കൊച്ചി: കര്‍മ്മലീത്ത മഞ്ഞുമ്മല്‍ പ്രൊവിന്‍സ് അംഗമായ ഫാ. ജൂഡി മൈക്കിള്‍ ഒസിഡിക്ക് ഇംഗ്ലീഷ് സാഹിത്യത്തില്‍ ഡോക്ടറേറ്റ് ലഭിച്ചു. ഇന്‍ഡോറിലെ ഡോ. എ.പി.ജെ.അബ്ദുള്‍കലാം സര്‍വകലാശാലയില്‍ നിന്നാണ് അദ്ദേഹം ഡോക്ടറേറ്റ് നേടിയത്.
പ്രമുഖ സാഹിത്യകാരനായ ടി.എസ്. എലിയറ്റിന്റെ വിശ്വപ്രസിദ്ധമായ ‘ദ വേസ്റ്റ് ലാന്‍ഡ്’ എന്ന ഇതിഹാസ കവിതയെക്കുറിച്ചുള്ള ഗഹനമായ പഠനത്തിനാണ് അദ്ദേഹത്തിന് ഡോക്ടറേറ്റ് ലഭിച്ചത്.
നോയ്ഡ ഇന്റര്‍നാഷണല്‍ യൂണിവേഴ്‌സിറ്റിയില്‍ നിന്നും ഇംഗ്ലീഷ് സാഹിത്യത്തില്‍ മാസ്റ്റേഴ്‌സ് ഡിഗ്രി കരസ്ഥമാക്കിയ ഫാ. ജൂഡി മൈക്കിള്‍, 15 വര്‍ഷമായി വിദ്യാഭ്യാസരംഗത്ത് വൈദികശുശ്രൂഷ ചെയ്തുവരുന്നു. കൊച്ചി രൂപത, ഫോര്‍ട്ടുകൊച്ചി നസ്രത്ത് തിരുകുടുംബം ദേവാലയ അംഗമാണ്.
പരേതനായ മുക്കോമുറി ലൂയിസിന്റെയും ഫിലോമിനയുടെയും മകനായ ഫാ. ജൂഡി മൈക്കിള്‍, മഞ്ഞുമ്മല്‍ കര്‍മ്മലീത്ത സഭയുടെ മൈനര്‍ സെമിനാരിയായ സെന്റ് പോള്‍ പത്താം ആശ്രമത്തില്‍ സേവനം അനുഷ്ഠിച്ചുവരുന്നു.
