Author: admin

2025 യുഎസ് ഓപ്പൺ ടെന്നീസ് മത്സരങ്ങൾ നടന്നുക്കൊണ്ടിരിക്കുന്നതിനിടെ ടെന്നീസ് ഇതിഹാസ താരം കാർലോസ് അൽകാരസ് കത്തോലിക്ക വൈദികനിൽ നിന്നു ആശീർവാദം സ്വീകരിക്കുന്ന ചിത്രം സമൂഹ മാധ്യമങ്ങളിൽ വൈറലായി

വത്തിക്കാൻ :2026 ലെ ലോക സമാധാന ദിനത്തിന്റെ പ്രമേയം ലിയോ പോപ്പ് പ്രഖ്യാപിച്ചു.’നിരായുധവും നിരായുധീകരണവുമായ’ സമാധാനത്തിലേക്ക്” എന്ന പ്രമേയം ലിയോ പതിനാലാമൻ മാർപ്പാപ്പ തിരഞ്ഞെടുത്തതായി സമഗ്ര മനുഷ്യ വികസനം പ്രോത്സാഹിപ്പിക്കുന്നതിനുള്ള ഡിക്കാസ്റ്ററി ചൊവ്വാഴ്ച പ്രഖ്യാപിച്ചു.ഈ വർഷത്തെ പ്രമേയം, “അക്രമത്തിന്റെയും യുദ്ധത്തിന്റെയും യുക്തി നിരസിക്കാനും സ്നേഹത്തിലും നീതിയിലും അധിഷ്ഠിതമായ ഒരു യഥാർത്ഥ സമാധാനം സ്വീകരിക്കാനും” മനുഷ്യരാശിയെ പ്രേരിപ്പിക്കുന്നുവെന്ന് ഡികാസ്റ്ററി വിശദീകരിച്ചു. 2025 മെയ് 8 ന് തിരഞ്ഞെടുക്കപ്പെട്ട ലിയോ പതിനാലാമൻ മാർപ്പാപ്പ, “നിരായുധനും നിരായുധീകരണവും” എന്ന വാചകം ഉപയോഗിച്ച് സമാധാനത്തിനായി ആവർത്തിച്ച് ആഹ്വാനം ചെയ്തിട്ടുണ്ട്, ഈ ദർശനം ലോകത്തിന്റെ ശ്രമങ്ങളെ നയിക്കണമെന്ന് അദ്ദേഹം വിശ്വസിക്കുന്നു. വത്തിക്കാൻ പ്രസ്താവന വ്യക്തമാക്കി: “ഈ സമാധാനം നിരായുധമായിരിക്കണം, അതായത്, ഭയം, ഭീഷണികൾ അല്ലെങ്കിൽ ആയുധങ്ങൾ എന്നിവയെ അടിസ്ഥാനമാക്കിയുള്ളതല്ല. അത് നിരായുധീകരിക്കുന്നതും സംഘർഷങ്ങൾ പരിഹരിക്കുന്നതിനും, ഹൃദയങ്ങൾ തുറക്കുന്നതിനും, പരസ്പര വിശ്വാസവും സഹാനുഭൂതിയും പ്രത്യാശയും സൃഷ്ടിക്കുന്നതിനും കഴിവുള്ളതായിരിക്കണം.”സമാധാനം ഒരു അമൂർത്ത ആദർശമായി തുടരാൻ കഴിയില്ലെന്ന് ഡികാസ്റ്ററി കൂടുതൽ ഊന്നിപ്പറഞ്ഞു. “സമാധാനത്തിനായി…

ലിയോ പാപ്പായുടെ പൊന്തിഫിക്കറ്റിന്റെ ആദ്യ മാസങ്ങളിലെ പ്രഭാഷണങ്ങളുടെ സമാഹാരം, പാപ്പാ ഒപ്പിട്ട “Let There Be Peace! Words to the Church and the World” എന്ന പേരിൽ പ്രസിദ്ധീകരിക്കും.

തൃശൂർ: ഓടിക്കൊണ്ടിരിക്കുന്ന ട്രെയിനില്‍ നിന്നും പുറത്തേക്ക് തെറിച്ച് വീണ് തൃശ്ശൂരില്‍ വിദ്യാര്‍ഥി മരിച്ചു. പട്ടാമ്പി സ്വദേശി വിഷ്ണു(19) ആണ് മരിച്ചത്. തൃശ്ശൂര്‍ മിഠായി ഗേറ്റിന് സമീപമായിരുന്നു സംഭവം. ആലപ്പുഴ കണ്ണൂര്‍ എക്‌സിക്യൂട്ടീവ് ട്രെയിനിലെ ജനറല്‍ കോച്ചില്‍ നിന്നുമാണ് വിദ്യാര്‍ഥി വീണത്. ഇരിഞ്ഞാലക്കുടയില്‍ നിന്നും പട്ടാമ്പിയിലേക്കുള്ള യാത്രക്കിടെയാണ് അപകടം.പട്ടാമ്പി എസ് എന്‍ ജി എസ് കോളജിലെ ബികോം വിദ്യാര്‍ഥിയാണ്.

പുനലൂർ : ഡൽഹിയിൽ നടക്കുന്ന ഓൾ ഇന്ത്യ തൽ സൈനിക് ക്യാംപിൽ ദേശീയ ഷൂട്ടിംഗിനുള്ള കേരള & ലക്ഷദ്വീപ് ടീമിൽ ഇടം നേടി പുനലൂർ സെന്റ് ഗൊരേറ്റി ഹയർ സെക്കൻഡറി സ്കൂളിലെ ഒൻപതാം ക്ലാസ് വിദ്യാർത്ഥി നഥാനിയേൽ ഡി ഫെർഡിനാന്റ്. പുനലൂർ സെൻറ് മേരിസ് കത്തീഡ്രൽ ഇടവകാംഗമായ ചരുവിള വീട്ടിൽ ദിദീപ് റിച്ചാർഡിന്റെയും ഷൈനിയുടേയും മകനാണ്.

ഭോപ്പാൽ: രാജ്യത്തെ ഏകദേശം 94% തൊഴിലാളികളെയും പ്രതിനിധീകരിക്കുന്ന ഇന്ത്യയിലെ അസംഘടിത മേഖലയ്ക്കായി മാത്രമായി ഒരു പ്രത്യേക തൊഴിൽ നിയമം – അഞ്ചാമത്തെ കോഡ് രൂപപെടുത്തണമെന്നു ഇന്ത്യയിലെ കത്തോലിക്കാ സഭയുടെ നേതൃത്വത്തിലുള്ള ദേശീയ തൊഴിലാളി പ്രസ്ഥാനമായ വർക്കേഴ്സ് ഇന്ത്യ ഫെഡറേഷൻ (WIF), കേന്ദ്ര സർക്കാരിനോട് ശക്തമായി ആവശ്യപ്പെട്ടു. 2024 ഓഗസ്റ്റ് 22–24 തീയതികളിൽ ഭോപ്പാലിലെ പാസ്റ്ററൽ സെന്ററിൽ നടന്ന വർക്കേഴ്സ് ഇന്ത്യ ഫെഡറേഷൻ ദേശീയ അസംബ്ലിയാണ് ഈ ആവശ്യം ഉൾപ്പെടുന്ന പ്രമേയം അംഗീകരിച്ചത്. ഭാരത കത്തോലിക്കാ സഭയുടെ തൊഴിൽ കാര്യാലയത്തിന്റെ ചെയർമാൻ ബിഷപ്പ് ഡോ. അലക്സ് വടക്കുംതല അസംബ്ലി ഉദ്ഘാടനം ചെയ്തു. ഒരു പ്രത്യേക നിയമ സംഹിതയ്ക്കു മാത്രമേ അസംഘടിത തൊഴിലാളികൾക്ക് സാമൂഹിക സുരക്ഷയും ക്ഷേമവും ഉറപ്പാക്കാൻ കഴിയൂ എന്ന് അദ്ദേഹം വിലയിരുത്തി. ഭോപ്പാൽ ആർച്ച് ബിഷപ്പും മദ്ധ്യപ്രദേശ് മെത്രാൻ സമിതിയുടെ ചെയർമാനുമായ ആർച്ചുബിഷപ്പ് ഡോ. എ.എ.എസ്. ദുരൈരാജ് മുഖ്യപ്രഭാഷണം നടത്തി. രാജ്യത്തെ തൊഴിൽ നിയമ, ക്ഷേമ സംരക്ഷണങ്ങളിൽ നിന്ന് പലപ്പോഴും ഒഴിവാക്കപ്പെടുന്ന…

കൊച്ചി: വരാപ്പുഴ അതിരൂപതയുടെ നേതൃത്വത്തിൽ നടക്കുന്ന 13-ാമത് അന്തർദേശീയ വല്ലാർപാടം കൃപാഭിഷേകം ബൈബിൾ കൺവെൻഷൻ ഇന്ന് ( ഓഗസ്റ്റ് 27) ബുധനാഴ്ച അതിരൂപത മെത്രാപ്പോലീത്ത ഡോ.ജോസഫ് കളത്തിപ്പറമ്പിൽ പൊന്തിഫിക്കൽ ദിവ്യബലി അർപ്പിച്ചുകൊണ്ട് ആരംഭിക്കുന്നു. അണക്കര മരിയൻ ധ്യാനകേന്ദ്രം ഡയറക്ടർ പ്രശസ്ത ധ്യാനഗുരു ഫാ.ഡൊമിനിക് വാളന്മനാൽ ആണ് ഈ വർഷത്തെ ബൈബിൾ കൺവെൻഷന് നേതൃത്വം നൽകുന്നത്. ദേശീയ തീർത്ഥാടന കേന്ദ്രമായ വല്ലാർപാടം ബസിലിക്കയിൽ വെച്ച് ഓഗസ്റ്റ് 27 മുതൽ 31 വരെയാണ് ഈ വർഷത്തെ ബൈബിൾ കൺവെൻഷൻ നടത്തപ്പെടുന്നത്. എല്ലാദിവസവും വൈകിട്ട് 4 മണി മുതൽ 9 മണിവരെ നടക്കുന്ന ശുശ്രൂഷകൾക്ക് ശേഷം വിശ്വാസികൾക്ക് തിരികെ പോകുന്നതിന് യാത്രാസൗകര്യം ഒരുക്കിയിട്ടുണ്ട്. വല്ലാർപാടത്ത് നിന്നും പൊന്നാരിമംഗലം, കൂനമ്മാവ്, വള്ളുവള്ളി, ഞാറക്കൽ, എടവനക്കാട്, തേവര, ചാത്യാത്ത്, ചിറ്റൂർ, ചേരാനല്ലൂർ, മഞ്ഞുമ്മൽ, മുപ്പത്തടം, കലൂർ, പാലാരിവട്ടം, വൈറ്റില, കുണ്ടന്നൂർ, മാടവന, പേട്ട, വടക്കേക്കോട്ട, തോപ്പുംപടി, കണ്ണമാലി എന്നിവിടങ്ങളിലേക്കാണ് യാത്രാസൗകര്യം ഒരുക്കിയിരിക്കുന്നത്.

ഓണത്തിന് സിനിമാ പ്രേമികൾ ആവേശത്തോടെ കാത്തിരിക്കുന്ന നാല് മലയാള ചിത്രങ്ങൾ ഇത്തവണ തിയേറ്ററുകളിൽ റിലീസിനെത്തും . മോഹൻലാലിനെ നായകനാക്കി സത്യൻ അന്തിക്കാട് ഒരുക്കിയ ‘ഹൃദയപൂർവ്വം’, കല്യാണി പ്രിയദർശൻ സൂപ്പർഹീറോയിൻ വേഷത്തിൽ എത്തുന്ന ‘ലോക- ചാപ്റ്റർ വൺ: ചന്ദ്ര’, ഫഹദ് ഫാസിലിനെ നായകനാക്കി അൽത്താഫ് സലിം സംവിധാനം ചെയ്‌ത ‘ഓടും കുതിര ചാടും കുതിര’, ഹൃദു ഹാറൂൺ- പ്രീതി മുകുന്ദൻ എന്നിവർ പ്രധാന കഥാപാത്രങ്ങളായി എത്തുന്ന ‘മേനേ പ്യാർ കിയ’ എന്നീ ചിത്രങ്ങളാണ് ഓണത്തിന് മാറ്റുരയ്ക്കാൻ തിയേറ്ററുകളിൽ എത്തുന്നത്. മോഹൻലാൽ- മാളവിക മോഹനൻ എന്നിവർ പ്രധാന വേഷത്തിലെത്തുന്ന ഹൃദയപൂർവ്വവും കല്യാണി പ്രിയദർശൻറെ ലോകയും ഓഗസ്റ്റ് 28 ന് തിയേറ്ററുകളിൽ എത്തും. ‘ഓടും കുതിര ചാടും കുതിര’യും ‘മേനേ പ്യാർ കിയ’യും വെള്ളിയാഴ്‌ചയാണ് റിലീസ്. ഇത്തവണ രണ്ടു ചിത്രങ്ങളാണ് ഓണം റിലീസായി കല്യാണിയുടേത് മാത്രമായി തിയേറ്ററുളിൽ എത്തുന്നത് എന്ന പ്രത്യേകതയുമുണ്ട്.

ശ്രീനഗര്‍: ജമ്മു കശ്‌മീരിൽ മഴക്കെടുതിയിൽ 31 പേർ മരിച്ചു. കത്രയിലെ വൈഷ്ണോ ദേവീക്ഷേത്രത്തിന് സമീപം മണ്ണിടിച്ചിലിലാണ് നിരവധി പേർക്ക് ജീവൻ നഷ്‌ടമായത്. അപകടത്തില്‍ 21 പേർക്ക് പരിക്കേൽക്കുകയും ചെയ്‌തു. മേഖലയില്‍ സൈന്യമടക്കം രക്ഷാപ്രവർത്തനം നടത്തുന്നുണ്ട് . കനത്ത മഴയിൽ നദികൾ കരകവിഞ്ഞൊഴുകി. ഒരാഴ്‌ചത്തെ ഇടവേളയ്ക്ക് ശേഷമുണ്ടായ കനത്ത മഴയിൽ വൻ നാശനഷ്‌ടമാണ് റിപ്പോര്‍ട്ട് ചെയ്‌തിട്ടുള്ളത്. ജമ്മുവിൽ തിങ്കളാഴ്‌ച മുതൽ കനത്ത മഴയാണ് . വെള്ളപ്പൊക്കവും മണ്ണിടിച്ചിലും കാരണം റോഡുകളും പാലങ്ങളും തകർന്നു. പല വീടുകളും വെള്ളത്തിനടിയിലാണെന്നും റിപ്പോർട്ടുണ്ട്.

എറണാകുളം: KRLCBC റിലീജിയസ് കമ്മീഷൻ സംഘടിപ്പിച്ച സന്യാസപരിശീലകരുടെ രണ്ട് ദിവസത്തെ സംഗമം എറണാകുളം പാലാരിവട്ടത്തെ POC യിൽ വച്ച് ഓഗസ്റ്റ് 23-24 തിയതികളിൽ നടക്കുകയുണ്ടായി. കർമ്മലിത്ത മഞ്ഞുമ്മേൽ പ്രൊവിൻഷ്യൽ വെരി റവ ഫാദർ ആഗസ്റ്റിൻ മുല്ലൂർ OCD സംഗമം ഉത്ഘാടനം ചെയ്തു. KRLCBC deputy Secretary റവ ഫാദർ ജിജു അറക്കത്തറ അദ്ധ്യഷ്ഷത വഹിച്ച യോഗത്തിൽ, KCBC deputy Secretary റവ ഫാദർ തോമസ് തറയിൽ, KRLCBC Religious Commission Secretary റവ ഫാദർ മേരിദാസൻ കിഴക്കേക്കുഴിവിള OCD എന്നിവർ ആശംസകൾ നേർന്നു. 45 സന്യാസപരിശീലകർ പങ്കെടുത്ത സംഗമത്തിൽ റവ സിസ്റ്റർ റോസ് ജോസ് CHF, റവ ഫാദർ റോബിൻ ഡാനിയേൽ OFM Cap എന്നിവർ ക്ലാസുകൾ നയിച്ചു