Author: admin

മൈലം: KLCA മൈലം യൂണിറ്റ് വാർഷികം സംസ്ഥാന ജനറൽ സെക്രട്ടറി ബിജു ജോസി കരുമാൻച്ചേരി ഉദ്ഘാടനം ചെയ്തു. യൂണിറ്റ് പ്രസിഡന്റ്‌ റോബിൻ ഫ്രാൻസിസ്, നെയ്യാറ്റിൻകര രൂപത അല്മായ ഡയറക്ടർ ഫാ. ബെനഡിറ്റ് ജി ഡേവിസ്, ഇടവക വികാരി ഫാ പ്രദീപ് ആന്റോ,രൂപത വൈസ് പ്രസിഡന്റ്‌ അനിത സി. ടി, മുൻ രൂപത വൈസ് പ്രസിഡന്റ്‌ സന്തോഷ്‌ എന്നിവർ സന്നിഹിതരായിരുന്നു .

പാലാരിവട്ടം: ആഗോള കത്തോലിക്കാ സഭയുടെ മഹാ ജൂബിലി ആഘോഷത്തിന് സമാപനo കുറിച്ചുകൊണ്ടുള്ള ഈ വർഷത്തെ ക്രിസ്മസ് ആഘോഷം ഒരു കാരുണ്ണ്യോത്സവമാക്കി മാറ്റുന്നതിന്റെ ഭാഗമായി ഒരു സ്നേഹ സ്മരണ പുൽക്കൂടിനാണ് സിസ്റ്റർ ലിസി ചക്കാലക്കലിന്റെ നേതൃത്വത്തിലുള്ള കെസിയ ഹോപ് സെന്റർഇത്തവണ രൂപം കൊടുക്കുന്നത്. ഹൗസ് ചലഞ്ച് പദ്ധതിയിലൂടെ സുമനസ്സുകളുടെ സഹായത്തോടെ നിർമിക്കുന്ന 215-)മത്തെ ഈ വീടിന്റെ ശിലാസ്ഥാപനം എറണാകുളം എംഎൽഎ ടി ജെ വിനോദ് ഉത്ഘാടനം ചെയ്തു. സിസ്റ്റർ ലിസി ചക്കാലക്കൽ അധ്യക്ഷത വഹിച്ച ചടങ്ങിൽ സ്ഥലം കൗൺസിലർ ഗേളി റോബർട്ട്‌,അർപ്പിത കോൺവെന്റ് സുപ്പീരിയർ സിസ്റ്റർ. സുനിത മിഞ്ച്, ഹൗസ് ചലഞ്ച് കോഡിനേറ്റർ ലില്ലി പോൾ, സിസ്റ്റർ മേരി എബ്രഹാം, പാലാരിവട്ടം ഇടവക കേന്ദ്ര സമിതി പ്രസിഡന്റ് ഷിജു ജോർജ് തോമസ് , ജിജി റോസ്, ഏലിയാമ്മ ജോസ് തുടങ്ങിയവർ പ്രസംഗിച്ചു. ദിവാകരൻ കമ്മത്തിനും ജയ കുമാരിക്കും വേണ്ടിയാണ് ഈ സ്നേഹ ഭവനം നിർമ്മിക്കുന്നത്.

കൊച്ചി: സിൽവെസ്റ്റർ കൊച്ചിൻ്റെ നേതൃത്വത്തിൽ ക്രിസ്തുമസ് പുതുവത്സര ആഘോഷങ്ങളോട് അനുബന്ധിച്ച് കൊച്ചിൻ കാർണിവൽ കമ്മിറ്റിയോട് ചേർന്നുകൊണ്ട് ‘O Natal Bom Natal’ ഓൾ കേരള കരോൾ കോമ്പറ്റീഷൻ നടത്തപ്പെട്ടു. പ്രശസ്ത ഗായകനായ ഫാ. ബിബിൻ ജോർജ് തറേപ്പറമ്പിൽ കരോൾ മത്സരം ഉദ്ഘാടനം ചെയ്തു. കൺവീനർ ഫാ. ജോഷി ഏലശ്ശേരി അധ്യക്ഷത വഹിച്ചു. കൊച്ചി രൂപത ചാൻസിലർ ഫാ. ജോണി സേവ്യർ പുതുക്കാട്ട് ആമുഖ പ്രഭാഷണം നടത്തി. ജോർജ് നിർമൽ, പ്രിൻസ് ജോസഫ്, ടീന മേരി എബ്രഹാം എന്നിവർ അടങ്ങിയ പാനലാണ് മത്സരത്തിൻ്റെ വിധിനിർണയം നടത്തിയത്. മത്സരത്തിൻ്റെ സമ്മാനദാന ചടങ്ങ് കൊച്ചി രൂപത മെത്രാൻ ആൻ്റണി കാട്ടിപ്പറമ്പിൽ നിർവഹിച്ചു. ഒന്നാം സമ്മാനമായ 25,025 രൂപയ്ക്കും ട്രോഫിക്കും ഓച്ചൻതുരുത്ത് ടീം അർഹരായി. രണ്ടാം സമ്മാനമായ 20,025 രൂപയും ട്രോഫിയും എ ആർ ബാൻഡും, മൂന്നാം സമ്മാനമായ 15,025 രൂപയും ട്രോഫിയും സെൻ്റ് സെബാസ്റ്റ്യൻസ് തോപ്പുംപടി ടീമും കരസ്ഥമാക്കി. ജോയിൻ്റ് കൺവീനർ ജിക്സൺ പീറ്റർ, സിൽവെസ്റ്റർ…

കൊടുങ്ങല്ലൂർ: കോട്ടപ്പുറം കിഡ്സിന്റെ ആഭിമുഖ്യത്തിൽ കോട്ടപ്പുറം മുസിരീസ് ആംഫി തിയേറ്ററിൽ സാംസ്കാരിക സമ്മേളനം സംഘടിപ്പിച്ചു. കിഡ്സ് എക്സിക്യൂട്ടീവ് ഡയറക്ടർ ഫാ. നിമേഷ് അഗസ്റ്റിൻ കാട്ടാശ്ശേരി അധ്യക്ഷത വഹിച്ച യോഗം മുസരീസ് ഹെറിറ്റേജ് പ്രോജക്ട് ഡയറക്ടർ ഷാരോൺ വീട്ടിൽ ഉദ്ഘാടനം ചെയ്തു. രൂപത വികാർ ജനറൽ മോൺ. റോക്കി റോബി കളത്തിൽ മുഖ്യപ്രഭാഷണം നടത്തി. ക്രിസ്തീയ ഭക്തിഗാന ഗായകൻ പീറ്റർ ചേരാനല്ലൂർ വിശിഷ്ടാതിഥിയായിരുന്നു. കിഡ്സ് എസ് എച്ച.ജി സംരംഭകർക്കായി ഒരു കോടി രൂപയുടെ ലോൺ വിതരണം ബാങ്ക് ഓഫ് ഇന്ത്യ മൂത്തകുന്നം അസിസ്റ്റൻറ് മാനേജർ ഹിമ ചന്ദ്ര് നിർവഹിച്ചു. കൊടുങ്ങല്ലൂർ വാർഡ് കൗൺസിലർമാരായ ഷൈബി ജോസഫ്, വി എം ജോണി എന്നിവരെ കിഡ്സ് ആദരിക്കുകയും, അവർ ഈ പരിപാടിക്ക് ആശംസകൾ അർപ്പിച്ച് സംസാരിക്കുകയും ചെയ്തു. കിഡ്സ് അസോ. ഡയറക്ടർ ഫാ. വിനു പീറ്റർ സ്വാഗതവും കിഡ്സ് അസിസ്റ്റൻറ് ഡയറക്ടർ ഫാ. നിഖിൽ മുട്ടിക്കൽ നന്ദിയും പറഞ്ഞു. തൃശ്ശൂർ എറണാകുളം ജില്ലകളിൽ പ്രവർത്തിക്കുന്ന കിഡ്സിന്റെ…

പറവൂർ: ലോകമെമ്പാടും ക്രിസ്തുമസ് ആഘോഷിക്കുമ്പോൾ ഇന്ത്യയിലെ വിവിധ ഭാഗങ്ങളിൽ ക്രിസ്തുമസ് ആഘോഷങ്ങൾക്ക് നേരെ ഉണ്ടായിക്കൊണ്ടിരിക്കുന്ന അനിഷ്ട സംഭവങ്ങൾ ക്രൈസ്തവരിൽ ആശങ്ക യുളവാക്കുന്നതാണെന്നും ഏറ്റവും വലിയ ജനാധിപത്യ രാഷ്ട്രമായ ഇന്ത്യയിൽ ഭരണഘടനാപരമായി എല്ലാ വിഭാഗങ്ങൾക്കും സംരക്ഷണം ഉണ്ടായിട്ടും ഇത്തരം സംഭവങ്ങൾ മതേതരത്വത്തോടുള്ള വെല്ലുവിളി ആണെന്നും കെ എൽ സി എ കോട്ടപ്പുറം രൂപത സെക്രട്ടറിയേറ്റ്. കൈസ്തവർക്ക് നേരെയുള്ള അക്രമണങ്ങൾക്കെതിരെ ശക്തമായി പ്രതികരിച്ച കെ.എൽ.സി.എ സംസ്ഥാന പ്രസിഡന്റ്‌ അഡ്വ ഷെറി ജെ തോമസിന്റെ വാട്സാപ്പ് സർക്കാർ ബ്ലോക്ക്‌ ചെയ്‌തിരുക്കുന്നു, ഇതിനെതിരെ KLCA രൂപതാ സമിതിയുടെ ശക്തമായ പ്രതിഷേധം രേഖപെടുത്തുന്നു . രൂപതകാര്യാലയത്തിൽ ചേർന്ന യോഗത്തിൽ രൂപതാ പ്രസിഡണ്ട് അനിൽ കുന്നത്തൂർ അധ്യക്ഷത വഹിച്ചു. ജനറൽ സെക്രട്ടറി ജോൺസൺ വാളൂർ,E.D ഫ്രാൻസീസ്, അലക്സ് താളു പാടത്ത്, ജോൺസൺ മങ്കുഴി, കൊച്ചുത്രേസ്യ, ജോസഫ് കോട്ടപറമ്പിൽ, ഡഗ്ലസ് ആന്റണി, ജിനി ജയ്സൺ, ടോമി തൗണ്ടശ്ശേരി, പോൾസൺ ചക്കാലക്കൽ, ജെയിംസ് ഇലഞ്ഞി വേലിൽ എന്നിവർ പ്രസംഗിച്ചു.

കൊച്ചി: മതേതര ഭാരതത്തിൽ ക്രൈസ്തവ മതം പാടില്ല എന്ന അങ്ങേയറ്റം അപകടകരമായ ആശയങ്ങൾ പ്രചരിപ്പിക്കുകയും, അതിന്റെ പേരിൽ ക്രിസ്തുമസ് കാലയളവിൽ രാജ്യത്തുടനീളം അതിക്രമങ്ങൾ അഴിച്ചുവിടുകയും ചെയ്യുന്ന വർഗ്ഗീയ ശക്തികളുടെ നീക്കങ്ങളിൽ കേരള കാത്തലിക് യൂത്ത് മൂവ്‌മെന്റ് ലാറ്റിൻ സംസ്ഥാന സമിതി ശക്തമായി പ്രതിഷേധിക്കുന്നു. ഇന്ത്യയുടെ ഭരണഘടനാ മൂല്യങ്ങളെ കടപുഴക്കുന്ന ഇത്തരം വിദ്വേഷ പ്രചരണങ്ങൾ ജനാധിപത്യ വിശ്വാസികൾ ഒന്നടങ്കം എതിർക്കണമെന്ന് സമിതി ആവശ്യപ്പെട്ടു.​ഭാരതം ഏതെങ്കിലും ഒരു പ്രത്യേക മതത്തിന്റെ മാത്രം കുത്തകയല്ല, മറിച്ച് വൈവിധ്യങ്ങളെ നെഞ്ചേറ്റുന്ന ഒരു മതേതര രാജ്യമാണ്. എന്നാൽ, “മതേതര ഭാരതത്തിൽ ക്രൈസ്തവ മതം പാടില്ല” എന്ന രീതിയിലുള്ള വിദ്വേഷ പ്രസ്താവനകൾ പരസ്യമായി മുഴക്കി ക്രൈസ്തവ വിശ്വാസികളെയും സ്ഥാപനങ്ങളെയും ലക്ഷ്യം വെക്കുന്നത് രാജ്യത്തിന്റെ ഐക്യത്തിന് ഭീഷണിയാണ്. മധ്യപ്രദേശിൽ കാഴ്ചശക്തിയില്ലാത്ത യുവതിയെ മർദ്ദിച്ചതും, ഛത്തീസ്ഗഡിലും ഉത്തരാഖണ്ഡിലും ആഘോഷങ്ങൾ തടസ്സപ്പെടുത്തിയതും, കേരളത്തിൽ പോലും കരോൾ സംഘങ്ങളെ ആക്രമിച്ചതും ഈ ഫാസിസ്റ്റ് ചിന്താഗതിയുടെ ഭീകരമായ ഫലങ്ങളാണ്.​മതപരിവർത്തനം എന്ന വ്യാജ ആരോപണം ഉന്നയിച്ച് സമാധാനപരമായി ജീവിക്കുന്ന…

കോട്ടയം: ജൂബിലി വർഷത്തോടനുബന്ധിച്ചു, യുവ വിശുദ്ധരുടെ വിശുദ്ധിയുടെ ചരിത്രം വിളിച്ചോതുന്നതും നൂറിലധികം മറ്റു വിശുദ്ധരുടെ തിരുശേഷിപ്പുകളും വഹിച്ചുകൊണ്ടുള്ളതുമായ അനുഗ്രഹ വഴിയേ എന്ന ആത്മീയ പ്രയാണത്തിന് 2025 ഡിസംബർ 28 ഞായറാഴ്ച, കെ.സി.വൈ.എം. വിജയപുരം രൂപതയുടെ ആതിഥേയത്വത്തിൽ കോട്ടയം വിമലഗിരി കത്തീഡ്രലിൽ ഉജ്ജ്വല സ്വീകരണം. വിശ്വാസികളെ ഭക്തിയുടെയും ആനന്ദത്തിന്റെയും കൊടുമുടിയിൽ എത്തിച്ച ചടങ്ങുകൾ പ്രൗഢഗംഭീരമായ പ്രവേശന ഘോഷയാത്രയോടെയാണ് ആരംഭിച്ചത്. 100ൽ അതികം വിശുദ്ധരുടെ തിരുശേഷിപ്പുമായി പ്രയാണം ചെയുമ്പോൾ വിശുദ്ധ കുരിശിന്റെയും പുത്തന്‍ തലമുറയിലെ വിശുദ്ധനായ കാര്‍ലോ അക്വിറ്റീസിന്റയും മറ്റു യുവ വിശുദ്ധരുടെയും തിരുശേഷിപ്പുകൾക്കും പ്രാധാന്യം നൽകുന്നു. രൂപതയുടെ വിവിധ ഭാഗങ്ങളിൽ നിന്നുള്ള നൂറുകണക്കിന് വിശ്വാസികൾ സ്വീകരണ പരിപാടികളിലും പ്രദക്ഷിണത്തിലും പങ്കുചേർന്നു. ആഘോഷമായ വിശുദ്ധ കുർബാനയ്ക്ക് പുനലൂർ രൂപത എപ്പിസ്കോപ്പൽ വികാരി മോൺ. സെബാസ്റ്റ്യൻ പൂവ്വത്തിങ്കൽ മുഖ്യകാർമ്മികത്വം വഹിച്ചു. വിശുദ്ധ കുർബാനയിൽ മോൺ. ഹെൻറി കൊച്ചുപറമ്പിൽ, റവ. ഫാ. അനൂപ് കളത്തിത്തറ OSJ (KCYM ലാറ്റിൻ സംസ്ഥാന ഡയറക്ടർ) എന്നിവരും സഹ കർമ്മികരായിരുന്നു. ആഘോഷമായ…

കോട്ടപ്പുറം: ഈശോമിശിഹായുടെ മനുഷ്യാവതാര ജൂബിലി 2025 ൻ്റെകോട്ടപ്പുറം രൂപതാതല സമാപനം കോട്ടപ്പുറം സെൻ്റ് മൈക്കിൾസ് കത്തീഡ്രലിൽ നടന്നു . ജൂബിലി സമാപന പൊന്തിഫിക്കൽ ദിവ്യബലിക്ക് കോട്ടപ്പുറം ബിഷപ്പ് ഡോ. അംബ്രോസ് പുത്തൻവീട്ടിൽ മുഖ്യകാർമ്മികത്വം വഹിച്ചു. .രൂപതയിലെ എല്ലാ വൈദീകരും സഹകാർമ്മികരായി. ഇതിന് മുന്നോടിയായി കൊടുങ്ങല്ലൂർ ബോയ്സ് സ്കൂൾ മൈതാനത്തു നിന്നും കൃഷ്ണൻകോട്ട ക്രിസ്തുരാജ ദേവാലയത്തിൽ നിന്നും തുരുത്തിപ്പുറം സെൻ്റ് ഫ്രാൻസിസ് അസീസി ദേവാലയത്തിൽ നിന്നുമായി കോട്ടപ്പുറം സെൻ്റ് മൈക്കിൾസ് കത്തീഡ്രലിലേക്ക് ജൂബിലി തീർത്ഥാടന പദയാത്രകൾ നടന്നു. കൃഷ്ണൻകോട്ടയിൽ നിന്ന് ജൂബിലി കുരിശും കൊടുങ്ങല്ലൂരിൽ നിന്ന് ബൈബിളും ജൂബിലി പതാകയും തുരുത്തിപ്പുറത്തു നിന്ന് ജൂബിലി എംബ്ലവും വഹിച്ചായിരിന്നു പദയാത്ര. ക്രിസ്ത്രീയ കലാരൂപങ്ങളുടെ അകമ്പടിയും നിശ്ചല ദൃശ്യങ്ങളുമായി ഇടവകകളുടെ ബാനറിനു പിന്നിലായി പേപ്പൽ പതാകകളുമായി ആയിരങ്ങൾ അണിചേർന്ന പദയാത്രയിൽ ജപമാല ചൊല്ലി വിശ്വാസീ സമൂഹം പങ്കെടുത്തു. ക്രിസ്തീയ വിശ്വാസത്തിൻ്റെ പിള്ളത്തൊട്ടിലായ കൊടുങ്ങല്ലൂർ – കോട്ടപ്പുറത്തെത്തിയ പദയാത്രകൾക്ക് കത്തീഡ്രൽ കവാടത്തിൽ കത്തീഡ്രൽ ഇടവകയുടെ നേതൃത്വത്തിൽ വരവേല്പ്…

കൊച്ചി: രാജ്യത്തിന്റെ പലഭാഗത്തും ക്രൈസ്തവർക്കെതിരെയുള്ള അതിക്രമങ്ങൾ വർധിച്ചുവരികയാണെന്ന് ദേശീയ മാധ്യമ റിപ്പോർട്ടുകൾ സൂചിപ്പിക്കുന്നു. വിശിഷ്യാ ക്രിസ്തുമസ്, വിശുദ്ധവാരം പോലെയുള്ള ക്രൈസ്തവ വിശേഷ ദിനങ്ങളിൽ കൂടുതൽ സംഘടിതമായുള്ള അതിക്രമങ്ങളാണ് റിപ്പോർട്ട് ചെയ്യപ്പെടുന്നത്. ഭാരത സംസ്കാരത്തിന്റെ അനന്യതയായ മതസൗഹാർദത്തിനും സഹവർത്തിത്വത്തിനും കളങ്കമാകുന്ന ഇത്തരം വർഗീയ അതിക്രമങ്ങൾക്ക് നേതൃത്വം നൽകുന്ന വ്യക്തികളെയും പ്രസ്ഥാനങ്ങളെയും കണ്ടെത്തി നിയമ നടപടികൾക്ക് വിധേയരാക്കാൻ സർക്കാരുകൾ തയ്യാറാകണം.രാജ്യത്തിന്റെ പ്രധാനമന്ത്രിയുൾപ്പെടെയുള്ളവർ ക്രിസ്തുമസ് ആഘോഷങ്ങളിൽ പങ്കുചേർന്നതിലൂടെ ഇത്തവണ നൽകിയത് പരസ്പര ബഹുമാനത്തിന്റെയും ആദരവിന്റെയും സന്ദേശമായിരുന്നു. എങ്കിലും ക്രിസ്തുമസിനോട് അനുബന്ധിച്ച് രാജ്യത്തിന്റെ പലഭാഗങ്ങളിലും ക്രൈസ്തവർ അതിക്രമങ്ങൾ നേരിടുകയും അവരുടെ ആരാധനാ സ്വാതന്ത്ര്യം നിഷേധിക്കപ്പെടുകയും ചെയ്തത് ഒരു വിഭാഗത്തിന്റെ ഭരണഘടനയോടുള്ള വെല്ലുവിളിയും ന്യൂനപക്ഷങ്ങളോടുള്ള അസഹിഷ്ണുതയുമാണ് വെളിപ്പെടുത്തുന്നത്. നിരവധി അതിക്രമങ്ങൾ തുടർച്ചയായി റിപ്പോർട്ട് ചെയ്യപ്പെടുന്ന ഈ സാഹചര്യത്തിൽ, വർഗീയ ധ്രുവീകരണത്തിന്റെ എല്ലാ നീക്കങ്ങളെയും പരസ്യമായി തള്ളിപ്പറയാനും നിയമം അനുശാസിക്കുന്ന നടപടികൾ കുറ്റവാളികൾക്കെതിരെ വിട്ടുവീഴ്ചയില്ലാതെ സ്വീകരിക്കാനും കേന്ദ്ര സംസ്ഥാന സർക്കാരുകൾ തയ്യാറാകണമെന്നും കെസിബിസി ജാഗ്രത കമ്മീഷൻ സെക്രട്ടറി ഫാ. ഡോ.…

കോഴിക്കോട്: കോഴിക്കോട് അതിരൂപതയുടെ നേതൃത്വത്തിൽ ശാന്തിയുടെയും സമാധാനത്തിന്റെയും സന്ദേശം നൽകിക്കൊണ്ട് “ഫെലിക്സ് നതാലിസ്” മെഗാ ക്രിസ്തുമസ് ഘോഷയാത്ര നഗരത്തിൽ നടന്നു. ചുവപ്പ് വസ്ത്രധാരികളായ ആയിരക്കണക്കിന് ക്രിസ്തുമസ് പാപ്പമാർ അണിനിരന്ന ഘോഷയാത്രയിൽ ജാതിമത ഭേദമന്യേ വിവിധ വിഭാഗങ്ങളിൽ നിന്നുള്ളവർ പങ്കെടുത്തു. ഡിസംബർ 28-ന് വൈകുന്നേരം 4 മണിക്ക് സിറ്റി സെന്റ് ജോസഫ് ദേവാലയത്തിൽ നിന്ന് ആരംഭിച്ച പരിപാടിയിൽ അതിരൂപത വികാരി ജനറൽ മോൺസിഞ്ഞോർ ഡോ. ജെൻസൺ പുത്തൻവീട്ടിൽ ഫെലിക്സ് നതാലിസ് പരിപാടിയുടെ ലക്ഷ്യവും സന്ദേശവും വിശദീകരിച്ചു. തുടർന്ന് കോഴിക്കോട് അതിരൂപതാധ്യക്ഷൻ ഡോ. വർഗ്ഗീസ് ചക്കാലക്കൽ പിതാവ് ഫ്ലാഗ് ഓഫ് നിർവഹിച്ച് ഘോഷയാത്ര ഉദ്ഘാടനം ചെയ്തു. വയനാട് റോഡ് വഴി സി.എച്ച്. ഓവർബ്രിഡ്ജ് കടന്ന് മുന്നേറിയ ഘോഷയാത്ര വൈകുന്നേരം 6 മണിയോടെ നഗരത്തിലെ പ്രധാന വേദിയായ കോഴിക്കോട് ബീച്ച് ഫ്രീഡം സ്ക്വയറിൽ എത്തിച്ചേർന്നു. തുടർന്ന് നടന്ന സമാപന സമ്മേളനത്തിൽ കോഴിക്കോട് അതിരൂപത മെത്രാൻ ഡോ. വർഗ്ഗീസ് ചക്കാലക്കൽ അധ്യക്ഷത വഹിച്ചു. ഫെലിക്സ് നതാലിസ് എന്നാൽ…