ആലപ്പുഴ: കെഎൽസിഎ യുടെ പുതിയ സംസ്ഥാന പ്രസിഡന്റായി അഡ്വ. ഷെറി ജെ തോമസിനെ(വരാപ്പുഴ) തിരഞ്ഞെടുത്തു. ബിജു ജോസി കരുമാഞ്ചേരിയാണ് (ആലപ്പുഴ) ജനറൽ സെക്രട്ടറി ട്രഷററായി രതീഷ് ആന്റണിയേയും (കണ്ണൂർ) തിരഞ്ഞെടുത്തു. വൈസ് പ്രസിഡന്റുമാരായി വിൻസി ബൈജു ,അനിൽ ജോസ് , ബേബി ഭാഗ്യോദയം, ജോസഫ് കുട്ടി, സാബു പനക്കപ്പിള്ളി, അഡ്വ ജസ്റ്റിൻ കരിപ്പാട്ട്, നൈജോ അറക്കൽ, എന്നിവരേയും സെക്രട്ടറിമാരായി അഡ്വ. മജ്ഞു.ആർ, ഷൈജ ടീച്ചർ, ജോൺ ബാബു, പൂവം ബേബി, സാബു വി തോമസ്, ഹെൻട്രി വിൻസെന്റ് എന്നിവരേയും ജനറൽ കൗൺസിൽ തിരഞ്ഞെടുത്തു.
ആലപ്പുഴ കർമസദനിൽ നടന്ന കെഎൽസിഎ സംസ്ഥാന ജനറൽ കൗൺസിൽ ആലപ്പുഴ ബിഷപ്ഡോ. ജെയിംസ് ആനാപറമ്പിൽ ജനറൽ കൗൺസിൽ ഉദ്ഘാടനം ചെയ്തു.ഒരു സമരവും ചെയ്യാതെ ചില സമൂഹങ്ങൾ തങ്ങളുടെ ആവശ്യങ്ങൾ നേടിയെടുത്തു പോകുമ്പോൾ ലത്തീൻ സമുദായം വലിയ സമ്മർദ്ദങ്ങൾ നടത്തിയിട്ടും ഉന്നയിച്ച ആവശ്യങ്ങൾ പരിഗണിക്കാതെ പോകുന്നത് ഗൗരവമായി കാണണമെന്ന് ബിഷപ് ഡോ. ജയിംസ് റാഫേൽ ആനാപറമ്പിൽ പറഞ്ഞു.ലത്തീൻ സമുദായത്തിന്റെ പ്രതിനിധികൾ നിയമ നിർമാണ – ഉദ്യോഗതലങ്ങളിൽ താക്കോൽ സ്ഥാനത്ത് എത്തിയാലേ സമുദായം നേരിടുന്ന അവഗണനകളിൽ നിന്നും മോചനം ലഭിക്കുകയുള്ളൂ. ഇതരമതത്തിലെ ജനങ്ങളുമായുള്ള ആരോഗ്യപരമായ ബന്ധങ്ങൾ നിലനിർത്തിക്കൊണ്ട് ലത്തീൻ സമുദായത്തിന്റെ തനിമ കാത്തുസൂക്ഷിച്ച് സംഘടിതരാകണമെന്നും ബിഷപ് കൂട്ടിച്ചേർത്തു.
യോഗത്തിൽ സംസ്ഥാന പ്രസിഡന്റ് ആന്റണി നൊറോണ അധ്യക്ഷനായിരുന്നു. സംസ്ഥാന ജനറൽ സെക്രട്ടറി അഡ്വ. ഷെറി ജെ തോമസ് വാർഷിക റിപ്പോർട്ട് അവതരിപ്പിച്ചു. കെആർഎൽസിസി വൈസ് പ്രസിഡന്റ് ജോസഫ് ജൂഡ്,കൃപാസനം ഡയറക്ടർ ഡോ.ഫാ.വി.പി.ജോസഫ് വലിയ വീട്ടിൽ, ഫാ.ജോൺസൻ പുത്തൻവീട്ടിൽ, കെഎൽസിഎ സംസ്ഥാന ട്രഷറർ എബി കുന്നേൽപറമ്പിൽ ,ഭാരവാഹികളായ ടി.എ. ഡാൽഫിൻ,ഇ.ഡി. ഫ്രാൻസീസ്, ബേബി ഭാഗ്യോദയം, ജസ്റ്റീന ഇമ്മാനുവൽ , ബിജു ജോസി, എന്നിവർ പ്രസംഗിച്ചു.
