ഫാ. ലിൻസൺ ജോൺ മരോട്ടിക്കലിന് ബൈബിൾ വിജ്ഞാനിയത്തിൽ ഡോക്ടറേറ്റ്

കൊച്ചി : സെൻറ് പയസ് ടെൻത് കാർമലൈറ്റ് മഞ്ഞുമ്മൽ പ്രൊവിൻസ് അംഗമായ ഫാ. ലിൻസൺ ജോൺ മരോട്ടിക്കലിന് സ്വിറ്റ്സർലൻഡിലെ ഫ്രീബുർഗ് യൂണിവേഴ്സിറ്റിയിൽ നിന്നും ബൈബിൾ വിജ്ഞാനിയത്തിൽ (Biblical Theology) ഡോക്ടറേറ്റ് (Ph D) ലഭിച്ചു. പഴയ നിയമത്തിലെ രാജാക്കന്മാരുടെ ഒന്നാം പുസ്തകത്തിലെ 17, 18 അധ്യായങ്ങളെ ആസ്പദമാക്കി ഏലിയാ പ്രവാചകനെ വരൾച്ചയുടെയും മഴയുടെയും ദൂതനായി ചിത്രീകരിക്കുന്ന വിവരണാത്മക പഠനമായിരുന്നു അദ്ദേഹത്തിൻറെ ഗവേഷണ വിഷയം. (Prophet Elijah as Herald of Drought and Rain: A Narratological Study of I Kings 17-18). വരാപ്പുഴ അതിരൂപതയിലെ കൂനമ്മാവ് സെൻറ് ഫിലോമിനാസ് ഇടവകയിലെ മരോട്ടിക്കൽ ഫ്രാൻസിസിന്റെയും പരേതയായ ലീലാമ്മയുടെയും മകനാണ് ഫാ.ലിൻസൺ. ‎