Author: admin

കെ ആർ എൽ സി ബി സി വിമൺസ് കമ്മീഷൻ കൊല്ലം രൂപത ഘടകത്തിന്റെ നേതൃത്വത്തിൽ അന്താരാഷ്ട്ര വനിതാ ദിനാഘോഷം, കൊല്ലം രൂപത വികാർ ജനറൽ റവ.ഡോ. ബൈജു ജൂലിയാൻ ഉദ്ഘാടനം ചെയ്തു. വിമൻസ് കമ്മീഷൻ സെക്രട്ടറി ജെയിൻ ആൻസിൽ ഫ്രാൻസിസ് യോഗത്തിൽ അധ്യക്ഷത വഹിച്ചു.

സർക്കാരിൻ്റെ തെറ്റായ മദ്യനയത്തിനെതിരെയും നിർലോഭം വർദ്ധിപ്പിച്ച ബാർ ലൈസൻസുകൾക്കെതിരെയും ബീവറേജ് ശാലകൾക്ക് നീട്ടിക്കൊടുത്ത പ്രവർത്തന സമയത്തിനെതിരെയും പനങ്ങാട് സെൻ്റ് ആൻ്റണീസ് പള്ളിയങ്കണത്തിൽ സംഘടിപ്പിച്ച പ്രതിഷേധാഗ്നിയിൽ നൂറുകണക്കിനാളുകൾ പങ്കെടുത്തു.

പുനലൂർ രൂപതയിലെ പത്തനംതിട്ട ഗാർഡിയൻ എയ്ഞ്ചൽസ് ദേവാലയത്തിന്റെ ശതാബ്‌ദി ആഘോഷങ്ങൾക്ക് തുടക്കമായി. 2027 മാർച്ച് വരെ നീണ്ടുനിൽക്കുന്ന ശതാബ്‌ദി ആഘോഷങ്ങൾക്ക് ഇടവക വികാരി ഫാ. ജോസഫ് സിജേഷ് CSJ ജൂബിലി പതാക ഉയർത്തി തുടക്കം കുറിച്ചു. തുടർന്ന് ഇടവക ജനങ്ങളും സമീപവാസികളായ മലങ്കര സീറോ മലബാർ റീത്തുകളിലെ വിശ്വാസികളുടെയും പങ്കാളിത്തത്തോടെ ജൂബിലി സമാരംഭ കുർബാനയും അർപ്പിച്ചു

വരാപ്പുഴ അതിരൂപതയിലെ അസംഘടിത മേഖലയിൽ തൊഴിൽ ചെയ്യുന്ന വനിതാ തൊഴിലാളികൾക്ക് വനിതാ ശാക്തീകരണത്തിന്റെ പ്രാധാന്യം മനസ്സിലാക്കി കൊടുക്കുന്നതിനു വേണ്ടി വനിതാദിന ആഘോഷം ക്രൈസ്റ്റ് നഗർ ചർച്ച്, വരാപ്പുഴയിൽ വച്ച് നടത്തി. ഈ ചടങ്ങിൽ മുഖ്യാതിഥികളായി എത്തിയത് സോഷ്യൽ മീഡിയ ഇൻഫ്ലുവെൻസ് ആയ അമ്മാമ്മയും കൊച്ചുമോനും ആണ്

യുപിഎസ്‌സി സിവിൽ സർവീസ് പരീക്ഷയിൽ ആദ്യ അവസരത്തില്‍ തന്നെ 57-ാം റാങ്ക് നേടി തിരുവനന്തപുരം നെയ്യാറ്റിൻകര നരുവാമൂട് സ്വദേശിനിയായ ജെ.എസ് ശ്രീജ. നെയ്യാറ്റിൻകര അമ്മാനിമല ക്രിസ്തുരാജ ഇടവകഅംഗമായ, കൂലിപ്പണിക്കാരനായ ജയകുമാറിന്റെയും എം.എ വരെ പഠിച്ചിട്ടും ജോലി കിട്ടാതെ പോയ ഷീജ കുമാരിയുടെയും മകളാണ് ശ്രീജ. മദ്രാസ് കോളജില്‍ നിന്ന് പൊളിറ്റിക്കല്‍ സയന്‍സില്‍ ബിരുദാനന്തര ബിരുദത്തിന് ശേഷമാണ് ശ്രീജ സിവില്‍ സര്‍വീസ് പരീക്ഷയിലേക്ക് എത്തുന്നത്.

ലൂർദ് ആശുപത്രി വനിതാ ദിനാഘോഷ പരിപാടിയുടെ ഔദ്യോഗിക ഉദ്ഘാടനം ലൂർദ് ആശുപത്രി ഡയറക്ടർ ഫാ.ജോർജ് സെക്വീര നിർവഹിക്കുന്നു. ഡോ. റിങ്കൂ തെരേസ ജോസ്, ശ്രീമതി.അന്ന സിജി ജോർജ്, ഡോ. പ്രബിൻ . പി. ദേവ്, ഡോ. ജിൻസി ജോൺ അമ്പലത്തിങ്കൽ,ഡോ. കാർത്തിക ചങ്ങരത്ത്, ഡോ.വിനീത വി. ജോസ് എന്നിവർ വേദിയിൽ.

പുനലൂർ രൂപതയിലെ പുനലൂർ, ആയൂർ ഫൊറോനാകളിലെ അടിസ്ഥാന സഭാ സമൂഹത്തിന്റെ പരിശീലന പരിപാടി, മാർച്ച് 7 ശനിയാഴ്ച രാവിലെ 10 മണി മുതൽ 4 മണി വരെ പുനലൂർ സെന്റ് മേരീസ് കത്തീഡ്രൽനോട് ചേർന്നുള്ള നവതി ഹാളിൽ വച്ച് നടത്തി .

ഫ്രാൻസിസ്കൻ വർഷത്തിൽ കോട്ടപ്പുറം രൂപതയിൽ നടക്കുന്ന വിവിധ പരിപാടികളുടെ ഉദ്ഘാടനം തിരിതെളിച്ച് ബിഷപ്പ് ഡോ. അംബ്രോസ് പുത്തൻവീട്ടിൽ നിർവഹിക്കുന്നു. ഫാ. വിക്ടർ OFM Cap , ഫാ. ജോയ് സ്രാമ്പിക്കൽ, ഫാ. ആന്റണി ബിനോയ്‌ അറക്കൽ, ബ്രദർ ജോയ് എന്നിവർ സമീപം

ഇറാൻ യുദ്ധം മിഡിൽ ഈസ്റ്റിലുടനീളം വ്യാപിക്കുന്നതിനാൽ, യൂറോപ്പിലെയും ഏഷ്യയിലെയും കത്തോലിക്കാ ബിഷപ്പുമാർ യുദ്ധത്തിന് എത്രയും വേഗം അറുതിയുണ്ടാവാൻ ആഹ്വാനം ചെയ്യുന്നു.

ഒഡീഷയിലെ റായഗഡ ജില്ലയിൽ ഡെൻഗസ്‌വർഗി ഗ്രാമത്തിലെ കത്തോലിക്ക ദേവാലയത്തിന് നേരെ തീവ്രഹിന്ദുത്വവാദികളായ ഗ്രാമവാസികളുടെ ആക്രമണം. ആക്രമണത്തിനിടെ ദേവാലയത്തിലെ വിശുദ്ധ വസ്തുക്കൾ അശുദ്ധമാക്കുകയും കത്തിക്കുകയും ചെയ്തു. വൈകുന്നേരം 7 മണിയോടെ ഒരു വലിയ കൂട്ടം ഗോത്ര ഹിന്ദു ഗ്രാമവാസികൾ ഒത്തുകൂടി ഗ്രാമത്തിൽ താമസിക്കുന്ന മൂന്ന് കത്തോലിക്കാ കുടുംബങ്ങളെ വീടുകളിൽ നിന്ന് പുറത്തിറക്കാൻ ആവശ്യപ്പെട്ടുവെന്നു റായഗഡയിലെ കത്തീഡ്രൽ ഇടവക വികാരി ഫാ. അബേദ് കുമാർ പറഞ്ഞു.