വചനനാളം സൺഡേസ്‌കൂൾ വാർഷികം ആഘോഷിച്ചു.

എരമല്ലൂർ :എരമല്ലൂർ സെൻ്റ് ജൂഡ് ഇടവക വചനനാളം സൺഡേ സ്കൂൾ വാർഷികം ആഘോഷിച്ചു. 2025-26 വർഷം മികച്ച വിജയം നേടിയ കുട്ടികളെ അനുമോദിച്ചു. ഇടവക പാരിഷ് ഹാളിൽ നടന്ന വാർഷികാഘോഷം ഇടവക വികാരി റവ. ഫാ. ജോസഫ് ചിറാപ്പള്ളി ഉദ്ഘാടനം ചെയ്തു. ഹെഡ്മിസ്ട്രസ് ഡയാന ഫ്രിറ്റ്സി അധ്യക്ഷത വഹിച്ചു. പാസ്റ്റർ കൗൺസിൽ സെക്രട്ടറി സോണി പവേലിൽ സെൻട്രൽ കമ്മിറ്റി കൺവീനർ സി.പി. മൈക്കിൾ എന്നിവർ സമ്മാനവിതരണം നടത്തി. പിടിഎ പ്രസിഡൻറ് ബെന്നി മംഗലത്ത്, ടോണി കൃപാസനം, സെക്രട്ടറി ജെസ്സി കണ്ടനാംപറമ്പിൽ എന്നിവർ പ്രസംഗിച്ചു. തുടർന്ന് കുട്ടികളുടെ കലാപരിപാടികൾ സംഘടിപ്പിച്ചു.