Author: admin

സം​പൗ​ളോ:സൗദി അറേബ്യയെ (2-1) പരാജയപ്പെടുത്തി ഓസ്‌ട്രേലിയ ലോകകപ്പ് യോഗ്യത നേടി . മറ്റൊരു മത്സരത്തിൽ ബൊളീവിയയോട് 2-0 തോൽവി വഴങ്ങിയതോടെ ചിലിക്ക് തുടർച്ചയായ മൂന്നാം തവണയും ലോകകപ്പ് യോഗ്യതനേടാനായില്ല. സൗദിക്കെതിരായ മത്സരത്തിൽ ഒരു ഗോളിന് പിന്നിൽ നിന്ന ശേഷമാണ് ഓസ്‌ട്രേലിയ കളിച്ചു കയറിയത്. കളിയുടെ 19-ാം മിനിറ്റിൽ അബ്ദുൾറഹ്മാൻ അൽ അബൗദ് സൗദിയെ മുന്നിലെത്തിച്ചു. എന്നാൽ ഒന്നാം പകുതിയിൽ തന്നെ ഓസീസ് സമനില പിടിച്ചിരുന്നു . 42-ാം മിനിറ്റിൽ കോണർ മെറ്റ്കാഫാണ് ടീമിനായി സമനില ഗോൾ കരസ്ഥമാക്കിയത് . രണ്ടാം പകുതിയുടെ തുടക്കത്തിൽ 48-ാം മിനിറ്റിൽ മിച്ച് ഡ്യൂക്ക് ടീമിന്റെ വിജയഗോൾ നേടി. ഇതോടെ ഓസ്ട്രേലിയക്ക് തുടർച്ചയായ ആറാം ലോകകപ്പ് യോഗ്യത ഉറപ്പാക്കി.

ഫ്ലോറിഡ: വ്യോമസേനാ ഗ്രൂപ്പ്‌ കമാൻഡർ ശുഭാംശു ശുക്ലയുടെ അന്താരാഷ്‌ട്ര ബഹിരാകാശ നിലയത്തിലേക്കുള്ള ആക്സിയം യാത്രാദൗത്യം വൈകിയേക്കും . റോക്കറ്റ് തകരാറുമൂലം ആക്‌സിയം -4 ദൗത്യം മാറ്റിവെച്ചതായി അധികൃതർ വ്യക്തമാക്കി . പുതിയ തീയതി പിന്നീട് അറിയിക്കും . ഇത് നാലാംതവണയാണ് വിവിധ കാരണങ്ങളാൽ ദൗത്യം നീട്ടി വെയ്ക്കുന്നത്. ഫ്ലോറിഡയിലെ നാസ കെന്നഡി സ്‌പേയ്‌സ്‌ സെന്ററിൽ നിന്ന്‌ ഇന്ന് വൈകീട്ട്‌ 5.30നാണ്‌ ശുഭാംശു ശുക്ലയും സംഘവും യാത്ര പുറപ്പെടാനിരുന്നത്. ഇന്നലെ നടത്താനിരുന്ന വിക്ഷേപണം സാങ്കേതിക തകരാറും കാലാവസ്ഥാ പ്രശ്‌നങ്ങളും മൂലം ഇന്നത്തേയ്ക്ക് മാറ്റിവെയ്ക്കുകയായിരുന്നു. റോക്കറ്റ് തകരാർ കണ്ടെത്തിയതിനെ തുടർന്നാണ് ഇന്നത്തെ വിക്ഷേപണം മാറ്റിയത് .

നിഖ്യാ സിനഡ് പ്രഖ്യാപനത്തിന്റെ വാർഷികാചരണം, കൊച്ചി രൂപത എമിരിറ്റസ് ബിഷപ്പ് ജോസഫ് കരിയിൽ ഉത്ഘാടനം ചെയ്യുന്നു.

തിരുവനന്തപുരം: സംസ്ഥാനത്ത് കാലവർഷം വീണ്ടും സജീവമായി . അടുത്ത ഏഴ്‌ ദിവസം വ്യാപകമായ മഴയ്ക്ക് സാധ്യത. ജൂൺ 14–16 തീയതികളിൽ ഒറ്റപ്പെട്ട അതിതീവ്ര മഴയ്ക്കും ജൂൺ 12 -16 വരെ ഒറ്റപ്പെട്ട അതിശക്തമായ മഴയ്ക്കും സാധ്യത ഉണ്ടെന്നാണ് കേന്ദ്ര കാലാവസ്ഥ വകുപ്പ് മുന്നറിയിപ്പ്. ജൂൺ 14-ന് കേരളത്തിന് മുകളിൽ മണിക്കൂറിൽ പരമാവധി 50 -60 കിലോമീറ്റർ വരെ വേഗത്തിൽ കാറ്റ് ശക്തമാകാനും സാധ്യതയുണ്ട് കേരളത്തിൽ ഇന്ന് ഒമ്പത് ജില്ലകളിൽ യെല്ലോ അലർട്ട് പ്രഖ്യാപിച്ചു . പത്തനംതിട്ട, ആലപ്പുഴ, മലപ്പുറം, കോഴിക്കോട്, കോട്ടയം, എറണാകുളം, തൃശൂർ, കണ്ണൂർ, കാസർകോട് ജില്ലകളിലാണ് യെല്ലോ അലർട്ടുള്ളത്. നാളെ കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും യെല്ലോ അലർട്ടാണ്. ഓറഞ്ച് അലർട്ട് പ്രഖ്യാപിച്ചിരിക്കുന്ന ജില്ലകൾ:12/06/2025: കണ്ണൂർ, കാസർകോട് 13/06/2025: കോഴിക്കോട്, വയനാട്, കണ്ണൂർ, കാസർകോട്.14/06/2025: കാസർകോട്, കണ്ണൂർ ജില്ലകളിൽ ഓറഞ്ച് അലർട്ടാണെങ്കിലും റെഡ് അലർട്ടിന് സമാനമായ അതിതീവ്ര മഴയ്ക്ക് സാധ്യതയുണ്ട്.

ഖ​ത്ത​ർ: കെ​നി​യ​യി​ൽ അ​പ​ക​ട​ത്തി​ൽ മ​രി​ച്ച പ്ര​വാ​സി മ​ല​യാ​ളി​ക​ളു​ടെ പോ​സ്റ്റ്‌​മോ​ർ​ട്ടം ന​ട​പ​ടി​ക​ൾ പൂ​ർ​ത്തി​യായതായി റിപ്പോർട്ട് ​. ബ​ന്ധു​ക്ക​ൾ മൃ​ത​ദേ​ഹ​ങ്ങ​ൾ തി​രി​ച്ച​റി​ഞ്ഞ​തോ​ടെ ചൊ​വ്വാ​ഴ്ച രാ​ത്രി​ പോ​സ്റ്റ്‌​മോ​ർ​ട്ടം ന​ട​ത്തു​ക​യാ​യി​രു​ന്നു. ഇ​ന്നോ വ്യാ​ഴാ​ഴ്ച​യോ മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കാനാണ്‌ ശ്രമം . ഖ​ത്ത​റി​ൽ നി​ന്നും കെ​നി​യ​യി​ലേ​ക്ക് വി​നോ​ദ യാ​ത്ര പോ​യ ഇ​ന്ത്യ​ൻ സം​ഘം സ​ഞ്ച​രി​ച്ച ബ​സ് അ​പ​ക​ട​ത്തി​ൽ പെ​ട്ട് അ​ഞ്ച് മ​ല​യാ​ളി​ക​ള​ട​ക്കം ആ​റ് പേ​രാ​ണ് കെനിയയിൽ മരിച്ചത് . പാ​ല​ക്കാ​ട് നി​ന്നു​ള്ള റി​യ ആ​ൻ (41), ടൈ​റ റോ​ഡ്രി​ഗ്‌​സ് (എട്ട്), തൃ​ശൂ​രി​ൽ നി​ന്നു​ള്ള ജ​സ്‌​ന കു​ട്ടി​ക്കാ​ട്ടു​ചാ​ലി​ൽ (29), മ​ക​ൾ റൂ​ഫി മെ​ഹ​റി​ൻ മു​ഹ​മ്മ​ദ് (ഒന്നര), തി​രു​വ​ന​ന്ത​പു​ര​ത്ത് നി​ന്നു​ള്ള ഗീ​ത ഷോ​ജി ഐ​സ​ക് (58) എ​ന്നി​വ​രാ​ണ് മ​രി​ച്ച​ത്.

തി​രു​വ​ന​ന്ത​പു​രം: കെ​നി​യ​യി​ലെ നെ​ഹ്റൂ​റു​വി​ലു​ണ്ടാ​യ വാ​ഹ​നാ​പ​ക​ട​ത്തി​ൽ അഞ്ച് മ​ല​യാ​ളി​ക​ൾ മ​രി​ച്ച സം​ഭ​വ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​നു​ശോ​ചനമറിയിച്ചു . നെ​യ്‌​റോ​ബി​യി​ലെ ഇ​ന്ത്യ​ൻ ഹൈ​ക്ക​മ്മീ​ഷ​ൻ മരിച്ചവ​രു​ടെ വി​വ​ര​ങ്ങ​ൾ ഔ​ദ്യോ​ഗി​ക​മാ​യി അ​റി​യി​ച്ചി​ട്ടി​ല്ലെ​ങ്കി​ലും അ​ഞ്ചു മ​ല​യാ​ളി​ക​ൾ മ​രി​ച്ച​താ​യാ​ണ് വി​വ​രം. നോ​ർ​ക്ക റൂ​ട്‌​സ് വ​ഴി ലോ​ക​കേ​ര​ള സ​ഭാം​ഗ​ങ്ങ​ളും വി​ഷ​യ​ത്തി​ൽ ഇ​ട​പെ​ടുന്നുണ്ട്. അ​ടി​യ​ന്ത​രാ​വ​ശ്യ​ങ്ങ​ൾ​ക്കാ​യി ഹെ​ൽ​പ്പ് ഡെ​സ്ക് ന​മ്പ​രും പ​ങ്കു​വെ​ച്ചി​ട്ടു​ണ്ട്. നി​ല​വി​ൽ നെ​ഹ്‌​റൂ​റു​വി​ലെ ആ​ശു​പ​ത്രി​ക​ളി​ൽ ക​ഴി​യു​ന്ന പ​രി​ക്കേ​റ്റ​വ​രെ രാ​ത്രി​യോ​ടെ റോ​ഡു മാ​ർ​ഗ​മോ എ​യ​ർ ആം​ബു​ല​ൻ​സി​ലോ നെ​യ്‌​റോ​ബി​യി​ലെ​ത്തി​ക്കുമെന്നറിയുന്നു . അ​പ​ക​ട​ത്തി​ൽ മ​ര​ച്ച​വ​രു​ടെ മൃ​ത​ദേ​ഹം നെ​യ്‌​റോ​ബി​യി​ലേ​ക്ക് കൊ​ണ്ടു​പോ​കു​മെ​ന്നും ലോ​ക കേ​ര​ള സ​ഭ അ​റി​യി​ക്കുന്നു . നെ​യ്റോ​ബി​യി​ലെ ന​ക്റൂ, അ​ഗാ​ക്കാ​ൻ ആ​ശു​പ​ത്രി​ക​ളി​ൽ പ​രി​ക്കേ​റ്റ​വ​ർ​ക്ക് ചി​കി​ത്സ ല​ഭ്യ​മാ​ക്കു​മെന്ന് മു​ഖ്യ​മ​ന്ത്രി അ​റി​യി​ച്ചു. ഹെ​ൽ​പ്പ് ഡെ​സ്‌​ക് ന​മ്പ​ർ: 18004253939 (ടോ​ൾ ഫ്രീ ​ന​മ്പ​ർ, ഇ​ന്ത്യ​യി​ൽ നി​ന്നും ), +91-8802012345 (മി​സ്ഡ് കോ​ൾ, വി​ദേ​ശ​ത്തു നി​ന്നും).

ഹൂതി നിയന്ത്രണത്തിലുള്ള ഹൊദെയ്‌ദ തുറമുഖം ഇസ്രേലി നാവികസേന ആക്രമിച്ചു

സം​പൗ​ളോ: ബ്ര​സീ​ൽ 2026 ഫി​ഫ ലോ​ക​ക​പ്പ് യോ​ഗ്യ​ത നേടി . ലാ​റ്റി​ന​മേ​രി​ക്ക​ൻ യോ​ഗ്യ​താ റൗ​ണ്ടി​ൽ പ​രാ​ഗ്വെ​യെ ഏ​ക​പ​ക്ഷീ​യ​മാ​യ ഒ​രു ഗോ​ളി​ന് പരാജയപ്പെടുത്തിയാണ് കാ​ന​റി​ക​ൾ യോ​ഗ്യ​ത നേ​ടി​യ​ത്. ക​ളി​യു​ടെ ആദ്യ പ​കു​തി​യി​ൽ വി​നീ​ഷ്യ​സ് ജൂ​നി​യ​റാ​ണ് ബ്ര​സീ​ലി​ൻറെ വി​ജ​യ ഗോ​ൾ കരസ്ഥമാക്കിയത് . ആ​ദ്യ​പ​കു​തി അ​വ​സാ​നി​ക്കാ​ൻ മി​നി​റ്റു​ക​ൾ മാ​ത്രം ബാ​ക്കി നി​ൽ​ക്കെ​യാ​യി​രു​ന്നു വി​ജ​യ​ഗോ​ൾ . 44-ാം മി​നി​റ്റി​ൽ മാ​ത്യൂ​സ് കു​ൻ​ഹ​യു​ടെ അ​സി​സ്റ്റി​ൽ വി​നീ​ഷ്യ​സ് പ​ന്ത് വ​ല​യി​ലാ​ക്കി. ആ​ദ്യ ക​ളി​യി​ൽ ഇ​ക്വ​ഡോ​റി​നോ​ട്‌ ഗോ​ൾ​ര​ഹി​ത സ​മ​നി​ല വ​ഴ​ങ്ങി​യി​രു​ന്നു. ജ​യ​ത്തോ​ടെ 16 ക​ളി​യി​ൽ 25 പോ​യി​ൻറു​മാ​യി ബ്ര​സീ​ൽ മൂ​ന്നാമതെത്തി . 35 പോ​യി​ൻറു​മാ​യി ലോ​ക​ചാ​മ്പ്യ​ന്മാ​രാ​യ അ​ർ​ജ​ൻറീ​ന​യാ​ണ് ഒ​ന്നാ​മ​ത്.കാ​ർ​ലോ ആ​ഞ്ച​ലോ​ട്ടി പ​രി​ശീ​ല​ക​നാ​യ ബ്ര​സീ​ലി​ൻറെ ആ​ദ്യ വി​ജ​യ​മാ​ണി​ത്.

പൊതുയിടങ്ങളിലും യാത്രകളിലും മാസ്‌ക് ധരിക്കണംആരോഗ്യമന്ത്രി വീണാ ജോര്‍ജ്

വെങ്കിടങ്ങ് : തൃശ്ശൂര്‍ ജില്ലാ മിഷനും കോട്ടപ്പുറം ഇന്‍റഗ്രേറ്റഡ് ഡെവലപ്പ്മെന്‍റ് സൊസൈറ്റി കിഡ്സും സംയുക്തമായി വെങ്കിടങ്ങ് പഞ്ചായത്തില്‍ വെച്ച് നടത്തിയ ടെയ്ലറിങ്ങ് & ഫാഷന്‍ ഡിസൈനിംങ്ങ്, ഫുഡ് പ്രോസസിങ്ങ് & പിക്കിള്‍ മെക്കിംങ്ങ് തുടങ്ങിയ പരിശീലന പരിപാടിയുടെ സര്‍ട്ടിഫിക്കറ്റ് വിതരണം കിഡ്സ് ഡയറക്ടര്‍ ഫാ. നിമേഷ് അഗസ്റ്റിന്‍ കാട്ടാശ്ശേരി നിര്‍വ്വഹിച്ചു. വെങ്കിടങ്ങ് ഗ്രാമപഞ്ചായത്ത് സിഡിഎസ് ചെയര്‍പേഴ്സണ്‍ സുനീഷ അദ്ധ്യക്ഷത വഹിച്ച യോഗത്തില്‍ തൃശ്ശൂര്‍ ജില്ലാ മിഷന്‍ ബ്ലോക്ക് കോഡിനേറ്റര്‍ ചന്ദന, ട്രെയ്നര്‍ പ്രവിത, കിഡ്സ് കോ-ഓഡിനേറ്റര്‍ ഷെര്‍ളിന്‍ മൈക്കിള്‍ എന്നിവര്‍ ആശംസകള്‍ അര്‍പ്പിച്ചു സംസാരിച്ചു. 30 ദിവസം നീണ്ടു നിന്ന രണ്ട് ട്രെയിനിങ്ങുകളിലുമായി 65 കുടുംബശ്രീ അംഗങ്ങളാണ് പങ്കെടുത്തത്.