കൊച്ചി: സമരിയ ഓൾഡ് ഏജ് ഹോം മാസികയായ സമരിയ ടൈംസ് മുണ്ടംവേലി സെൻ്റ് ലൂയിസ് ഇടവക വികാരി റവ. ഡോ. ജോസി കണ്ടനാട്ട്തറ പ്രകാശനം ചെയ്തു. കുമ്പളങ്ങി കോ – ഓപ്പറേറ്റീവ് ബാങ്ക് പ്രസിഡൻറ് നെൽസൺ കോച്ചേരി ആദ്യ കോപ്പി ഏറ്റുവാങ്ങി. തങ്കി ഫൊറോനാ വികാരി ഫാ. ജോർജ് എടേഴത്ത് അധ്യക്ഷനായി.
കുമ്പളങ്ങി ഫൊറോന വികാരി ഫാ. സെബാസ്റ്റ്യൻ പുത്തൻപുരയ്ക്കൽ, അഴിക്കകം ഹോളിമേരിസ് ഇടവക വികാരി ഫാ. ഫ്രാൻസിസ് സേവ്യർ കളത്തി വീട്ടിൽ കുമ്പളങ്ങി ഗ്രാമപഞ്ചായത്ത് പതിനൊന്നാം വാർഡ് മെമ്പർ സജീവ് ആൻറണി എന്നിവർ ആശംസകളർപ്പിച്ചു. കുമ്പളങ്ങി ഇടവക വികാരി ഫാ. ആന്റണി അഞ്ചുകണ്ടത്തിൽ സ്വാഗതവും സമരിയ മാനേജിങ് ഡയറക്ടർ സെലസ്റ്റിൻ കുരിശിങ്കൽ നന്ദിയും പറഞ്ഞു.
എല്ലാ മാസവും സമരിയ ഓൾഡ് ഏജ് ഹോമിൽ മാസിക സൗജന്യമായി ലഭിക്കും. 9846333811 നമ്പറിൽ വിലാസം അയച്ചാൽ തപാലിലും ലഭിക്കും.
