Author: admin

ഷാജി ജോര്‍ജ് കേരള സംസ്ഥാന സര്‍വവിജ്ഞാനകോശം ഇന്‍സ്റ്റിറ്റ്യൂട്ടും തുഞ്ചത്തെഴുത്തച്ഛന്‍ മലയാള സര്‍വകലാശാലയും ചേര്‍ന്ന് ലഘു വിജ്ഞാന കോശങ്ങള്‍ പ്രസിദ്ധീകരിക്കുക എന്നൊരു പദ്ധതി ആവിഷ്‌ക്കരിച്ചിട്ടുണ്ട്. ആ പദ്ധതി പ്രകാരം പ്രസിദ്ധീകരിച്ചിട്ടുള്ള ‘സമൂഹശാസ്ത്രചിന്തകര്‍’ മനോഹരമായ ഒരു ഗ്രന്ഥമാണ്. പ്രാദേശികഭാഷകള്‍ വിജ്ഞാനഭാഷകളായി മാറുമ്പോള്‍ മാത്രമേ അറിവിന്റെ രൂപീകരണവും വിതരണവും ആഴപ്പെടുകയുള്ളൂ. മാതൃഭാഷയിലൂടെ ഒരു വിജ്ഞാനസമൂഹത്തെ നിര്‍മ്മിക്കുക എന്ന ലക്ഷ്യത്തോടെയാണ് സര്‍വവിജ്ഞാനകോശം ഇന്‍സ്റ്റിറ്റ്യൂട്ട്, ഭാഷാ ഇന്‍സ്റ്റിറ്റ്യൂട്ട് തുടങ്ങിയ ഗവേഷണസ്ഥാപനങ്ങള്‍ കേരളത്തില്‍ ആരംഭിക്കുന്നത്. 2012-ല്‍ സ്ഥാപിതമായ തുഞ്ചത്തെഴുത്തച്ഛന്‍ മലയാളസര്‍വകലാശാലയും മാതൃഭാഷയിലൂടെയുള്ള അറിവുല്‍പാദനത്തിനും പ്രചാരണത്തിനും നേതൃത്വം നല്‍കുന്ന കേരളത്തിലെ മുന്‍നിരസ്ഥാപനങ്ങളില്‍ ഒന്നാണ്. മലയാളത്തില്‍ എല്ലാ മേഖലയിലുമുള്ള വിജ്ഞാനം ഉല്‍പാദിപ്പിക്കുകയും മറ്റ് ഭാഷകളില്‍ ലഭ്യമായ വിജ്ഞാനത്തെ മലയാളത്തില്‍ ആവിഷ്‌കരിക്കുകയും ചെയ്യുമ്പോള്‍ മാത്രമേ മേല്പറഞ്ഞ സ്ഥാപനങ്ങള്‍ അവയുടെ ലക്ഷ്യം സാക്ഷാല്‍ക്കരിക്കുകയുള്ളൂ. അതുകൊണ്ടുതന്നെ ഈ ലഘു വിജ്ഞാനകോശത്തിന്റെ പിന്നില്‍ പ്രവര്‍ത്തിച്ചവര്‍ അഭിനന്ദനം അര്‍ഹിക്കുന്നു.ഈ ഗ്രന്ഥത്തില്‍ ഉള്‍പ്പെടുത്തിയിട്ടുള്ള സമൂഹശാസ്ത്രചിന്തകരെ ചില മാനദണ്ഡങ്ങളെ അടിസ്ഥാനമാക്കി വളരെ ശ്രദ്ധാപൂര്‍വമാണ് തിരഞ്ഞെടുത്തിരിക്കുന്നതെന്ന് എഡിറ്ററായി പ്രവര്‍ത്തിച്ച മലയാളം സര്‍വകലാശാലയിലെ സോഷ്യോളജി സ്‌കൂള്‍…

സിബി ജോയ് ഇന്ത്യയുടെ കിഴക്കന്‍ തീരത്തെ ഒഡീഷ ക്രൈസ്തവ രക്തസാക്ഷിത്വത്തിന്റെയും മതദ്വേഷ രാഷ് ട്രീയവ്യവഹാരങ്ങളുടെയും മനുഷ്യാവകാശധ്വംസനങ്ങളുടെയും അനുഭവസാക്ഷ്യങ്ങള്‍ കൊണ്ട് ഉള്ളുലയ്ക്കാറുണ്ട്. സംസ്ഥാനത്തെ ഏറ്റം നിസ്വരായ ഗോത്രവര്‍ഗക്കാര്‍ക്കിടയിലും പട്ടിണിപ്പാവങ്ങള്‍ക്കിടയിലും സ്നേഹശുശ്രൂഷ ചെയ്യുന്ന ക്രൈസ്തവ മിഷനറിമാരെ – കന്യാസ്ത്രീകളെയും വൈദികരെയും മറ്റ് അര്‍പ്പിതരെയും അല്മാരെയും – ഒറ്റപ്പെട്ട ഗ്രാമീണമേഖലയില്‍ നിന്നും മറ്റും തുരത്തിയോടിക്കുവാന്‍ ആസൂത്രിതമായ ശ്രമങ്ങള്‍ നടക്കാറുണ്ട്. ഒഡീഷയിലെ മഹാനദിക്കരയിലെ സംബല്‍പുരിലെ കുച്ചിണ്ഡാ ചര്‍ബാട്ടിയിലെ കാര്‍മല്‍ നികേതനില്‍ ഇക്കഴിഞ്ഞ മേയ് 23ന് പുലര്‍ച്ചെ, മലയാളികളായ രണ്ടു നിഷ്പാദുക കര്‍മലീത്താ പ്രേഷിത വൈദികര്‍ക്കുനേരെയുണ്ടായ അതിക്രൂരമായ അതിക്രമം, സംഘടിത കൊള്ളയും കവര്‍ച്ചയുമായി ഭാരതീയ ന്യായസംഹിത വ്യവസ്ഥകള്‍ പ്രകാരം നിര്‍വചിക്കപ്പെടുമായിരിക്കാം. ഏതാനും വര്‍ഷമായി, അവധിക്കാലത്ത് ക്രൈസ്തവ സ്ഥാപനങ്ങളില്‍ ഒറ്റപ്പെട്ടു പോകുന്ന മിഷനറിമാര്‍ക്കുനേരെയുള്ള ആക്രമണങ്ങള്‍ വര്‍ധിച്ചുവരുന്നത് പ്രേഷിതപ്രവര്‍ത്തകര്‍ക്കിടയില്‍ ഭീതിപരത്താനുള്ള വിശാല പദ്ധതിയുടെ ഭാഗമാണെന്നാണ് സംബല്‍പുരിലെ ബിഷപ് നിരഞ്ജന്‍ സുവാല്‍ സിങ് പറയുന്നത്. മഞ്ഞുമ്മല്‍ വിശുദ്ധ പത്താം പീയൂസിന്റെ നിഷ്പാദുക കര്‍മലീത്താ പ്രോവിന്‍സിന്റെ കീഴിലുള്ള ഒഡീഷ റീജനല്‍ വികാരിയത്ത് മിഷനില്‍ തദ്ദേശീയരായ…

കാനഡ തന്നെ ആണ് ഓസ്‌ട്രേലിയയെയും സൗത്ത്‌ ആഫ്രിക്കയയെയും ബ്രസീലിലെയും രാഷ്ട്രീയ നേതൃത്വങ്ങളെ G7 മീറ്റിംഗിലേക്കു ക്ഷണിച്ചത് എന്നാണു മാധ്യമ കേന്ദ്രങ്ങളിൽ നിന്നുള്ള അറിവ്.

പ്രഫ. ഷാജി ജോസഫ് കാബൂളില്‍ ജനിച്ച് അമേരിക്കയിലേക്ക് കുടിയേറിപ്പാര്‍ത്ത അഫ്ഗാനിസ്ഥാന്‍ സാഹിത്യകാരനായ ഖാലിദ് ഹുസൈനിയുടെ ‘ദി കൈറ്റ് റണ്ണര്‍’ എന്ന നോവലിന്റെ ചലച്ചിത്രാവിഷ്‌കാരണ് ഈ സിനിമ. സൗഹൃദത്തിന്റെയും വിശ്വാസവഞ്ചനയുടെയും കുറ്റബോധത്തിന്റെയും മോചനത്തിന്റെയും ശക്തമായ ചിത്രീകരണം. നാല്‍പ്പതിലധികം ഭാഷകളിലേക്ക് മൊഴിമാറ്റം നടത്തിയ നോവലിന്റെ ലക്ഷക്കണക്കിന് കോപ്പികള്‍ ഇതിനകം വിറ്റഴിഞ്ഞു. മാര്‍ക്ക് ഫോര്‍സ്റ്റര്‍ സംവിധാനം ചെയ്ത് ഡേവിഡ് ബെനിയോഫ് തിരക്കഥയെഴുതിയ ഈ ചിത്രം, നോവലിന്റെ വൈകാരികതയും സാംസ്‌കാരിക പരിസരങ്ങളും വിശ്വസ്തതയോടെ പകര്‍ത്തുന്നു, മാറിക്കൊണ്ടിരിക്കുന്നഅഫ്ഗാനിസ്ഥാന്റെ ആഭ്യന്തരയുദ്ധത്തിന്റെ പശ്ചാത്തലത്തില്‍ കഥയ്ക്ക് ജീവന്‍ നല്‍കുന്നു. അഫ്ഘാനിസ്ഥാനിലെ രാഷ്ട്രീയ മത ഘടനയുടെ അവസ്ഥയും ഇപ്പോഴത്തെ സമകാലീനസംഭവങ്ങളുടെ യഥാര്‍ത്ഥ രൂപം വരച്ചുകാട്ടുന്ന സിനിമ ആഖ്യാനത്തിലും അവതരണത്തിലുമുള്ള പ്രത്യേകതള്‍കൊണ്ട് കാണികളുടെ ശ്രദ്ധയാകര്‍ഷിച്ചു.2000-ല്‍ അമേരിക്കയിലെ സാന്‍ ഫ്രാന്‍സിസ്‌കോയില്‍, അഫ്ഗാന്‍-അമേരിക്കന്‍ എഴുത്തുകാരനായ അമീര്‍ ഖാദിരിയും ഭാര്യ സൊറയയും കുട്ടികള്‍ പട്ടം പറത്തുന്നത് കാണുന്ന രംഗത്തോടെയാണ് സിനിമ ആരംഭിക്കുന്നത്. അമീറിന് പാകിസ്ഥാനിലെ പെഷവാറിലുള്ള റഹീം ഖാനില്‍ നിന്ന് ഒരു കോള്‍ ലഭിക്കുന്നു. പിതാവിന്റെ പഴയ സുഹൃത്തും ബിസിനസ്പങ്കാളിയുമായിരുന്നു…

വിഷാദഛായയുള്ള ഈ പ്രണയഗാനത്തെ മലയാളികള്‍ അക്ഷരാര്‍ത്ഥത്തില്‍ നെഞ്ചിനുള്ളില്‍ സ്വീകരിക്കുകയായിരുന്നു. ദേവരാജന്‍ മാസ്റ്റര്‍ അടക്കമുള്ള സംഗീതസംവിധായകര്‍ അടക്കിഭരിച്ചിരുന്ന വേദിയിലാണ് നവാഗത സംഗീതസംവിധായകനായ ജോബ് മാസ്റ്റര്‍ ഒറ്റ ഗാനം കൊണ്ട് പ്രതിഷ്ഠ നേടിയത്. ‘അല്ലിയാമ്പല്‍ക്കടവിലന്നരയ്ക്കു വെള്ളംഅന്നു നമ്മളൊന്നായ് തുഴഞ്ഞില്ലേ കൊതുമ്പുവള്ളംനമ്മുടെ നെഞ്ചിലാകെ അനുരാഗകരിക്കിന്‍വെള്ളം 1965 ജൂണ്‍ നാലിനാണ് നമ്മുടെ സിനിമാശാലകളില്‍ അല്ലിയാമ്പല്‍ വിരിഞ്ഞത്. ഇന്നും മലയാളികളുടെ പ്രണയഗീതികളില്‍ പച്ചപ്പ് നിറച്ചു വിരിഞ്ഞു നില്‍ക്കുകയാണ് ‘അല്ലിയാമ്പല്‍ക്കടവിലന്നരയ്ക്കു വെള്ളം’ എന്ന ഗാനം. മലയാള സിനിമയില്‍ ഇന്നേവരെ കേട്ടിട്ടുള്ളതില്‍ വച്ച് ഏറ്റവും മികച്ചതും ജനപ്രീതിയുള്ളതുമായ പത്തു ഗാനങ്ങള്‍ ആകാശവാണി തെരഞ്ഞെടുത്തപ്പോള്‍ ആദ്യസ്ഥാനങ്ങളില്‍ എത്തിയ ഒരു ഗാനം ഇതായിരുന്നു. പി.എന്‍ മേനോന്‍ എന്ന സംവിധായകന്റെ ആദ്യ സിനിമയായിരുന്നു ‘റോസി’. സ്റ്റുഡിയോകളില്‍ നിന്നും പുറത്തേക്കു സിനിമാ ചിത്രീകരണം മാറുന്ന കാലം. പൂര്‍ണമായി ഔട്ഡോര്‍ ഷൂട്ടിങ് നടന്ന സിനിമ എന്ന ചരിത്രം ‘റോസി’ക്കു സ്വന്തം. എ.കെ.മണിയുടെ കഥയും പി.ജെ.ആന്റണിയുടെ തിരക്കഥയും. പി.ജെ.ആന്റണിയും കവിയൂര്‍ പൊന്നമ്മയുമായിരുന്നു പ്രധാന കഥാപാത്രങ്ങള്‍.പി.ഭാസ്‌കരന്‍ എഴുതിയ ഗാനങ്ങള്‍ക്കു സംഗീതം നല്‍കാന്‍…

ഫാ.സേവ്യര്‍ കുടിയാംശ്ശേരി കാലവര്‍ഷം നേരത്തെ എത്തിയതും കടല്‍ ക്ഷോഭവും കാറ്റും കോളുമൊക്കെ ഉണ്ടായതും പരമ്പരാഗത മത്സ്യത്തൊഴിലാളികളെ വല്ലാതെ ദുരിതത്തിലാക്കിയിരിക്കുകയാണ്. അതിന്റെ കൂടെയാണ് രാസവസ്തുക്കള്‍ അടങ്ങിയ കണ്ടെയ്‌നറുകള്‍ കയറ്റിയ കപ്പല്‍ കേരളതീരത്തിനോടടുത്ത് മുങ്ങിയത്. കടലിനെ മാത്രം ആശ്രയിച്ചു ജീവിക്കുന്ന പരമ്പരാഗത മത്സ്യത്തൊഴിലാളികള്‍ കൊടുംപട്ടിണിയിലായിരിക്കുകയാണ്. കേരള തീരത്തുണ്ടായ കപ്പലപകടം കടലില്‍ വന്‍ ദുരന്തമാണുണ്ടാക്കിയിരിക്കുന്നത്. അതു കുറേക്കാലം നീണ്ടു നില്‍ക്കുന്ന പ്രത്യാഘാതങ്ങളും സൃഷ്ടിക്കും. അനാഥമായ ഒരു സംഭവമല്ല. തീരപ്രദേശത്തിനും പ്രത്യേകമായും കേരളസംസ്ഥാനത്തിനൊട്ടാകെയും പ്രതിസന്ധിയുളവാക്കുന്നതാണ്. ഒന്നാമതായി കപ്പല്‍ കമ്പനി ഉത്തരവാദിത്വം ഏറ്റെടുക്കണം. സംസ്ഥാന സര്‍ക്കാര്‍ നോക്കുകുത്തി പോലാവരുത്. വിഴിഞ്ഞം തുറമുഖത്തിന് ഒരു ഉത്തരവാദിത്വവുമില്ലേ. ഹരിത ട്രിബ്യൂണലും ഇതില്‍ ഇടപെേടണ്ടതല്ലേ. ദേശീയ, അന്തര്‍ദ്ദേശിയ സമൂഹങ്ങള്‍ക്കും ഇതില്‍ ഉത്തരവാദിത്വമുണ്ട്.വേണ്ടിവന്നാല്‍ അന്താരാഷ്ട്ര കോടതികളേയും സമീപിക്കണം. അത്ര ഗൗരവമുള്ള ഒരു കാര്യമാണിത്. ഇതിനോടുള്ള പ്രതികരണമായി സംസ്ഥാന സര്‍ക്കാര്‍ നാലു ജില്ലകളിലെ മത്സ്യത്തൊഴിലാളി കുടുംബങ്ങള്‍ക്ക് 1000 രൂപയും 6 കിലോ അരിയും നല്‍കാന്‍ തീരുമാനിച്ചു. ഇത് ഒരു ദിവസത്തേക്കുള്ള സഹായം മാത്രമാണ്. ഇപ്പോള്‍ത്തന്നെ എല്ലാവരും…

ജെക്കോബി മുനമ്പത്തെ ഭൂമി കേരള വഖഫ് ബോര്‍ഡിന്റെ ആസ്തിപ്പട്ടിക രജിസ്റ്ററില്‍ ഉള്‍പ്പെടുത്തുന്നതിന് ഇടവരുത്തിയ അച്യുതാനന്ദന്‍ സര്‍ക്കാരിന്റെ കാലത്തെ ഉത്തരവുകള്‍ പുനഃപരിശോധിക്കുകയും, മുനമ്പത്തേത് വഖഫ് ഭൂമിയാണോ അതോ ക്രയവിക്രയ അവകാശത്തോടെ ഫാറൂഖ് കോളജിന് ഇഷ്ടദാനമായി കിട്ടിയ ഭൂമിയാണോ എന്ന അടിസ്ഥാന പ്രശ്നത്തില്‍ അന്തിമ തീര്‍പ്പുകല്പിക്കേണ്ട കോഴിക്കോട്ടെ വഖഫ് ട്രൈബ്യൂണലില്‍ നിര്‍ണായകമായ നിലപാട് സ്വീകരിക്കുകയും, ഹൈക്കോടതിയില്‍ ഇതിന് ആവശ്യമായ നിയമനടപടികള്‍ കൈക്കൊള്ളുകയും ചെയ്ത് മുനമ്പത്തെ പാവപ്പെട്ട ജനതയ്ക്ക് എത്രയും വേഗം നീതി ലഭ്യമാക്കണം. മുനമ്പം കടപ്പുറത്തെ തങ്ങളുടെ ഭൂസ്വത്തുക്കളുടെ മേലുള്ള റവന്യൂ അവകാശങ്ങള്‍ ‘നിഷേധിക്കപ്പെട്ടവരെ’ സംസ്ഥാന സര്‍ക്കാരിന് നിലവിലുള്ള നിയമപ്രകാരം സംരക്ഷിക്കാനാകുമെന്ന് ജസ്റ്റിസ് സി.എന്‍. രാമചന്ദ്രന്‍ നായര്‍ കമ്മിഷന്‍ മുഖ്യമന്ത്രിക്കു സമര്‍പ്പിച്ച റിപ്പോര്‍ട്ടില്‍ പറയുന്നുണ്ടെന്നാണ് വിശ്വസനീയമായ വിവരം. മുനമ്പം നിവാസികളുടെ ന്യായമായ അവകാശങ്ങള്‍ സംരക്ഷിക്കാനുള്ള ശുപാര്‍ശകളാണ് റിപ്പോര്‍ട്ടിലുള്ളതെന്ന് ജസ്റ്റിസ് രാമചന്ദ്രന്‍ നായര്‍ വ്യക്തമാക്കിയിട്ടുണ്ട്. കമ്മിഷന്‍ റിപ്പോര്‍ട്ട് മന്ത്രിസഭ പരിശോധിച്ച് തങ്ങള്‍ക്ക് അനുകൂലമായി എത്രയും വേഗം തുടര്‍നടപടികള്‍ സ്വീകരിക്കുമെന്നാണ് കഴിഞ്ഞ എട്ടുമാസമായി കടപ്പുറം വേളാങ്കണ്ണിമാതാ പള്ളിയങ്കണത്തില്‍…

മൂന്നാർ :ചിന്നക്കനാൽ ഫാത്തിമ മാതാ ഹൈസ്കുളിൽ ലഹരി വിരുദ്ധ റാലി, ലഹരിക്കെതിരായ പോസ്റ്റർ നിർമ്മാണം, സ്കിറ്റുകൾ തുടങ്ങിയവ നടന്നു. ലഹരിവിരുദ്ധ ക്യാമ്പയിൻ പരിപാടികളുടെ ഉദ്ഘാടനം ചെയ്ത് – കസ്റ്റംസ് , ഇൻഡയറക്ട് ടാക്സ് ആൻ്റ് നാർക്കോട്ടിക് (നാസിൻ്റെ – NACIN) നാഷണൽ അക്കാദമി അഡീഷണൽ ഡയറക്ടർ ജനറൽ മിനു പ്രമോദ് IRS ക്ലാസെടുത്തു. ലഹരി വസ്തുക്കൾ വിൽക്കുന്നവർ കള്ളന്മാരെപ്പോലെ വരുമെന്നും എല്ലാം നശിപ്പിക്കുമെന്നും മോഹവലയത്തിലാഴ്ത്തി ജീവിതം തകർക്കുമെന്നും മുന്നറിയിപ്പ് നൽകി. അറിവ് നേടലും കഴിവ് വളർത്തലും ലഹരിയാക്കി മാറ്റുവാൻ കുട്ടികൾക്ക് പ്രചോദനം നൽകി. സ്കൂൾ ഹെഡ്മാസ്റ്റർ അരുൾ ഫ്രഡറിക് അധ്യക്ഷത വഹിച്ചു. സ്റ്റാഫ് സെക്രട്ടറി സോജൻ ജി. അധ്യാപകർ എന്നിവർ പരിപാടികൾക്ക് നേതൃത്വം നൽകി.

കൊച്ചി : ടെട്രാ പോഡ് കടൽ ഭിത്തി ഇനിയും പൂർത്തീകരിക്കാനുള്ള കണ്ണമാലി മുതൽ മാനാശ്ശേരി വരെയുള്ള പ്രദേശങ്ങളിൽ നിർമ്മാണ പ്രവർത്തികൾ എന്ന് പൂർത്തിയാക്കുമെന്നതിനെ സംബന്ധിച്ചസമയക്രമം അറിയിക്കാൻ ഹൈകോടതി പലതവണ സർക്കാരിനോട് ആവശ്യപ്പെട്ടിട്ടും ഹാജരാക്കാത്തതിനെ തുടർന്ന് ഇറിഗേഷൻ ഉദ്ദ്യോഗസ്ഥരും പഞ്ചായത്ത് സെക്രട്ടറിയും ബന്ധപ്പെട്ട ഫയലുകളുമായി നേരിട്ട് ഹാജരാകാൻ ഹൈകോടതി ഇടക്കാല ഉത്തരവിട്ടു. കണ്ണമാലി, ചെറിയ കടവ്, മാനാശ്ശേരി പ്രദേശങ്ങളിൽ കടൽകയറ്റം ശക്തിപ്പെട്ട പശ്ചാതലത്തിൽ, ചെല്ലാനം മുതൽ ഫോർട്ടു കൊച്ചിവരെയുള്ള പ്രദേശങ്ങളിലെ കാലാക്രമണത്തിന് പരിഹാരമാവശ്യപ്പെട്ട് നൽകിയിട്ടുള്ള റിട്ട് ഹർജി തിങ്കളാഴ്ച പരിഗണിച്ചപ്പോഴാണ് കോടതി ഉത്തരവിട്ടത്. വിഷയത്തിന്റെ ഗൗരവം മനസ്സിലാക്കിയ കോടതി കേസ് വ്യാഴാഴ്ച വീണ്ടും പരിഗണിക്കും. ടി.എ.ഡാൽഫിൻ, ബാബു കാളിപ്പറമ്പിൽ, ജിൻസൺ വെളുത്ത മണ്ണുങ്കൽ തുടങിയവർ നൽകിയ റിട്ട് ഹർജിയിലാണ് കോടതി ഉത്തരവ്വാദികൾക്കുവേണ്ടി അഡ്വ. ഷെറി ജെ. തോമസ് ഹാജരായി. കോടതി ഉത്തരവിനെ തുടർന്ന് നാട്ടുകാർ പഞ്ചായത്തു പ്രസി ഡന്റിനെ നേരിൽ കാണുകയും, സ്ഥിതിഗതികൾ കോടതിയെ ബോധ്യപ്പെടുത്താൻ പ്രസിഡന്റ് പഞ്ചായത്ത് സെക്രട്ടറിയെ ചുമതലപ്പെടുത്തുകയും ചെയ്തു.…

കൊല്ലം: ഫ്രണ്ട്സ് ഓഫ് റിന്യൂവൽ ഇന്ത്യ സ്നേഹതീരത്തിൻ്റെ സിൽവർ ജൂബിലി ആഘോഷങ്ങളുടെ ഭാഗമായി വി.കോൾബേ കർമ്മ ശ്രേഷ്ട പുരസ്കാരം കൊല്ലം രൂപതയിലെ ജെയിൻ ആൻസിൽ ഫ്രാൻസിസ് ഏറ്റുവാങ്ങി. സംസ്ഥാനതലത്തിൽ വനിതാ ക്ഷേമ രംഗത്തെ സമഗ്രസംഭാവനക്കായാണ് അവാർഡ്. ആലപ്പുഴ എം.പി. കെ.സി വേണുഗോപാൽ ഉപഹാരം നൽകി. പ്രസിഡൻ്റ് ഉമ്മച്ചൻ ചക്കുപുരയ്ക്കൽ, കൃപാസനം ഡയറക്ടർ ഫാ.വി.പി ജോസഫ് ,വിനോദ് കുമാർ DIG പ്രിസൺ ഹെഡ്ക്വാർട്ടേഴ്സ് , IMS ഡയറക്ടർ ഫാ പ്രശാന്ത് , ഡോ. ഉഷാ , പ്രിൻസിപ്പാൾ സെൻ്റ് ജോസഫ്സ് വിമൺസ് കോളേജ് സംഘടനാ ഭാരവാഹികൾ എന്നിവർ സന്നിഹിതരായിരുന്നു. സംഘടനയുടെ ജൂബിലി ആഘോഷങ്ങളുടെ ഭാഗമായി കേരളത്തിലെ സാമൂഹിക ,സാംസകാരിക, വിദ്യാഭ്വാസ , കാർഷിക, വ്യാവസായിക , സഭാ സേവന ജീവകാരുണ്യ മേഖലകളിൽ വ്യക്തിമുദ്ര പതിപ്പിച്ച വ്യക്തികളെ ആദരിച്ചു.