കോട്ടയം: ഇന്ത്യയിലെ ഏറ്റവും പ്രിയങ്കരരായ കത്തോലിക്ക വിശുദ്ധരിൽ ഒരാളായി വിശുദ്ധ അൽഫോൻസയെ കണക്കാക്കുന്നത്. പ്രാർഥനയുടെയും ത്യാഗത്തിന്റെയും അചഞ്ചലമായ വിശ്വാസത്തിന്റെയും ജീവിതത്തിലൂടെ സഹനത്തെ വിശുദ്ധിയിലേക്കുള്ള മാർഗമാക്കി മാറ്റിയ എളിമ നിറഞ്ഞ ഫ്രാൻസിസ്കൻ ക്ലാരിസ്റ്റ് സന്യാസിനിയായിരുന്നു അൽഫോൻസാ. കത്തോലിക്ക സഭ വിശുദ്ധപദവിയിലേക്ക് ഉയർത്തിയ ആദ്യ ഇന്ത്യൻ വനിതയായ വിശുദ്ധ അൽഫോൻസയുടെ വിശ്വാസസാക്ഷ്യം ഇന്നും ഇന്ത്യയിലും ലോകമെമ്പാടുമുള്ള ദശലക്ഷക്കണക്കിന് വിശ്വാസികൾക്ക് പ്രചോദനവും ആത്മീയ ശക്തിയും പകരുന്നു.
അൽഫോൻസാമ്മയുടെ,മാധ്യസ്ഥ്യം തേടി ഇന്ന് പതിനായിരങ്ങളാണ് ഭരണങ്ങാനത്തെ തീർഥാടന കേന്ദ്രത്തിലെത്തുന്നത്. അനേകർക്ക് അഭയവും ആശ്വാസവുമായി അൽഫോൻസാമ്മ മാറിയെന്നതിനു തെളിവാണ് ഇവിടെയെത്തുന്ന ഭക്തസഹസ്രങ്ങൾ.
.
