Author: admin

കൊച്ചി: കെ.സി.വൈ.എം. കൊച്ചി രൂപത 49-ാമത് വാർഷിക ഇലക്ഷൻ സെനറ്റ് സമ്മേളനം കാത്തലിക് സെൻ്റർ തോപ്പുംപടിയിൽ വച്ച് നടന്നു. സെനറ്റ് സമ്മേളനത്തിൽ തോപ്പുംപടി സെൻ്റ് സെബാസ്റ്റ്യൻസ് ഇടവകാംഗം ഡാനിയ ആൻ്റണി രൂപതാ ചരിത്രത്തിലെ ആദ്യത്തെ വനിത പ്രസിഡൻ്റായി തെരഞ്ഞെടുക്കപ്പെട്ടു. കണ്ണമാലി സെൻ്റ് ആൻ്റണീസ് ഫെറോന പള്ളി ഇടവകാഗം ഹെസ് ലിൻ ഇമ്മാനുവൽ ജനറൽ സെക്രട്ടറിയായിയും തെരഞ്ഞെടുക്കപ്പെട്ടു.ഹോളി ഫാമിലി ഓഫ് നസ്രത്ത് ഇടവകാംഗം ജോർജ്ജ് ജിക്സൺ ട്രഷററായും, എഴുപുന്ന അമലോത്ഭവ മാതാ ഇടവകാംഗം നിന്ന് ക്ലിൻ്റൺ ഫ്രാൻസീസും പഴങ്ങാട് സെൻ്റ് ജോർജ്ജ് പള്ളിയിൽ നിന്ന് ജീവ റെനി എന്നിവർ വൈസ് പ്രസിഡന്റമാരായും, പള്ളുരുത്തി സെൻ്റ് ലോറൻസ് ഇടവകാംഗം സനൂപ് ദാസ്, ചെല്ലാനം സെൻ്റ് സെബാസ്റ്റ്യൻസ് ഇടവകാംഗം ഡയസ് ആൻ്റണി, തങ്കി സെൻ്റ് മേരീസ് ഫെറോന പള്ളിയിൽ നിന്ന് അരുൺ ജോസ്, നസ്രത്ത് ഹോളി ഫാമിലി ഓഫ് ഇടവകയിലെ അക്ഷയ മരിയ എന്നിവർ സെക്രട്ടറിമാരായും തെരഞ്ഞെടുക്കപ്പെട്ടു.

നൂറു പുസ്തകങ്ങളുടെ രചയിതാവുക എന്ന ആഗ്രഹം  മനസ്സില്‍ പേറി നടന്ന നോവലിസ്റ്റും നാടകകൃത്തും ഗാനരചയിതാവും തിരക്കഥാകൃത്തും സാംസ്‌കാരിക പ്രമുഖനുമായ എ.കെ പുതുശ്ശേരി വിടവാങ്ങി. തൊണ്ണൂറാമത്തെ വയസ്സില്‍ 95 പുസ്തകങ്ങള്‍ എഴുതിയാണ് അദ്ദേഹം സ്വര്‍ഗ്ഗത്തിലേക്ക് യാത്രയായത്.

ക്രിസ്തീയഭക്തിഗാനശാഖയ്ക്ക് കുറെ നല്ല രചനകള്‍ നല്‍കിയ എ.കെ. പുതുശ്ശേരി കഴിഞ്ഞ ദിവസം വിടവാങ്ങി. നാടകരംഗത്തു സജീവമായി നിലകൊണ്ടിരുന്ന എ.കെ.പുതുശ്ശേരി അനേകം നാടകഗാനങ്ങളും എഴുതിയിട്ടുണ്ട്. ഒരു നാടകത്തിനായി പുതുശ്ശേരി എഴുതി ജോബ് ആന്‍ഡ് ജോര്‍ജ് സംഗീതം നല്‍കിയൊരു ഗാനം പിന്നീട് ഡോ. കെ.ജെ.യേശുദാസ് തന്‍റെ ഒരു സമാഹാരത്തില്‍ ചേര്‍ത്തിട്ടുണ്ട്.

ഫാ.സേവ്യർ കുടിയാംശ്ശേരി

നാഗ്പൂർ: അടിസ്ഥാന ക്രൈസ്തവ സമൂഹങ്ങളുടെ ദേശീയ കൺവെൻഷൻ നാഗ്പൂർ പള്ളോട്ടിയൻ ആനിമേഷൻ സെന്ററിൽ വച്ച് നടത്തി . ആർച്ച് ബിഷപ്പ് മോസ്റ്റ് റവ. ഏലിയാസ് ഗോൺസാൽവോസ് വിശുദ്ധ ബലി അർപ്പിച്ചു.ബൈബിൾ പ്രദക്ഷിണവും പ്രതിഷ്ഠയ്ക്ക് ശേഷം ബി ഇ സി (CCBl) കമ്മിഷൻ്റെ ദേശീയ ചെയർമാൻ ബിഷപ്പ് ഡോ . സെൽവസ്റ്റർ ,നാഗ്പൂർ ആർച്ച് ബിഷപ്പ് ഡോ. ഏലിയാസ് ഗോൺസാൽവോസ് ,സി ക്രിസ്റ്റിൻ എന്നിവർ ദീപം കൊളുത്തി ഔദ്യോഗികമായി യോഗം ഉത്‌ഘാടനം ചെയ്തു .ദേശീയ സമിതി യോഗം ബിഷപ്പ് ഡോ . സെൽവസ്റ്റർ പൊന്നുമുത്തൻ ഉദ്ഘാടനം ചെയ്തു. “അടിസ്ഥാന ക്രൈസ്തവ സമൂഹങ്ങൾ സിനിഡൽ സഭയുടെ പ്രതീക്ഷയുടെ പ്രകാശം”എന്ന വിഷയത്തിൽ സേലം രൂപതയുടെ ബിഷപ്പ് എമിറേറ്റസ് ആയ ബിഷപ്പ് ഡോ . സെബാസ്റ്റ്യൻ സിങ്കരായൻ ക്ലാസുകൾ നയിച്ചു”സഭയിലെ എല്ലാ വ്യക്തികളും ഒരുമിച്ച് നടക്കേണ്ടതിന്റെയും ബന്ധങ്ങൾ ഊട്ടി ഉറപ്പിക്കേണ്ടതിന്റെയും ദൈവ ആശ്രയത്തിലും പരിശുദ്ധാത്മാവിനെ അരൂപിയിലും ഒന്നിച്ച് ദൈവരാജ്യം സാധ്യമാക്കാൻ വേണ്ടിയുള്ള യാത്രയാണ് സിനടൽ യാത്ര പ്രതീക്ഷയുടെ…

കൊച്ചി: തീരദേശത്തെ ജനങ്ങളുടെ ജീവിതത്തേയും തൊഴിലിനേയും പ്രതികൂലമായി ബാധിക്കുന്നതും പാരിസ്ഥിതിക പ്രത്യാഘതങ്ങൾ ഉണ്ടാക്കുന്നതുമായ കടൽമണൽ ഖനനം ഉപേക്ഷിക്കണമെന്ന് ഫാദർ ഫിർമുസ് ഫൗണ്ടേഷൻ വാർഷിക സമ്മേളനം കേന്ദ്ര ഗവണ്മെൻ്റിനോട് ആവശ്യപ്പെട്ടു. ശരിയായ ശാസ്ത്രീയപഠനങ്ങൾ നടത്താതെ ഖനനം അനുവദിക്കുന്നത് കോർപ്പറേറ്റുകളെ സഹായിക്കുന്നതിനാണെന്നും ഇതിനെതിരെ നടത്തുന്ന സമരങ്ങളെ പിന്തുണയ്ക്കുന്നതായും യോഗം അംഗീകരിച്ച പ്രമേയത്തിൽ പറയുന്നു. ഫൗണ്ടേഷൻ പ്രസിഡണ്ട് മാത്യു ലിഞ്ചൻ റോയി അധ്യക്ഷത വഹിച്ച യോഗത്തിൽ ജോയി ഗോതുരുത്ത് വിഷയാവതരണം നടത്തി. ലൂയീസ് തണ്ണിക്കോട്ട്, ഷാജി ജോർജ്, ജോയി കൈമാതുരുത്തി, ജൂലിയറ്റ് വേണാട്ട്, ജെസ്സി ജെയിംസ്, ജോസഫ് ബെന്നൻ, ഐ.എം. ആൻ്റണി, സൈമൺ ജോസ് എന്നിവർ ചർച്ചകളിൽ പങ്കെടുത്തു സംസാരിച്ചു. ജനറൽ സെക്രട്ടറി എൻ.സി.അഗസ്റ്റിൻ പ്രവർത്തന റിപ്പോർട്ടും ട്രഷറർ പി. ആർ ലോറൻസ് വരവ്- ചിലവ് കണക്കുകളും അവതരിപ്പിച്ചു. വൈസ് പ്രസിഡണ്ട് പി. ആർ അലോഷ്യസ് സ്വാഗതവും ജോ :സെക്രട്ടറി സിബി ജോയി നന്ദിയും പറഞ്ഞു.

കൊച്ചി: സ്ത്രീ സുരക്ഷ മുൻനിർത്തി സെൻ്റ് ആൽബർട്സ് ഐ ടി ഇ യിൽ അധ്യാപകവിദ്യാർത്ഥികൾക്കായി സ്വയം പ്രതിരോധ ക്ലാസ്സ് നടത്തി.പ്രിൻസിപ്പൽ ജിഷ ലോറൻസ് ഉദ്ഘാടനം ചെയ്തു. സ്വയം പ്രതിരോധ മുറകളിൽ പ്രത്യേക പരിശീലനം നേടിയ എ എസ് ഐ രത്നാമണി, എ എസ് ഐ ലിസ്സി മാത്യു, സിവിൽ പോലീസായ ശ്യാമ, ജാൻസി എന്നീ വനിതാ പൊലീസ് ഉദ്യോഗസ്ഥരാണ് ക്ലാസ്സ് നയിച്ചത്.

സംഭവത്തിൽ പ്രതിഷേധം കനക്കുന്നു കൊച്ചി: ലഹരി മാഫിയയുടെ പ്രവർത്തനങ്ങൾക്കെതിരെ പോരാടുന്ന പൊതുപ്രവർത്തകർക്ക് സംരക്ഷണം ഉറപ്പാക്കാൻ പോലീസ് ജാഗ്രത കാണിക്കണമെന്ന് കെഎൽസിഎ വരാപ്പുഴ അതിരൂപത ആവശ്യപ്പെട്ടു.വർദ്ധിച്ചുവരുന്ന മയക്കുമരുന്ന് ലഹരി മാഫിയകൾക്കെതിരെനിരന്തരം ശബ്ദമുയർത്തുന്ന കെഎൽസിഎ വരാപ്പുഴ അതിരൂപതയിലെ വൈസ് പ്രസിഡൻ്റും,പൊതു പ്രവർത്തകനുമായ ബാബു ആന്റണിക്കെതിരെ ഇന്ന് കാക്കനാട് നടന്ന ആക്രമണം പ്രതിഷേധാർമാണെന്ന് കെഎൽസിഎ ചൂണ്ടിക്കാട്ടി. മയക്കുമരുന്നിനെതിരെ കെ എൽ സി എ ആരംഭിച്ച ജീവൻ രക്ഷാ യാത്ര വിപുലമാക്കാനായുള്ള പ്രവർത്തനങ്ങളുമായി മുന്നോട്ടു പോകുമ്പോഴാണ് ബാബു ആൻ്റണിക്ക് നേരെ ഉണ്ടായ ഈ ആക്രമണം.ഈ സാമൂഹ്യ വിപത്തിനെതിരെ കെ എൽ സി എ നടത്തുന്ന പ്രവർത്തനങ്ങൾഅട്ടിമറിക്കുന്നതിനുള്ള ആസൂത്രിത ശ്രമമാണോ ഇതെന്ന് സംശയിക്കേണ്ടിയിരിക്കുന്നു. കുറ്റക്കാരെ മാതൃകാപരമായി ശിക്ഷിക്കണമെന്നും മേലിൽ ഇത്തരം ആക്രമണങ്ങൾ ഉണ്ടാകാതിരിക്കാൻ പോലീസും എക്സൈസും സംയുക്തമായി അടിയന്തിര നടപടികൾ സ്വീകരിക്കണമെന്ന് അടിയന്തര എക്സിക്യൂട്ടീവ് യോഗം സർക്കാരിനോട് ആവശ്യപ്പെട്ടു. കെഎൽസിഎ വരാപ്പുഴ അതിരൂപത പ്രസിഡന്റ് സി.ജെ. പോൾ ,ജനറൽ സെക്രട്ടറി റോയ് പാളയത്തിൽ ,ഖജാൻജി എൻ ജെ പൗലോസ്,വൈസ്…

കോഴിക്കോട് : വർദ്ധിച്ചുവരുന്ന ലഹരി ഉപയോഗത്തിനെതിരെ വെള്ളിമാടുകുന്ന് സെന്റ് ജോസഫ് ഇംഗ്ലീഷ് മീഡിയം ഹൈസ്കൂളിന്റെ നേതൃത്വത്തിൽ ചേവായൂർ പോലീസ് സ്റ്റേഷൻ വരെ ഇരുചക്ര വാഹന ബോധവൽക്കരണ റാലി സംഘടിപ്പിച്ചു. വിദ്യാർത്ഥികളും അധ്യാപകരും രക്ഷിതാക്കളും അടങ്ങുന്ന നൂറോളം പേർ റാലിയിൽ പങ്കെടുത്തു. കോഴിക്കോട് രൂപതാ വികാരി ജനറൽ മോൺ.ഡോ.ജെൻസൺ പുത്തൻവീട്ടിൽ റാലി ഫ്ലാഗ് ഓഫ് ചെയ്ത് ഉദ്ഘാടന കർമ്മം നിർവഹിച്ചു. ലഹരി നാടിനു വിപത്താണെന്നും ഈ തലമുറയെയും ഇനി വരുന്ന തലമുറയെയും ലഹരിയുടെ കെണിയിൽ നിന്നും രക്ഷിക്കുവാൻ വിദ്യാർത്ഥികളും അധ്യാപകരും രക്ഷിതാക്കളും ഒരുമിച്ച് മുന്നിട്ടിറങ്ങണമെന്നും അദ്ദേഹം പറഞ്ഞു. ഹെഡ്മിസ്ട്രസ് സി.ടെസ്സി മരിയ കുട്ടികൾക്ക് ലഹരി വിരുദ്ധ പ്രതിജ്ഞ ചൊല്ലി കൊടുത്തു.വിദ്യാർഥികൾ ചേവായൂർ പോലീസ് സ്റ്റേഷൻ സന്ദർശിക്കുകയും ലഹരിക്കെതിരെ അഹോരാത്രം പോരാടുന്ന പോലീസ് സേനയ്ക്ക് ആദരവും ഐക്യദാർഢ്യവും പ്രഖ്യാപിക്കുകയും പോലീസ് ഉദ്യോഗസ്ഥർക്ക് സ്നേഹോപഹാരം സമർപ്പിക്കുകയും ചെയ്തു . പോലീസ് സ്റ്റേഷനിലെ സുരക്ഷാ സംവിധാനങ്ങളെക്കുറിച്ചും വിവിധ നടപടിക്രമങ്ങളെക്കുറിച്ചും വിവരിച്ചുകൊണ്ട് സെക്ഷൻ ഹെഡ് ഓഫീസർ ഷീല ,എസ്.ഐ…

കൊച്ചി: യൂണിയൻ ഓഫ് ആംഗ്ലോ ഇന്ത്യൻ അസ്സോസിയേഷൻസിന്റെ സംസ്ഥാന ഭരണ സമിതിയിലേക്ക് നടന്ന തെരഞ്ഞെടുപ്പിൽ പ്രസിഡന്റ് -ഇൻ-ചീഫായി ഡാൽബിൻ ഡിക്കൂഞ്ഞയും ജനറൽ സെക്രട്ടറിയായി ഹൈസിൽ ഡിക്രൂസും ട്രഷററായി ഡെൻസിൽ ലൂയിസും തെരഞ്ഞെടുക്കപ്പെട്ടു. മറ്റു ഭാരവാഹികൾ – വൈസ് പ്രസിഡന്റ്സ്: മാർഷൽ ഡിക്കൂഞ്ഞ, ബെനഡിക്ട് സിമേതി, ലാർസൻ ന്യൂനസ്, ബ്ലെയ്സ് നൊറോണ. ജോയിന്റ് സെക്രട്ടറിമാർ: ബേസിൽ ജോസഫ് ഡിക്രൂസ്, റോണി റിബെല്ലോ, പീറ്റർ ജിംസൺ അരൂജ, ഷെറിൻ നെവിസ്.