കുപ്രസിദ്ധ ഗര്‍ഭച്ഛിദ്ര ഡോക്ടര്‍ കെര്‍മിറ്റ് ഗോസ്‌നെല്‍ജയിലില്‍ മരിച്ചു

യുഎസ്എ: അമേരിക്കയില്‍ വലിയ വാര്‍ത്താപ്രാധാന്യം നേടിയ കേസിലെ പ്രതിയും, ജീവനോടെ ജനിച്ച മൂന്ന് കുഞ്ഞുങ്ങളെ കൊലപ്പെടുത്തിയ കുറ്റത്തിന് 2013-ല്‍ ശിക്ഷിക്കപ്പെടുകയും ചെയ്ത ഫിലാഡല്‍ഫിയയിലെ ഗര്‍ഭച്ഛിദ്ര ഡോക്ടര്‍ കെര്‍മിറ്റ് ഗോസ്‌നെല്‍ (85) അന്തരിച്ചു. ജയില്‍ സംവിധാനത്തിന് പുറത്തുള്ള ഒരു ആശുപത്രിയില്‍ വെച്ചായിരുന്നു അന്ത്യമെന്ന് പെന്‍സില്‍വാനിയ കറക്ഷന്‍ ഡിപ്പാര്‍ട്ട്മെന്റ് വക്താവ് മരിയ ബിവെന്‍സ് അറിയിച്ചു. പിറ്റ്സ്ബര്‍ഗിന് സമീപമുള്ള സ്മിത്ത്ഫീല്‍ഡ് സ്റ്റേറ്റ് കോറക്ഷണല്‍ ഇന്‍സ്റ്റിറ്റ്യൂട്ടിലായിരുന്നു ഇയാള്‍ അവസാനമായി തടവില്‍ കഴിഞ്ഞിരുന്നത്. മരണകാരണം വെളിപ്പെടുത്തിയിട്ടില്ല.