കോട്ടപ്പുറം:കിഡ്സിന്റെയും (കോട്ടപ്പുറം ഇൻറഗ്രേറ്റഡ് ഡെവലപ്മെൻറ് സൊസൈറ്റി )ബി.സി.സി.യുടെയും സംയുക്ത ആഭിമുഖ്യത്തിൽ രൂപത തല സാമൂഹ്യ ശുശ്രൂഷ സമിതി സമ്മേളനം സംഘടിപ്പിച്ചു.
കോട്ടപ്പുറം രൂപതയിലെ വിവിധ ഇടവകകളിലെ സാമൂഹ്യോന്മുഖമായ വിവിധങ്ങളായ പ്രവർത്തനങ്ങളെ ഏകോപിപ്പിക്കുന്നതിൻ്റെ ഭാഗമായ് വിളിച്ചുകൂട്ടിയ സമ്മേളനത്തിൽ കോട്ടപ്പുറം രൂപത വികാർ ജനറൽ വെരി റവ. മോൺ. റോക്കി റോബിൻ കളത്തിൽ ഉദ്ഘാടനം നടത്തി. യോഗത്തിൽ കിഡ്സ് ഡയറക്ടർ ഫാ. പോൾ തോമസ് കളത്തിൽ അദ്ധ്യക്ഷനായിരുന്നു.
W.l.Fന്റെ മുൻ ദേശീയ പ്രസിഡണ്ട് ശ്രീ. ജോയ് ഗോതുരുത്ത്, സംസ്ഥാന പ്രസിഡൻറ് ശ്രീ. ബാബു തണ്ണിക്കോട് ,കേരള ഡൊമസ്റ്റിക് വർക്കേഴ്സ് ഫോറം പ്രസിഡണ്ട് അഡ്വക്കേറ്റ് അഞ്ജലി സൈറസ് എന്നിവർ ആമുഖ സന്ദേശം നൽകി. സോഷ്യൽ മിനിസ്ട്രി കോഡിനേറ്റർ ശ്രീ ജോയി കല്ലറക്കൽ കോട്ടപ്പുറം രൂപത ബി. സി. സി. ഡയറക്ടർ ഫാ. അഗസ്റ്റിൻ നിമേഷ് കട്ടാശ്ശേരി എന്നിവർ ആശംസകൾ അർപ്പിച്ച് സംസാരിച്ചു.
മതിലകം ഫിനാൻഷ്യൽ കൗൺസിലർ ശ്രീ അരുൺ പത്മനാഭൻ, ഹെൽത്ത് കമ്മിഷൻ കോഡിനേറ്റർ റവ. ഫാ. ഷിബിൻ കൂളിയത്ത്, ജാഗ്രത സമിതി കോഡിനേറ്റർ റവ.ഫാ. അജയ് കളരിത്തറ, മീഡിയ കോഡിനേറ്റർ റവ.ഫാ. ലിജോ താണിപ്പിള്ളി , ലഹരി വിരുദ്ധ കമ്മീഷൻ കോഡിനേറ്റർ ഫാ. ബിജു തേങ്ങാപ്പുരക്കൽ, കോട്ടപ്പുറം രൂപത പിആർഒ റവ. ഫാ.ആന്റൺ ഇലഞ്ഞിക്കൽ എന്നിവർ പദ്ധതി വിശദീകരണം നടത്തി.
കിഡ്സ് അസി. ഡയറക്ടർ റവ ഫാ. എബ്നേസർ ആന്റണി കാട്ടിപ്പറമ്പിൽ സ്വാഗതവും, കിഡ്സ് കോ-ഓഡിനേറ്റർ ശ്രീമതി. ഗ്രേസി ജോയ് നന്ദിയും പറഞ്ഞു. യോഗത്തിൽ ബി എ മ്യൂസിക്കിൽ സെക്കൻഡ് റാങ്ക് കരസ്ഥമാക്കിയ കുമാരി. ഡയാന എം. എസിനെ ആദരിച്ചു. തുടർന്ന് കോട്ടപ്പുറം രൂപത ബിഷപ്പ് റൈറ്റ്.റവ. ഡോ. അംബ്രോസ് പുത്തൻവീട്ടിലിൻറെ കാർമികത്വത്തിൽ ദിവ്യബലി അർപ്പിച്ചു. ഉച്ചഭക്ഷണത്തോടുകൂടി മീറ്റിംഗ് സമാപിച്ചു.
