത് സമയബന്ധിതമായി നടപ്പിലാക്കണമെന്ന കേരള ലാറ്റിൻ കാത്തലിക് അസോസിയേഷൻ ജനറൽ കൗൺസിലിൽ ഉയർന്ന ആവശ്യത്തോട് പ്രതികരിക്കുക കൂടിയായിരുന്നു അദ്ദേഹം. ജെ ബി കോശി കമ്മീഷൻ ശുപാർശകളിൽ പലതും സമുദായം ദീർഘകാലമായി ആവശ്യപ്പെട്ട് വരുന്ന വിഷയങ്ങളാണ്. ഈ വിഷയങ്ങളുടെ പ്രചരണാർത്ഥം സാമുദായിക അവകാശങ്ങൾ സംരക്ഷിക്കണമെന്ന് ആവശ്യപ്പെട്ട് വരുന്ന തദ്ദേശ ഭരണകൂട തിരഞ്ഞെടുപ്പുകൾ മുന്നിൽകണ്ട് കാസർകോട് മുതൽ നെയ്യാറ്റിൻകര വരെ ജാഥ സംഘടിപ്പിക്കാൻ ജനറൽ കൗൺസിൽ തീരുമാനിച്ചു. മണൽ ഖനനം…

വെള്ളറട : നെയ്യാറ്റിൻകര ലത്തീൻ രൂപതയുടെ നേതൃത്വത്തിൽ പ്രവർത്തിക്കുന്ന സിൽവർ ജൂബിലി ലോ കോളേജിന്റെ പുതിയ മന്ദിരത്തിന് ശിലാസ്ഥാപന കർമ്മം നടന്നു. കാട്ടാക്കടയ്ക്ക് സമീപമുള്ള നക്രാം ചിറയിലാണ് പുതിയ മന്ദിരം പണിയുന്നത്. നെയ്യാറ്റിൻകര രൂപതാ മെത്രാൻ ഡോ. വിൻസെന്റ് സാമുവേൽ ശിലാസ്ഥാപന കർമ്മം നിർവഹിച്ചു. സെന്റ് എഡ് വേർഡ് പള്ളിയങ്കണത്തിൽ നടന്ന ചടങ്ങിൽ നെയ്യാറ്റിൻകര രൂപതാ വികാരി ജനറലും കോളേജ് ചെയർമാനുമായ മോൺ. ഡോ. വിൻസെറ്റ് കെ.പീറ്റർ ആമുഖ സന്ദേശം നൽകി. ബിഷപ് ഡോ. വിൻസെന്റ് സാമുവൽ, ബിഷപ് സെൽവരാജൻ, മോൺ. റൂഫസ് പയസ് ലീൻ, രൂപതാചാൻസിലർ റവ.ഡോ.ജോസ് റാഫേൽ, റവ.ഡോ. അലോഷ്യസ് സത്യനേശൻ, പ്രിൻസിപ്പാൾ ഡോ. റാണി ജോർജ്, ആൽഫ്രട്ട് വിൽസൺ എന്നിവർ പ്രസംഗിച്ചു. രൂപതയിലെ വൈദികരും, സന്യസ്തരും, ജനപ്രതിനിധികളും, നൂറ്കണക്കിന് വിശ്വാസികളും സംബന്ധിച്ചു. സിൽവർ ജൂബിലി ലോ കോളേജ് ഇപ്പോൾ ആര്യനാടിന് സമീപമുള്ള ക്രിസ്തു ജ്യോതി മരിയ ഗിരി ആനിമേഷൻ സെന്ററിലാണ് പ്രവർത്തിക്കുന്നത്. പുതിയ കോളേജിന് വിപുലമായ ആധുനിക…

നെയ്യാറ്റിൻകര : നിഡ്സ് 29 -ാം വാർഷിക സമാപന സമ്മേളനം ലോഗോസ് പാസ്റ്ററൽ സെൻ്ററിൽ സംഘടിപ്പിച്ചു. നിഡ്സ് പ്രസിഡൻ്റ് മോൺ. ജി. ക്രിസ്തുദാസ് അദ്ധ്യക്ഷത വഹിച്ച സമാപന സമ്മേളനം മൃഗസംരക്ഷണ ക്ഷീര വികസന വകുപ്പ് മന്ത്രി ചിഞ്ചുറാണി ഉത്ഘാടനം ചെയ്തു.നെയ്യാറ്റിൻകര രൂപതാബിഷപ്പ് ഡോ. വിൻസൻ്റ് സാമുവൽ,നെയ്യാറ്റിൻകര ലത്തീൻ രൂപത സഹ മെത്രാൻ ഡോ.സെൽവരാജൻ, നെയ്യാറ്റിൻകര നിയോജക മണ്ഡലം എം.എൽ.എ. ആൻസലൻ,കോവളം നിയോജക മണ്ഡലം എംഎൽഎ വിൻസൻ്റ് , രൂപത വികാരി ജനറൽ മോൺ. ഡോ. വിൻസൻ്റ് കെ. പീറ്റർ, നിഡ്സ് ഡയറക്ടർ ഫാ. രാഹുൽ ബി.ആൻ്റോ, ശുശ്രൂഷ കോ -ഓർഡിനേറ്റർ വി.പി. ജോസ്, കമ്മീഷൻ സെക്രട്ടറി ഫാ. ക്ലീറ്റസ്,ആരോഗ്യ തിരുവനന്തപുരം ജില്ല പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സലൂജ, KSBCDC നെയ്യാറ്റിൻകര മാനേജർ അനില, നിഡ്സ് മേഖല കോ-ഓർഡിനേറ്റർ ഫാ. അജു അലക്സ്,ഫെഡറൽ ബാങ്ക് നെയ്യാറ്റിൻകര ബ്രാഞ്ച് ചീഫ് മാനേജർ സ്മിത രാജൻ,നെയ്യാറ്റിൻകര രൂപതാ പാസ്റ്ററൽ കൗൺസിൽ സെക്രട്ടറി…

പാലക്കാട്: പാലക്കാട് സുൽത്താൻപേട്ട് രൂപത 2025 ജൂബിലി വർഷത്തോടനുബന്ധിച്ചു വിവാഹത്തിന്റെ സുവർണ്ണ, രജത ജൂബിലി ആഘോഷിക്കുന്ന ദമ്പതികളുടെയും, മുന്നോ അതിൽ കൂടുതലോ മക്കളുള്ള ദമ്പതികളുടെയും സംഗമം, പാലക്കാട് സെന്റ്. സെബാസ്റ്റ്യൻ കത്തീഡ്രൽ ദേവാലയത്തിൽ സംഘടിപ്പിച്ചു. രൂപതാ മെത്രാൻ പീറ്റർ അബിർ അന്തോണിസാമി ദമ്പതികളെ ആദരിച്ചു. വികാർ ജനറൽ മോൻസിഞ്ഞോർ മരിയ ജോസഫ്, രൂപത പ്രോക്യൂറേറ്റർ ഫാ. ആന്റണി സേവ്യർ പയസ്, മിനിസ്ട്രി കോർഡിനേറ്റർ ഫാ. ബെൻസിഗർ സിൽവദാസൻ എന്നിവർ നേതൃത്വം നൽകി. വിവിധ ഇടവകളിൽ നിന്നായി വൈദികരും, സന്യസ്തരും, അൽമായരും പങ്കെടുത്തു.

കണ്ണൂർ :കണ്ണൂർ രൂപതയുടെ സാമൂഹിക വിഭാഗമായ കയ്റോസിന്റെ നേതൃത്വത്തിൽ കെ എൽ എം രൂപത സംഗമം നടത്തി. കണ്ണൂർ ഫൊറോന വികാരി ഫാ.ജോയ് പയ്നാടത്തിന്റെ അദ്ധ്യക്ഷതയിൽ ചേർന്ന യോഗം കണ്ണൂർ രൂപത അദ്ധ്യക്ഷൻ ബിഷപ്പ് അലക്സ് വടക്കുംതല ഉദ്ഘാടനം നിർവ്വഹിച്ചു. കെ എൽ എമ്മും അസംഘടിത തൊഴിലാളികളും എന്ന വിഷയത്തെക്കുറിച്ച് കെ എൽ എം സംസ്ഥാന പ്രസിഡന്റ്‌ ജോസ് മാത്യു ഊക്കൻ ക്ലാസ്സ്‌ നയിച്ചു. കെ എൽ എം സംസ്ഥാന പ്രസിഡന്റ്‌ ആയി തിരഞ്ഞെടുക്കപ്പെട്ട ജോസ് മാത്യു ഊക്കനെ ഇരിട്ടി ഫൊറോനാ വികാരി ഫാ. ബിനു ക്ലീറ്റസ് പൊന്നാട അണിയിച്ചു . കണ്ണൂർ രൂപതയുടെ പുതിയ സംരംഭങ്ങളായ ലേബർ കോൺട്രാക്ട് സൊസൈറ്റി, ഫാം സ്പാർക്ക്, ജോബ് പോർട്ടൽ എന്നിവയെക്കുറിച്ച് കയ്റോസ് ഡയറക്ടർ ഫാ ജോർജ്ജ് മാത്യു വിശദീകരിച്ചു .ഫൊറോനാ തലത്തിൽ ഫൊറോന വികാരിമാരുടെ നേതൃത്വത്തിൽ ഓരോ ഇടവകകളിലെയും സാമൂഹ്യ പ്രവർത്തനങ്ങൾ ശക്തിപ്പെടുത്തുന്നതിനായി സാമൂഹ്യ ശുശ്രൂഷ സമിതി കോർഡിനേറ്റർ മാരും വിവിധ വകുപ്പുകളിൽ…

കൊച്ചി : കെ.സി. വൈ.എം.  ലാറ്റിൻ സംസ്ഥാന സമിതിയുടെ കൗൺസിലിംഗ്  പ്രോഗ്രാമായ ഇടത്തിന്റെ   ഉദ്ഘാടനം വരാപ്പുഴ ബിഷപ്  ഹൗസിൽ വച്ച് ആർച്ച് ബിഷപ്പ് ഡോ. ജോസഫ് കളത്തിപ്പറമ്പിൽ  നിർവഹിച്ചു. കെ.സി.വൈ.എം. ലാറ്റിൻ സംസ്ഥാന ജനറൽ സെക്രട്ടറി  അനു ദാസ് സി. എൽ, ആനിമേറ്റർ സിസ്റ്റര്‍ മെൽന ഡിക്കോത്ത, പ്രസിഡന്റ്  കാസി പൂപ്പന,  ഡയറക്ടർ ഫാ. ഡോ. ജിജു ജോർജ് അറക്കത്തറ,   കെ.സി.വൈ.എം. വരാപ്പുഴ രൂപത പ്രസിഡന്റ് രാജീവ്‌ പാട്രിക് എന്നിവർ സംബന്ധിച്ചു. യുവാക്കളുടെ ജീവിതം വലിയ മാറ്റങ്ങളും വെല്ലുവിളികളും നിറഞ്ഞതാണ്. സാങ്കേതിക മുന്നേറ്റങ്ങൾ, വിദ്യാഭ്യാസ സമ്മർദ്ദങ്ങൾ, തൊഴിൽ പ്രതിസന്ധി, മാനസികാരോഗ്യ പ്രശ്നങ്ങൾ, ബന്ധങ്ങൾ, സ്വപ്നങ്ങൾ എല്ലാം ഒരേ സമയം കൈകാര്യം ചെയ്യേണ്ടി വരുന്ന അവസ്ഥയിൽ അവർ കൂടുതൽ മാനസിക സമ്മർദ്ദങ്ങൾ നേരിടുന്നുണ്ട്. യുവതലമുറയ്ക്ക് മുന്നോട്ട് പോകാൻ പ്രചോദനവും, ആത്മവിശ്വാസവും നൽകുന്നൊരിടം ആവശ്യമാണ്. മികച്ച മാർഗ്ഗനിർദേശവും, പിന്തുണയും ലഭിച്ചാൽ, അവരവരുടെ ജീവിത പ്രശ്നങ്ങളെ നേരിടാനും വിജയം നേടാനും സ്വപ്നങ്ങൾ സാക്ഷാത്കരിക്കാനും സാധിക്കും.…

വരാപ്പുഴ: അതിരൂപതയുടെ മുൻ സഹായ മെത്രാനായിരുന്ന ഡോ: ആൻ്റണി തണ്ണിക്കോട്ടിൻ്റെ 41 – മത് ചരമവാർഷികാനുസ്മരണം നടത്തി. ആലുവ ബഥേനി സിറോ മലങ്കര ആശ്രമത്തിലെ ഫാ:ബോസ്കോ ഫിലിപ്പ് അനുസ്മരണം ഉദ്ഘാടനം ചെയ്തു. ബിഷപ്പ് ഡോ. ആൻ്റണി തണ്ണിക്കോട്ട് ഭക്തനും പണ്ഡിതനും തീഷ്ണമതിയുമായ ഒരു പിതാവായിരുന്നുവെന്നും അദ്ദേഹത്തിൻ്റെ പ്രവർത്തനങ്ങൾ കത്തോലിക്ക സഭയ്ക്കാം ഏറെ മാർഗ്ഗദീപമായിരുന്നുവെന്നും അനുസ്മരണം ഉദ്ഘാടനം ചെയ്ത ഫാ. ബോസ്ക്കോ പറഞ്ഞു.ട്രസ്റ്റ് പ്രസിഡണ്ട് ആൻ്റണി തണ്ണിക്കോട്ട് അധ്യക്ഷത വഹിച്ചു. സെക്രട്ടറി കൂഞ്ഞു കുഞ്ഞു ആൻ്റണി, റോയി തണ്ണിക്കോട്ട്, ടി.ഐ. ജോസഫ് തണ്ണിക്കോട്ട് , തോബിയാസ് ജോസഫ്, വർഗ്ഗീസ് തോമസ്, ആൻ്റണി ജോസഫ്, എന്നിവർ പ്രസംഗിച്ചു. ജറോം എം ജിബി തണ്ണിക്കോട്ട് പിതാവിൻ്റെ മദ്ധ്യസ്ഥ സഹായ പ്രാർത്ഥന ചൊല്ലി കൊടുത്തു. ഹന്നമരിയ ജിനിൽ പ്രാർത്ഥന ഗാനങ്ങൾ ആലാപിച്ചു. തണ്ണിക്കോട്ട് ഫാമിലി ട്രസ്റ്റ് ആണ് അനുസ്മരണം സംഘടിപ്പിച്ചത്. 1984 ഫെബ്രുവരി 24-ന് വരാപ്പുഴ അതിരുപതയുടെ സഹായ മെത്രാൻ ആയിരിക്കുമ്പോഴാണ് ബിഷപ്പ് ഡോ. ആൻ്റണി തണ്ണിക്കോട്ട്…

കൊച്ചി : കൊല്ലം തീരത്ത് അറബിക്കടലിൻ്റെ അടിത്തട്ടിൽ മണൽ ഖനനം ചെയ്യുവാനുള്ള കേന്ദ്രസർക്കാരിൻ്റെ നടപടികൾ ഉപേക്ഷിക്കണമെന്ന് കെ.എൽ.സി.എ കൊച്ചി രൂപത ആവശ്യപ്പെട്ടു. തീരക്കടലിലെയും ആഴക്കടലിലെയും മണൽ ഖനനം സമുദ്ര ആവാസ വ്യവസ്ഥയെയും, തീരദേശ പരിസ്ഥിതിയെയും, മത്സ്യ ലഭ്യതയെയും, തീരദേശ ജനതയുടെ ഉപജീവനത്തെയും ഗുരുതരമായി ബാധിക്കുമെന്നതിനാൽ മണൽ ഖനനവുമായി ബന്ധപ്പെട്ട തുടർ നടപടികൾ കേന്ദ്രസർക്കാർ ഉപേക്ഷിക്കണമെന്ന് കെ.എൽ. സി എ രൂപതാ എക്സിക്യൂട്ടീവ് യോഗം ആവശ്യപ്പെട്ടു. ഇതോടനുബന്ധിച്ച് ഫെബ്രുവരി 27 – ന് നടത്തപ്പെടുന്ന തീരദേശ ഹർത്താലിന് കെ.എൽ.സി.എ. കൊച്ചി രൂപത പിന്തുണ പ്രഖ്യാപിക്കുകയും ചെയ്തു.രൂപതാ പ്രസിഡൻ്റ് പൈലി ആലുങ്കലിൻ്റെ അദ്ധ്യക്ഷതയിൽ ചേർന്ന യോഗം ഫാ. ആൻ്റണി കുഴിവേലിൽ ഉത്ഘാടനം ചെയ്തു. ബാബു കാളിപ്പറമ്പിൽ, ജോബ് പുളിക്കിൽ, സാബു കാനക്കാപ്പള്ളി, സിന്ധു ജസ്റ്റസ്, സെബാസ്റ്റിൻ കെ. ജെ., ഹെൻസൺ പോത്തം പള്ളി, അലക്സാണ്ടർ ഷാജു, ജെസി കണ്ടനാം പറമ്പിൽ എന്നിവർ പ്രസംഗിച്ചു

കൊച്ചി : കേരള ലാറ്റിൻ കാത്തലിക്ക് അസോസിയേഷൻ 53 മത് ജനറൽ കൗൺസിലിന് എറണാകുളത്ത് പാലാരിവട്ടം പിഒസിയിൽ തുടക്കമായി സംസ്ഥാന പ്രസിഡന്റ്‌ അഡ്വ ഷെറി ജെ തോമസ് പതാക ഉയർത്തി . കേരളത്തിലെ 12 ലത്തീൻ രൂപതകളിൽ നിന്ന് തെരഞ്ഞെടുക്കപ്പെട്ട ഇരുപതു പ്രതിനിധികൾ വീതമാണ് ജനറൽ കൗൺസിലിൽ പങ്കെടുക്കുന്നത് . അഡ്വ ഷെറി ജെ തോമസ് അധ്യക്ഷത വഹിച്ചു . വ്യവസായ വകുപ്പ് മന്ത്രി പി രാജീവ്‌ സമ്മേളനം ഉത്ഘാടനം ചെയ്തു. വരാപ്പുഴ അതിരൂപത സഹായ മെത്രാൻ ഡോ ആന്റണി വാലുങ്കൽ അനുഗ്രഹ പ്രഭാഷണം നടത്തി . കെസിബിസി ഡെപ്യൂട്ടി സെക്രട്ടറി ജനറൽ ഡോ തോമസ് തറയിൽ , KRLCC ജനറൽ സെക്രട്ടറി ഡോ ജിജു അറക്കത്തറ , ലത്തീൻ സഭയുടെ വ്യക്താവ് ജോസഫ് ജൂഡ് എന്നിവർ ആശംസകൾ അർപ്പിച്ചു. സംസ്ഥാന ജനറൽ കൗൺസിലിൽ സംസ്ഥാന ജനറൽ സെക്രട്ടറി ബിജു ജോസി കരുമാഞ്ചേരി 2024 – 25 വർഷത്തെ പ്രവർത്തന റിപ്പോർട്ട്‌…