നെയ്യാറ്റിൻകര : നെയ്യാറ്റിൻകര ഇൻ്റഗ്രൽ ഡവലപ്മെൻറ് സൊസൈറ്റി കാർഷിക വികസന കമ്മീഷൻ്റെ നേതൃത്വത്തിൽ നെയ്യാറ്റിൻകര ലോഗോസ് പാസ്റ്ററൽ സെൻ്ററിൽ കർഷക ദിനാമാചരിച്ചു .നെയ്യാറ്റിൻകര എം.എൽ.എ. ശ്രീ. കെ.ആൻസലൻ ഉദ്ഘാടനം ചെയ്തു.
നെയ്യാറ്റിൻകര ലത്തീൻ രൂപത വികാരി ജനറൽ മോൺ.ജി.ക്രിസ്തുദാസ് അധ്യക്ഷത വഹിച്ചു . നിഡ്സ് ഡയറക്ടർ റവ.ഫാ.രാഹുൽ ബി. ആന്റോ , അസി. ഡയറക്ടർ ഓഫ് അഗ്രികൾച്ചർ തിരുവനന്തപുരം ചന്ദ്രലേഖ, കമ്മീഷൻ സെക്രട്ടറിമാരായ റവ. ഫാ.ക്ലീറ്റസ്, വെരി റവ. ഫാ.ഡെന്നിസ് മണ്ണൂർ, വത്സല ബാബു, സെക്രട്ടറി പ്രതിനിധി റോബർട്ട് ദാസ്, ആനിമേറ്റർമാരായ ഷീബ, ലിനു ജോസ്, നിഡ്സ് ഹൗസിംഗ് കോ- ഓർഡിനേറ്റർ ബിന്ദു എന്നിവർ സംസാരിച്ചു.
മികച്ച സമഗ്ര കർഷകൻ ലോറൻസ് മികച്ച ബാലകർഷക ആൽഫ ( സെൻറ് ജോസഫ് യു.പി.എസ്. പൊറ്റയിൽകട ) എന്നിവരെ എം.എൽ.എ. പൊന്നാട അണിയിച്ച് ആദരിക്കുകയും മൊമെന്റോയും ക്യാഷ് അവാർഡ് നൽകുകയും ചെയ്തു. നിഡ്സ് മേഖല കോ ഓഡിനേറ്റർമാരുടെ നേതൃത്വത്തിൽ 11 മേഖലകളിലും കർഷക ദിനാചരണം സംഘടിപ്പിച്ചു.
