Author: admin

തിരുവനന്തപുരം: 63-ാമത് സംസ്ഥാന സ്കൂൾ കലോത്സവത്തിൻ്റെ രണ്ടാം ദിവസത്തെ മത്സരങ്ങൾ പൂ‍ർത്തിയാകുമ്പോൾ കലാകിരീടത്തിനായി പോരാട്ടം മുറുകുന്നു. കലാകിരീടത്തിനായി കണ്ണൂരും തൃശ്ശൂരും കോഴിക്കോടും ഇഞ്ചോടിഞ്ച് പോരാട്ടത്തിലാണ് പാലക്കാടും തൊട്ട് പിന്നിലുണ്ട്. ആകെയുള്ള 249 മത്സരങ്ങളിൽ 118 എണ്ണം പൂ‍ർത്തിയാകുമ്പോൾ 449 പോയിൻ്റുമായി കണ്ണൂർ ജില്ലയാണ് ഒന്നാമത്. ഒരു പോയിൻ്റ് മാത്രം വ്യത്യാസത്തിൽ തൃശ്ശൂരാണ് രണ്ടാമത്. 446 പോയിൻ്റുമായി കോഴിക്കോട് മൂന്നാം സ്ഥാനത്തുണ്ട്. 440 പോയിൻ്റുമായി പാലക്കാട് നാലാമതുണ്ട്. സ്കൂളുകളിൽ 65 പോയിൻ്റുമായി തിരുവനന്തപുരത്തെ കാർമൽ ഹയർ സെക്കൻഡറി സ്കൂൾ വഴുതക്കാടാണ് ഒന്നാമത്. 60 പോയിൻ്റുമായി പത്തനംതിട്ട ജില്ലയിലെ എസ് വി ജി വി എച്ച് എസ് കിടങ്ങന്നൂരും പാലക്കാര്‍ ജില്ലയിലെ ബി എസ് എസ് ഗുരുകുലം ഹയര്‍സെക്കന്‍ഡറി സ്‌കൂളുമാണ് രണ്ടാമത്. 56 പോയിന്റുമായി സെന്റ് തെരേസാസ് എ ഐ എച്ച് എസ് എസ് കണ്ണൂര്‍ മൂന്നാമതുമാണ്. മൂന്നാം ദിവസമായ ഇന്ന് തിരുവാതിരകളിയും, കേരള നടനവും, നാടകവും, കോൽക്കളിയും, മിമിക്രിയും, കഥകളിയും, മലപ്പുലയ ആട്ടവുമെല്ലാം…

കോട്ടപ്പുറം: തീരദേശത്തിന്റെ ഹൃദയത്തിലെ മുറിവായി മാറിയ മുനമ്പത്തെ പാവപ്പെട്ട ജനതയുടെ അവകാശങ്ങള്‍ സംരക്ഷിക്കണമെന്നാവശ്യപ്പെട്ട് സംഘടിപ്പിച്ച മനുഷ്യചങ്ങലയില്‍ പതിനായിരങ്ങള്‍ അണിചേര്‍ന്നു. വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍, സഹായമെത്രാന്‍ ഡോ. ആന്റണി വാലുങ്കല്‍, കോട്ടപ്പുറം ബിഷപ് ഡോ. അംബ്രോസ് പുത്തന്‍വീട്ടില്‍, ഹൈബി ഈഡന്‍ എംപി എന്നിവരടക്കം രാഷ്ട്രീയ സാമൂഹ്യമേഖലകളിലെ പ്രമുഖരും മനുഷ്യചങ്ങലയില്‍ പങ്കാളികളായി. പലയിടത്തും ചങ്ങല മനുഷ്യമതിലായി.

ന്യൂഡല്‍ഹി:കനത്ത മൂടല്‍ മഞ്ഞിനെത്തുടര്‍ന്ന് ഡല്‍ഹിയില്‍ യെല്ലോ അലര്‍ട്ട് പുറപ്പെടുവിച്ചു. കനത്ത പുകമഞ്ഞ് വ്യോമ-റെയില്‍ ഗതാഗതങ്ങളെയും സാരമായി ബാധിച്ചിട്ടുണ്ട്. ഡല്‍ഹി, ഹരിയാന, ഉത്തര്‍പ്രദേശ്, രാജസ്ഥാന്‍, പഞ്ചാബ് തുടങ്ങിയ സംസ്ഥാനങ്ങളിലെല്ലാം കാഴ്ച പരിധി പൂജ്യമായി. 30 ഓളം വിമാന സര്‍വീസുകളാണ് ഇന്നലെ റദ്ദാക്കിയത്. 400 ഓളം വിമാനങ്ങള്‍ വൈകിയതായും, നിരവധി വിമാനങ്ങള്‍ വഴി തിരിച്ചു വിട്ടതായും വിമാനത്താവള അധികൃതര്‍ അറിയിച്ചു. ഡല്‍ഹിയില്‍ പുലര്‍ച്ചെ 12 നും 1. 30 നും ഇടയില്‍ മാത്രം 19 വിമാനങ്ങളാണ് വഴി തിരിച്ചു വിട്ടത്. അമൃത്സര്‍, ഗുവാഹത്തി വിമാനത്താവളങ്ങളിലും മൂടല്‍ മഞ്ഞ് സര്‍വീസുകളെ ബാധിച്ചു. നിരവധി ട്രെയിനുകളും വൈകിയോടുകയാണ്. ഡല്‍ഹിയില്‍ വായുമലിനീകരണവും രൂക്ഷമാണ്. 378 ആണ് കേന്ദ്ര മലിനീകരണ നിയന്ത്രണ ബോര്‍ഡ് ഇന്നലെ വായുമലിനീകരണസൂചികയില്‍ രേഖപ്പെടുത്തിയിട്ടുള്ളത്.

ന്യൂഡൽഹി: ചൈനയിലെ എച്ച്എംപിവി വൈറസ് വ്യാപനത്തിൽ സാഹചര്യം സൂക്ഷ്മമായി നിരീക്ഷിക്കുന്നുവെന്ന് കേന്ദ്ര ആരോഗ്യ മന്ത്രാലയം. ഇന്ത്യയിലെ നിരീക്ഷക സംഘം യോഗം ചേർന്നു. ചൈനയിൽ പടരുന്ന വൈറസ് ഇന്ത്യ ഉൾപ്പെടെയുള്ള രാജ്യങ്ങളിൽ മുൻപ് തന്നെ ഉള്ളതാണ്. ഏത് അടിയന്തര സാഹചര്യവും നേരിടാൻ തയ്യാറാണെന്നും ആരോഗ്യമന്ത്രാലയം വ്യക്തമാക്കി. ശ്വാസകോശങ്ങളുടെ പ്രവർത്തനത്തെ ബാധിക്കുന്ന അണുബാധയാണ് എച്ച്എംപിവി അഥവാ ഹ്യൂമൺ മെറ്റാന്യൂമോവൈറസ്. ന്യുമോണിയ വിഭാഗത്തിൽപ്പെട്ട രോഗമായാണ് ഇതിനെ ലിസ്റ്റ് ചെയ്തിരിക്കുന്നത്. കുട്ടികൾ, പ്രായമായവർ തുടങ്ങി എല്ലാ പ്രായത്തിലുള്ളവരെയും ഈ രോഗം ബാധിക്കാമെന്നാണ് ഡിസിസി (യുഎസ് സെന്റർ ഫോർ ഡിസീസ് കൺട്രോൾ ആന്റ് പ്രിവൻഷൻ) വ്യക്തമാക്കുന്നത്. 2001ലാണ് ആദ്യമായി എച്ച്എംപിവി സ്ഥിരീകരിക്കപ്പെട്ടത്.

വെള്ളറട : പ്രസിദ്ധമായ വെള്ളറട കൂനിച്ചി കാർമ്മൽ ഹിൽ ഇക്കോ പിൽഗ്രിം കേന്ദ്രത്തിന്റെ നേതൃത്വത്തിൽ സമാരംഭിച്ച പീസ് ഫെസ്റ്റ് – 2 k 24 സമാപിച്ചു. തെക്കൻ കുരിശുമല സംഗമ വേദിയിലും കൂനിച്ചി കാർമ്മൽ ഹിൽ ഇക്കോ ടൂറിസം കേന്ദ്രത്തിലുമായിട്ടാണ് പീസ് ഫെസ്റ്റ് നടന്നത്. ആഘോഷമായ ദിവ്യബലികൾ, പ്രഭാഷണങ്ങൾ, വിവിധ ഇടവകകളും, സഭാ വിഭാഗങ്ങളും നേതൃത്വം നൽകിയശുശ്രുഷകൾ, സാംസ്കാരിക സംഘടനകൾ അവതരിപ്പിച്ച കലാവിരുന്നുകൾ, സിംപോസിയo വിവിധ സമ്മേളനങ്ങൾ, ബാഡ്മിന്റൻ ടൂർണമെന്റ്, കായിക മത്സരങ്ങൾ, പൊതുസമ്മേളനങ്ങൾ, വൈദ്യുത ദീപാലങ്കാരങ്ങൾ, വിവിധ ഗ്രൂപ്പുകൾ നിർമ്മിച്ച പുൽക്കൂടുകൾ, ക്രിസ്തുമസ് ട്രീ എന്നിവയാൽ വർണ്ണാഭമായിരുന്നു ഈ വർഷത്തെ പീസ് ഫെസ്റ്റ് . സമാപന ശുശ്രൂഷകൾക്ക് തെക്കൻ കുരിശുമല തീർത്ഥാടന കേന്ദ്രം ഡയറക്ടർ മോൺ. ഡോ. വിൻസെന്റ് കെ പീറ്റർ മുഖ്യ കാർമ്മികത്വം വഹിച്ചു.സമാധാനത്തിന് ഒട്ടേറെ വെല്ലുവിളികൾ നേരിടുന്ന ഈ കാലഘട്ടത്തിൽ സമാധാനത്തിന്റെ പ്രഭുവായി ഈ ലോകത്തിലേയ്ക്ക് കടന്ന് വന്ന യേശുവിന്റെ സന്ദേശം പരിഹാരമാണെന്നും ഇത്തരം സമാധാനോത്സവങ്ങൾ മുറിവേറ്റ…

വൈപ്പിൻ : വഖഫ് നിയമത്തിൻ്റെ പേരിൽ സ്വന്തം കിടപ്പാടത്തിൻ്റെ റവന്യൂ അവകാശങ്ങൾ നഷ്ടപ്പെട്ട മുനമ്പം – കടപ്പുറം ജനത നടത്തുന്ന നീതിക്കായുള്ള സമരത്തിന് ഐക്യദാർഢ്യം പ്രഖ്യാപിച്ച് നാളെ ഇന്ന് വൈകീട്ട് നാലിന് വൈപ്പിൻ മുതൽ മുനമ്പം – കടപ്പുറം സമരപന്തൽ വരെ കോട്ടപ്പുറം – വരാപ്പുഴ രൂപത കളുടെ നേതൃത്വത്തിൽ മനുഷ്യചങ്ങല സംഘടിപ്പിക്കുന്നു. എറണാകുളം-അങ്കമാലി അതിരൂപതയുടെയും കൊച്ചി രൂപതയുടെയും ക്രൈസ്തവവിഭാഗങ്ങളുടെയും വൈപ്പിനിലെ എല്ലാ സുമനസുകളുടെയും സഹകരണത്തോടെയാണ് മനുഷ്യചങ്ങല സംഘടിപ്പിച്ചിട്ടുള്ളത്. വൈകീട്ട് നാലിന് ഫോർട്ട് വൈപ്പിനിൽ നടക്കുന്ന ഉദ്ഘാടനത്തിൽ വരാപ്പുഴ ആർച്ച്ബിഷപ്പ് ഡോ. ജോസഫ് കളത്തിപറമ്പിൽ, സഹായ മെത്രാൻ ഡോ. ആൻ്റണി വാലുങ്കൽ എന്നിവർ പങ്കെടുക്കും. മുനമ്പം – കടപ്പുറം സമരപന്തലിൽ നടക്കുന്ന സമാപന സമ്മേളനത്തെ കോട്ടപ്പുറം ബിഷപ്പ് ഡോ. അംബ്രോസ് പുത്തൻവീട്ടിൽ അഭിസംബോധന ചെയ്യും. കോട്ടപ്പുറം രൂപതയിലെ അഞ്ച് ഫൊറോനകളിൽ നിന്നായി എല്ലാ ഇടവകകളും ചങ്ങലയിൽ പങ്കെടുക്കുന്നുണ്ട്.മുപ്പതിനായിരത്തോളം വരുന്ന ജനങ്ങള്‍ മനുഷ്യചങ്ങലയില്‍ അണിനിരക്കും. മനുഷ്യചങ്ങലക്കു ശേഷം വൈപ്പിൻകരയിലെ ഇടവകകളിൽ മുനമ്പം -കടപ്പുറം…

മുനമ്പം: മുനമ്പം ഭൂമി തര്‍ക്കവുമായി ബന്ധപ്പെട്ട വിഷയം പരിശോധിക്കാന്‍ സര്‍ക്കാര്‍ നിയോഗിച്ച ജുഡീഷ്യല്‍ കമ്മീഷന്‍ ചെയര്‍മാന്‍ ജസ്റ്റിസ് സി എന്‍ രാമചന്ദ്രന്‍ നായര്‍ ഇന്ന് മുനമ്പം സന്ദര്‍ശിക്കും. ആദ്യമായാണ് ജുഡീഷ്യല്‍ കമ്മീഷന്‍ മുനമ്പത്ത് എത്തുന്നത്. മുനമ്പത്ത് പള്ളി പാരിഷ് ഹാളില്‍ വെച്ച് കമ്മീഷന്‍ പ്രദേശവാസികളുമായി സംസാരിക്കും. ഈ മാസം അവസാനത്തോടെ കമ്മീഷന്‍ സിറ്റിംഗ് തുടങ്ങാനാണ് തീരുമാനം.ഫെബ്രുവരിയില്‍ സിറ്റിംഗ് പൂര്‍ത്തിയാക്കി റിപ്പോര്‍ട്ട് സമര്‍പ്പിക്കുമെന്നും കമ്മീഷന്‍ നേരത്തെ വ്യക്തമാക്കിയിരുന്നു.  മുനമ്പത്തെ ഭൂമി പ്രശ്‌നം പരിശോധിക്കാന്‍ സംസ്ഥാന സര്‍ക്കാര്‍ നിയോഗിച്ച ജസ്റ്റിസ് സി.എന്‍ രാമചന്ദ്രന്‍ നായര്‍ ചെയര്‍മാനായ ജുഡീഷ്യല്‍ കമ്മിഷന്‍ വഖഫ് ബോര്‍ഡ്, വഖഫ് സംരക്ഷണ സമിതി, ഫറൂഖ് കോളേജ്, മുനമ്പം നിവാസികളുടെ പ്രതിനിധികള്‍ എന്നിവരോടാണ് നിലപാട് അറിയിക്കാന്‍ കഴിഞ്ഞമാസം ആവശ്യപ്പെട്ടത്. ഭൂമിയുടെ ഉടമസ്ഥാവകാശവുമായി ബന്ധപ്പെട്ടത് അടക്കം വിവരങ്ങള്‍ കമ്മിഷനെ അറിയിക്കാന്‍ രണ്ടാഴ്ച്ചത്തെ സമയപരിധിയാണ് നല്‍കിയത്. എറണാകുളം കലക്ട്രേറ്റിലാണ് ഹിയറിങ് ആരംഭിക്കുക. ഭൂമിയുടെ കിടപ്പ്, സ്വഭാവം, വ്യാപ്തി എന്നിവ കമ്മിഷന്‍ പരിശോധിക്കും.

ന്യൂഡൽഹി: കോളേജുകളിലെ ജാതിവിവേചനം ഗുരുതരമായ പ്രശ്നമെന്നും അവ അവസാനിപ്പിക്കണമെന്നും സുപ്രീം കോടതി. വിഷയത്തിൽ തങ്ങൾ ഇടപെടാൻ തയ്യാറെന്നും കൃത്യമായ മാനദണ്ഡങ്ങളും നിയമങ്ങളും ഈ വിഷയത്തിൽ ഉണ്ടാകേണ്ടതുണ്ടെന്നും സുപ്രീം കോടതി പറഞ്ഞു. ജസ്റ്റിസ് സൂര്യ കാന്തും ഉജ്ജൽ ഭുയനും അടങ്ങിയ ബെഞ്ചാണ് ഈ സുപ്രധാന പരാമർശം നടത്തിയത്. ജാതിവിവേചനം നേരിട്ടത് മൂലം ഹൈദരാബാദിൽ ആത്മഹത്യാ ചെയ്ത രോഹിത് വെമുലയുടെയും മുംബൈയിലെ യുവ ഡോക്ടർ പായൽ തദ്‌വിയുടെയും അമ്മമാർ നൽകിയ ഹർജികളിലായിരുന്നു സുപ്രീം കോടതിയുടെ പരാമർശം. യുജിസിയോട് എല്ലാ കോളേജുകളിലും ജാതിവിവേചനം ഇല്ലാതെയാക്കാൻ നിയമവിജ്ഞാപനം ഇറക്കാനും ബെഞ്ച് ആവശ്യപ്പെട്ടു. ‘ഞങ്ങൾ ഈ വിഷയത്തെക്കുറിച്ച് ശരിക്കും ആശങ്കയുള്ളവർ തന്നെയാണ്. സുപ്രീം കോടതി ഈ വിഷയത്തിൽ എന്തായാലും ഇടപെടും. 2012ലെ യുജിസി നിയമങ്ങൾ നടപ്പിലാകുന്നുണ്ടോ എന്നറിയാനായി എന്ത് ചെയ്യാൻ പറ്റുമെന്ന് നമുക്ക് നോക്കാം’; ബെഞ്ച് പറഞ്ഞു. വിഷയത്തിൽ കേന്ദ്രസർക്കാരിന്റെ അഭിപ്രായവും ബെഞ്ച് ആരാഞ്ഞിട്ടുണ്ട്. കൂടെ കോളേജുകളിൽ നിന്ന് ഉയർന്നുവന്നിട്ടുള്ള ഇത്തരം ജാതിവിവേചനങ്ങളുടെ പരാതികൾ പരസ്യമാക്കാനും ആവശ്യപ്പെട്ടു.

കൊച്ചി: കെ ആർ എൽ സി ബി സി കമ്മീഷൻ ഫോർ വിമൻ- ഏഴാമത് സംസ്ഥാന സമ്മേളനം പാലാരിവട്ടം പി ഓ സിയിൽ നടന്നു .കോട്ടപ്പുറം രൂപതാ മെത്രാൻ അംബ്രോസ് പുത്തൻവീട്ടിൽ ഉദ്ഘാടനം ചെയ്തു . വനിതകളുടെ ശക്തിയെയും കഴിവുകളെയും സമൂഹത്തിന്റെ പ്രയോജനപ്പെടുത്തി വളർച്ചയിലേക്ക് മുന്നേറ്റത്തിലേക്ക് കടന്നുവരുവാൻ അദ്ദേഹം ആഹ്വാനം ചെയ്തു. വനിതാ കമ്മീഷൻ റീജിനൽ സെക്രട്ടറി സിസ്റ്റർ എമ്മ മേരി എഫ്. ഐ .എച്ച് അധ്യക്ഷത വഹിച്ചു . ഡോ. തോമസ് തറയിൽ , ഡോ. ജിജു അറക്കത്തറ എന്നിവരെ സമ്മേളനത്തിൽ ആദരിച്ചു. ഷേളി സ്റ്റാൻലി, വിൻസി ബൈജു , റാണി പ്രദീപ്, ഡോ. ഗ്ലാഡിസ് തമ്പി, പുഷ്പ ക്രിസ്റ്റി, ജാക്ലിൻ ജോബ് , പ്രസന്ന പി എൽ ,ഡോ. ന്യൂജ കാർണിഷ് , എലിസബത്ത് കരളിൻ, മേരി ഗീത ലിയോൺ , വിമല അൽഫോൻസ് എന്നിവർ സംസാരിച്ചു വനിതകൾക്കായി സംഘടിപ്പിച്ച പോസ്റ്റർ മത്സരത്തിൽ വിജയികൾക്കും സിബിസിഐയിൽ റിപ്പോർട്ട് സമർപ്പിച്ച…

കൊച്ചി: തോപ്പുംപടി സെൻ്റ്. സെബാസ്റ്റ്യൻസ് ഇടവകയുടെ ആഭിമുഖ്യത്തിൽ നടത്തപ്പെട്ട റിഥം ഓഫ് റിജോയ്സ് ക്രിസ്മസ് ആഘോഷങ്ങളുടെ ഭാഗമായി നടത്തിയ ഫെലിസ് നാവിഡാഡ് സാൻ്റാ റാലി നടത്തപ്പെട്ടു. കൊച്ചി എം. എൽ.എ കെ. ജെ മാക്സി ഫ്ലാഗ് ഓഫ് ചെയ്തു. ഇടവക വികാരി ഫാ. ടോമി ചമ്പക്കാട്ട് ഉദ്ഘാടനം നിർവഹിച്ചു. ഇടവക സഹവികാരി ഫാ. ജോസഫ് അജിൻ ചാലാപ്പള്ളിൽ പരിപാടിയുടെ അദ്ധ്യക്ഷത വഹിച്ചു. നൂറോളം ഇടവക ജനങ്ങളാണ് സാൻ്റാ ക്ലോസ് വസ്ത്രധാരികളായി റാലിയിൽ അണിനിരന്നത്. റിഥം ഓഫ് റിജോയ്സ് കോർഡിനേറ്റർമാരായ കാസി പൂപ്പന,ഡാനിയ ആൻ്റണി, 11-ാം ഡിവിഷൻ കൗൺസിലർ ഷീബാ ഡുറോം എന്നിവർ സംസാരിച്ചു. ഇടവക സെൻട്രൽ കമ്മിറ്റി കൺവീനർ ജോർജ് ജെയ്സൺ, പാസ്റ്ററൽ കൗൺസിൽ സെക്രട്ടറി ചാൾസ് ബ്രോമസ്, ഫെറോൺ ഫ്രാൻസിസ് എന്നിവർ നേതൃത്വം നൽകി.