Author: admin

എല്ലാ ദിവസവും കൂട്ടക്കൊലകൾ നടക്കുന്ന നൈജീരിയായിൽ സൊകോട്ടോ ബിഷപ്പ് മാത്യു ഹസ്സൻ കുക്കയാണ് രാജ്യത്തെ ദയനീയ അവസ്ഥ ചൂണ്ടിക്കാട്ടി രംഗത്തുവന്നിരിക്കുന്നത്. തിങ്കളാഴ്ച 10 പേരും ചൊവ്വാഴ്ച 50 പേരും ബുധനാഴ്ച 100 പേരും കൊല്ലപ്പെടുന്ന മറ്റൊരു രാജ്യവുമില്ലായെന്നും എല്ലാ ആഴ്ചയും കൂട്ടക്കൊലകൾ തുടരുകയാണെന്നും അത്തരമൊരു രാജ്യത്തിന് എങ്ങനെ മുന്നോട്ട് പോകാൻ കഴിയുമെന്നും സൊകോട്ടോ ബിഷപ്പ് ചോദ്യമുയർത്തി.

ഫെബ്രുവരി 15 ഞായറാഴ്ച മുതൽ മാർച്ച് 15 ഞായറാഴ്ച വരെ അഞ്ച് റോമൻ ഇടവകകളിലേക്ക് പാപ്പാ, രൂപതയുടെ മെത്രാൻ എന്ന നിലയിൽ അജപാലന സന്ദർശനം നടത്തുമെന്നും, വിശ്വാസികളുമായി കൂടിക്കാഴ്ച നടത്തുമെന്നും, പാപ്പായുടെ ആരാധന ക്രമ ആഘോഷങ്ങൾക്കുവേണ്ടിയുള്ള കാര്യാലയം പുറത്തിറക്കിയ കലണ്ടറിൽ എടുത്തു പറയുന്നു. സന്ദർശനം നടക്കുന്ന ദിവസം , ഫെബ്രുവരി ഇരുപത്തിരണ്ടാം തീയതി ഒഴിച്ച്, മറ്റു ഞായറാഴ്ച്ചകളിൽ, ഉച്ചകഴിഞ്ഞു വിശ്വാസികളുമായി കൂടിക്കാഴ്ച നടത്തുകയും, തുടർന്ന് വൈകുന്നേരം അഞ്ചുമണിക്ക്, വിശുദ്ധ ബലിയർപ്പിക്കുകയും ചെയ്യും.

കഴിഞ്ഞ പതിനേഴു വർഷമായി മധ്യപൂർവേഷ്യയിൽ അപ്പസ്തോലിക നൂൺഷ്യോ ആയി സേവനം അനുഷ്ഠിച്ചു വന്നിരുന്ന കർദിനാൾ മാരിയോ സെനാരി, തന്റെ എൺപതാമത്തെ വയസിൽ രാജി സമർപ്പിച്ചു. 2008 മുതൽ ഡമാസ്കസിൽ സേവനം ആരംഭിച്ച ഇദ്ദേഹത്തെ 2016 ലാണ് ഫ്രാൻസിസ് പാപ്പാ കർദിനാൾ സ്ഥാനത്തേക്ക് ഉയർത്തിയത്. മധ്യപൂർവേഷ്യയിൽ പ്രത്യേകമായി സിറിയയിൽ തീവ്രമായ നയതന്ത്രപരവും മാനുഷികവുമായ പ്രവർത്തനങ്ങൾ നടത്തിയ ഒരു വ്യക്തിയാണ് കർദിനാൾ സെനാരി.

റോമിലെ സിസ്റ്റൈൻ ചാപ്പലിന്റെ അൾത്താര ഭിത്തിയിൽ മൈക്കലാഞ്ചലോ വരച്ച വിഖ്യാതമായ ചുവർച്ചിത്രമായ “അന്ത്യവിധി”യുടെ പുനരുദ്ധാരണ പ്രവർത്തനങ്ങൾ ആരംഭിച്ചു. 1536-1541 കാലഘട്ടത്തിൽ പൂർത്തിയാക്കിയതാണ് ഈ ചിത്രം. ഏകദേശം മുപ്പതു വർഷങ്ങൾക്ക് ശേഷമാണ് വീണ്ടും, ഈ ചിത്രത്തിന്റെ പുനരുദ്ധാരണ പണികൾ ആരംഭിക്കുന്നത്. അന്തരീക്ഷത്തിലെ പൊടിപടലങ്ങളുടെ ആധിക്യം, ചിത്രത്തിന്റെ നിറങ്ങൾക്ക് മങ്ങലുകൾ ഏൽപ്പിച്ചതിനാലാണ് ഈ പണികൾ ആവശ്യമായി വന്നതെന്ന്, വത്തിക്കാൻ മ്യൂസിയം പുറത്തിറക്കിയ പ്രസ്താവനയിൽ പറയുന്നു.

കിഴക്കൻ ഇന്ത്യയിലെ 22 ദശലക്ഷം നിവാസികളുള്ള, കൊൽക്കത്തയിലെ നഗരത്തിൽ, ഏറ്റവും ദരിദ്രരും ദുർബലരുമായവരുടെ പിന്തുണയും പരിശീലനവും ഉറപ്പാക്കാനും, യുവാക്കളുടെ വിദ്യാഭ്യാസത്തിനും, കുട്ടികളുടെ സംരക്ഷണത്തിനും മറ്റു സാമൂഹിക സേവനങ്ങൾക്കുമായി സലേഷ്യൻ സമൂഹം പ്രവർത്തനങ്ങൾ ആരംഭിച്ചിട്ട് നൂറു വർഷങ്ങൾ പൂർത്തിയാവുകയാണ്.

ഭാരത കത്തോലിക്കാ മെത്രാൻ സമിതിയുടെ (സിബിസിഐ) 37-ാമത് ജനറൽ അസംബ്ലി 2026 ഫെബ്രുവരി 4 മുതൽ 10 വരെ ബെംഗളൂരുവിലെ സെന്റ് ജോൺസ് നാഷണൽ അക്കാദമി ഓഫ് ഹെൽത്ത് സയൻസസിൽ നടക്കും. ദ്വിവത്സര യോഗത്തിൽ ഇന്ത്യയിലെ, മൂന്നു റീത്തുകളിലും ഉള്ള 174 രൂപതകളിലെ കത്തോലിക്കാ മെത്രാന്മാർ പ്രാർത്ഥനയിലും, ധ്യാനത്തിലും, ദേശീയ, സഭാ പ്രാധാന്യമുള്ള വിഷയങ്ങളിൽമേലുള്ള ചർച്ചകളിലും പങ്കെടുക്കും.

കൊച്ചി രൂപത 1557 ഫെബ്രുവരി 4ാം തീയതിയാണ് സ്ഥാപിതമായത്. കൊച്ചി രൂപത 469 വർഷങ്ങൾ പിന്നിടുമ്പോൾ അതിന്റെ ആഘോഷപരിപാടികളുടെ ഭാഗമായി കെ. സി. വൈ. എം കൊച്ചി രൂപത യുടെ നേതൃത്വത്തിൽ ഫോർട്ട്കൊച്ചി സാന്താക്രൂസ് ബസിലിക്ക ദൈവാലയാങ്കണത്തിൽ ദീപക്കാഴ്ച ഒരുക്കി.

മഹാത്മാ ഗാന്ധി (എം.ജി.) സർവകലാശാലയും ലീഡ്സ് ബെക്കറ്റ്, സർവകലാശാലയും (എൽ.ബി.യു.) സംയുക്തമായി നടത്തുന്ന ജേർണലിസം, ആൻഡ് മാസ് കമ്മ്യൂണിക്കേഷൻ വിഷയത്തിലെ ഡ്യൂവൽ ഡിഗ്രി മാസ്റ്റേഴ്സ് ,പ്രോഗ്രാം 2026 ഫെബ്രുവരി 6-ന് വൈകിട്ട് 3 മണിക്ക് എറണാകുളം സെന്റ് തെരേസാസ് കോളേജ് (ഓട്ടോണമസ്)ൽ ഔപചാരികമായി പ്രഖ്യാപിക്കപ്പെടും.

കോഴിക്കോട് അതിരൂപത ഫാമിലി അപ്പോസ്തലേറ്റിൻ്റെ മലപ്പുറം മേഖലയിലെ ഏകസ്ഥരുടെയും വിധവകളുടെയും വിഭാര്യരൂടെയും സംഗമം ‘നവജീവനം സ്നേഹസംഗമം’ എന്ന പേരിൽ മലപ്പുറം സെൻറ് ജോസഫ് പാരിഷ് ഹാളിൽ വച്ച് നടത്തി. ഫെറോന വികാരി മോൻസിഞ്ഞോർ വിൻസൻറ് അറക്കൽ ഉദ്ഘാടനം ചെയ്തു.

മട്ടാഞ്ചേരി ഉപജില്ല എൽ. പി. വിഭാഗം സ്പോർട്സ് മത്സരങ്ങളിൽ കൊച്ചി രൂപതയിലെ സെന്റ്. പീറ്റേഴ്സ് എൽ പി സ്കൂൾ ഓവറോൾ ചാമ്പ്യൻമാരായി.മട്ടാഞ്ചേരി ഉപജില്ലയിലെ എല്ലാ എൽ പി സ്കൂളിലേയും മികച്ച കായിക താരങ്ങൾ മാറ്റുരച്ച മത്സരത്തിൽ എൽ.പി, ആൺകുട്ടികളുടെയും പെൺകുട്ടികളുടെയും വിഭാഗത്തിൽ കുമ്പളങ്ങി സെൻ്റ് പീറ്റേഴ്സ് സ്കൂൾ ഓവറോൾ കിരീടം കരസ്ഥമാക്കി.