Author: admin

തിരുവനന്തപുരം: കേരളത്തിൽ ഇന്നും ശക്തമായ മഴ തുടരും. എല്ലാ ജില്ലകളിലും മഴ മുന്നറിയിപ്പുണ്ട്. അതിശക്ത മഴയ്ക്ക് സാധ്യതയുള്ള 10 ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ശക്തമായ മഴയ്ക്ക് സാധ്യതയുള്ള 4 ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂർ, കാസർകോട്, പാലക്കാട്, കോട്ടയം, ഇടുക്കി, എറണാകുളം, തൃശ്ശൂർ ജില്ലകളിലാണ് ഇന്ന് ഓറഞ്ച് അലർട്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലാണ് യെല്ലോ അലർട്ട് ഉള്ളത്. ഓറഞ്ച് അലർട്ട് പ്രഖ്യാപിച്ച ജില്ലകളിൽ ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ്.  24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന പ്രദേശങ്ങളിലാണ് യെല്ലോ അലർട്ട്. ഇവിടെ ശക്തമായ മഴയാകും ലഭിക്കുക. കനത്ത മഴ തുടരുന്ന വയനാട് ജില്ലയിൽ വിദ്യാഭ്യാസ സ്ഥാപനങ്ങൾക്ക് ഇന്ന് അവധിയായിരിക്കും. ജില്ലയിലെ പ്രൊഫഷണല്‍ കോളജുകള്‍, അംഗന്‍വാടികള്‍, ട്യൂഷന്‍ സെന്ററുകള്‍ ഉള്‍പ്പെടെയുള്ള…

പള്ളിപ്പുറം: പള്ളിപ്പുറം ബസിലിക്കയിൽ മഞ്ഞു മാതാവിൻ്റെ 517-ാമത് കൊമ്പ്രേരിയ തിരുനാളിനോടനുബന്ധിച്ച് നടക്കുന്ന 5 ദിവസം നീണ്ടുനിൽക്കുന്ന ബൈബിൾ കൺവെൻഷന് തുടക്കമായി. മഞ്ഞു മാത ബസിലിക്ക റെക്ടർ റവ. ഡോ. ആൻ്റണി കുരിശിങ്കൽ ഉദ്ഘാടനം ചെയ്തു. ധ്യാനഗുരു പുല്ലൂരാംപാറ ബഥാനിയ ആശ്രമം ഡയറക്ടർ ഫാ-സബാസ്റ്റ്യൻ പുളിക്കൽ, ഫാ. ഫിലിപ്പ്ടോണി,ഫാ.നീൽ ചടയംമുറി, കൊയ്നോനിയ പ്രസുദേന്തി കൂട്ടായ്മ ജനറൽ കൺവീനർ അലക്സ് താളുപ്പാടത്ത്, സെക്രട്ടറി റോയ് വലിയ വീട്ടിൽ , കൺവീനർ ജെയിംസ് അറക്കൽ, എന്നിവർ സന്നിഹിതരായിരുന്നു. റവ.ഡോ. പ്രസാദ് തെരുവത്ത്OCD, ഫാ. ജോനാഥ്കപ്പുച്ചിൻ, ഫാ.ജിനു പള്ളിപ്പാട്ട് തുടർന്നുള്ള ദിവസങ്ങളിൽ കൺവെൻഷനുനേതൃത്യം നൽകും

കൊച്ചി:ജീസസ് യൂത്ത് ഫുൾടൈമർഷിപ്പ് അംഗങ്ങൾ ബോൾഗാട്ടി ഇടവക സന്ദർശനം നടത്തി.പ്രൊ ലൈഫ് എക്സിബിഷൻ ഉത്ഘാടനം ഫാദർ കപ്പിസ്താൻ ലോപ്പസ് നിർവഹിച്ചു. ഇടവക വികാരി ഫാദർ ജോൺ ക്രിസ്റ്റഫർ,ഫുൾ ടൈമേഴ്‌സ് ചാപ്ലിൻ ഫാദർ വിൻസി,പ്രൊ ലൈഫ് സ്റ്റേറ്റ് പ്രസിഡന്റ്‌ ജോൺസൺ അബ്രഹാം,ബിസിസി ലീഡർ ഡോമിനിക്,ബ്രദർ സ്റ്റെജിൻ എന്നിവർ പങ്കെടുത്തു. ടീൻസ് പ്രോഗ്രാം,യൂത്ത് ഇന്ററാക്ഷൻ,ഹൗസ് വിസിറ്റ്,മ്യൂസിക് പ്രോഗ്രാം എന്നിവ നടന്നു

കൊച്ചി:ബോൾഗാട്ടി ക്രിസ്ത്യൻ സർവ്വീസ് സൊസൈറ്റിയുടെ 11ാം മത് വിദ്യാഭ്യാസ അവാർഡ് ദാനം വികാരി ഫാ ജോൺ ക്രിസ്റ്റഫർ വടശ്ശേരി നിർവഹിച്ചു .SSLC .+2 തലത്തിലെ ഉന്നത വിജയികളെയാണ് അനുമോദിച്ചത് പ്രസിഡന്റ് നിക്കോളാസ് ഡിക്കോത്ത്, സെക്രട്ടറി ജിക്സൺ MG എന്നിവർ സംബന്ധിച്ചു.

കൊച്ചി:ജീവനാദം ക്യാമ്പയിൻ ബോൾഗാട്ടി സെന്റ് സെബാസ്റ്റിൻ ഇടവകയിൽ ജീവനാദം മാനേജിങ് എഡിറ്റർ ഫാ. ക്യാപ്പിസ്റ്റാൻ ലോപ്പസ് വികാരി ജോൺ ക്രിസ്റ്റ്ഫർ അച്ചന് നൽകി കൊണ്ട് നിർവഹിച്ചു . ബി സി സി ലീഡർ ഡോമിനിക് നടുവത്തേഴത്ത് സെക്രട്ടറി തദേവൂസ് മാളിയേക്കൽ എന്നിവർ സംബന്ധിച്ചു.

പറവൂർ:കെ.എൽ.സി.എ. ചാത്തനാട് തിരുക്കുടുംബ ദൈവാലയ യൂണിറ്റിന്റെ നേതൃത്വത്തിൽ നടത്തിയ മെറിറ്റ് ഈവനിംഗും ജെ.ബി. കോശി കമ്മീഷൻ റിപ്പോർട്ട് അവലോകനവും യൂണിറ്റ് ഡയറക്ടർ റവ. ഫാ. ജെൽഷിൻ ജോസഫ് തറേപ്പറമ്പിൽ ഉദ്ഘാടനം ചെയ്തു. യൂണിറ്റ് പ്രസിഡൻ്റ് പി.എസ്. വിക്ടർ യോഗത്തിന് ആദ്ധ്യക്ഷം വഹിച്ചു. . ‘കെ. എൽ. സി .എ . പ്രസിഡൻ്റ് ജോൺ ബ്രിട്ടോ, മുൻ പ്രസിഡൻ്റ് ക്ലീറ്റസ് കളത്തിൽ, യൂണിറ്റ് സെക്രട്ടറി ജോൺസൺ ലൂയിസ്, വൈസ് പ്രസിഡൻ്റ് സോളമൻ പമ്പാശ്ശേരി,ദീപ്തി സയറസ്, ട്രഷറർ തോമസ് കണ്ടത്തിൽ, സെൻ്റ്. ജോസഫ് കോളേജ് പ്രഫസർ ഡോക്ടർ സിസ്റ്റർ മാർലിൻ മോറിസ് എന്നിവർ പ്രസംഗിച്ചു.

വൈപ്പിൻ:നായരമ്പലം ഗ്രാമപഞ്ചായത്തിലെ നെടുങ്ങാട് ഭാഗത്തുള്ള 4,5, വാർഡിലെ ഉണ്ണീശോ പള്ളിയുടെയും , കോയി മാടത്ത് മഠത്തിൽ ഭഗവതി ക്ഷേത്രത്തിന്റെയും മുമ്പിലുള്ള പൊതുവഴിയിൽ വെള്ളക്കെട്ട് രൂക്ഷം. കഴിഞ്ഞ 25 വർഷത്തിലധികമായി വർഷക്കാലത്ത് ഇവിടെ വെള്ളക്കെട്ട് വളരെ രൂക്ഷമാണ്. ആരാധനയ്ക്കും പ്രാർത്ഥനക്കുമായി വരുന്ന വിശ്വാസികൾക്കും സ്കൂളിൽ പഠിക്കാൻ പോകുന്ന കുട്ടികൾക്കും വൃദ്ധർക്കും വളരെ ദുഷ്കരമാണ് ഈ വഴിയിലൂടെയുള്ള യാത്ര. ഈ വെള്ളക്കെട്ടന് ശാശ്വത പരിഹാരം കണ്ടെത്താൻ പലതവണ അധികൃതരോട് പരാതിപ്പെട്ടിട്ടും ഇതുവരെ ഒരു പരിഹാരവും ആയിട്ടില്ല. നിലവിലുള്ള കാന സംവിധാനത്തിൽ പല വ്യക്തികളും സ്വാർത്ഥ താൽപര്യത്തിനുവേണ്ടി പൊതുകാന അടച്ചു വച്ചിരിക്കുന്നത് കൊണ്ടാണ് വെള്ളക്കെട്ട് വർഷകാലത്തിൽ എത്ര രൂക്ഷമാകുന്നതെന്ന് നാട്ടുകാർ ആരോപിച്ചു.

ഗ്യാങ്‌ടോക്ക്: കാണാതായ മുന്‍ സിക്കിം മന്ത്രി ആര്‍സി പൗഡ്യാലിന്റെ മൃതദേഹം പശ്ചിമ ബംഗാളിലെ കനാലില്‍ കണ്ടെത്തി. കാണാതായി ഒന്‍പത് ദിവസത്തിന് ശേഷം സിലിഗുഡിക്ക് സമീപമുള്ള ടീസ്റ്റ കനാലില്‍ നിന്നാണ് മൃതദേഹം കണ്ടെത്തിയതെന്ന് പൊലീസ് അറിയിച്ചു. വാച്ച്, ധരിച്ചിരുന്ന വസ്ത്രങ്ങള്‍ എന്നിവയിലൂടെയാണ് മൃതദേഹം തിരിച്ചറിഞ്ഞതെന്ന് പൊലീസ് പറഞ്ഞു. സിക്കിമിലെ പക്യോങ് ജില്ലയിലെ ചോട്ടാ സിങ്താമില്‍ നിന്ന് ജൂലൈ ഏഴിനാണ് 80കാരനായ മുന്‍ മന്ത്രിയെ കാണാതായത്. അദ്ദേഹത്തെ കണ്ടെത്താനായി പ്രത്യേക അന്വേഷണസംഘം രൂപീകരിച്ചിരുന്നു. മരണത്തില്‍ അന്വേഷണം തുടരുമെന്നും ഉദ്യോഗസ്ഥര്‍ പറഞ്ഞു. ആദ്യ സിക്കിം നിയമസഭയില്‍ ഡെപ്യൂട്ടി സ്പീക്കറായിരുന്ന പൗഡ്യാല്‍ പിന്നീട് സംസ്ഥാന മന്ത്രിയായി. സംസ്ഥാനത്തെ ഏറെ ജനകീയനായ രാഷ്ട്രീയനേതാക്കളിലൊരാള്‍ ആയിരുന്നു പൗഡ്യാല്‍. മുതിര്‍ന്ന രാഷ്ട്രീയനേതാവിന്റെ മരണത്തില്‍ സിക്കിം മുഖ്യമന്ത്രി പ്രേംസിങ് തമാങ് അനുശോചനം രേഖപ്പെടുത്തി.

കണ്ണൂർ:പ്രവർത്തന നിരതരായ നല്ല യുവത്വങ്ങളെ വാർത്തെടുക്കുവാൻ അവർക്കൊപ്പം താങ്ങും തണലുമായി നിൽക്കുന്ന ആനിമേറ്റേഴ്‌സിനായി ആനിമ 2K24 ആനിമേറ്റേഴ്സ് മീറ്റ് സംഘടിപ്പിച്ചു. കെ.സി.വൈ.എം കണ്ണൂർ രൂപത സെക്രട്ടറി സെബി പി സന്തോഷ് സ്വാഗതമർപ്പിച്ച മീറ്റിംഗിൽ കെ.സി.വൈ.എം കണ്ണൂർ രൂപത ഡയറക്ടർ ഫാ.ഷിജോ അബ്രഹാം അനുഗ്രഹ പ്രഭാഷണവും ആനിമേറ്റർ സി.നിമ്മി ആമുഖ പ്രഭാഷണവും നടത്തി. യുവജനങ്ങളെ എപ്രകാരമാണ് സഭയോട് ചേർത്തു നിർത്തേണ്ടത് എന്നതിനെപ്പറ്റിയും പ്രസ്ഥാനത്തോട് ചേർന്നു നിൽക്കാൻ യുവജനങ്ങളെ എപ്രകാരം സജ്ജരാക്കാം എന്നതിനെപ്പറ്റിയും കെ.സി.വൈ.എം തലശ്ശേരി അതിരൂപതയുടെ മുൻ ഡയറക്ടർ ആയ ഫാ.ജിൻസ് ക്ലാസ്സെടുത്തു. ഇതുവരെയുള്ള പ്രവർത്തനങ്ങളെപ്പറ്റിയും തുടർപ്രവർത്തനങ്ങളെപ്പറ്റിയും കെ.സി.വൈ.എം കണ്ണൂർ രൂപത പ്രസിഡൻ്റ് ഫെബിന ഫെലിക്സ് ആനിമേറ്റേഴ്‌സിനോട് സംസാരിച്ചു.കെ.സി.വൈ.എം കണ്ണൂർ രൂപതയുടെ സ്റ്റേറ്റ് സെനറ്റ് മെമ്പർ ചാൾസ് ഗിൽബർട്ടിൻ്റെ നന്ദിയോടെ മീറ്റിംഗ് സമാപിച്ചു.

തിരുവനന്തപുരം: തിരുവനന്തപുരത്തെ ആമയിഴഞ്ചാന്‍ തോട്ടിലെ മാലിന്യം നീക്കാനുള്ള ജോലിക്കിടെ തോട്ടില്‍ വീണു മരിച്ച ജോയിയുടെ അമ്മയ്ക്ക് 10 ലക്ഷം രൂപ ധനസഹായം നല്‍കാന്‍ സര്‍ക്കാര്‍ തീരുമാനം. ഇന്നു ചേര്‍ന്ന മന്ത്രിസഭായോഗമാണ് ഇക്കാര്യം തീരുമാനിച്ചത്. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നാണ് 10 ലക്ഷം നല്‍കുന്നത്. റെയില്‍വേയുടെ ഭാഗത്തു നിന്നും ജോയിയുടെ കുടുംബത്തിന് സഹായം ഉണ്ടാകുമെന്നാണ് സര്‍ക്കാര്‍ പ്രതീക്ഷിക്കുന്നത്. ജോയിയുടെ കുടുംബത്തെ സഹായിക്കണമെന്ന് മന്ത്രിമാര്‍ നേരത്തെ റെയില്‍വേയോട് അഭ്യര്‍ത്ഥിച്ചിരുന്നു. ജോയിയുടെ അമ്മയ്ക്ക് കോർപ്പറേഷൻ‌ വീട് വച്ച് നൽകുമെന്ന് തിരുവനന്തപുരം മേയർ ആര്യ രാജേന്ദ്രൻ പറഞ്ഞു. നഗരസഭ അദ്ദേഹത്തിൻ്റെ മാതാവിനൊപ്പം നിൽക്കുന്നു. കോർപ്പറേഷന് പുറത്താണ് ജോയിയുടെ കുടുംബം താമസിക്കുന്നത്. അതുകൊണ്ടു തന്നെ തീരുമാനം കോർപ്പറേഷൻ കൗൺസിൽ ചേർന്ന് ഔദ്യോഗികമായി അറിയിക്കുമെന്നും മേയർ ആര്യ രാജേന്ദ്രൻ വ്യക്തമാക്കി. തമ്പാനൂർ റെയിൽവേ സ്റ്റേഷൻ വളപ്പിൽ ആമയിഴഞ്ചാന്‍ തോട്ടിലെ മാലിന്യം നീക്കുന്നതിനിടെ കഴിഞ്ഞ ശനിയാഴ്ച രാവിലെ 11 മണിയോടെയാണ് മാരായമുട്ടം സ്വദേശി ജോയിയെ കാണാതായത്. 46 മണിക്കൂർ നീണ്ട തിരച്ചിലിന്…