കോട്ടപ്പുറം: KLCA കോട്ടപ്പുറം സെൻ്റ് മൈക്കിൾസ് കത്തീഡ്രൽ യൂണിറ്റിൻ്റെ നേതൃത്വത്തിൽ ജീവനാദം വിതരണോദ്ഘാടനവും 2026-2027 വർഷത്തെ കർമ്മപദ്ധതി പ്രകാശനവും സംഘടിപ്പിച്ചു
ഈ വർഷത്തെ ലത്തീൻ കത്തോലിക്കാ ദിനാഘോഷത്തോടനുബന്ധിച്ച ലത്തീൻ കത്തോലിക്കാ സമുദായത്തിന്റെ മുഖപത്രമായ ജീവനാദം വിതരണ ഉദ്ഘാടനവും, കെ എൽ സി എ ഇടവക തല കർമ്മപദ്ധതി പ്രകാശനവും, മെമ്പർഷിപ്പ് ക്യാമ്പയിനും കോട്ടപ്പുറം രൂപത ബിഷപ്പ് അഭി. അംബ്രോസ് പുത്തൻവീട്ടിൽ പിതാവ് നിർവഹിച്ചു.
രാവിലെ 6.30 തിൻ്റെ ദിവ്യബലിക്ക് ശേഷം നടന്ന ചടങ്ങിൽ ഇടവക KLCA പ്രസിഡണ്ട് അനീഷ് റാഫേൽ അദ്ധ്യക്ഷത വഹിച്ചു സെക്രട്ടറി സ്റ്റല്ല ഫ്രാൻസിസ് സ്വാഗതം ആശംസിച്ചു. ഇടവകവികാരി റവ.ഫാ ഡൊമനിക് പിൻ ഹിറോ ആമുഖ പ്രഭാഷണം നടത്തി KLCAരൂപത സെക്രട്ടറി ജോൺസൺ വാളൂർ വൈസ് പ്രസിഡണ്ട് ബേസിൽ പള്ളിയിൽ ,ജോ സെക്രട്ടറി മേഴ്സി ജോസി, ട്രഷറർ ജോൺസൺ മംഗലത്ത്, ഫോറം കൺവീനർമാരായ ബിന്ദു ജോസഫ്, സാലി ഫ്രാൻസിസ്, ഓസ്റ്റിൻ കുരിശിങ്കൽ, മൈക്കിൾ പാനികുളം, ഷാമോൻ കല്ലുങ്കൽ എന്നിവർ സംസാരിച്ചു.

