Author: admin

കത്വ: ജമ്മു കശ്മീരിലെ കത്വ ജില്ലയിൽ പോലീസ് ഉദ്യോഗസ്ഥരുടെ സാന്നിധ്യത്തിൽ ഒരു കൂട്ടം മതപ്രഭാഷകരെ ക്രൂരമായി ആക്രമിച്ചതിനെ തുടർന്ന് വെള്ളിയാഴ്ച ജമ്മു കശ്മീർ പോലീസ് എട്ട് ഉദ്യോഗസ്ഥരെ കൃത്യനിർവ്വഹണത്തിൽ വീഴ്ച വരുത്തിയെന്ന് ആരോപിച്ച് സസ്‌പെൻഡ് ചെയ്തു. കത്വയിലെ ജുതാന പ്രദേശത്ത് പത്ത് മുതൽ പതിനഞ്ച് വരെ ക്രിസ്ത്യൻ പ്രസംഗകരുമായി സഞ്ചരിച്ച ഒരു പാസഞ്ചർ മിനി ബസിൽ മുഖംമൂടി ധരിച്ച ഒരു സംഘം അജ്ഞാതർ പതിയിരുന്ന് ആക്രമണം നടത്തി. സബ് ഇൻസ്‌പെക്ടർ ഉൾപ്പെടെയുള്ള പോലീസ് ഉദ്യോഗസ്ഥർ നടപടിയെടുക്കാതെ നോക്കിനിൽക്കെ ഇരുമ്പ് ദണ്ഡുകളും വടികളും ധരിച്ചെത്തിയ അക്രമികൾ വാഹനത്തിലേക്ക് ഇരച്ചുകയറി. സോഷ്യൽ മീഡിയയിൽ വൈറലായ ആക്രമണത്തിന്റെ വീഡിയോ ദൃശ്യങ്ങളിൽ നാലോ അഞ്ചോ അക്രമികൾ മിനി ബസിന്റെ മുൻവശത്തെ വിൻഡ്‌ഷീൽഡും സൈഡ് വ്യൂ മിററും തകർത്ത് അകത്തുള്ള യാത്രക്കാരെ ലക്ഷ്യമാക്കി നീങ്ങുന്നത് കാണാം. അക്രമാസക്തമായ രംഗം വീക്ഷിക്കുന്ന പോലീസുകാർ ഇരകളെ സംരക്ഷിക്കാൻ ഇടപെടാതെ നിൽക്കുന്നതും ഞെട്ടിപ്പിക്കുന്ന ദൃശ്യങ്ങളിൽ കാണാം.കത്വ പോലീസ് ആയുധ നിയമത്തിലെ വകുപ്പുകൾ ഉൾപ്പെടെയുള്ള…

പായസ പാക്കറ്റുകൾ ആശിർവദിച്ചു

നോർത്ത് ഈസ്റ്റിൽ പ്രവർത്തിക്കാൻ ഇതുവരെ അവസരം ലഭിച്ചിട്ടില്ല. ഈ അവസരത്തെ അങ്ങനെ കാണുന്നു

പോളണ്ടിലെ ഓഷ്‌വിറ്റ്സ്, ജർമനിയിലെ ദാഹാവ് തടങ്കൽപ്പാളയങ്ങളിൽ വിശ്വാസത്തിനുവേണ്ടി മരണം വരിച്ച ഒന്‍പത് സലേഷ്യൻ വൈദികരെയും 1950-ൽ ചെക്കോസ്ലോവാക്യയിൽ കമ്മ്യൂണിസ്റ്റ് ഭരണകൂടം കൊലപ്പെടുത്തിയ രണ്ട് രൂപത വൈദികരെയും വാഴ്ത്തപ്പെട്ടവരായി പ്രഖ്യാപിക്കുന്നതിന് ലെയോ പതിനാലാമൻ മാർപാപ്പ അംഗീകാരം നൽകി.

ന്യൂയോര്‍ക്ക്: തന്റെ ജീവിതം ക്രിസ്തുവിന് സമർപ്പിക്കുന്നതായി പ്രഖ്യാപിച്ച് യു‌എഫ്‌സി മാർഷ്യൽ ആർട്സിലെ ഇതിഹാസതാരം കോണർ മക്‌ഗ്രെഗർ. ഉത്തേജക പരിശോധനകൾക്ക് ഹാജരാകാത്തതിനെത്തുടർന്ന് പതിനെട്ട് മാസത്തെ സസ്‌പെൻഷന് ശേഷം വിവാദ നായകനായി മാറിയ ലൈറ്റ്‌വെയ്റ്റ് ചാമ്പ്യൻ കായികരംഗത്തേക്ക് മടങ്ങിവരുന്നതിനിടെയാണ് ക്രിസ്തു വിശ്വാസം ഉറക്കെ പ്രഖ്യാപിച്ച് രംഗത്ത് വന്നിരിക്കുന്നത്. താന്‍ ഒരു ആത്മീയ യാത്രയിലായിരുന്നുവെന്നും പുതിയൊരു സമീപനത്തോടെ കളിയെ സ്വീകരിക്കാൻ തയ്യാറാണെന്നും അദ്ദേഹം കഴിഞ്ഞ ദിവസം മാധ്യമങ്ങളോട് പറഞ്ഞു.”ഞാൻ ഇവിടെ യാദൃശ്ചികമായി വന്നതല്ല, എന്റെ യാത്രയെയും നമ്മുടെ എല്ലാ യാത്രകളെയും നിയന്ത്രിക്കുന്ന ഒരു ഉയർന്ന ശക്തിയുണ്ട് – ദൈവം-” പോരാട്ടത്തിന് മുമ്പുള്ള സമ്മേളനത്തിൽ മക്ഗ്രെഗർ മാധ്യമങ്ങളോട് പറഞ്ഞു. “ദൈവത്തിന്റെ വചനപ്രകാരമാണ് എന്റെ ജീവിതം ഞാന്‍ ഇനി നയിക്കുക. ഞാൻ ഒരു ആത്മീയ യാത്രയിലാണ്, ഞാൻ രക്ഷിക്കപ്പെട്ടു, ഞാൻ സുഖം പ്രാപിച്ചു”- താരം ക്രിസ്തു വിശ്വാസം നെഞ്ചോട് ചേര്‍ത്തുള്ള പ്രഖ്യാപനം നടത്തി. വിവിധ വിവാദങ്ങളില്‍പ്പെട്ട വ്യക്തിയാണ് കോണർ മക്‌ഗ്രെഗർ. മയക്കുമരുന്ന് ഉപയോഗവും ബലാല്‍സംഘ ഭീഷണിയും ഉള്‍പ്പെടെ നിരവധി…

സിനഡൽ സംഘത്തിൻറെയും സഭയ്ക്കുള്ളിൽ വിശ്വാസികൾ ശ്രവിക്കപ്പെടുന്നതിനും കുടിയാലോചനയിൽ പങ്കാളികളാക്കപ്പെടുന്നതിനും വഴിയൊരുക്കുന്ന സംഘടനകളുടെയും ജൂബിലി ഒക്ടോബർ 24-26 വരെ ആചരിക്കപ്പെടുന്ന പശ്ചാത്തലത്തിൽ അവരുമൊത്ത് വത്തിക്കാനിൽ പോൾ ആറാമൻ ശാലയിൽ വച്ച് ഇരുപത്തിനാലാം തീയതി വെള്ളിയാഴ്ച നടത്തിയ കൂടിക്കാഴ്ചാവേളയിൽ അവരുടെ ചോദ്യങ്ങൾക്ക് ഉത്തരം നല്കുകയായിരുന്നു ലിയൊ പതിനാലാമൻ പാപ്പാ.

ഡൊമിനിക്കൻ സിസ്റ്റേഴ്‌സ് ഡോട്ടേഴ്‌സ് ഓഫ് ദ ഹോളി റോസറി ഓഫ് പോംപെ സന്യാ സിനി സദയുടെ സ്ഥാപകനായ വാഴ്ത്തപ്പെട്ട ബർത്തൊലൊ ലോംഗൊയെ ഒക്ടോബർ 19 ന് കത്തോലിക്കാസഭ വിശുദ്ധനായി പ്രഖ്യാപിച്ചു

സിഡ്‌നി: മൂന്നാം ഏകദിനത്തിൽ ഓസ്‌ട്രേലിയക്കെതിരെ ഇന്ത്യക്ക് അനായാസജയം. മുൻ നായകൻമാരായ രോഹിത് ശർമയുടെയും വിരാട് കോഹ്‌ലിയുടെ ബാറ്റിങ്ങാണ് ഇന്ത്യക്ക് മികച്ച വിജയം സമ്മാനിച്ചത്. രോഹിത് ശർമ സെഞ്ച്വറിയും കോഹ്‌ലി അർധ സെഞ്ച്വറിയും നേടി. 105 പന്തിൽ നിന്നായിരുന്നു രോഹിതിന്റെ സെഞ്ച്വറി. രോഹിത് 121 റൺസും കോഹ് ലി 74 റൺസും നേടി പുറത്താകാതെ നിന്നു. 24 റൺസെടുത്ത ക്യാപ്റ്റൻ ശുഭ്മൻ ഗിൽ ഇന്ത്യൻ നിരയിൽ പുറത്തായി . പരമ്പരയിലെ ആദ്യ രണ്ടു മത്സരങ്ങളിലും കോഹ്ലി റണ്ണൊന്നുമെടുക്കാതെ പുറത്തായിരുന്നു .ആദ്യം ബാറ്റ് ചെയ്ത ഓസീസിനെ 46.4 ഓവറിൽ 236 റൺസിൽ തളക്കാൻ ഇന്ത്യക്കു സാധിച്ചു. 4 വിക്കറ്റുകൾ വീഴ്ത്തിയ ഹർഷിത് റാണയുടെ മികവിലായിരുന്നു അത് . 52 റൺസ് ബോർഡിൽ ചേർക്കുന്നതിനിടെ അവസാന 7 വിക്കറ്റുകൾ സ്വന്തമാക്കിയാണ് ഇന്ത്യ ഓസീസിനെ 236ൽ ഒതുക്കിയത്.അർധ സെഞ്ച്വറി നേടിയ മാറ്റ് റെൻഷോയാണ് ഓസീസിന്റെ ടോപ് സ്‌കോറർ.

തിരുവനന്തപുരം: ആര്‍എസ്എസ് സ്ഥാപകന്‍ ഹെഡ്‌ഗേവറെയും സവര്‍ക്കറെയും കേരളത്തിലെ പാഠ്യപദ്ധതിയില്‍ പഠിപ്പിക്കില്ലെന്ന് വിദ്യാഭ്യാസമന്ത്രി വി ശിവന്‍ കുട്ടി. ഇരുവരെയും ഉള്‍പ്പെടുത്തുമെന്ന് ബിജെപി മുന്‍ സംസ്ഥാന അധ്യക്ഷന്‍ കെ. സുരേന്ദ്രന്റെ പ്രസ്താവന രാഷ്ട്രീയലക്ഷ്യം വെച്ചുള്ളതാണെന്ന് ശിവന്‍കുട്ടി പറഞ്ഞു. കേന്ദ്ര സര്‍ക്കാരിന്റെ പി എം ശ്രീ പദ്ധതിയില്‍ കേരളം ഒപ്പുവെച്ചത് സംസ്ഥാനത്തെ സ്‌കൂളുകളുടെ ഭൗതിക സാഹചര്യങ്ങള്‍ മെച്ചപ്പെടുത്തുന്നതിനും അക്കാദമിക് നിലവാരം ഉയര്‍ത്തുന്നതിനുമുള്ള ഫണ്ട് വിനിയോഗിക്കാന്‍ വേണ്ടിയാണ്. കേരളത്തിന്റെ സിലബസ് കേന്ദ്ര സര്‍ക്കാരിന് അടിയറ വെക്കാനല്ല. പി എം ശ്രീ ധാരണാപത്രത്തില്‍ ഒപ്പിട്ടതുകൊണ്ട് കേന്ദ്ര സിലബസ് കേരളത്തില്‍ പഠിപ്പിക്കുമെന്ന് കരുതേണ്ട. കേരളത്തിന് സ്വന്തവും ശക്തവുമായ ഒരു പാഠ്യപദ്ധതിയും വിദ്യാഭ്യാസ കാഴ്ചപ്പാടുമുണ്ടെന്ന് ശിവന്‍ കുട്ടി ഫെയ്‌സ്ബുക്കില്‍ കുറിച്ചു.

വത്തിക്കാൻ : തീർത്ഥാടകരായ നാം ഇപ്പോൾ ക്രിസ്തുശിഷ്യരെപ്പോലെ, പുതിയൊരു ലോകത്തിൽ വസിക്കാൻ പഠിക്കണമെന്ന് ലിയൊ പതിനാലാമൻ പാപ്പാ . പ്രത്യാശയുടെ ജൂബിലിവർഷത്തിൽ, ശനിയാഴ്ചകളിൽ നടത്തിപ്പോരുന്ന പ്രത്യേക കൂടിക്കാഴ്ചയുടെ തുടർച്ചയായി ഒക്ടോബർ 25-ന് ശനിയാഴ്ച വിശുദ്ധ പത്രോസിൻറെ ബലിസിക്കയുടെ അങ്കണത്തിൽ അനുവദിച്ച പൊതുദർശനവേളയിൽ ലിയൊ പതിനാലാമൻ പാപ്പാ പതിനാഞ്ചാം നൂറ്റാണ്ടിലെ കർദ്ദിനാളായിരുന്ന ജർമ്മൻ സ്വദേശി കൂസയിലെ നിക്കൊളാസിൻറെ പ്രബോധനങ്ങളെ അവലംബമാക്കി നടത്തിയ പ്രഭാഷണത്തിലാണ് ഇക്കാര്യം ഉദ്ബോധിപ്പിച്ചത്.നാല്പതിനായിരത്തോളം പേർ ഈ കൂടിക്കാഴ്ചയിൽ സംബന്ധിച്ചിരുന്നു. എതിർ ചിന്താധാരകളും കിഴക്കും പടിഞ്ഞാറും തമ്മിലുള്ള പിളർപ്പും പിടിച്ചുലച്ചതിനാൽ സഭയുടെ ഐക്യം കാണാനും, ക്രിസ്തുമതം ബാഹ്യ ഭീഷണി അനുഭവിച്ചിരുന്ന ഒരു കാലഘട്ടത്തിൽ മതങ്ങൾക്കിടയിലും ലോകത്തിലും സമാധാനം ദർശിക്കാനും കൂസയിലെ നിക്കോളാസിന് കഴിഞ്ഞില്ല എന്ന വസ്തുത അനുസ്മരിച്ച പാപ്പാ, അദ്ദേഹം പാപ്പായുടെ ഒരു നയതന്ത്രപ്രതിനിധി എന്ന നിലയിലുള്ള യാത്രാ വേളകളിൽ സമാധാനത്തിനും ഐക്യത്തിനും വേണ്ടി പ്രാർത്ഥിക്കുകയും അതെക്കുറിച്ച് ചിന്തിക്കുകയും ചെയ്തിരുന്നുവെന്നും അതുകൊണ്ടു തന്നെ അദ്ദേഹത്തിൻറെ രചനകളെല്ലാം പ്രകാശപൂരിതങ്ങളാണെന്നും പ്രസ്താവിച്ചു.