നെയ്യാറ്റിന്‍കര : നെയ്യാറ്റിന്‍കര രൂപതയുടെ പുതിയ മെത്രാനായി ചുമതലയേറ്റ ബിഷപ്പ് ഡോ.സെല്‍വരാജന്‍ നെയ്യാറ്റിന്‍കര രൂപതയുടെ ഭദ്രാസന ദേവാലയമായ അമലോത്ഭവമാതാ കത്തിഡ്രല്‍ പളളിയില്‍ രൂപതയുടെ പുതിയ ഇടയെനെന്ന നിലയില്‍ ആദ്യ ദിവ്യബലി അര്‍പ്പിച്ചു.
മുന്‍ മെത്രാന്‍ ഡോ.വിന്‍സെന്‍റ് സാമുവല്‍ സഹകാര്‍മ്മികനായി. കരുണയോടെ ശ്രുശ്രൂഷകള്‍ക്ക് നേതൃത്വം നല്‍കുമ്പോള്‍ എന്നും വെല്ല് വിളികളാണ് നേരിടുന്നതെന്നും ദൗത്യ ബോധ്യത്തില്‍ നിന്ന് പിന്‍മാറാതെ വെല്ലുവിളികളെ തരണം ചെയ്ത് മുന്നോട്ട് പോകണമെന്നും ബിഷപ്പ് വചന സന്ദേശത്തില്‍ മുന്‍ മെത്രാന്‍ വിന്‍സെന്‍റ് സാമുവല്‍ പറഞ്ഞു.
രൂപതക്കൊപ്പം വെല്ലുവിളികള്‍ നേരിട്ട് അജപാലന ദൗത്യം തുടരതുമെന്ന് ബിഷപ്പ് ഡോ.സെല്‍വരാജന്‍ പറഞ്ഞു. രൂപതയിലെ പാസ്റ്ററല്‍ കൗണ്‍സില്‍ അംഗങ്ങളും കൂരിയ അംഗങ്ങളും വൈദികരും സന്യസ്തരും വിശ്വാസി സമൂഹവും ദിവ്യബലിയില്‍ പങ്കെടുത്തു.
