നെയ്യാറ്റിൻകര: നെയ്യാറ്റിൻകര ഇന്റഗ്രൽ ഡെവലപ്മെൻറ് സൊസൈറ്റി ട്രസ്റ്റ് ഫോർ റീട്ടെയിലേഴ്സ് ആൻ്റ് റീട്ടെയിൽ അസോസിയേഷൻ ഓഫ് ഇന്ത്യയുടെ സഹകരണത്തോടെ ഭിന്നശേഷി കുട്ടികൾക്ക് വേണ്ടി ലോഗോസ് പാസ്റ്ററൽ സെൻ്ററിൽ ജോബ് ഫെയർ സംഘടിപ്പിച്ചു.
കമ്മീഷൻ സെക്രട്ടറി ഫാ.ഡെന്നിസ് മണ്ണൂർ അധ്യക്ഷത വഹിച്ച യോഗം നിഡ്സ് ഡയറക്ടർ ഫാ.രാഹുൽ ബി.ആന്റോ ഉദ്ഘാടനം ചെയ്തു. ലൈവ്‌ലി
ഹുഡ് അസി.മാനേജർ ബിജു സി.സി., അസി.പ്രൊജക്ട് ഓഫീസർ ബിജു ആന്റണി, അസോസിയേഷൻ പ്രസിഡൻ്റ് തങ്കമണി, പ്രോഗ്രാം കോഡിനേറ്റർ ജയരാജ്, അദ്ധ്യാപിക ദീപ്തി എന്നിവർ സംസാരിച്ചു.
സി.ബി.ആർ. കോഡിനേറ്റർ ശശികുമാർ, അദ്ധ്യാപിക സോന എന്നിവർ കോഴ്സിന് നേതൃത്വം നൽകി . 87 ഉദ്യോഗാർത്ഥികൾ പങ്കെടുത്തു.
