Author: admin

ആലുവ : ഇന്ത്യൻ അഗസ്റ്റീനിയൻ സഭയുടെ വികാരിയേറ്റ് ഓഫ് അവർ ലേഡി ഓഫ് ഗ്രേയ്സ് ഇന്ത്യയുടെ റീജണൽ വികാറായി ഫാ.വിൽസൺ വിശ്വനാഥ് ഇഞ്ചരപ്പൂ ഒ എസ് എ യെ രണ്ടാമതും തെരെഞ്ഞെടുത്തു.തെലുങ്കാനയിലെ കമ്മം രൂപത അംഗമാണ് ഫാ. വിൽസൺ.

ഡിസംബർ 31-ന്, ബെനഡിക്ട് പതിനാറാമൻ പ്പാപ്പയുടെ മൂന്നാം ചരമവാർഷികത്തോടനുബന്ധിച്ച്, ക്രിസ്ത്യൻ ഐക്യം പ്രോത്സാഹിപ്പിക്കുന്നതിനുള്ള ഡിക്കാസ്റ്ററിയുടെ പ്രീഫെക്റ്റ് കർദ്ദിനാൾ കർട്ട് കോച്ച് വത്തിക്കാൻ ഗ്രോട്ടോസിൽ കുർബാന അർപ്പിച്ചു.

വർഷാവസാനത്തിൽ സ്വിറ്റസർലണ്ടിലെ ക്രാൻസ്-മൊന്താനയിലുള്ള സ്കീ റിസോർട്ടിലെ ക്ലബിലുണ്ടായ വൻ അഗ്നിബാധയിൽ നാൽപ്പതിലധികം ആളുകൾ മരണമടയുകയും നൂറിലധികം പേർക്ക് പരിക്കേൽക്കുകയും ചെയ്ത സംഭവത്തിൽ അനുശോചനവും സാമീപ്യവുമറിയിച്ച് ലിയോ പതിനാലാമൻ പാപ്പാ.

സുപ്രസിദ്ധ വചന പ്രഘോഷകനായ ഫാ. മൈക്ക് ഷ്മിറ്റ്‌സിന്റെ ‘ദ ബൈബിൾ ഇൻ എ ഇയർ’ ഇംഗ്ലീഷ് പോഡ്കാസ്റ്റ് ചരിത്രം കുറിച്ചു. പോഡ്‌കാസ്റ്റ്, ആരംഭിച്ചിട്ട് അഞ്ചാം വാർഷികത്തോട് അടുക്കുമ്പോൾ, ഏകദേശം ഒരു ബില്യണിനടുത്ത് തവണ ഡൗൺലോഡ് ചെയ്യപ്പെട്ടിട്ടുണ്ടെന്ന് പോഡ്കാസ്റ്റിന് പിന്നിൽ പ്രവർത്തിച്ച അസെൻഷൻ ടീം കഴിഞ്ഞ ദിവസം പ്രസ്താവനയിലൂടെ വ്യക്തമാക്കി. വിശുദ്ധ ഗ്രന്ഥ പാരായണത്തിനും വ്യാഖ്യാനത്തിനും ഇത്രമാത്രം സ്വീകാര്യത ലഭിക്കുമെന്ന് കരുതിയില്ലായെന്നും ഫാ. മൈക്ക് ഷ്മിറ്റ്‌സ് പറഞ്ഞു.

മധ്യപൂർവ്വേഷ്യയിൽ ഉടനീളം ആഭ്യന്തര കലഹങ്ങൾ, സാമൂഹിക വിവേചനം, വിദ്വേഷ പ്രസംഗം, ദീർഘകാല സുരക്ഷയെക്കുറിച്ചുള്ള ആശങ്കകൾ മധ്യപൂർവ്വേഷ്യയിലെ വിവിധ രാജ്യങ്ങളിൽ തല ഉയർത്തുമ്പോൾ ഈജിപ്ത്, ജോർദാൻ തുടങ്ങിയ രാജ്യങ്ങളിൽ നടന്നുവരുന്ന പുനരുദ്ധാരണം, തീർത്ഥാടന ടൂറിസം, പൊതു ഇടങ്ങളിലെ ക്രിസ്ത്യൻ ആഘോഷങ്ങൾ എന്നിവയ്ക്കുള്ള സർക്കാർ പിന്തുണ വർദ്ധിച്ചത് പ്രതീക്ഷ പകരുകയാണ്. സമാനതകളില്ലാതെ പ്രതിസന്ധികളും വെല്ലുവിളികളും നേരിടുമ്പോഴും പുതുവർഷം സമാധാനപൂർണ്ണമാകുന്ന പ്രതീക്ഷയോടെയാണ് ക്രൈസ്തവർ.

കാരിത്താസിന്റെ ജെറുസലേം ഘടകം ഉൾപ്പെടെ വിവിധ സന്നദ്ധ സംഘടനകളുടെ ഗാസയിലെ പ്രവർത്തനത്തിന് ഇസ്രായേൽ വിലക്കേർപ്പെടുത്തി. സുരക്ഷാ കാരണങ്ങളാൽ നടപ്പിലാക്കിയ പുതിയ വിവാദപരമായ രജിസ്ട്രേഷൻ സംവിധാനത്തിന് ആവശ്യമായ പെർമിറ്റുകൾ ഇല്ലായെന്ന കാരണം ഉന്നയിച്ചാണ് മുപ്പതിലധികം എൻ‌ജി‌ഒകൾ ഗാസയിലും വെസ്റ്റ് ബാങ്കിലും പ്രവർത്തിക്കുന്നത് തടയാൻ ഇന്നലെ പുതുവത്സര ദിനത്തിൽ ഇസ്രായേൽ സർക്കാർ ഉത്തരവിട്ടത്. ഭീകരവാദപ്രവർത്തനങ്ങൾക്കായി മാനുഷിക ചട്ടക്കൂടുകൾ ചൂഷണം ചെയ്യുന്നതു തടയുന്നതിനും ആവശ്യമായ സുരക്ഷാ, സുതാര്യതാ മാനദണ്ഡങ്ങൾ ഉറപ്പാക്കുന്നതിനുമുള്ള നടപടിയെന്നാണ് ഇസ്രായേലി അധികാരികളുടെ വാദം.

തൃശൂർ : സർക്കാരിന്റെ പുതിയ മദ്യത്തിന് പേരിടുന്നതിന് സമ്മാനം പ്രഖ്യാപിച്ചതിനെതിരെ മനുഷ്യാവകാശ കമ്മീഷന് പരാതി. തൃശൂർ കോണ്‍ഗ്രസ്സ് നേതാവ് ജോണ്‍ ഡാനിയല്‍ ആണ് പരാതിക്കാരൻ . മദ്യപാനത്തെ പ്രോത്സാഹിപ്പിക്കുന്നതിന് ഇത്തരം സംഭവങ്ങൾ കാരണമാകുന്നുവെന്ന് ജോൺ ഡാനിയൽ പരാതിയിൽ പറയുന്നു. സമ്മാനം നല്‍കുന്നത് മദ്യത്തെ മഹത്വവൽക്കരിക്കുന്നതിന് തുല്യമാണ്. മനുഷ്യന്റെ ആരോഗ്യം, സാമ്പത്തിക ഘടന എന്നിവയെല്ലാം തകര്‍ക്കുന്ന മദ്യം പോലൊരു ലഹരിവസ്‌തുവിന്റെ പ്രചാരണത്തിന് സർക്കാർ സമ്മാനം വാഗ്ദാനം ചെയ്യുന്നത് ഗുരുതരമായ മനുഷ്യാവകാശ ലംഘനമാണെന്നും പരാതിയിലുണ്ട്. സർക്കാർ നിർമിക്കുന്ന മദ്യത്തിന് പൊതുജനങ്ങളിൽ നിന്ന് പേരും ലോഗോയും ക്ഷണിച്ചതും അതിന് സമ്മാനം വാഗ്ദാനം ചെയ്തതും സംസ്ഥാനത്തിൻറെ മദ്യനയത്തിന് വിരുദ്ധവും നിയമലംഘനവും പൗരാവകാശ ലംഘനവുമാണെന്നും പരാതിയിൽ ചൂണ്ടിക്കാട്ടുന്നു.

മൈലം: കെ. എൽ. സി. എ മൈലം യൂണിറ്റ് വാർഷികം സംസ്ഥാന ജനറൽ സെക്രട്ടറി ബിജു ജോസി കരുമാൻച്ചേരി ഉദ്ഘാടനം ചെയ്തു . യൂണിറ്റ് പ്രസിഡന്റ്‌ റോബിൻ ഫ്രാൻസിസ്, നെയ്യാറ്റിൻകര രൂപത അല്മായ ഡയറക്ടർ ഫാ. ബെനഡിറ്റ് ജി ഡേവിസ്, ഇടവക വികാരി ഫാ പ്രദീപ് ആന്റോ,രൂപത വൈസ് പ്രസിഡന്റ്‌ അനിത സി. ടി. സന്തോഷ്‌ എസ്. ആർ. എന്നിവർ സംബന്ധിച്ചു. നെടുമങ്ങാട് താലൂക്കിൽ ലത്തിൻ കത്തോലിക്ക സർട്ടിഫിക്കറ്റ് നിഷേധിക്കുന്നതിൽ ശക്തമായിപ്രതിഷേധിക്കുമെന്ന് ബിജു ജോസി കരുമാൻഞ്ചേരി പറഞ്ഞു .

കൊച്ചി: ഉപ്പുവെള്ളത്തിൽ മുങ്ങിയ പുരയിടത്തിൽ പുതുവത്സര കേക്ക് മുറിച്ചു പ്രതിഷേധിച്ചു .പുതുവത്സരത്തിലും കുടുംബങ്ങൾ ഉപ്പുവെള്ളത്തിൽ . ജില്ലാ കളക്ടറുടെ രേഖാമൂലമുള്ള നിർദ്ദേശം പോലീസ് അവഗണിച്ചതിനെ തുടർന്നാണ് തങ്ങളുടെ പുരയിടങ്ങൾ ഇപ്പോഴും ഉപ്പുവെള്ളത്തിന്റെ പിടിയിൽ അമർന്നിരിക്കുന്നതെന്ന് കൊച്ചി , ചെല്ലാനം , മറുവക്കാട് പാടശേഖരത്തിലെ നൂറോളം കുടുംബങ്ങൾ പറഞ്ഞു. സർക്കാർ നയമനുസരിച്ച് ഒരു നെല്ലും ഒരു മീനും ആണ് 425 ഏക്കർ വിസ്തൃതിയുള്ള മറുവക്കാട് പാടശേഖരത്തിൽ അനുവർത്തിക്കേണ്ടത് . കാർഷിക കലണ്ടർ പ്രകാരം ഏപ്രിൽ 15 മുതൽ നവംബർ 14 വരെയുള്ള ഏഴുമാസം വയലുകളിൽ നെൽകൃഷി മാത്രമേ ചെയ്യാവൂ .ശേഷിക്കുന്ന അഞ്ചുമാസം മാത്രമാണ് മത്സ്യകൃഷിക്ക് അനുവാദം ഉള്ളത് . ജില്ലാ കളക്ടർ ചെയർമാൻ ആയിട്ടുള്ള PLDA യുടെ ഉത്തരവു പ്രകാരം കാർഷിക കലണ്ടർ ലംഘിക്കുന്ന പാടശേഖരങ്ങൾക്ക് മത്സ്യ കൃഷി ചെയ്യാൻ ഫിഷറീസ് വകുപ്പ് ലൈസൻസും സബ്സിഡിയും നൽകില്ല . ഈ നിബന്ധന ലംഘിച്ചു കൊണ്ടാണ് നിലവിൽ പാടശേഖര ഭാരവാഹികൾ പുറം കായലിൽ നിന്ന്…

കോഴിക്കോട്: ജീവിതപങ്കാളിയെ നഷ്ടപ്പെട്ടവരുടെയും ഏകസ്ഥരുടെയും ഏകദിന സംഗമം ചെറുവണ്ണൂർ തിരുഹൃദയ ഇടവകയിൽ നടന്നു . കൂട്ടായ്മയുടെ നേതൃത്വത്തിൽ ദേവാലയത്തിൽ ദിവ്യബലി അർപ്പിച്ചു . തുടർന്നു വെനറിനി സിസ്റ്റേഴ്സിന്റെ പ്രൊവിൻഷ്യൽ ഹൗസിൽ വച്ച് നടത്തിയ ഔപചാരികമായ ചടങ്ങിൽ കോഴിക്കോട് അതിരൂപതാ ഫാമിലി അപ്പോസ്തലേറ്റ് ഡയറക്ടർ ഫാ. ജിജു പള്ളിപ്പറമ്പിൽ അധ്യക്ഷത വഹിച്ചു. വെനറിനി കോൺഗ്രിഗേഷൻ സുപ്പീരിയർ ജനറൽ മദർ സിസി എം.പി. വി. ഉദ്ഘാടനം ചെയ്തു. ജനറൽ കൗൺസിലർ സിസ്റ്റർ ബ്രിജിത് സമ്മാനദാനം നടത്തി. രൂപതാ കുടുംബസമിതി ആനിമേറ്റർ സിസ്റ്റർ ആൽമ എ.സി., സഹവികാരി ഫാദർ ജെർലിൻ ജോർജ്, വൈസ് പ്രൊവിൻഷ്യൽ സി. ഷെറിൻ, പാരിഷ് കൗൺസിൽ സെക്രട്ടറി ശ്രീ ബൈജു തോമസ്, ശ്രീമതി സിസിലി ടീച്ചർ, കുടുംബസമിതി കോഡിനേറ്റേഴ്സ് ശ്രി ഷാജി, ശ്രീമതി ലിസാ ഷാജി, ശ്രീമതി റോസ്മേരി എന്നിവർ ആശംസകൾ അർപ്പിച്ചു. തുടർന്ന് നടന്ന സെമിനാർ നവോമി കൂട്ടായ്മയുടെ രൂപതാ അനിമേറ്റർ സിസ്റ്റർ ബ്രിജീലിയ ബി.എസ്. നയിച്ചു. ഉച്ച കഴിഞ്ഞുള്ള…