Author: admin

ബിജോ സിൽവേരി ഡമാസ്‌കസ്: സിറിയയില്‍ ഒന്‍പതു വര്‍ഷത്തെ ഇടവേളയ്ക്കുശേഷം അല്‍ഖായിദ-ഇസ് ലാമിക സ്റ്റേറ്റ് ഭീകരവാദ ബന്ധമുള്ള ഹയാത് തഹ്രീര്‍ അല്‍ഷാം ജിഹാദി തീവ്രവാദികള്‍ പുരാതന ക്രൈസ്തവ മേഖലയായ അലെപ്പോ നഗരവും പ്രാന്തപ്രദേശങ്ങളും പിടിച്ചെടുത്തു. രാജ്യത്തെ രണ്ടാമത്തെ വലിയ നഗരമായ അലെപ്പോയില്‍ നിന്ന് സിറിയ പ്രസിഡന്റ് ബഷാര്‍ അല്‍ അസദിന്റെ സൈന്യത്തെ തുരത്തിയാണ് തുര്‍ക്കിയുടെ പിന്തുണയുള്ള വിമതര്‍ വന്‍ മുന്നേറ്റം നടത്തിയത്. കഴിഞ്ഞ 14 വര്‍ഷത്തെ ആഭ്യന്തര കലാപത്തിനിടയില്‍ അലെപ്പോ പൂര്‍ണമായും വിമതരുടെ പിടിയിലാകുന്നത് ആദ്യമായാണ്. റഷ്യയുടെ പിന്തുണയോടെ സിറിയ സൈന്യം അലെപ്പോയിലും സമീപപ്രദേശമായ ഇദ്ലിബിലും വിമതര്‍ക്കെതിരെ നടത്തിയ വ്യോമാക്രമണത്തിലും വന്‍ നാശനഷ്ടമുണ്ടായി. ഇറാന്‍ ഇസ്ലാമിക റിപ്പബ്ലിക്കിന്റെ പിന്തുണയും സിറിയന്‍ പ്രസിഡന്റിനുണ്ട്. അലെപ്പോയെ ഡമാസ്‌കസുമായി ബന്ധിപ്പിക്കുന്ന പ്രധാന രാജ്യാന്തര ഹൈവേയില്‍ ഗതാഗതം തടഞ്ഞുകൊണ്ട് മുന്നേറിയ വിമതര്‍, കീഴടങ്ങിയ സിറിയിന്‍ സൈനികരെ കഴുത്തറുത്തുകൊന്നതായും റിപ്പോര്‍ട്ടുണ്ട്. വിമതര്‍ക്കെതിരെ റഷ്യന്‍ വ്യോമസേന നടത്തിയ ബോംബാക്രമണത്തില്‍, വിശുദ്ധനാട്ടിലെ കത്തോലിക്കാ ദേവാലയങ്ങളുടെയും സ്ഥാപനങ്ങളുടെയും സംരക്ഷണ ചുമതലയുള്ള ഫ്രാന്‍സിസ്‌കന്‍ സന്ന്യാസസമൂഹത്തിന്റെ നിയന്ത്രണത്തിലുള്ള…

വത്തിക്കാന്‍: ലോക മതസമ്മേളനത്തില്‍ ഫ്രാന്‍സിസ് പാപ്പയുടെ മുമ്പില്‍നിന്നു ഗാനമാലപിച്ച് റോമിലെ മലയാളി വിദ്യാര്‍ഥികളും അത് രചിച്ച ഫാ. പോള്‍ സണ്ണിയും ഏവരുടെയും ശ്രദ്ധയും അഭിനന്ദനവും നേടി. ശ്രീനാരായണഗുരു ആലുവായില്‍ വിളിച്ചു ചേര്‍ത്ത മതസൗഹാര്‍ദ്ദ സമ്മേളനത്തിന്റെ നൂറാം വാര്‍ഷികത്തിന്റെ ഭാഗമായി വത്തിക്കാനില്‍ നടന്ന സര്‍വ്വമത സമ്മേളനം ലോക ശ്രദ്ധയാകര്‍ഷിച്ചിരുന്നു. പരിശുദ്ധ ഫ്രാന്‍സിസ് പാപ്പയോടൊപ്പം ശിവഗിരി മഠത്തിലെ സന്ന്യസ്തരും വിവിധ മതങ്ങളിലെ പ്രതിനിധികളും പങ്കെടുത്ത പ്രത്യേക കൂടിക്കാഴ്ചയിലാണ് കുട്ടികള്‍ മതേതരത്വത്തിന്റെയും സാഹോദര്യത്തിന്റെയും സന്ദേശം വിളിച്ചോതുന്ന ഗാനം ആലപിച്ചത്. ശ്രീനാരായണഗുരുവിന്റെ അദ്വൈത ദര്‍ശനത്തില്‍ അധിഷ്ഠിതമായി എഴുതിയ ഗാനം ഏറെ സന്തോഷത്തോടുകൂടിയാണ് ഫ്രാന്‍സിസ് പാപ്പ ശ്രവിച്ചത്. ഗാനത്തിന്റെ ഇറ്റാലിയന്‍ പരിഭാഷ ഫ്രാന്‍സിസ് പാപ്പയ്ക്ക് നല്‍കിയിരുന്നു. ഇന്ത്യയുടെ ആത്മീയതയുടെയും വിശ്വസംസ്‌കാരത്തിന്റെയും ചൈതന്യം പേറുന്ന സന്ദേശം കുട്ടികള്‍ നന്നായി ആലപിച്ചുവെന്ന് ഫ്രാന്‍സിസ് പാപ്പ അവരെ അഭിനന്ദിച്ചുകൊണ്ട് പറഞ്ഞു. കുട്ടികള്‍ക്ക് പാപ്പ ജപമാല സമ്മാനിച്ച് അനുഗ്രഹങ്ങള്‍ നേര്‍ന്നു. ജോഷ്‌ന, ജോയല്‍, സിന്‍ഡ്രല്ല, കമീല, എമിലിയ, ബില്‍ഗീസ്, ബെല്‍ഗ്രേന്‍സ്, ഡിവിന, കാതറിന്‍ എന്നിവരാണ്…

ശ്രീഹരിക്കോട്ട: സൂര്യന്റെ ചൂടേറിയ കൊറോണ കവചത്തെ പഠനവിധേയമാക്കാൻ യൂറോപ്യന്‍ സ്പേസ് ഏജന്‍സി (ഇ എസ് എ) നിര്‍മിച്ച ഇരട്ട പേടകങ്ങള്‍ വഹിക്കുന്ന ഐ എസ് ആർ ഒയുടെ പ്രോബ- മൂന്ന് ദൗത്യത്തിന്റെ വിക്ഷേപണം ഇന്ന് ശ്രീഹരിക്കോട്ടയിൽ നടക്കും.ആന്ധ്രാപ്രദേശിലെ ശ്രീഹരിക്കോട്ടയിലുള്ള സതീഷ് ധവാന്‍ സ്പേസ് സെന്ററില്‍ നിന്ന് ഇന്ത്യയുടെ സ്വന്തം പോളാര്‍ സാറ്റലൈറ്റ് ലോഞ്ച് വെഹിക്കിളാണ് (പി എസ് എൽ വി) പ്രോബ- മൂന്നിനെ ബഹിരാകാശത്തെത്തിക്കുക. ഇന്ന് വൈകിട്ട് 4.08നാകും വിക്ഷേപണം.ഐ എസ് ആർ ഒയുടെ കൊമേഴ്‌സ്യല്‍ വിഭാഗമായ ന്യൂസ്പേസ് ഇന്ത്യാ ലിമിറ്റഡും (എൻ എസ് ഐ എൽ) യൂറോപ്യന്‍ സ്പേസ് ഏജന്‍സിയും സഹകരിച്ചാണ് ദൗത്യം നയിക്കുന്നത്. സൂര്യാന്തരീക്ഷത്തില്‍ ഏറ്റവും ബാഹ്യ ഭാഗത്തുള്ളതും ചൂടേറിയതുമായ പ്രഭാവലയവുമായ കൊറോണയെ കുറിച്ച് പഠിക്കുകയാണ് ഇരട്ട കൃത്രിമ ഉപഗ്രഹങ്ങളുടെ (കൊറോണഗ്രാഫ്, ഒക്യുല്‍റ്റര്‍) ലക്ഷ്യം. ഈ ഉപഗ്രഹങ്ങളുടെ ആകെ ഭാരം 550 കിലോഗ്രാമാണ്. നിശ്ചിത ഉയരത്തില്‍ ഒന്നിനു മുന്നില്‍ മറ്റൊന്നെന്ന തരത്തിൽ വിന്യസിക്കപ്പെടുന്ന ഉപഗ്രഹങ്ങള്‍ ബഹിരാകാശത്ത് കൃത്രിമ സൂര്യഗ്രഹണം…

ന്യൂഡൽഹി: ഐഎഎസ് ഉൾപ്പെടെയുള്ള കേന്ദ്രസർക്കാർ ജീവനക്കാരുടെ പരിശീലനത്തിന് ഭഗവത്ഗീതയും ഭാരതീയ തത്വചിന്തയും. കർമ്മയോഗി എന്ന പേരിലാണ് കേന്ദ്രസർക്കാർ പദ്ധതി നടപ്പിലാക്കുന്നത്. ബ്രിട്ടീഷ് ഭരണകാലത്തെ പരിശീലന മാതൃകകൾ നീക്കം ചെയ്യുന്നതിന്റെ ഭാഗമാണ് പുതിയ പഠന പരിഷ്കാരമെന്നാണ് കേന്ദ്രത്തിൻ്റെ വാദം. 2047 വികസിത ഭാരതത്തിൻ്റെ ഭാഗമായാണ് ഐഎഎസ് ഉൾപ്പെടെയുള്ള കേന്ദ്രസർക്കാർ ജീവനക്കാരുടെ പരിശീലനത്തിന് ഭഗവത്ഗീതയിലും ഭാരതീയ തത്ത്വചിന്തയിലും തദ്ദേശീയ പരിശീലന പദ്ധതി നടപ്പിലാക്കാൻ കേന്ദ്രം ഒരുങ്ങുന്നത്. ഉദ്യോഗസ്ഥരുടെ വൈദഗ്ധ്യവും അറിവും രൂപപ്പെടുത്തുന്ന കർമ്മയോഗി പദ്ധതിയിലാണ് പുതിയ പരിശീലന രീതി. 32 ലക്ഷം കേന്ദ്ര ഉദ്യോഗസ്ഥർക്ക് ആദ്യഘട്ടത്തിൽ പരിശീലനം നൽകും. 46 ലക്ഷം പേർ പദ്ധതിയിൽ ഇതിനോടകം രജിസ്റ്റർ ചെയ്തിട്ടുണ്ട്. ആത്മപഠനം,സഹകരണം കൃത്യനിർവഹണം, പൗരസേവനം എന്നിങ്ങനെ സാമൂഹിക സേവന സിദ്ധാന്തവും പരിശീലനത്തിന്റെ ഭാഗമാക്കും. ബ്രിട്ടീഷ് ഭരണകാലത്തിലെ പരിശീലന മാതൃകയിലെ പോരായ്മ ചൂണ്ടിക്കാട്ടിയാണ് കേന്ദ്രം പദ്ധതി ആവിഷ്കരിക്കാൻ ഒരുങ്ങുന്നത്. ഉദ്യോഗാർത്ഥികൾ പരിശീലനത്തിൽ കുറഞ്ഞത് നാലു മണിക്കൂർ എങ്കിലും പൂർത്തിയാക്കാണമെന്നാണ് കേന്ദ്രം നൽകുന്ന നിർദ്ദേശം. കേന്ദ്ര സർവീസിൽ ഉള്ളവർക്കുള്ള…

എറണാകുളം :വരാപ്പുഴ അതിരൂപതയിലെ 2024 ൽ വിവാഹത്തിന്റെ സുവർണ്ണ – രജത ജൂബിലി ആഘോഷിക്കുന്ന ദമ്പതികളുടെ സംഗമം ഡിസംബർ 15 ന് ഞായറാഴ്ച എറണാകുളം പാപ്പാളി ഹാളിൽ വച്ച് നടക്കും.വരാപ്പുഴ അതിരൂപത ഫാമിലി കമ്മീഷനാണ് സംഘാടകർ .ആർച്ച് ബിഷപ്പ് ഡോ.ജോസഫ് കളത്തിപ്പറമ്പിൽ ഉദ്ഘാടനം ചെയ്യും . സഹായ മെത്രാൻ ഡോ. ആൻറണി വാലുങ്കൽ അധ്യക്ഷത വഹിക്കും .ആശീർ ഭവൻ ഡയറക്ടർ ഫാ. വിൻസെന്റ് വാര്യത്ത് ദമ്പതികൾക്ക് ക്ലാസ് നയിക്കും. ഫാമിലി കമ്മീഷൻ ഡയറക്ടർ ഫാ. അലക്സ് കുരിശുപറമ്പിൽ ,കോഡിനേറ്റർ സി.ജോസഫിൻ, ജനറൽ കൺവീനർ എൻ.വി. ജോസ്, ജോ. കൺവീനർ ജോൺസൺ പള്ളത്തുശ്ശേരി ,റോയ് പാളയത്തിൽ എന്നിവർ പ്രസംഗിക്കും.സംഗമത്തിൽ ആർച്ച് ബിഷപ്പ് ഡോ. ജോസഫ് കളത്തിപ്പറമ്പിലും ബിഷപ്പ് ഡോ. ആൻറണി വാലുങ്കലും ദമ്പതികൾക്ക് ഉപഹാരം നൽകും.1158 ദമ്പതികൾ പങ്കെടുക്കുന്നഈ സംഗമത്തിന്റെ എല്ലാ ഒരുക്കങ്ങളും പൂർത്തിയായതായി ഡയറക്ടർ ഫാ. അലക്സ് കുരിശുപറമ്പിൽ അറിയിച്ചു.

കണ്ണൂർ: ഡിസംബർ 15നു ലത്തീൻ കത്തോലിക്കാ ദിനത്തിൽ തിരുവനന്തപുരത്തു നത്തുന്ന കേരള ലാറ്റിൻ കാത്തലിക് അസോസിയേഷൻ സംസ്ഥാന സമ്മേളനത്തിനും ലത്തീൻ കത്തോലിക്കാ സമുദായ സംഗമത്തിനും മുന്നോടിയായി കണ്ണൂർ രൂപതയിലെ ലത്തീൻ ഇടവകകളിൽ പതാകദിനം ആചരിച്ചു. കണ്ണൂർ രൂപത കേരള ലാറ്റിൻ കാത്തലിക് അസോസിയേഷന്റെ (കെഎൽസിഎ) നേതൃത്വത്തിൽ ബർണശ്ശേരി ഹോളി ട്രിനിറ്റി കത്തീഡ്രലിൽ പ്രസിഡന്റ് റിനേഷ് ആന്റണി പതാക ഉയർത്തി.കണ്ണൂർ ഫൊറോനാ വികാരി റവ ഡോ. ജോയി പൈനാടത്ത് കത്തോലിക്ക ദിന സന്ദേശം നൽകി. സമുദായത്തിന്റെ വളർച്ചയ്ക്ക് പരസ്പര ധാരണയോടെ ഒരുമിച്ചു പ്രവർത്തിക്കണമെന്ന് അദ്ദേഹം പറഞ്ഞു. കെഎൽസിഎ മുൻ സംസ്ഥാന പ്രസിഡന്റ് ആന്റണി നൊറോണ,അസിസ്റ്റന്റ് വികാരി എബി സെബാസ്റ്റ്യൻ, സ്റ്റെഫാൻ ബെഞ്ചമിൻ, സന്ദിപ് പീറ്റർ, റീജ സ്റ്റീഫൻ, പുഷ്പരാജ്,സീമ ക്ലിറ്റസ്, ആൽഫ്രഡ് സെൽവരാജ്, റോയ് ഫെർണാണ്ടസ് എന്നിവർ പ്രസംഗിച്ചു. രൂപതാതല ആഘോഷം ഡിസംബർ 8ന് വൈകിട്ട് 3നു തലശ്ശേരി ഹോളി റോസറി പാരിഷ്ഹാളിൽ നടക്കും. കണ്ണൂർ രൂപത ബിഷപ് ഡോ. അലക്സ് വടക്കുംതല…

കൊച്ചി :കെ.സി.വൈ.എം കലൂർ മേഖലാ സമ്മേളനം പൊറ്റക്കുഴി ചെറുപുഷ്‌പ ദൈവാലയത്തിൽ വെച്ച് നടത്തി .തദ്ദേശസ്ഥാപനങ്ങളിലേക്കുള്ള തിരഞ്ഞെടുപ്പിനായി യുവജനങ്ങൾ സജ്ജരാകണമെന്ന് സമ്മേളനം ആഹ്വാനം ചെയ്തു . കെ.സി.വൈ.എം വരാപ്പുഴ അതിരൂപത മുൻ പ്രസിഡന്റ് ജസ്റ്റിൻ കെ.ജെ ഉദ്ഘാടനം ചെയ്തു .അതിരൂപത പ്രസിഡന്റ് രാജീവ് പാട്രിക് അധ്യക്ഷത വഹിച്ചു. അല്മായ കമ്മീഷൻ സെക്രട്ടറി ജോർജ് നാനാട്ട് മുഖ്യപ്രഭാഷണം നടത്തി.ഡയറക്ടർ ഫാ.റാഫേൽ ഷിനോജ് ആറാഞ്ചേരി, പൊറ്റക്കുഴി ഇടവക സഹ. വികാരി ഫാ. സെബി വിക്ടർ തുണ്ടിപ്പറമ്പിൽ, കലൂർ യൂത്ത് ഫൊറോന ഡയറക്ടർ ഫാ. ജിലു ജോസ് മുള്ളൂർ, കെ.സി.വൈ.എം ലാറ്റിൻ സംസ്ഥാന വൈസ് പ്രസിഡന്റ് അക്ഷയ് അലക്സ്, കെ.സി.വൈ.എം വരാപ്പുഴ അതിരൂപത ജനറൽ സെക്രട്ടറി റോസ് മേരി കെ.ജെ, പൊറ്റക്കുഴി കെ.സി.വൈ.എം യൂണിറ്റ് പ്രസിഡന്റ് അമൽ ജോർജ് എന്നിവർ സംസാരിച്ചു.കലൂർ മേഖലാ സമിതികളെ നയിക്കാൻ പുതിയ ഭാരവാഹികളായി അമൽ ജോർജ് പ്രസിഡന്റായും, അമൃത് ബാരിഡിനെ സെക്രട്ടറിയായും, അലീന സച്ചിനെ വൈസ് പ്രസിഡന്റായും, ആന്റണി ജോസഫ് നിമലിനെ…

കൊടുങ്ങല്ലൂർ :നമ്മളിൽ അന്തർലീനമായിരിക്കുന്ന കഴിവുകളിൽ വിശ്വാസം അർപ്പിച്ച് ലക്ഷ്യങ്ങൾ നേടാൻ കഴിയണമെന്നും അതിലൂടെ മറ്റുള്ളവർക്ക് പ്രചോദനം നൽകാനാകണമെന്നും ബിഷപ്പ് ഡോ അബ്രോസ് പുത്തൻവീട്ടിൽ . കെ.എൽ.സി.എ കോട്ടപ്പുറം രൂപത നടത്തിയ സമുദായദിനാചരണവും മെറിറ്റ് അവാർഡ് വിതരണവും ഉൽഘാടനം ചെയ്ത് സംസാരിക്കുകയായിരു അദ്ദേഹം.കോട്ടപ്പുറം ആൽബർടൈൻ അനിമേഷൻ സെന്ററിൽ നടന്ന പരിപാടിയിൽ കെ എൽ സി എ രൂപത പ്രസിഡന്റ് അനിൽ കുന്നത്തൂർ അദ്ധ്യക്ഷത വഹിച്ചു. ജോയ് ഗോതുരുത്ത് സമുദായദിന സന്ദേശം നൽകി. KCF സംസ്ഥാന വൈസ് പ്രസിഡന്റ് ഇ.ഡി. ഫ്രാൻസിസ് സംസ്ഥാന സെക്രട്ടറി ഷൈജ ടീച്ചർ, മുൻ രൂപത പ്രസിഡന്റ് അലക്‌സ് താളൂപ്പാടത്ത് എന്നിവർ ആശംസകൾ അർപ്പിച്ചു.പി എഫ് ലോറൻസ് സ്വാഗതവും ടോമി തൗണ്ടശേരി നന്ദിയും പറഞ്ഞു. ഡോ. മംഗളം സ്വാമിനാഥൻ ഫൗണ്ടേഷൻ ദേശീയ പുരസ്‌കാര ജേതാവ് ജിജോ ജോൺ പുത്തേഴത്ത്, ജൂനിയർ നാഷണൽ പവർ ലിഫ്റ്റിംഗ് ചാമ്പ്യൻഷിപ്പിൽ ഗോൾഡ് മെഡൽ കരസ്ഥമാക്കിയ എയ്ഞ്ചൽ പി.എ., കടലിൽ 500 മീറ്റർ നീന്തി ലോകറേക്കോർഡ്…

മുനമ്പം: റവന്യൂ അവകാശങ്ങൾ പുന:സ്ഥാപിച്ചു കിട്ടുന്നതിനായി മുനമ്പം ജനത നടത്തുന്ന റിലേ നിരാഹര സമരം അൻപത്തിമൂന്നാം ദിനത്തിലേക്ക് . അൻപത്തി രണ്ടാം ദിനത്തിൽജോസഫ് ബെന്നി കുറുപ്പശ്ശേരി, സിസ്റ്റർ ഷീല ജോസഫ്, ലിസി ആൻ്റണി ചിറയത്ത്, കുഞ്ഞുമോൻ ആൻ്റണി ചിറയത്ത്, ജോൺ അറക്കൽ തുടങ്ങിയവർ നിരാഹാരമിരുന്നു. കോട്ടയം വാകത്താനം ഇടവകയിൽ നിന്നും പ്രിൻസ് കെ. തച്ചിൽ, കെ. എ . കുര്യൻ,കോതമംഗലം രൂപതയിലെ കാളിയാർ ഫൊറോന ദേവാലയത്തിലെ എകെസിസി പ്രസിഡൻറ്റ് സോജൻ ജോസഫ്, ഞാറക്കാട്ട് സെൻ്റ് ജോസഫ് പള്ളി എകെസിസി പ്രസിഡൻ്റ് ഫ്രാൻസിസ് മത്തായി, തൊമ്മൻകുത്ത് എകെസിസി വനിതാ വൈസ്പ്രസിഡന്റ് ഡോളി ബെന്നി തുടങ്ങിയവർ ഐക്ക്യദാർഢ്യവുമായി സമരപന്തലിൽ എത്തി. കോട്ടപ്പുറം ബിഷപ്പ് ഡോ.അംബ്രോസ് പുത്തൻവീട്ടിൽ ,വികാരി ജനറൽ മോൺ. റോക്കി റോബി കളത്തിൽ , ന്യൂനപക്ഷ മോർച്ച പറവൂർ നോർത്ത് മണ്ഡലം പ്രസിഡൻ്റ് ജോൺ പോൾ, പറവൂർ പള്ളിത്താഴം സെൻ്റ് ജോസഫ് കൊത്തലങ്കോ പള്ളി പാരിഷ് കൗൺസിൽ മെമ്പർ സ്റ്റാൻലി മുക്കത്ത് എന്നിവരും…

ചെന്നൈ: തമിഴ്നാട്ടിൽ ഫിൻജാൽ ചുഴലിക്കാറ്റിനെ തുടർന്നുണ്ടായ കനത്ത മഴയിലെ കെടുതികൾ രൂക്ഷം. പലയിടത്തും മഴ പെയ്യുന്നുണ്ട്. ചെന്നൈ ഏതാണ്ട് ഒറ്റപ്പെട്ട നിലയിലാണ്. വരും ദിവസങ്ങളിലും പല ജില്ലകളിലും മഴ തുടരുമെന്നു മുന്നറിയിപ്പുണ്ട്. വിവിധ സംഭവങ്ങളിലായി സംസ്ഥാനത്ത് 16 പേർ മരിച്ചതായി അനൗദ്യോ​ഗിക കണക്കുകൾ പറയുന്നു. അതിനിടെ മഴക്കെടുതിയെ തുടർന്നു സംസ്ഥാനത്തിനു അടിയന്തര ധന സഹായം നൽകണമെന്നു മുഖ്യമന്ത്രി സ്റ്റാലിൻ കേന്ദ്രത്തോടു ആവശ്യപ്പെട്ടു. 2000 കോടി രൂപ അടിയന്തര സഹായമായി അനുവദിക്കണമെന്നാണ് സർക്കാർ ആവശ്യപ്പെട്ടിരിക്കുന്നത്. ദേശീയ പാതകളിലെ പലയിടത്തും വെള്ളം കയറി ​ഗതാ​ഗതം തടസപ്പെട്ടു. പല ട്രെയിനുകളും വഴി തിരിച്ചു വിട്ടു. ചില സർവീസുകൾ റദ്ദാക്കിയിട്ടുണ്ട്. പലയിടത്തും വൈദ്യുതി തടസപ്പെട്ടതും ജനവാസ കേന്ദ്രങ്ങളിൽ വെള്ളം കയറിയതും ജനജീവിതം ദുരിതത്തിലായി. കനത്ത മഴയെ തുടർന്നു തിരുവണ്ണാമലൈ ഉണ്ടായ ഉരുൾപ്പൊട്ടലിൽ കാണാതായ ഏഴ് പേരുടേയും മൃതദേഹങ്ങൾ കണ്ടെത്തി. അപകടത്തിൽ അഞ്ച് കുട്ടികളടക്കം ഒരു കുടുംബത്തിലെ ഏഴ് പേരാണ് വീടിനുള്ളിൽ മണ്ണിനടിയിലായത്.