ലഹരി ബോധവൽക്കരണ ക്ലാസ് നടത്തി

പള്ളിത്തുറ: പള്ളിത്തുറ എച്ച്.എസ്.എസിൽ ലഹരി ബോധവൽക്കരണ ക്ലാസ് നടത്തി. ജൂൺ 6 തിങ്കളാഴ്ച നടന്ന പരിപാടി സ്കൂൾ മാനേജർ ഫാ. ജോസഫ് പ്രസാദ് ഉദ്ഘാടനം ചെയ്തു. സീനിയർ സിവിൽ പോലീസ് ഓഫീസർ പ്രവീൺ ക്ലാസ് നയിച്ചു. ലഹരിയുടെ ദോഷവശങ്ങൾ, ലഹരി ഉപയോഗ വ്യക്തി ജീവിതത്തിലും സാമൂഹ്യ ജീവിതത്തിലും സംഭവിക്കുന്ന വ്യതിയാനങ്ങൾ, ലഹരിയുമായി ബന്ധപ്പെട്ട നിയമനടപടികൾ, ജുവനയിൽ ജസ്റ്റിസ്, കുട്ടികളിലെ സൈബർ സുരക്ഷ എന്നിവയെകുറിച്ച് ക്ലാസിൽ വിശദീകരിച്ചു. തുടർന്ന് പ്ലസ് ടു പരീക്ഷയിൽ മുഴുവൻ വിഷയങ്ങൾക്കും A+ കരസ്ഥമാക്കിയ ആറ് കുട്ടികളെ ക്യാഷ് അവാർഡ് നൽകി ആദരിച്ചു. ഹെഡ്മിസ്ട്രസ് ജെയിൻ ഫ്രാൻസിസ്, ഫ്ലോറൻസ് മാർട്ടിൻ എന്നിവർ ആശംസകൾ അർപ്പിച്ചു. പ്രിൻസിപ്പൽ ജോസഫ് ജിൻ ക്രിസ്റ്റോഫർ സ്വാഗതവും നിജ ജൂലിയൻ കൃതജ്ഞതയും പറഞ്ഞു.