കോഴിക്കോട്: ഓര്‍ക്കാട്ടേരിയില്‍ യുവതി ജീവനൊടുക്കിയ സംഭവത്തില്‍ ഭര്‍തൃമാതാവ് നഫീസ കസ്റ്റഡിയില്‍. കോഴിക്കോട്ടെ ബന്ധുവീട്ടില്‍നിന്നാണ് ഇടശേരി പോലീസ് ഇവരെ കസ്റ്റഡിയിലെടുത്തത്.
സ്‌റ്റേഷനില്‍ എത്തിച്ച ശേഷം ഇവരെ വിശദമായി ചോദ്യം ചെയ്യും. ആത്മഹത്യാപ്രേരണാക്കുറ്റം അടക്കമുള്ള വകുപ്പുകള്‍ ഇവര്‍ക്കെതിരേ ചുമത്തുമെന്നാണ് വിവരം.
സംഭവത്തില്‍ ഷബ്‌നയുടെ ഭര്‍ത്താവിന്‍റെ അമ്മാവന്‍ ഹനീഫ കഴിഞ്ഞ ദിവസം അറസ്റ്റിലായിരുന്നു.ഇയാള്‍ ഷബ്‌നയെ മര്‍ദിക്കുന്ന ദൃശ്യങ്ങള്‍ അടക്കം പുറത്തുവന്നതിന് പിന്നാലെയായിരുന്നു അറസ്റ്റ്.
