Author: admin

മുനമ്പം : കോഴിക്കോട് ഫറൂഖ് കോളേജ് സൊസൈറ്റിയിൽ നിന്നും വിലകൊടുത്ത് തീറു വാങ്ങി മുനമ്പം ചെറായി തീരപ്രദേശത്ത് താമസിക്കുന്ന 610 കുടുംബങ്ങളുടെ വീടും സ്ഥലവും ഒരു നോട്ടീസ് പോലും നൽകാതെ വഖഫ് ബോർഡിലേക്ക് എഴുതിയെടുത്തതിൽ പ്രതിഷേധിച്ച് പദയാത്രയും ധർണയും നടത്തി . മുനമ്പം – കടപ്പുറം വേളാങ്കണ്ണി മാതാ പള്ളിയിൽ നിന്നും ചെറായി ബീച്ചിലെ ഭുവനേശ്വരി ക്ഷേത്രത്തിലേക്കുള്ള പദയാത്രക്ക് ശേഷം പ്രതിഷേധ ധർണ്ണയും ദീപശിഖ പ്രയാണവും നടന്നു . ഭൂസംരക്ഷണ സമിതി സമരപ്പന്തലിൽ പാഷനിസ്റ്റ് സഭയുടെ ഇന്ത്യൻ വൈസ് പ്രൊവിൻസ് കൺസൾട്ടന്റ് ഫാ. സുഗുണൻ ലോറൻസ് സിപി പദയാത്ര ഉദ്ഘാടനം ചെയ്തു . ഭുവനേശ്വരി ക്ഷേത്രാങ്കണത്തിൽ നടന്ന പൊതുസമ്മേളനം എസ്എൻഡിപി വൈപ്പിൻ യൂണിയൻ പ്രസിഡന്റ് ടി.ജി.വിജയൻ ഉദ്ഘാടനം നിർവഹിച്ചു . ഭൂസംരക്ഷണസമിതി ചെയർമാൻ ജോസഫ് റോക്കി പാലക്കൽ അധ്യക്ഷം വഹിച്ചു . ഫാ.ആന്റണി തോമസ് പോളക്കാട്ട്, സമരസമിതി കൺവീനർ ജോസഫ് ബെന്നി കുറുപ്പശ്ശേരി , യുവരശ്മി ക്ലബ്ബ് സെക്രട്ടറി വി. കെ…

ആലപ്പുഴ : മത്സ്യബോർഡ് ആലപ്പുഴ റീജിയണൽ എക്സിക്യൂട്ടിവ് ആയി പി.ആർ കുഞ്ഞച്ചൻ ചുമതലഏറ്റെടുത്തു. അർത്തുങ്കൽ ആയിരംതൈ തീരദേശ ഗ്രാമത്തിൽ പരമ്പരാഗത മത്സ്യ തൊഴിലാളി കുടുംബത്തിൽ ജനിച്ച്, സ്കൂൾ വിദ്യാഭ്യസത്തിനു ശേഷം മത്സ്യബന്ധനവും കോളേജ് വിദ്യാഭ്യാസവും സാമൂഹിക പ്രവർത്തനവും നടത്തിയ സമുദായ സ്നേഹിയാണ് ഇദ്ദേഹം . ഈ പ്രവർത്തന കാലഘട്ടത്തിൽ വനം വകുപ്പിൽ പ്രവേശിക്കുകയും തൻ്റെ ഔദ്യോഗിക ജീവിതത്തോടൊപ്പം തീരജനതയോടൊപ്പം അവരുടെ വിദ്യാഭ്യാസ, സാംസ്കാരിക മുന്നേറ്റത്തിനായി ലത്തിൻ സഭാ നേതൃത്വത്തോടൊപ്പമായിരുന്നു അദ്ദേഹത്തിന്റെ സഞ്ചാരം. ആലപ്പുഴ രൂപത ബീഡ് (Board of Educatuon Alleppey Diocese) സെക്രട്ടറിയായും KRLCC എക്സിക്യൂട്ടിവ് മെമ്പറായും രൂപതാBCC സെൻട്രൽ ടീമംഗമായും KLCA, രുപതാരാഷ്ട്രീയ കാര്യസമിതി, ഉദ്യോഗസ്ഥഫോറം ഇവയിലെല്ലാം സജീവ സാന്നിധ്യമായി . തീര ജനതയ്ക്കു ഏറെ ആശങ്കയുണ്ടായിരുന്ന തീരദേശ പരിപാല നനിയമം . കാലാവസ്ഥാവ്യതിയാനം . കടൽക്ഷോഭം. നിർദ്ദിഷ്ട തീരദേശ ഹൈവേ എന്നീ വിഷയങ്ങൾ പഠിക്കുകയും, KLCA – KRLCC ജനജാഗര മീറ്റിങ്ങുകളിലും പൊതുവേദികളിലും തീരദേശവാസികളെ ബോധവൽകരിക്കുകയും, രൂക്ഷമായ…

നെയ്യാറ്റിൻകര: നെയ്യാറ്റിൻകര ഇന്റഗ്രൽ ഡെവലപ്മെൻറ് സൊസൈറ്റി ട്രസ്റ്റ് ഫോർ റീട്ടെയിലേഴ്സ് ആൻ്റ് റീട്ടെയിൽ അസോസിയേഷൻ ഓഫ് ഇന്ത്യയുടെ സഹകരണത്തോടെ ഭിന്നശേഷി കുട്ടികൾക്ക് വേണ്ടി സംഘടിപ്പിച്ച സൗജന്യ സ്വയംതൊഴിൽ പരിശീലന കോഴ്സിലെ രണ്ടാമത്തെ ബാച്ചിൽ വിജയിച്ച വിദ്യാർത്ഥികൾക്കുള്ള സർട്ടിഫിക്കറ്റ് വിതരണം നെയ്യാറ്റിൻകര ലോഗോസ് പാസ്റ്ററൽ സെൻ്ററിൽ സംഘടിപ്പിച്ചു. NIDS ഡയറക്ടർ ഫാ.രാഹുൽ ബി. ആന്റോ അധ്യക്ഷത വഹിച്ച യോഗം NIDS പ്രസിഡൻ്റ് മോൺ.ജി.ക്രിസ്തുദാസ് ഉദ്ഘാടനം ചെയ്തു. ലൈവിലിഹുഡ് അസിസ്റ്റന്റ് മാനേജർ ബിജു സി.സി., NIDS പ്രോജക്ട് ഓഫീസർ മൈക്കിൾ, NIDS അസിസ്റ്റന്റ് പ്രൊജക്ട് ഓഫീസർ ബിജു ആന്റണി, സാഫല്യം അസോസിയേഷൻ പ്രസിഡൻ്റ് തങ്കമണി, പ്രോഗ്രാം കോഡിനേറ്റർ ജയരാജ്, ടീച്ചർ ദീപ്തി എന്നിവർ സംസാരിച്ചു. എല്ലാ വിദ്യാർത്ഥികൾക്കും സർട്ടിഫിക്കറ്റ് വിതരണം ചെയ്തു . CBR കോ-ഓഡിനേറ്റർ ശശികുമാർ, ടീച്ചർ സോന എന്നിവർ നേതൃത്വം നൽകി

നെയ്യാറ്റിന്‍കര: നെയ്യാറ്റിന്‍കര രൂപത സംഘടിപ്പിക്കുന്ന 16-മത് നെയ്യാറ്റിന്‍കര ബൈബിള്‍ കണ്‍വെന്‍ഷന് തുടക്കമായി. ബാലരാമപുരം വിശുദ്ധ സെബസ്ത്യാനോസ് ദേവാലയ ഗ്രൗണ്ടില്‍ 4 ദിവസങ്ങളിലായി നടത്തുന്ന കണ്‍വെന്‍ഷന്‍ നെയ്യാറ്റിന്‍കര രൂപതാ വികാരി ജനറല്‍ മോണ്‍.വിന്‍സെന്‍റ് കെ പീറ്റര്‍ ഉദ്ഘാടനം ചെയ്തു. കണ്‍വെന്‍ഷന്‍ കോ-ഓഡിനേറ്റര്‍ ഫാ.ജറാള്‍ഡ് മത്യാസ്, രൂപതാ അജപാലന ശുശ്രൂഷാ ഡയറക്ടര്‍ ഫാ.വൈ.ജോയിസാബു, ഇടവക വികാരി ഫാ. വിക്ടര്‍ എവരിസ്റ്റസ് തുടങ്ങിയവര്‍ പ്രസംഗിച്ചു. പ്രാരംഭ ദിവ്യബലിക്ക് രൂപതയുടെ മുന്‍ വികാരി ജനറല്‍ മോണ്‍.ജി ക്രിസ്തുദാസ് നേതൃത്വം നല്‍കി. പോട്ടെ ഡിവൈന്‍ കേന്ദ്രത്തിലെ ഫാ. ഫ്രാന്‍സിസ് കര്‍ത്താനം, മാത്യു തടത്തില്‍, ആന്‍റണി പയ്യപ്പളളി തുടങ്ങിയവരാണ് കണ്‍വെന്‍ഷന് നേതൃത്വം നല്‍കുന്നത്. കണ്‍വെന്‍ഷന് മുന്നോടിയായി നടക്കുന്ന ദിവ്യബലിക്ക് രൂപതയുടെ നിയുക്ത സഹമെത്രാന്‍ ഡോ.ഡി സെല്‍വരാജന്‍ മുഖ്യ കാര്‍മ്മികത്വം വഹിക്കും. കണ്‍വെന്‍ഷന്‍റെ സമാപന ദിനമായ ഞായറാഴ്ച നടക്കുന്ന പൊന്തിഫിക്കല്‍ ദിവ്യബലിക്ക് രൂപതാധ്യക്ഷന്‍ ഡോ.വിന്‍സെന്‍റ് സാമുവല്‍ മുഖ്യ കാര്‍മ്മികനാവും.

കൊച്ചി : മനോഹരമായ ഓർമ്മകൾ ഉണർത്താനും യുവജനങ്ങളുടെ കഴിവുകൾ വർദ്ധിപ്പിക്കാനും പരസ്പര സൗഹാർദ്ദം ഊട്ടിയുറപ്പിക്കാനുമായി കെ.സി.വൈ.എം വരാപ്പുഴ അതിരൂപതയുടെ നേതൃത്വത്തിൽ നടത്തിയ ‘പാട്ടും കട്ടനും’-2 പ്രശസ്ത ഗായകൻ ഗാഗുൽ ജോസഫ് ഉദ്ഘാടനം ചെയ്തു. കെ.സി.വൈ.എം വരാപ്പുഴ അതിരൂപത പ്രസിഡന്റ് രാജീവ് പാട്രിക്ക് അധ്യക്ഷത വഹിച്ചു.മുൻ സി.എ.സി ഡയറക്ടർ ഫാ. ജോസഫ് തട്ടാരശേരി, കെ.എൽ.സി.എ വരാപ്പുഴ അതിരൂപത സെക്രട്ടറി സിബി ജോയി, മുൻ കെ.സി.വൈ.എം ലാറ്റിൻ ജനറൽ സെക്രട്ടറി ജിജോ ജോൺ, കെ.സി.വൈ.എം വരാപ്പുഴ അതിരൂപത ഡയറക്ടർ ഫാ. റാഫേൽ ഷിനോജ് ആറാഞ്ചേരി, ചെമ്പുമുക്ക് ഇടവക സഹവികാരിയായ ഫാ. സുനിൽ മുടവശേരി, കെ.സി.വൈ.എം ലാറ്റിൻ സംസ്ഥാന ഉപാധ്യക്ഷൻ അക്ഷയ് അലക്സ്, കെ.സി.വൈ.എം വരാപ്പുഴ അതിരൂപത ജനറൽ സെക്രട്ടറി റോസ് മേരി കെ.ജെ, ട്രഷറർ ജോയ്‌സൺ പി.ജെ, തോട്ടക്കാട്ടുകര ഇടവക സഹ. വികാരി ഫാ. ഫെബിൻ കിഴവന, എക്‌സിക്യൂട്ടീവ് അംഗങ്ങളായ വിനോജ് വർഗ്ഗീസ്, അരുൺ വിജയ് എസ്., അരുൺ സെബാസ്റ്റ്യൻ, ഫെർഡിൻ ഫ്രാൻസിസ്, മേഖല…

കൊച്ചി: വരാപ്പുഴ അതിരൂപത അംഗം ഡോ. ജിൻസൺ ജോസഫിന് കുസാറ്റിൽ മത്സ്യ ഉല്‌പന്ന സംരംഭകർക്കുവേണ്ടിയുള്ള പുതിയ ഫെസിലിറ്റി സെൻററിൻറെ ഡയറക്‌ടറായി നിയമനം. കൊച്ചി ശാസ്ത്രസാങ്കേതിക സർവ്വകലാശാലയിൽ മത്സ്യ ഉൽപ്പന്ന സംരംഭകർക്കുവേണ്ടി പുതിയ ഫെസിലിറ്റി സെൻററിന് തുടക്കം കുറിച്ചു. സെൻറർ ഓഫ് എക്സലൻസ് ഫോർ ഫുഡ് ഇന്നോവേഷൻസ് ആൻഡ് സ്റ്റാർട്ടപ്പ് ഹബസ് എന്നറിയപ്പെടുന്ന പുതിയ സെന്ററിന്റെ ചുരുക്കപേര് കടൽ മത്സ്യത്തെ സൂചിപ്പിക്കും വിധം CE-FISH (സീ ഫിഷ്) എന്നാണ്. കൊച്ചി ശാസ്ത്രസാങ്കേതിക സർവ്വകലാശാലയുടെ സ്കൂൾ ഓഫ് ഇൻഡസ്ട്രിയൽ ഫിഷറീസ് വിഭാഗം പ്രവർത്തിക്കുന്ന എറണാകുളം ലേക്ക് സൈഡ് ക്യാമ്പസിൽതന്നെയാണ് സീ ഫിഷ് സ്ഥാപിക്കുന്നത്. സെന്റർ പ്രവർത്തനസജ്ജമാക്കുന്നതിനുവേണ്ടി കൊച്ചി ശാസ്ത്രസാങ്കേതിക സർവകലാശാല പുതിയ സ്ഥലവും 2.7 ലക്ഷം രൂപയും നല്‌കും. സ്കൂൾ ഓഫ് ഇൻഡസ്ട്രിയൽ ഫിഷറീസ് വിഭാഗം അധ്യാപകനായ ഡോക്ടർ ജിൻസൺ ജോസഫിനെ സീ ഫിഷിന്റെ പ്രഥമ ഡയറക്ടറായി നിയമിച്ചു. മൂല്യ വർദ്ധ്യത മത്സ്യഉല്‌പന്ന സംരംഭകർക്കു വേണ്ടി ഫെസിലിറ്റി സെൻറർ സ്ഥാപിക്കുന്നതിന് 25 ലക്ഷം രൂപ…

കൊച്ചി : കേരളത്തിലെ വിവിധ രൂപതകളുടെ കെ സി എസ് എൽ ഡയറക്ടർമാരുടെ സംഗമം കേരള കത്തോലിക്കാ മെത്രാൻ സമിതിയുടെ ആസ്ഥാന കേന്ദ്രമായ പിഒസിയിൽ വച്ച് നടത്തപ്പെട്ടു. കേരള കത്തോലിക്ക വിദ്യാർത്ഥി പ്രസ്ഥാനത്തിൻറെ രക്ഷാധികാരി ഡോ. ജോഷ്വാ മാർ ഇഗ്നാത്തിയോസ് സംഗമം ഉദ്ഘാടനം ചെയ്തു. വിശ്വാസം പഠനം സേവനം എന്നീ മുദ്രാവാക്യങ്ങളിലൂടെ വിദ്യാർഥികളെ ക്രിസ്തുവിലേക്ക് അടുപ്പിക്കുവാൻ കെസിഎസ് എൽ എന്ന സംഘടനയ്ക്ക് കഴിയണമെന്ന് അദ്ദേഹം ആഹ്വാനം ചെയ്തു. മൂല്യച്യുതി സംഭവിച്ച് വെല്ലുവിളികൾ നേരിടുന്ന വിദ്യാർത്ഥി സമൂഹത്തെ ക്രൈസ്തവ മൂല്യങ്ങളിലേക്ക് നയിക്കേണ്ടത് കെസിഎസ്എൽ പ്രസ്ഥാനത്തിൻറെ വലിയ കടമയാണെന്ന് അദ്ദേഹം ഓർമ്മപ്പെടുത്തി. കേരള കത്തോലിക്ക മെത്രാൻ സമിതിയുടെ ഡെപ്യൂട്ടി സെക്രട്ടറി ഫാ.തോമസ് തറയിൽ കേരള കത്തോലിക്കാ മെത്രാൻ സമിതിയുടെ വിദ്യാഭ്യാസ കമ്മീഷൻ സെക്രട്ടറി ഫാ. ആന്റണി അറക്കൽ, കെ സി എസ് എൽ സംസ്ഥാന ഡയറക്ടർ ഫാദർ ലിജോ ഓടത്തക്കൽ എന്നിവർ ഡയറക്ടേഴ്സ് സംഗമത്തിന് നേതൃത്വം നൽകി.

വംശീയ വിഭജനത്തിന്റെ ബഫര്‍സോണ്‍ അതിരുകള്‍ ചോരകൊണ്ട് അടയാളപ്പെടുത്തി, മണിപ്പുരിലെ ഇംഫാല്‍ സമതലപ്രദേശത്തെ മെയ്തെയ് ഹിന്ദു-സനമാഹി ഭൂരിപക്ഷ ജനസമൂഹത്തെയും ചുറ്റുമുള്ള മലമ്പ്രദേശത്തെ കുക്കി-സോ-അമര്‍ ക്രൈസ്തവ ഗോത്രവര്‍ഗ ന്യൂനപക്ഷത്തെയും രണ്ടു ശത്രുരാജ്യക്കാരെപോലെ പരസ്പരം കൊന്നൊടുക്കാന്‍ പകയുള്ളവരാക്കി പരുവപ്പെടുത്തിയ മഹാദുരന്തവാഴ്ചയുടെ കാരണഭൂതന്‍, സംസ്ഥാനത്തെ പ്രഥമ ബിജെപി മുഖ്യമന്ത്രി എന്‍. ബിരേന്‍ സിങ്, ഒടുവില്‍ സ്വന്തക്കാരാല്‍ പരിത്യക്തനായി നാണംകെട്ട് ഭരണഭാരമൊഴിയുന്നത് അവിടെ കഴിഞ്ഞ 21 മാസമായി അറുതിയില്ലാത്ത കലാപക്കെടുതികളുടെ കൊടുംയാതനകള്‍ അനുഭവിക്കുന്ന നിസ്സഹായരായ മനുഷ്യര്‍ക്ക് കുറച്ചെങ്കിലും സാന്ത്വനത്തിന് വകയാകും, നാടിന് സമാധാന പ്രത്യാശയ്ക്കുള്ള രാഷ് ട്രീയ വഴിത്തിരിവിനും.

അരനൂറ്റാണ്ടുകാലം കേരളത്തിലെ പ്രൊഫഷണല്‍ നാടകരംഗത്തെ തിരക്കേറിയ നടിയായിരുന്ന – നിരവധി സിനിമകളിലും അഭിനയിച്ച – മേരി മെറ്റില്‍ഡ കഴിഞ്ഞ ദിവസം ജീവിതനാടകത്തിന്റെ തിരശീലയ്ക്കു പിന്നില്‍ മറഞ്ഞു. മേരി മെറ്റില്‍ഡ ഒരു അഭിനേത്രി മാത്രമായിരുന്നില്ല, അവര്‍ ഒരു കാലഘട്ടത്തിന്റെ, മലയാള നാടക അരങ്ങിന്റെ അടയാളപ്പെടുത്തലും കൂടിയാണ്.

2024 കാന്‍ ഫിലിം ഫെസ്റ്റിവലിലെ പ്രധാന മത്സരത്തിലേക്ക് അദ്ദേഹത്തിന്റെ ചിത്രം ‘ദി സീഡ് ഓഫ് ദ സേക്രഡ് ഫിഗ്’ തിരഞ്ഞെടുക്കപ്പെട്ടു എന്ന പ്രഖ്യാപനത്തെത്തുടര്‍ന്ന്, സംവിധായകനെയും അണിയറപ്രവര്‍ത്തകരെയും രാജ്യം വിടുന്നത് വിലക്കുകയുണ്ടായി ഇറാന്‍ സര്‍ക്കാര്‍. കൂടാതെ ഫെസ്റ്റിവലില്‍ നിന്നും സിനിമ പിന്‍വലിക്കാന്‍ റസൂലോഫിനെ പ്രേരിപ്പിക്കുകയും ചെയ്തു. സര്‍ക്കാരിനെ അനുസരിക്കാത്തതിനെത്തുടര്‍ന്ന് റസൂലോഫിനെ എട്ട് വര്‍ഷത്തെ തടവിനും ചാട്ടവാറടിക്കും പിഴയ്ക്കും സ്വത്ത് കണ്ടു കെട്ടുന്നതിനും ശിക്ഷിച്ചു.