Author: admin

റിലീസിന് പിന്നാലെ കുടുംബപ്രേക്ഷകരുടെ ഹൃദയം കവർന്ന് ‘കൂടോത്രം’ സിനിമ തിയേറ്ററുകളിൽ മുന്നേറുന്നു. ചിത്രത്തിലെ കേന്ദ്രകഥാപാത്രമായ ‘വാവാച്ചനെ’ മലയാളി പ്രേക്ഷകർ ഏറ്റെടുത്തതിന്റെ സന്തോഷം പങ്കുവെക്കാൻ അണിയറപ്രവർത്തകർ എറണാകുളം പ്രസ് ക്ലബ്ബിൽ ഒത്തുചേർന്നു

ചുള്ളിമാനൂർ ഫൊറോനയുടെ ഈ വർഷത്തെ ബിസിസി സംഗമം 15 ന് ഉച്ചക്ക് 2 ന് ചുള്ളിമനൂർ ഫൊറോന ദൈവാലയത്തിൽ വച്ച് നടത്തി. നെയ്യാറ്റിൻകര രൂപത ശുശ്രൂഷ കോർഡിനേറ്റർ വെരി റവ മോൺ. റൂഫസ് പയസ് ലീൻ സംഗമം ഉദ്ഘാടനം ചെയ്തു. ഫൊറോനാ വികാരി വെരി.റവ ഡോ. ബിനു ടി അധ്യക്ഷത വഹിച്ചു.

ജനപ്രതിനിധികൾ ഭരണഘടനാ മൂല്യങ്ങൾ ഉയർത്തിപ്പിടിച്ച് പ്രവർത്തിക്കണമെന്ന് കോട്ടപ്പുറം ബിഷപ്പ് ഡോ. അംബ്രോസ് പുത്തൻവീട്ടിൽ . കോട്ടപ്പുറം രൂപതാംഗങ്ങളായ തദ്ദേശ തെരഞ്ഞെടുപ്പിലെ വിജയികളായ 44 പേർക്ക് കോട്ടപ്പുറം രൂപതയുടെ ആദരവ് അർപ്പിക്കാൻ കോട്ടപ്പുറം വികാസ് – ആൽബർട്ടൈൻ ആനിമേഷൻ സെൻ്ററിൽ കൂടിയ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

നോമ്പുകാലം മാനസാന്തരത്തിനുള്ള സമയമാണെന്ന് ഓർമ്മപ്പെടുത്തിക്കൊണ്ടും, തിരുവചനത്തിനു ചെവികൊടുത്തുകൊണ്ടും, ആത്മാവിന്റെ പ്രചോദനങ്ങളെ സ്വീകരിച്ചുകൊണ്ടും, ഈ സമയം ഫലപ്രദമാക്കണമെന്നു ലെയോ പാപ്പ. നമ്മുടെ വിശ്വാസത്തിന്റെ ഊർജ്ജം വീണ്ടെടുക്കാനും, ദൈനംദിന ഉത്കണ്ഠകൾക്കും വ്യതിചലനങ്ങൾക്കും ഇടയിൽ ഹൃദയം നഷ്ടപ്പെടാതിരിക്കാനും ദൈവീക രഹസ്യം നമ്മുടെ ജീവിതത്തിന്റെ കേന്ദ്രത്തിൽ തിരികെ സ്ഥാപിക്കാൻ സഭ നമ്മെ ക്ഷണിക്കുന്ന സമയമാണ് നോമ്പു കാലമെന്നും പാപ്പ പറഞ്ഞു. ശ്രവിക്കുക, ഉപവാസമനുഷ്ഠിക്കുക, കൂട്ടായ്മയിൽ ജീവിക്കുക, എന്നിങ്ങനെയുള്ള നോമ്പുകാല ചൈതന്യങ്ങളെ പാപ്പ സന്ദേശത്തിൽ പ്രത്യേകം ചൂണ്ടിക്കാണിച്ചു.

“കുട്ടികളുടെ ആഗോളദിനാചരണത്തിനുവേണ്ടിയുള്ള പൊന്തിഫിക്കൽ കമ്മറ്റി” പിരിച്ചുവിട്ട് ലിയോ പതിനാലാമൻ പാപ്പാ. ഫെബ്രുവരി 12 വ്യാഴാഴ്ച ഒപ്പിട്ട ഒരു രേഖയിലൂടെയാണ്, ഒന്നേകാൽ വർഷത്തോളം നീണ്ട ഈ കമ്മിറ്റി പരിശുദ്ധ പിതാവ് പിരിച്ചുവിട്ടത്. കുട്ടികളുടെ ആഗോളദിനാചരണവുമായി ബന്ധപ്പെട്ട കാര്യങ്ങൾ ഇനി മുതൽ “അല്മയർക്കും, കുടുംബങ്ങൾക്കും ജീവനും” വേണ്ടിയുള്ള ഡികാസ്റ്ററിയുടെ കീഴിലായിരിക്കുമെന്നും പാപ്പാ തന്റെ ഉത്തരവിലൂടെ അറിയിച്ചു.

കോട്ടപ്പുറം ഇന്റഗ്രേറ്റഡ് ഡെവലപ്‌മെന്റ് സൊസൈറ്റി (KIDS)യും NABARDഉം സംയുക്തമായി സംഘടിപ്പിച്ച എൻജിഒ മീറ്റ് 2026 ഫെബ്രുവരി 13-ന് രാവിലെ 10.30-ന് കിഡ്സ് ക്യാമ്പസിൽ നടന്നു. വിവിധ എൻജിഒ പ്രതിനിധികൾ പങ്കെടുത്ത യോഗം എൻജിഒകളുടെ ശേഷിവർധന (Capacity Building) ലക്ഷ്യമാക്കി സംഘടിപ്പിച്ചതായിരുന്നു.

റവ. ഡോ. സ്റ്റീഫൻ ആലത്തറയെ ഭാരതത്തിലെ ലത്തീൻ കത്തോലിക്കാ മെത്രാൻ സമിതിയായ സി. സി. ബി. ഐ.യുടെ ഡപ്യൂട്ടി സെക്രട്ടറി ജനറലായി നാലമതും നിയമിച്ചു. 2030 വരെയാണ് പുതിയകലാവധി. ഭാരത സഭയുടെ ചരിത്രത്തിൽ ഇത് ആദ്യമായാണ് മൂന്നാവട്ടവും നാടലാവട്ടവും ഒരു വൈദികനെ തുടർച്ചയായി ഈപദവിയിൽ മെത്രാൻ സമിതി നിയോഗിക്കുന്നത്.

നാല്പതോളം നിയമസഭാ നിയോജക മണ്ഡലങ്ങളിൽ നിർണായക ശക്തിയായ ലത്തീൻ സമുദായത്തിന് അർഹമായ പ്രാതിനിധ്യം ലഭിക്കണമെന്നു കേരള ലാറ്റിൻ കാത്തലിക് അസോസിയേഷൻ ( കെഎൽസിഎ ) സംസ്ഥാന സമ്മേളനം ആവശ്യപ്പെട്ടു.

ജെയിംസ് അഗസ്റ്റിൻ ക്ഷമിക്കുന്ന സ്നേഹം ദൈവീകഭാവം നാഥൻ കൊതിക്കും സ്വഭാവം ക്ഷമിക്കുന്ന സ്നേഹം സ്വർഗീയദാനം മന്നിൽ സമാധാന മാർഗം ഏഴേഴെഴുപതെന്നാലും ഏതേതു ദ്രോഹമെന്നാലും എന്തും മറന്നൊന്നുചേരാൻ നമുക്കീശന്റെ മനസ്സോടു ചേരാം ഈശന്റെ മനസ്സോടു ചേരാം സംഗീതസംവിധായകൻ ജെറി അമൽദേവ് മലയാറ്റൂർ മല കയറുകയാണ്. കൂടെ ഗാനരചയിതാവ് ഫാ.തദേവൂസ് അരവിന്ദത്തുമുണ്ട്. കുറച്ചു പാട്ടുകൾ ഒരുക്കാനാണ് യാത്ര. ജെറി അമൽദേവ് തന്നെ ആ പാട്ടുകളുടെ പിറവിയെക്കുറിച്ചു പറയും.”സിനിമയുടെ തിരക്കുകൾക്കിടയിൽ ഒരു ദിവസം ഫാ.തദേവൂസ് എന്നെ വിളിച്ചു. പത്തു പാട്ടുകൾക്ക് സംഗീതം നല്കണം എന്ന് പറഞ്ഞു. ഞാൻ ചെയ്യാമെന്ന് സമ്മതിച്ചു. അന്ന് ഫാ.തദേവൂസ് മലയാറ്റൂർ പള്ളിയിൽ സേവനം ചെയ്യുകയായിരുന്നു. നമുക്ക് മലയാറ്റൂരിൽ പള്ളിമേടയിൽ ഇരുന്നാലോ എന്ന ക്ഷണം ഞാൻ സ്വീകരിച്ചു. മൂന്നുനാലു ദിവസം താമസിക്കാൻ തയ്യാറായാണ് ഞാൻ പോയത്. തീർത്ഥാടനകാലമായിരുന്നില്ല. ശാന്തമായ പരിസരം. ഞങ്ങൾ മല കയറാൻ തുടങ്ങി. അച്ചനെ സഹായിക്കുന്ന രണ്ടുപേർ കൂടെയുണ്ട്. താഴെ നിന്നും പിടിച്ച മീനും ഭക്ഷണം ഒരുക്കാനുള്ള സാമഗ്രികളും അവർ…

പശ്ചിമഘട്ടത്തിലെ ഇതുവരെ തിരിച്ചറിഞ്ഞിട്ടില്ലാത്ത പുതിയ സസ്യവർഗം ഗവേഷകർ കണ്ടെത്തി. കോഴിക്കോട് ദേവഗിരി സെന്റ് ജോസഫ്‌സ് കോളജ് (ഓട്ടോണമസ്) മുൻ പ്രിൻസിപ്പലും മാനേജരുമായ പരേതനായ ഫാ. ജോസഫ് പൈകട സിഎംഐയോടുള്ള ആദരസൂചകമായി സസ്യത്തിന് ടെട്രാറ്റേനിയം പൈകടെ (Tetrataenium paikadae) എന്ന് പേരാണ് ഗവേഷകര്‍ നല്‍കിയത്