Author: admin

വടക്കൻ നൈജീരിയയിൽ, കഴിഞ്ഞ മൂന്ന് ദിവസത്തിനിടെ കടുന സംസ്ഥാനത്തെ നാല് വ്യത്യസ്ത ഗ്രാമങ്ങളിൽ നടന്ന ആക്രമണങ്ങളിൽ കുറഞ്ഞത് 51 പേരെ തട്ടിക്കൊണ്ടുപോകുകയും, ആറു പേരെ വധിക്കുകയും ചെയ്തു. നൈജീരിയൻ സുരക്ഷാ വൃത്തങ്ങൾ പറയുന്നതനുസരിച്ച്, പ്രധാനമായും ക്രിസ്ത്യാനികൾ കൂടുതലുള്ള സംസ്ഥാനത്തിന്റെ തെക്കൻ ഭാഗത്താണ് ആക്രമണങ്ങൾ നടക്കുന്നത്.

ബെംഗളൂരുവിൽ നടന്ന ബിരുദദാന ചടങ്ങിൽ ലോകമെമ്പാടുമുള്ള 264 പേർ കാനൻ നിയമത്തിൽ ഡിപ്ലോമ നേടി. ഫാ. സ്റ്റീഫൻ ആലത്തറ, ഫാ. മെർലിൻ റെഞ്ചിത്ത് അംബ്രോസ് എന്നിവരുടെ സാന്നിധ്യത്തിൽ, സിസിബിഐ കാനൻ ലോ കമ്മീഷൻ ചെയർമാനായ മധുര അതിരൂപതയുടെ ആർച്ച് ബിഷപ്പ് എസ്. ആന്റണിസാമിയാണ് ഡിപ്ലോമ നൽകിയത്.

കോട്ടപ്പുറം ഇന്‍റഗ്രേറ്റഡ് ഡെവലപ്മെന്‍റ് സൊസൈറ്റി (കിഡ്സ്) പ്രകൃതിദത്ത നാരുകള്‍ ഉപയോഗിച്ചുള്ള നൂതനമായ രീതിയില്‍ കരകൗശല ഉല്‍പ്പന്ന നിര്‍മ്മാണ പരിശീലനത്തിന് തുടക്കം കുറിച്ചു. കോട്ടപ്പുറം കിഡ്സില്‍ വച്ച് നടന്ന ചടങ്ങില്‍ കൊടുങ്ങല്ലൂര്‍ നഗരസഭ ചെയര്‍പേഴ്സണ്‍ ശ്രീമതി ഹണി പീതാംബരന്‍ ഉദ്ഘാടനം നിര്‍വഹിച്ചു.

മദ്രാസ്-മൈലാപ്പൂർ അതിരൂപതയുടെ ജെഡി അക്കാദമി ഓഫ് എക്സലൻസ് ( JDAX) ജീവിതത്തെ മാറ്റിമറിക്കാൻ കഴിയുന്ന ഒരു പദ്ധതിക്ക് തുടക്കമിട്ടിരിക്കുന്നു. 2026-27 യുപിഎസ്സി സിവിൽ സർവീസസ് പ്രോഗ്രാമിലേക്കുള്ള പ്രവേശനവും അർഹരായ ഉദ്യോഗാർത്ഥികൾക്ക് പൂർണ്ണ സ്കോളർഷിപ്പുകളും ഇപ്പോൾ ലഭ്യമാണ്. 2021-22 വർഷത്തിൽ ആരംഭിച്ച JDAX, വിദഗ്ദ്ധ ഫാക്കൽറ്റി മാർഗ്ഗനിർദ്ദേശം, കർശനമായ വിലയിരുത്തലുകൾ, പരീക്ഷ പരിശീലനങ്ങൾ, തുടർച്ചയായ ടെസ്റ്റുകൾ, വ്യക്തിഗത മെന്ററിംഗ് എന്നിവ പ്രൊഫഷണലായി നൽകിക്കൊണ്ട് അസാധാരണ പരിശീലനം വാഗ്‌ദാനം ചെയ്യുന്നു.

സെൻ്റ് ആൽബർട്സ് ടി ടി ഐ യിൽ 2023-2025 ഡി എൽ എഡ് ബാച്ചിൻ്റെ കോൺവോക്കേഷൻ ചടങ്ങ് നടന്നു.

ആത്മീയവും സംഘടനാത്മകവുമായ അന്തരീക്ഷത്തിൽ കെ.സി.വൈ.എം കൊല്ലം രൂപതയുടെ വാർഷിക സെനറ്റും 2026–28 പ്രവർത്തന വർഷത്തേക്കുള്ള രൂപതാഭാരവാഹിത്വ തിരഞ്ഞെടുപ്പും കൊല്ലം സെൻ്റ് അലോഷ്യസ് സ്കൂളിൽ വച്ച് നടന്നു. KCYM സംസ്ഥാന വൈസ് പ്രസിഡൻ്റ് ശ്രീ. അനൂപ് ജെ പാലിയോട് KCYM ലാറ്റിൻ പ്രസിഡൻ്റെ ശ്രീ. പോൾ ജോസ് എന്നിവരുടെ നേതൃത്വത്തിൽ നടന്ന തിരഞ്ഞെടുപ്പിൽ വിവിധ യൂണിറ്റകളിൽ നിന്നുള്ള പ്രതിനിധികൾ പങ്കെടുത്തു.

കെസിവൈഎം കോട്ടപ്പുറം രൂപത സമിതിയുടെ അധികാര കൈമാറ്റവും സത്യപ്രതിജ്ഞയും നടന്നു. പുതിയതായി തിരഞ്ഞെടുക്കപ്പെട്ട കെസിവൈഎം കോട്ടപ്പുറം രൂപത സമിതി അംഗങ്ങളുടെ സത്യപ്രതിജ്ഞയും അധികാര കൈമാറ്റവും ഫെബ്രുവരി 8 തിയ്യതി വികാസ് ആനിമേഷൻ സെന്ററിൽ വച്ച് നടന്നു.

കുടുംബത്തിലും സമൂഹത്തിലും സഭയിലും രാഷ്ട്രീയത്തിലും മികച്ച മാതൃകകളായി
പാർശ്വവൽക്കരിക്കപ്പെട്ടവരുടെ ശബ്ദമായി മാറാൻ ജനപ്രതിനിധികൾക്ക് സാധിക്കണമെന്ന് വരാപ്പുഴ അതിരൂപത മെത്രാപ്പോലീത്ത ഡോ.ജോസഫ് കളത്തിപ്പറമ്പിൽ പറഞ്ഞു.വരാപ്പുഴ അതിരൂപത രാഷ്ട്രീയകാര്യ സമിതിയുടെ നേതൃത്വത്തിൽ വരാപ്പുഴ അതിരൂപതാംഗങ്ങളായ ജന പ്രതിനിധികൾക്ക് നൽകിയ സ്വീകരണ സമ്മേളനം തദ്ദേശാദരം 2026 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം

കോട്ടപ്പുറം രൂപതയുടെ സാമൂഹികസേവന വിഭാഗമായ കോട്ടപ്പുറം ഇന്‍റഗ്രേറ്റഡ് ഡെവലപ്മെന്‍റ് സൊസൈറ്റി (കിഡ്സ് – കോട്ടപ്പുറം)യുടെ ആഭിമുഖ്യത്തില്‍ ഐ.ടി.ഐ ഇലക്ട്രിഷ്യന്‍, ഐ.ടി.ഐ വയര്‍മാന്‍, ഡിപ്ലോമ ഇലക്ട്രിക്കല്‍ എന്നി കോഴ്സ് കഴിഞ്ഞവര്‍ക്കുള്ള പി.എസ്.സി പരിശീലന ഉദ്ഘാടനം കയ്പമംഗലം എം.എല്‍.എ ശ്രീ. ഇ.ടി. ടൈസണ്‍ മാസ്റ്റര്‍ നിര്‍വ്വഹിച്ചു.

തോപ്പുംപടി സെൻ്റ്. സെബാസ്റ്റ്യൻസ് ഇടവക അൽമായ ശുശ്രൂഷ സമിതിയുടെ നേതൃത്വത്തിൽ ഇടവകയിലെ അൽമായ നേതാക്കളെയും ഇടവകയിലെ ഡോക്ടർസ്, എൻജിനീയർസ്, അഡ്വക്കേറ്റ്സ് എന്നിവരുടെയും കെ.എൽ.സി.എ അംഗങ്ങളുടെയും സംയുക്ത സംഗമം സംഘടിപ്പിക്കുകയുണ്ടായി. കൊച്ചി രൂപത ബി.സി.സി ഡയറക്ടർ ഫാ. ബെന്നി തോപ്പിൽപറമ്പിൽ ഉദ്ഘാടന കർമം നിർവഹിച്ചു.