പുസ്തകം / ബി ജെ ലോകപ്രശസ്ത ടൂറിസ്റ്റ് കേന്ദ്രമായ മുന്നാറിന്റെ നൂറുവര്ഷം മുമ്പുള്ള ചരിത്രവും മൂന്നാര് കേന്ദ്രമായി നടന്ന കര്മലീത്താ മിഷനറിമാരുടെ പ്രവര്ത്തനങ്ങളും വിശദീകരിക്കുന്ന ചരിത്ര പുസ്തകം മൂന്നു ഭാഷകളില് പുറത്തിറങ്ങി. ‘മൂന്നാര് ബസിലിക്ക; ആദ്യകാല മിഷനറി ലിഖിതങ്ങളില്’ എന്ന പുസ്തകം മലയാളം, തമിഴ്, ഇംഗ്ലീഷ് ഭാഷകളിലാണ് പ്രസിദ്ധീകരിച്ചിട്ടുള്ളത്.കര്മലീത്താ സഭയുടെ സ്പെയിനിലെ നവാറ പ്രൊവിന്സില് നിന്നുള്ള ഫാ. അല്ഫോന്സ് മരിയ ഒസിഡി 1893ല് വരാപ്പുഴ രൂപതയില് മിഷനറിയായി എത്തി. 1894ല് മൂന്നാറില് അദ്ദേഹം പ്രവര്ത്തനമാരംഭിച്ചു. അദ്ദേഹവും തുടര്ന്നുവന്ന മിഷനറിമാരും സ്പാനിഷ് – ഫ്രഞ്ച് ഭാഷകളില് എഴുതിയ കുറിപ്പുകളും കത്തുകളും യാത്രാവിവരണങ്ങളുമാണ് മൂന്നു ഭാഷകളില്ഇറങ്ങിയിട്ടുള്ള പുസ്തകത്തിന്റെ ഉള്ളടക്കം. ഫാ അല്ഫോന്സ് മരിയ, ഫാ. ബ്ലാസ്, ഫാ. സലുസ്റ്റ്യാനോ, ഫാ. എമിലിയോ, ബിഷപ് ബൊനെവെന്തൂറ അരാന, ഫാ.ജുവാന്, ബിഷപ് അംബ്രോസ്, ഫാ. മരിയാന് എന്നിവരുടെ ലേഖനങ്ങളാണ് സമാഹരിച്ചിട്ടുള്ളത്. വനവും വന്യജീവികളും, മലനിരകള് നിറഞ്ഞ പ്രകൃതിയും തണ്ണുപ്പുള്ള കാലാവസ്ഥയും, തേയില കൃഷി, മൂന്നാറിലെ പ്രളയം, മലമ്പനി,…
Read More
