Author: admin

കൊച്ചി: എറണാകുളം ലൂർദ് ആശുപത്രിയുടെ നേതൃത്വത്തിൽ പ്രവർത്തിക്കുന്ന ലൂർദ് കോളേജ് ഓഫ് നഴ്സിംഗ് 110 വിദ്യാർത്ഥികളുടെ ബിരുദദാനവും 140 വിദ്യാർത്ഥികളുടെ ദീപ പ്രകാശനവും നടത്തി. കേരള നേഴ്സസ് ആൻഡ് മിഡ്‌വൈഫ്‌സ് കൗൺസിൽ രജിസ്ട്രാർ പ്രൊഫസർ ഡോ. സോനാ പി.എസ്. ഉദ്ഘാടനം ചെയ്തു. ആരോഗ്യ വിദ്യാഭ്യാസ രംഗത്ത് പ്രത്യേകിച്ച് മികച്ച നഴ്സിംഗ് പ്രൊഫഷണലുകളെ വാർത്തെടുക്കുന്നതിൽ ലൂർദ് കോളജ് ഓഫ് നേഴ്സിംഗും ലൂർദ് ആശുപത്രിയും നടത്തുന്ന പ്രവർത്തനങ്ങൾ മാതൃകാപരമാണെന്നും നഴ്സിംഗ് പഠിച്ചിറങ്ങുന്ന ഓരോ വിദ്യാർത്ഥിയും ജോലിയിൽ പ്രവേശിച്ച് സ്വയംപര്യാപ്തതയും സാമ്പത്തിക ഭദ്രതയും നേടണമെന്നും ഡോ. സോനാ പി.എസ് പറഞ്ഞു. വരാപ്പുഴ അതിരൂപത സഹായ മെത്രാൻ ഡോ.ആൻറണി വാലുങ്കൽ അനുഗ്രഹ പ്രഭാഷണം നടത്തി. ലൂർദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ഡയറക്ടർ ഫാ. ജോർജ്ജ് സെക്വീര അധ്യക്ഷത വഹിച്ച ചടങ്ങിൽ അസോസിയേറ്റ് ഡയറക്ടർ ഫാ. വിമൽ ഫ്രാൻസിസ്, നഴ്സിംഗ് കോളേജ് പ്രിൻസിപ്പൽ പ്രൊഫ. സിസ്റ്റർ റുഫീന എട്ടുരു ത്തിൽ, സ്കൂൾ ഓഫ് നഴ്സിംഗ് പ്രിൻസിപ്പൽ സിസ്റ്റർ റെയിച്ചൽ…

തിരുവനന്തപുരം: കോണ്‍ഗ്രസ് നേതാവും മുന്‍ കെപിസിസി അധ്യക്ഷനുമായ തെന്നല ബാലകൃഷ്ണന് കേരളം വിടനൽകി . തൈക്കാട് ശാന്തികവാടത്തിൽ നടന്ന ഔദ്യോഗിക ബഹുമതികളോടെയുള്ള സംസ്‌കാരത്തിലും പാർട്ടിപ്രവർത്തകർ പങ്കുചേർന്നു . കെപിസിസി ആസ്ഥാനത്ത് മുഖ്യമന്ത്രി പിണറായി വിജയന്‍, ഗോവ ഗവര്‍ണര്‍ പി എസ് ശ്രീധരന്‍പിളള, മന്ത്രിമാര്‍, മറ്റ് പ്രമുഖ രാഷ്ട്രീയ നേതാക്കള്‍ എത്തി അന്തിമോപചാരം അര്‍പ്പിച്ചു. തുടര്‍ന്ന് അയ്യപ്പസേവാ സംഘം ആസ്ഥാനത്തും പൊതുദര്‍ശനത്തിന് വെച്ചിരുന്നു. ഇന്ദിരാഭവനില്‍ അനുസ്മരണ യോഗം ഇന്ന് ഉച്ചയ്ക്ക് ശേഷം നടക്കും.

വൈപ്പിൻ: മുരുക്കുംപാടം സെൻ്റ് മേരിസ് എൽ പി സ്കൂളിൽ പരിസ്ഥിതി ദിനത്തിൽ കുട്ടികൾ എല്ലാവരും പ്രകൃതിയുമായി ഇണങ്ങുന്ന രീതിയിലുള്ള പച്ച നിറത്തിലുള്ള പുത്തനുടുപ്പുകൾ അണിഞ്ഞാണ് വിദ്യാലയത്തിലേക്ക് എത്തിയത്. പരിസ്ഥിതി ദിന സന്ദേശങ്ങൾ കൈകളിലേന്തി വിദ്യാലയമുറ്റത്ത് ചെടികൾ നട്ട് പരിസ്ഥിതിയുമായി ചങ്ങാത്തം കൂടിയാണ് ഈ വിദ്യാലയത്തിലെ കുട്ടികൾ പരിസ്ഥിതി ദിനം ആഘോഷിച്ചത്

ന്യൂഡൽഹി: സിന്ധു നദീജല കരാര്‍ റദ്ദാക്കിയ ഇന്ത്യയുടെ തീരുമാനം പുനഃപരിശോധിക്കാന്‍ ചര്‍ച്ച ആവശ്യപ്പെട്ട് ഇന്ത്യക്ക് പാക്കിസ്ഥാൻ കത്തയച്ചു . വെടിനിര്‍ത്തല്‍ പ്രഖ്യാപിച്ചതിന് ശേഷം രണ്ടാം തവണയാണ് പാക്കിസ്ഥാൻ ഈ ആവശ്യം ഉന്നയിക്കുന്നത്. പഹല്‍ഗാം ഭീകരാക്രമണത്തിന് പിന്നാലെ പാക്കിസ്ഥാനെതിരെ നടപടിയെടുക്കുന്നതിന്റെ ഭാഗമായി സിന്ധു നദീജല കരാര്‍ ഇന്ത്യ റദ്ദാക്കുകയായിരുന്നു . വെള്ളവും രക്തവും ഒന്നിച്ച് ഒഴുകില്ല എന്നതായിരുന്നു ഇന്ത്യയുടെ നിലപാട്. പാക്കിസ്ഥാനുമായി യാതൊരുവിധ ചര്‍ച്ചയ്ക്കും തയ്യാറല്ല എന്ന നിലപാട് ഇന്ത്യ ആവര്‍ത്തിച്ചു. സൈനിക തലത്തിലുള്ള ചര്‍ച്ചയല്ലാതെ മറ്റ് ചര്‍ച്ചകള്‍ക്ക് സമയമായിട്ടില്ലെന്നാണ് ഇന്ത്യയുടെ നിലപാട് .

തി​രു​വ​ന​ന്ത​പു​രം: കൊ​ച്ചി​യി​ൽ മു​ങ്ങി​യ ചരക്കുക​പ്പ​ലി​ൽ നി​ന്നു​ള്ള ബാ​ര​ലു​ക​ൾ വിഴിഞ്ഞം തീരത്തടിഞ്ഞു . ക​ഴി​ഞ്ഞ ദി​വ​സം രാ​ത്രി 11 ബാരലുകൾ തീ​ര​ത്തെ​ത്തി​യി​രു​ന്നു. വെ​ള്ളി​യാ​ഴ്ച രാ​ത്രി കോ​വ​ളം ഭാ​ഗ​ത്തു ര​ണ്ടെ​ണ്ണ​വും ആ​ഴി​മ​ല​ഭാ​ഗ​ത്തു ഒ​രെ​ണ്ണ​വും വി​ഴി​ഞ്ഞ​ത്ത് അ​ഞ്ചെ​ണ്ണ​വും അടിഞ്ഞു . ക​ണ്ട​യ്ന​റു​ക​ൾ നീ​ക്കം ചെ​യ്യാ​ൻ ഏ​​ൽ​പ്പി​ച്ചി​രി​ക്കു​ന്ന ക​മ്പ​നി​യു​ടെ നേ​തൃ​ത്വ​ത്തിലാണ് ഇ​വ ശേ​ഖ​രി​ക്കുന്നത് . കോ​സ്റ്റ​ൽ പോ​ലീ​സ് സ്റ്റേ​ഷ​ൻ വ​ള​പ്പി​ൽ സൂ​ക്ഷി​ച്ചി​രി​ക്കു​ക​യാ​ണ് ഇവയെല്ലാം . ക​ട​ലി​ൽ ഒ​ഴു​കി​ന​ട​ക്കു​ന്ന കെ​മി​ക്ക​ലു​ക​ൾ അ​ട​ങ്ങി​യ ഭാ​രം കൂ​ടി​യ ബാ​ര​ലു​ക​ൾ മ​ത്സ്യ​ബ​ന്ധ​ന​ത്തെ ബാ​ധി​ക്കു​ന്ന​താ​യി പ​രാ​തിയു​ണ്ട്. മീ​ൻ​പി​ടി​ക്കാ​നാ​യി വി​രി​ച്ച വ​ല തി​രി​കെ വ​ലി​ച്ചു​ക​യ​റ്റു​മ്പോ​ഴാ​ണ് ബാ​ര​ലു​ക​ൾ കാ​ണു​ന്ന​തെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ പ​റ​ഞ്ഞു. വ​ല​ക​ൾ കീറി ന​ഷ്ടം ഉ​ണ്ടാ​യ​താ​യി ര​ണ്ടു തൊ​ഴി​ലാ​ളി​ക​ൾ കോ​സ്റ്റ​ൽ പോ​ലീ​സി​ന് പ​രാ​തി ന​ൽ​കി. വെ​ള്ളി​യാ​ഴ്ച വൈ​കു​ന്നേ​രം വ​രെ 19 ബാ​ര​ലു​ക​ൾ ല​ഭി​ച്ചെ​ന്ന് കോ​സ്റ്റ​ൽ പോ​ലീ​സ് പ​റ​ഞ്ഞു.

കൊച്ചി: ത്യാഗത്തിന്റേയും മാനവികതയുടേയും സന്ദേശം നൽകുന്ന ബലിപെരുന്നാൾ (ബക്രീദ്) നിറവിലാണ് ഇസ്‌ലാം സഹോദരങ്ങൾ . പെരുന്നാൾദിനത്തിൽ രാവിലെ പള്ളികളിൽ നിസ്കാരച്ചടങ്ങുകൾ നടന്നു. പ്രവാചകനായ ഇബ്രാഹിം നബി തന്റെ ആദ്യത്തെ പുത്രനായ ഇസ്മായിലിനെ അല്ലാഹുവിന്റെ കല്പന മാനിച്ച് ബലിയറുക്കാൻ ശ്രമിച്ചതിന്റെ ഓർമ പുതുക്കലാണ് ബലിപെരുന്നാൾ. ആത്മസമർപ്പണത്തിന്റെയും സഹനത്തിന്റെയും സന്ദേശമായ ബലിപെരുന്നാളിൽ തക്ബീറുകൾ ചൊല്ലി വിശ്വാസികൾ പ്രാർഥനകളിൽ സജീവമായി .ആത്മസമർപ്പണത്തിൻ്റെ ആഘോഷമായ ബലി പെരുന്നാൾ ദുൽഹജ്ജ് മാസത്തിലെ 10-ാം ദിവസമാണ് ആചരിക്കുന്നത്.

ജൂൺ 7 മുതൽ 9 വരെ നടത്തപ്പെടുന്ന തീർത്ഥാടനം സംഘടിപ്പിക്കുന്നത് ഫ്രഞ്ച് അസോസിയേഷൻ ആണ്

KLCA നേതൃസംഗമവും .പ്രൊഫ. ആൻറണി ഐസക് അനുസ്മരണവും

കെ ജെ സാബു മുൻപും ഇത്തരം ബഹിഷ്‌കരണ കാംപെയ്നുകൾ നടന്നിട്ടുണ്ട് നമ്മുടെ സ്വാതന്ത്യ സമരകാലത്ത് ഗാന്ധിജി ഉയർത്തിയ മുദ്രാവാക്യമാണിത് .ഒരായുധം എപ്പോൾ എവിടെ ഉപയോഗിക്കണം എന്നതിൽ മാത്രേ തർക്കമുള്ളൂ. ഇസ്രയേലുമായി സാങ്കേതിക സഹകരണം നടത്തുന്നു എന്ന ആരോപണത്തില്‍ ടാറ്റയുടെ സൂഡിയോ ഉള്‍പ്പെടെയുള്ള ബ്രാന്‍ഡുകള്‍ക്ക് എതിരെ ജമാഅത്തെ ഇസ്ലാമിയുടെ വിദ്യാര്‍ഥി സംഘടനയായ സ്റ്റുഡന്‍സ് ഇസ്ലാമിക് ഓര്‍ഗനൈസേഷൻ ആഹ്വാനം ചെയ്ത ബഹിഷ്‌കരണ ക്യാംപയിന് മികച്ചപ്രതികരണമല്ല . ആഹ്വാനത്തിന് മറുപടിയുമായി സോഷ്യല്‍മീഡിയയില്‍ ‘സപ്പോര്‍ട്ട് ടാറ്റ’ ട്രെന്‍ഡിങ്ങാവുന്നതാണ് വാർത്ത . ബഹിഷ്‌കരണാഹ്വാനത്തിനെതിരെ സൂഡിയോയില്‍ ഷോപ്പിങ് നടത്തി ബില്‍ സാമൂഹിക മാധ്യമങ്ങളില്‍ പോസ്റ്റ് ചെയ്ത് ഏറെപ്പേരാണ് ടാറ്റയ്ക്ക് പിന്തുണയേകുന്നത് . ‘സൂഡിയോയില്‍ പോയി,,, ടീ ഷര്‍ട്ട് ഒരു പാന്റ് പിന്നെ ഒരു ഷര്‍ട്ട് ഇത്രയും വാങ്ങി, ബക്രീദ് അവധിയും വെള്ളിയാഴ്ചയുമൊക്കെ ആയത് കൊണ്ടാകാം നല്ല തിരക്ക് ആയിരുന്നു…. ഞാന്‍ രണ്ടാഴ്ച മുമ്പ് നാട്ടില്‍ ഉണ്ടായിരുന്നു , ഡ്രസ്സ് ഒന്നും കാര്യമായിട്ട് കൊണ്ടുവരാത്തത് കൊണ്ട് പുതിയ രണ്ടുമൂന്നു ജോഡി വാങ്ങിക്കാം…

ന്യൂഡൽഹി: ജമ്മുകശ്മീരിൽ ഭീകരത വ്യാപിപ്പിക്കാൻ പാകിസ്ഥാൻ ശ്രമിക്കുന്നുവെന്ന് പ്രധാനമന്ത്രി നരേന്ദ്രമോദി ആരോപിച്ചു . പഹൽഗാമിൽ നിരപരാധികളെ കൊന്നത് കശ്മീരിലെ വിനോദസഞ്ചാര മേഖലയെ തകർക്കാർ ലക്ഷ്യമിട്ടായിരുന്നുവെന്നും പ്രധാനമന്ത്രി പറഞ്ഞു .46,000 കോടി രൂപ ചെലവിൽ ചെനാബിൽ പൂർത്തിയാക്കിയ ലോകത്തെ ഏറ്റവും ഉയരമുള്ള റെയിൽവേ പാലത്തിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു പ്രധാനമന്ത്രി ഐഫൽ ടവറിനെക്കാൾ ഉയരമുള്ള പാലം നമ്മൾ യാഥാർഥ്യമാക്കിയെന്ന് മോദി പറഞ്ഞു.ഇന്ത്യയിൽ കലാപമുണ്ടാക്കലായിരുന്നു വേറൊരു ലക്ഷ്യം.മാനവരാശിക്കും കശ്മീരിനും എതിരെയുള്ള ആക്രമണമാണ് പഹൽഗാമിലുണ്ടായത്. തങ്ങൾ സമാധാനത്തിനും വിനോദ സഞ്ചാരത്തിനും പാവങ്ങളുടെ ജീവിതോപാധികൾക്കും എതിരാണെന്ന് പാകിസ്ഥാൻ തെളിയിച്ചു. മേയ് ആറിനാണു പാക് ഭീകരർക്ക് മേൽ നാശം പെയ്തിറങ്ങിയത് . ഓപറേഷൻ സിന്ദൂരെന്ന് കേൾക്കുമ്പോഴെല്ലാം നാശവും തോൽവിയും മാത്രമാകും പാകിസ്ഥാന്റെ ഓർമയിലേക്ക് വരിക മോദി പറഞ്ഞു. ഇന്ത്യ ഇത്രയും ആഴത്തിൽ തിരിച്ചടിക്കുമെന്ന് പാകിസ്ഥാൻ കരുതിയിരുന്നില്ല. പാകിസ്ഥാനിലെ ഭീകരകേന്ദ്രങ്ങൾ ഇന്ത്യ നശിപ്പിച്ചു .