Author: admin

തിരുവനന്തപുരം: പടിഞ്ഞാറൻ കാറ്റിന്റെയും ബംഗാൾ ഉൾക്കടലിന് മുകളിൽ സ്ഥിതി ചെയ്യുന്ന ന്യൂനമർദ്ദത്തിന്റെ സ്വാധീനഫലമായി സംസ്ഥാനത്ത് വെള്ളിയാഴ്ച വരെ അതിതീവ്രമഴ തുടരുമെന്ന് കാലാവസ്ഥ വകുപ്പ് . ഇന്ന് കോഴിക്കോട്, വയനാട് ജില്ലകളിലും വ്യാഴാഴ്ച പത്തനംതിട്ട, ഇടുക്കി, കണ്ണൂർ, കാസർകോട് ജില്ലകളിലും വെള്ളിയാഴ്ച പത്തനംതിട്ട, എറണാകുളം, ഇടുക്കി, തൃശൂർ, കണ്ണൂർ, കാസർകോട് ജില്ലകളിലും ഒറ്റപ്പെട്ട സ്ഥലങ്ങളിൽ അതിതീവ്രമഴയാണ് കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിൽ ഒറ്റപ്പെട്ട സ്ഥലങ്ങളിൽ തീവ്രമഴയും കാലാവസ്ഥ വകുപ്പ് കണക്കുകൂട്ടുന്നുണ്ട്. ജാഗ്രതയുടെ ഭാഗമായി ഈ ജില്ലകളിൽ ഓറഞ്ച് ജാഗ്രത പുറപ്പെടുവിച്ചിട്ടുണ്ട്. നാളെ റെഡ് അലർട്ട് ഒഴികെയുള്ള എല്ലാ ജില്ലകളിലും ഓറഞ്ച് ജാഗ്രതയാണ് നൽകിയിരിക്കുന്നത് ജലനിരപ്പ് ഉയർന്നതിനെ തുടർന്ന് കോട്ടയം ജില്ലയിലെ മീനച്ചിൽ, പത്തനംതിട്ട ജില്ലയിലെ അച്ചൻകോവിൽ, മണിമല എന്നി നദികളിൽ ഓറഞ്ചും കോഴിക്കോട് ജില്ലയിലെ കോരപ്പുഴ, തിരുവനന്തപുരം ജില്ലയിലെ വാമനപുരം എന്നി…

കൊച്ചി :കെ.സി.വൈ.എം പൊറ്റക്കുഴി യൂണിറ്റിൻ്റെ നേതൃത്വത്തിൽ ഇടമലയാർ ട്രൈബൽ എക്സ്റ്റൻഷൻ ഓഫീസിന് കീഴിലുള്ള സാമൂഹ്യ പഠന മുറികളിലെ പഠിതാക്കൾക്ക് “മഞ്ചാടി” ദ്വിദിന പഠന ക്യാമ്പും, “കരുതൽ” വിദ്യാഭ്യാസ പദ്ധതിയുടെ ഭാഗമായി പഠനോപകരണങ്ങളുടെ വിതരണവും കുട്ടമ്പുഴ ട്രൈബൽ ഷെൽറ്ററിൽ സംഘടിപ്പിച്ചു. മഞ്ചാടി ദ്വിദിന ക്യാമ്പിൻ്റെ ഉദ്ഘാടനം കുട്ടമ്പുഴ പഞ്ചായത്ത് പ്രസിഡൻ്റ് കാന്തി വെള്ളക്കയ്യൻ നിർവഹിച്ചു. ട്രൈബൽ എക്സ്റ്റൻഷൻ ഓഫീസർ അന്ന പോൾ, എളംബ്ലാശേരി, പിണവൂർകുടി, വെള്ളാരംകുത്ത് എന്നീ സ്ഥലങ്ങളിലെ പഠന മുറികളിലെ ഫെസിലിറ്റേറ്റർസ് ആയ റോസമ്മ ജോൺ, ആതിര രാമൻ, രാജി പി. ആർ, പ്രമോട്ടേഴ്സ്, കെ.സി.വൈ.എം കലൂർ മേഖലാ പ്രസിഡൻ്റ് അമൽ ജോർജ്, പൊറ്റക്കുഴി യൂണിറ്റ് ആനിമേറ്റർ ജോസ് പീറ്റർ, ക്യാമ്പ് കോർഡിനേറ്റർ ആൻ ഗ്ലോറിയ ഗോമസ്, പൊറ്റക്കുഴി യൂണിറ്റ് എക്സിക്യൂട്ടിവ്സ് എന്നിവർ സന്നിഹിതരായിരുന്നു 70 ഓളം വിദ്യാർത്ഥികൾ “മഞ്ചാടി” ദ്വിദിന ക്യാമ്പിൽ പങ്കെടുത്തു.ഐസ് ബ്രേക്കിംഗ് സെഷന് കെ.സി.വൈ.എം കലൂർ മേഖല പ്രസിഡൻ്റ് അമൽ ജോർജ് നേതൃത്വം നൽകി.ചൈൽഡ് ലൈനിൽ നിന്ന്…

കൊച്ചി: പശ്ചിമ കൊച്ചിയിൽ ചെല്ലാനം ഗ്രാമപഞ്ചായത്തിൽ വീണ്ടും കടലാക്രമണം രൂക്ഷമായിരിക്കുകയാണ്. കണ്ണമാലി – ചെറിയകടവ് – കാട്ടിപ്പറമ്പ് – ഭാഗങ്ങളിലാണ് കടലാക്രമണം അതീവ ഗൗരവമായി തുടരുന്നത്. ഈ സാഹചര്യത്തിൽ നിലവിലെ സ്ഥിതി കണക്കിലെടുത്ത് അടിയന്തരപരിഹാരം കാണണമെന്നും എത്രയും പെട്ടെന്ന് തന്നെ രണ്ടാംഘട്ട കടൽഭിത്തിയുടെ നിർമ്മാണം പുനരാരംഭിക്കുകയും ചെയ്യണമെന്നും കെ.സി.വൈ.എം കൊച്ചി രൂപത സംഘടിപ്പിച്ച പ്രതിഷേധ യോഗം ആവശ്യപ്പെട്ടു. യോഗം കെ.സി.വൈ.എം കൊച്ചി രൂപത ഡയറക്ടർ ഫാ. മെൽറ്റസ് കൊല്ലശ്ശേരി ഉത്‌ഘാടനം ചെയ്‌തു. രൂപത പ്രസിഡൻ്റ് ഡാനിയ ആന്റണി അധ്യക്ഷത വഹിച്ചു. വീടുകളിലേക്ക് ആർത്തിരമ്പി വരുന്ന കടൽ തീരദേശവാസികളുടെ ജീവിതം ദുരിതപൂർണ്ണമാക്കികൊണ്ടിരിക്കുകയാണെന്നും ഇതിന് ശാശ്വതമായ പരിഹാരം വേണമെന്ന് കാലങ്ങളായി ഇവിടുത്തെ ജനങ്ങൾ ആവശ്യപ്പെടുന്നെങ്കിലും അധികാരികളുടെ അനാസ്ഥ മൂലം പരിഹാരം നീണ്ട് പോവുകയാണെന്നും ഫാ. മെൽറ്റസ് കൊല്ലശ്ശേരി ആരോപിച്ചു . നിലവിൽ ചെല്ലാനം ഗ്രാമപഞ്ചായത്തിൽ കടൽഭിത്തി നിർമ്മാണം പുത്തൻതോട് വരെ മാത്രമാണ് പൂർത്തിയായിരിക്കുന്നത്. ചുവന്ന നാടയിൽപ്പെട്ട് കടൽഭിത്തി നിർമ്മാണം ഇഴയുമ്പോൾ ദുരിതത്തിൽ ആവുന്നത് കണ്ണമാലി…

കൊടുങ്ങല്ലൂർ :കോട്ടപ്പുറം സെന്റ് മൈക്കിൾസ് കത്തീഡ്രൽ വചന കൂടാരത്തിൽ നടക്കുന്ന കോട്ടപ്പുറം രൂപത 11 – മത് ബൈബിൾ കൺവെൻഷൻ,എൽ റൂഹ 2025 നോടനുബന്ധിച്ച് നാളെ (ബുധൻ ) വാഹനങ്ങളുടെ വെഞ്ചരിപ്പു നടക്കും.മൂന്നാം ദിനത്തിൽ നടന്ന ദിവ്യബലിക്ക് ഗോതുരുത്ത് ഫൊറോന വികാരി ഫാ ജാക്സൻ വലിയപറമ്പിൽ മുഖ്യകാർമ്മികത്വം വഹിച്ചു. മോൺ. റോക്കി റോബി കളത്തിൽ, ഫാ. ആൻ്റസ് പുത്തൻവീട്ടിൽ, ഫാ.ഷൈജൻ പനക്കൽ, ഫാ. ബാബു മുട്ടിക്കൽ, ഫാ. ബിയോൺ കോണത്ത് തുടങ്ങിയവർ സഹകാർമ്മികരായി. കടലുണ്ടി എൽ റൂഹ ധ്യാനകേന്ദ്രം ഡയറക്ടർ ഫാ. റാഫേൽ കോക്കാടൻ സിഎംഐ, ഫാ. റിജോ പയ്യപ്പിള്ളി സിഎംഐ എന്നിവർ കൺവെൻഷന് നേതൃത്വം നൽകി. 29 വരെ എല്ലാ ദിവസവും വൈകീട്ട് 4.30 മുതൽ 9 വരെയാണ് കൺവെൻഷൻ . നാളെ (28) കോട്ടപ്പുറം ഫൊറോന വികാരി ഫാ. ജോഷി കലറക്കൽ ദിവ്യബലിക്ക് മുഖ്യകാർമ്മികത്വം വഹിക്കും.

തൊടുപുഴ :കാലവർഷക്കെടുതിയിൽ ഇടുക്കി ജില്ലയിലെ വിവിധ പ്രദേശങ്ങളിൽ 25 വീടുകൾ തകർന്നു. 24 വീടുകൾ ഭാഗികമായും ഒരെണ്ണം പൂർണമായുമാണ് തകർന്നത് . ജില്ലയിൽ യാത്ര നിരോധനങ്ങൾ ഏർപ്പെടുത്തി. മെയ് 30 വരെ ഗ്യാപ്പ് റോഡിൽ രാത്രികാല യാത്രാ നിരോധനം ഏർപ്പെടുത്തിയിട്ടുണ്ട്. ദേശീയപാത 85 ലും ഗതാഗത നിയന്ത്രണം ഏർപ്പെടുത്തിയിട്ടുണ്ട്. കൊച്ചി ധനുഷ്കോടി ദേശീയപാതയിൽ ഇരുട്ടുകാനത്തു നിന്നും കല്ലാർ ,വട്ടിയാർ വഴി രണ്ടാം മൈൽ വരെയുള്ള ഭാഗത്തെ റോഡ് ഗതാഗതം ഇനിയൊരു ഉത്തരവ് ഉണ്ടാകുന്നത് വരെ പൂർണമായും നിരോധിച്ചു. ദേശീയപാത 85 ൽ കരടിപ്പാറക്ക് സമീപം മണ്ണിടിച്ചിൽ ഉണ്ടായതിനെ തുടർന്നാണ് യാത്രാ നിരോധനം. മൂന്നാർ പോകുന്ന വാഹനങ്ങൾ ഇരുട്ടുകാനത്തു നിന്നും ആനച്ചാൽ രണ്ടാം മൈൽ വഴി പോകണം. കൊച്ചി ഭാഗത്തേക്ക് പോകുന്ന വാഹനങ്ങൾ രണ്ടാം മൈലിൽ നിന്നും ആനച്ചാൽ ഇരുട്ടുകാനം വഴി പോകേണ്ടതാണ്.

കൊച്ചി :കേളത്തിന്റെ പശ്ചിമതീരത്തോട് ചേര്‍ന്ന് ഉണ്ടായ കപ്പല്‍ ദുരന്തം വിനാശകരമായ പാരിസ്ഥിതിക പ്രശ്നങ്ങള്‍ക്കും മത്സ്യസമ്പത്തിന്റെ ദീര്‍ഘകാല ശോഷണത്തിനും കാരണമാകുന്ന സാഹചര്യത്തില്‍ ഗൗരവമായ ഇടപെടല്‍ നടത്താന്‍ ചുമതലപ്പെട്ട സര്‍ക്കാര്‍ സംവിധാനങ്ങള്‍ തയ്യാറാകണമെന്ന് കെആര്‍എല്‍സിസിയുടെ ആഭിമുഖ്യത്തിലുള്ള കോസ്റ്റല്‍ ഏരിയ ഡവലപ്പ്മെന്റ് ഏജന്‍സി ഫോര്‍ ലിബറേഷന്‍ (CADAL) ആവശ്യപ്പെട്ടു. അതീവ അപകടകരമായ രാസവസ്തുക്കളും പെട്രോളിയം ഉല്പന്നങ്ങളും കടലില്‍ ഒഴുകി നടക്കുന്നത് ആശങ്കാജനകമാണ്. മത്സ്യതൊഴിലാളികളുടെ ഉപജീവന സംരക്ഷണത്തിനും മത്സ്യസമ്പത്തിന്റെ അതിജീവനത്തിനും ഇപ്പോഴത്തെ നടപടികള്‍ പര്യാപ്തമാണോ എന്നു സംശയമുണ്ട്. അപകടം മൂലം മത്സ്യത്തൊഴിലാളികള്‍ക്ക് സംഭവിക്കുന്ന നഷ്ടങ്ങള്‍ക്ക് പരിഹാരം കേന്ദ്ര-സംസ്ഥാനങ്ങള്‍ നല്കണം, ചെയര്‍മാന്‍ ബിഷപ്പ് ഡോ. ജെയിംസ് ആനാപറമ്പില്‍, ജനറല്‍ സെക്രട്ടറി ജോസഫ് ജൂഡ് , ഡയറക്ടര്‍ ഡോ. സാബാസ് ഇഗ്നേഷ്യസ് എന്നിവര്‍ ആവശ്യപ്പെട്ടു. കേരള തീരത്ത് സംഭവിക്കുന്ന ദുരന്തങ്ങള്‍ നേരിടാന്‍ കേരളത്തിന്റെ ദുരന്ത സമീപന നടപടികള്‍ പുനരിശോധിക്കേതുണ്ട്. മുന്നറിയിപ്പ് നല്കുക മാത്രമല്ല അവയെ നേരിട്ട് പ്രത്യാഘാതങ്ങളെ ലഘുകരിക്കാനും മറികടക്കാനും ആവശ്യമായ നടപടികള്‍ക്ക് നേതൃത്വം നല്കാനും ഡിസാസ്റ്റാര്‍ മാനേജ്മെന്റ് സംവിധാനങ്ങള്‍ക്ക്…

കൊടുങ്ങല്ലൂർ : ദൈവവചനം ശ്രവിച്ച് ഓരോ വ്യക്തിയും സൗഖ്യം പ്രാപിക്കാൻ കോട്ടപ്പുറം ബിഷപ്പ് ഡോ. അംബ്രോസ് പുത്തൻവീട്ടിൽ ആഹ്വാനം ചെയ്തു. കോട്ടപ്പുറം സെന്റ് മൈക്കിൾസ് കത്തീഡ്രൽ വചന കൂടാരത്തിൽ നടക്കുന്ന കോട്ടപ്പുറം രൂപത 11 – മത് ബൈബിൾ കൺവെൻഷൻ, എൽ റൂഹ 2025 ൽ ദിവ്യബലിയർപ്പിച്ച് വചന സന്ദേശം നൽകുകയായിരുന്നു ബിഷപ്പ്. മാനസികവും ശാരീരികവും ആത്മീയവുമായ സൗഖ്യം ഇക്കാലഘട്ടത്തിൻ്റെ ആവശ്യമാണെന്ന് ബിഷപ്പ് പറഞ്ഞു. ഫാ. ആൻ്റസ് പുത്തൻവീട്ടിൽ, ഫാ. സിജോ വേലിക്കകത്തോട്ട്, ഫാ. ജോസ് ഒളാട്ടുപുറത്ത്, ഫാ.ഷൈജൻ പനക്കൽ തുടങ്ങിയവർ സഹകാർമ്മികരായി. കടലുണ്ടി എൽ റൂഹ ധ്യാനകേന്ദ്രം ഡയറക്ടർ ഫാ. റാഫേൽ കോക്കാടൻ സിഎംഐ യാണ് കൺവെൻഷന് നേതൃത്വം നൽകുന്നത്. 29 വരെ എല്ലാ ദിവസവും വൈകീട്ട് 4.30 മുതൽ 9 വരെയാണ് കൺവെൻഷൻ . നാളെ (27) ഗോതുരുത്ത് ഫൊറോന വികാരി ഫാ. ജാക്സൻ വലിയപറമ്പിൽ ദിവ്യബലിക്ക് മുഖ്യകാർമ്മികത്വം വഹിക്കും. 29 ന് കോട്ടപ്പുറം രൂപത ബിഷപ്പ് എമിരിറ്റസ്…

കോട്ടപ്പുറം : കെ.സി.വൈ.എം കോട്ടപ്പുറം രൂപതയുടെ നേതൃത്വത്തിൽ 7’s ബൂട്ട്ഡ് ഫുട്ബോൾ ടൂർണ്ണമെന്റ് കെ.സി.വൈ.എം പൊയ്യ യൂണിറ്റിന്റെ ആതിഥേയത്വത്തിൽ പൊയ്യ AKMHSS ഗ്രൗണ്ടിൽ വച്ച് നടന്നു . മത്സരത്തിൽ 18 ടീമുകൾ പങ്കെടുത്തു. കെ.സി.വൈ.എം കോട്ടപ്പുറം രൂപത പ്രസിഡന്റ്‌ ജെൻസൻ ആൽബിയുടെ അധ്യക്ഷത വഹിച്ചു . രൂപത ജനറൽ സെക്രട്ടറി ജെൻസൻ ജോയ് സ്വാഗതം ചെയ്തു. കെ.സി.വൈ.എം ഇരിങ്ങാലക്കുട രൂപതയുടെ മുൻ ജനറൽ സെക്രട്ടറിയും ദേശീയ സംസ്ഥാന സ്കൂൾ കായികമേളയുടെ ടെക്നിക്കൽ അനൗൺസറുമായ രഞ്ജിത്ത് മാത്യു ഉദ്ഘാടനം ചെയ്തു. സമ്മാനദാനം പൊയ്യ പഞ്ചായത്ത് പ്രസിഡന്റ് ഡെയ്സി തോമസ് നിർവഹിച്ചു . കോട്ടപ്പുറം രൂപത എപ്പിസ്കോപ്പൽ വികാരി ഫാ. ഫ്രാൻസിസ്കോ പടമാടൻ, കെ.സി.വൈ.എം കോട്ടപ്പുറം രൂപത ഡയറക്ടർ ഫാ.നോയൽ കുരിശിങ്കൽ, കെ.സി.വൈ.എം ലാറ്റിൻ സംസ്ഥാന പ്രസിഡന്റ്‌ പോൾ ജോസ് എന്നിവർ ആശംസകൾ നേർന്നു സംസാരിച്ചു. കെ.സി.വൈ.എം കാര യൂണിറ്റ് വിജയികളായി . രണ്ടാം സ്ഥാനം കെ.സി.വൈ.എം കോട്ടുവള്ളി യൂണിറ്റും, മൂന്നാം സ്ഥാനം കെ.സി.വൈ.എം…

തിരുവനന്തപുരം: സംസ്ഥാനത്ത് കോവിഡ് കേസുകൾ വീണ്ടും ഉയരുന്നു. കഴിഞ്ഞ ആഴ്ച 335 കേസുകൾ റിപ്പോർട്ട് ചെയ്തിരുന്നു. ഒരാഴ്ച പിന്നിട്ടപ്പോൾ കേസുകൾ 430ൽ എത്തി. രണ്ട് കോവിഡ‍് മരണങ്ങളും റിപ്പോർട്ട് ചെയ്തിട്ടുണ്ട്. തിരുവനന്തപുരം, പത്തനംതിട്ട, കോട്ടയം, എറണാകുളം, തൃശൂർ ജില്ലകളിലാണ് രോ​ഗ ബാധിതരേറയും ഉള്ളത്. ആശങ്കപ്പെടേണ്ട സാഹചര്യമില്ലെന്ന് ആരോഗ്യ വകുപ്പ് അധികൃതർ പറഞ്ഞു. 59ഉം 64ഉം വയസ്സുള്ള രണ്ടു പേരാണ് തിരുവനന്തപുരത്ത് സ്വകാര്യ ആശുപത്രിയിൽ മരിച്ചത്. കൊല്ലം തലവൂർ സ്വദേശിയായ 59കാരനെ ശ്വസന പ്രശ്നങ്ങൾ മൂലമാണ് ആശുപത്രിയിൽ പ്രവേശിപ്പിച്ചത്. തിരുവനന്തപുരം വഴയില സ്വദേശിയാണ് മരിച്ച രണ്ടാമത്തെയാൾ. രാജ്യത്ത് കോവിഡ് ബാധിതരുടെ എണ്ണം 1000 കടന്നിട്ടുണ്ട്. ഏറ്റവും കൂടുതൽ രോ​ഗ ബാധിതരുള്ളത് കേരളത്തിലാണ്. മഹാരാഷ്ട്ര (209), ഡൽഹി (104), ​ഗുജറാത്ത് (83), തമിഴ്നാട് (69), കർണാടക (47) എന്നിവിടങ്ങളിലും കോവിഡ് കേസുകൾ ഉയരുന്നതായി കേന്ദ്ര ആരോ​ഗ്യ മന്ത്രാലയം വിലയിരുത്തി. സംസ്ഥാനത്ത് രോഗലക്ഷണമുള്ളവർക്ക് കോവിഡ് പരിശോധന നടത്താൻ നിർദേശം നൽകിയിട്ടുണ്ട്. സ്റ്റേറ്റ് ലെവൽ റാപ്പിഡ് റെസ്പോൺസ്…

തിരുവനന്തപുരം: തോരാമഴയെ തുടർന്ന് സംസ്ഥാനത്തെ വിവിധ ജില്ലകളിലെ പുഴകളിൽ പ്രളയ സാധ്യത മുന്നറിയിപ്പ്. ജലനിരപ്പ് ഉയർന്നതിനെ തുടർന്ന് കോട്ടയം ജില്ലയിലെ മീനച്ചിൽ, കോഴിക്കോട് ജില്ലയിലെ കോരപ്പുഴ, പത്തനംതിട്ട ജില്ലയിലെ അച്ചൻകോവിൽ, മണിമല എന്നി നദികളിൽ ഓറഞ്ചും, തിരുവനന്തപുരം ജില്ലയിലെ വാമനപുരം, കണ്ണൂർ ജില്ലയിലെ പെരുമ, മലപ്പുറം ജില്ലയിലെ ഭാരതപ്പുഴ, കാസർകോട് ജില്ലയിലെ ഉപ്പള, വയനാട് ജില്ലയിലെ കബനി എന്നി നദികളിൽ മഞ്ഞ അലർട്ടും പ്രഖ്യാപിച്ചു. ഈ പുഴകളുടെ തീരപ്രദേശങ്ങളിലുള്ളവർ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നൽകി. അപകടകരമായ രീതിയിൽ ജലനിരപ്പുയരുന്ന സംസ്ഥാന ജലസേചന വകുപ്പിന്റെ കോട്ടയം ജില്ലയിലെ മീനച്ചിൽ നദിയിലെ പേരൂർ സ്റ്റേഷൻ, കോഴിക്കോട് ജില്ലയിലെ കോരപ്പുഴ നദിയിലെ കുന്നമംഗലം സ്റ്റേഷൻ, പത്തനംതിട്ട ജില്ലയിലെ അച്ഛൻ കോവിൽ നദിയിലെ കല്ലേലി സ്റ്റേഷൻ, കോന്നി GD സ്റ്റേഷൻ , മണിമല നദിയിലെ തോണ്ട്ര (വള്ളംകുളം) സ്റ്റേഷൻ എന്നിവിടങ്ങളിലാണ് ഓറഞ്ച് അലർട്ട് നൽകിയിരിക്കുന്നത്. കണ്ണൂർ ജില്ലയിലെ പെരുമ നദിയിലെ കൈതപ്രം…