തൃശൂര്‍: കേച്ചേരിയില്‍ സ്വകാര്യബസ് അപകത്തില്‍പ്പെട്ടു. 15 പേര്‍ക്ക് പരിക്ക്. കുന്നംകുളത്തു നിന്നും തൃശൂരിലേക്ക് പോവുകയായിരുന്ന ബസ് രാവിലെയാണ് അപകടത്തില്‍പ്പെട്ടത്. ചൂണ്ടല്‍ പാലത്തിലേക്ക് ബസ് ഇടിച്ചു കയറുകയായിരുന്നു.
ഇടിയുടെ ആഘാതത്തില്‍ ബസിന്‍റെ മുന്‍ഭാഗം തകര്‍ന്നു. പാലത്തിന്‍റെ കൈവരിയില്‍ ഇടിച്ച് നിന്നതിനാല്‍ വലിയ ദുരന്തം ഒഴിവായി. അപകടത്തില്‍പ്പെട്ട ആരുടേയും നില ഗുരുതരമല്ല.
അഗ്‌നിരക്ഷാ സേനയും പോലീസും നാട്ടുകാരും രക്ഷാപ്രവര്‍ത്തനം നടത്തി. കുടുങ്ങിക്കിടന്ന ഒരു സ്ത്രീയെ ബസ് വെട്ടിപ്പൊളിച്ചാണ് അഗ്‌നിരക്ഷാസേന പുറത്തെത്തിച്ചത്.
