ടറോബ: ഉഗാണ്ടക്കെതിരായ ടി20 പോരാട്ടത്തില്‍ ന്യൂസിലന്‍ഡിനു അനായാസ ജയം. ഈ ലോകകപ്പിലെ ആദ്യ ജയമാണ് ന്യൂസിലന്‍ഡ് സ്വന്തമാക്കിയത്.
9 വിക്കറ്റിനാണ് കിവികള്‍ ജയം പിടിച്ചത്. ഉഗാണ്ടയുടെ പോരാട്ടം 18.4 ഓവറില്‍ വെറും 40 റണ്‍സില്‍ അവസാനിപ്പിച്ച കിവികള്‍ 5.2 ഓവറില്‍ ഒരു വിക്കറ്റ് നഷ്ടത്തില്‍ 41 റണ്‍സെടുത്താണ് ജയം തൊട്ടത്.
സൂപ്പര്‍ എട്ട് കാണാതെ ന്യൂസിലന്‍ഡ് നേരത്തെ തന്നെ പുറത്തായിരുന്നു. വെസ്റ്റ് ഇന്‍ഡീസിനോടും അഫ്ഗാനിസ്ഥാനോടും തോറ്റതാണ് കിവീസിനു തിരിച്ചടിയായത്.
നാലോവറില്‍ വെറും നാല് റണ്‍സ് മാത്രം വഴങ്ങി മൂന്ന് വിക്കറ്റെടുത്ത ടിം സൗത്തിയാണ് ഉഗാണ്ടയെ തകര്‍ത്തത്. ട്രെന്റ് ബോള്‍ട്ട് നാലോവറില്‍ ഏഴ് റണ്‍സ് മാത്രം വഴങ്ങി രണ്ട് വിക്കറ്റുകള്‍ നേടി. മിച്ചല്‍ സാന്റ്‌നറും രചിന്‍ രവീന്ദ്രയും രണ്ട് വിക്കറ്റുകള്‍ തന്നെ വീഴ്ത്തി. ലോക്കി ഫെര്‍ഗൂസന്‍ ഒരു വിക്കറ്റെടുത്തു.
