വത്തിക്കാൻ സിറ്റി: കൊളംബിയയിൽ ഓഗസ്റ്റ് 10-ന് ഉണ്ടായ ശക്തമായ ഭൂകമ്പത്തിൽ ദുരിതമനുഭവിക്കുന്നവർക്ക് ആത്മീയ സാമീപ്യവും ഐക്യദാർഢ്യവും അറിയിച്ച് ലെയോ പതിനാലാമൻ പാപ്പാ. ഓഗസ്റ്റ് 12-ന് വിശുദ്ധ പത്രോസിന്റെ ബസിലിക്കയിൽ നടന്ന പൊതുകൂടിക്കാഴ്ചയുടെ സമാപനത്തിൽ വിവിധ ഭാഷകളിലുള്ള വിശ്വാസികളെ അഭിസംബോധന ചെയ്യവെയാണ് പാപ്പാ ഭൂകമ്പബാധിതരെ അനുസ്മരിച്ചത്.
ഭൂകമ്പത്തിൽ ജീവൻ നഷ്ടപ്പെട്ടവരെയും പരിക്കേറ്റവരെയും ദുരന്തബാധിതരെയും പാപ്പാ പ്രത്യേകം ഓർമിച്ചു. നിരവധി പേർ മരിക്കുകയും അനേകർക്ക് പരിക്കേൽക്കുകയും വൻതോതിൽ വസ്തുവകകൾക്ക് നാശനഷ്ടമുണ്ടാകുകയും ചെയ്ത സാഹചര്യത്തിൽ കൊളംബിയൻ ജനത അനുഭവിക്കുന്ന വേദനയിൽ താനും പങ്കുചേരുന്നതായി പാപ്പാ പറഞ്ഞു.
ദുരന്തത്തിൽ മരിച്ചവരുടെ നിത്യശാന്തിക്കായി കർത്താവിനോട് പ്രാർത്ഥിക്കുന്നതായി അറിയിച്ച പാപ്പാ, മരണമടഞ്ഞവരുടെ കുടുംബങ്ങൾക്കും ഭൂകമ്പത്തിന്റെ ആഘാതം നേരിട്ട എല്ലാവർക്കുമായി തന്റെ പ്രാർത്ഥനകൾ ഉറപ്പുനൽകുകയും ചെയ്തു.
