കോഴിക്കോട്: പെരുവയൽ സെന്റ് സേവ്യേഴ്സ് യു.പി. സ്കൂളിന്റെ നവതി ആഘോഷങ്ങളുടെ ലോഗോ പ്രകാശന കർമ്മം കോഴിക്കോട് ആർച്ച് ബിഷപ്പ് ഡോ. വർഗീസ് ചക്കാലക്കൽ നിർവഹിച്ചു. ചടങ്ങിൽ കോഴിക്കോട് അതിരൂപത വികാരി ജനറലും കോർപ്പറേറ്റ് മാനേജരുമായ മോൺ. ജെൻസൺ പുത്തൻവീട്ടിൽ, പെരുവയൽ പഞ്ചായത്ത് പ്രസിഡന്റ് സുബിത തോട്ടഞ്ചേരി, കോഴിക്കോട് ഫെറോന വികാരി ജെറോം ചിങ്ങന്തറ, അതിരൂപത പ്രൊക്യുറേട്ടർ ഫാ.പോൾ പേഴ്സി ഡി സിൽവ, സ്കൂൾ മാനേജർ ഫാ. സനൽ ലോറൻസ് എന്നിവർ പങ്കെടുത്തു.
സ്കൂൾ ഹെഡ്മാസ്റ്റർ ജിബിൻ ജോസഫ്, പിടിഎ പ്രസിഡന്റ് സി എം സദാശിവൻ, പിടിഎ വൈസ് പ്രസിഡന്റ് ഇ സുരേന്ദ്രൻ, പെരുവയൽ വാർഡ് മെമ്പർമാരായ വിനോദ് എളവന, ഉനൈസ് അരീക്കൽ, സ്വാഗതസംഘം ചെയർമാൻ അനൂപ് പി.ജി. നവതി ആഘോഷത്തിന്റെ വിവിധ കമ്മിറ്റികളുടെ ഭാരവാഹികളായ ബിനു എഡ്വേഡ്, എൻ.ടി. ഹംസ, നിതീഷ് ഇ.കെ. പിടിഎ എക്സിക്യൂട്ടീവ് അംഗങ്ങൾ എന്നിവർ സന്നിഹിതരായിരുന്നു.
നവതി ആഘോഷ കമ്മിറ്റികളുടെ ചെയർമാന്മാരും കൺവീനർമാരും സബ് ചെയർമാന്മാരും സബ് കൺവീനർമാരും അധ്യാപകരും വിദ്യാർത്ഥികളും ചടങ്ങിൽ പങ്കെടുത്തു.
