ചെങ്ങന്നൂർ: ചെങ്ങന്നൂരിന് സമീപം കല്ലശേരിയിൽ എംസി റോഡിൽ കെഎസ്ആർടിസി ബസുകൾ കൂട്ടിയിടിച്ച് 30 പേർക്ക് പരിക്ക്. ഇവരെ സമീപത്തെ സ്വകാര്യ ആശുപത്രിയിലും ചെങ്ങന്നൂർ താലൂക്ക് ആശുപത്രിയിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
വൈകിട്ട് 4.30 ഓടെയാണ് അപകടമുണ്ടായത്. അപകടത്തെ തുടർന്ന് എംസി റോഡിൽ വിലയ ഗതാഗതക്കുരുക്ക് ഉണ്ടായി. തിരുവനന്തപുരം ഭാഗത്തേക്ക് പോയ ബസും കോട്ടയം ഭാഗത്തേക്ക് വന്ന ബസും നേർക്കുനേർ കൂട്ടിയിടിക്കുകയായിരുന്നു.
സൂപ്പർ ഫാസ്റ്റും ഫാസ്റ്റ് പാസഞ്ചർ ബസുമാണ് അപകടത്തിൽപെട്ടത്. പോലീസ് എത്തി ബസുകൾ മാറ്റിയാണ് ഗതാഗതം പുനസ്ഥാപിച്ചത്.
