തിരുവനന്തപുരം: ശബരിമലയിലെ സ്വര്ണ ഉരുപ്പടികളെ കുറിച്ചുള്ള ശാസ്ത്രീയ പരിശോധന റിപ്പോര്ട്ട് ഇന്ന് അന്വേഷണ സംഘത്തിന് കൈമാറും. ഇന്നലെ വിഎസ്എസ്സിയില് നിന്നും ലഭിച്ച ശാസ്ത്രീയ പരിശോധനാഫലം സീല് വെച്ച കവറില് കൊല്ലം വിജിലന്സ് കോടതിയില് നല്കിയിരുന്നു .
ആ റിപ്പോര്ട്ടാണ് ഇന്ന് കോടതി എസ്ഐടിക്ക് കൈമാറുന്നത്. ഈ റിപ്പോര്ട്ട് വിശദമായി പരിശോധിച്ച ശേഷമായിരിക്കും തുടര്നടപടികള് സ്വീകരിക്കുക.
സ്വര്ണ്ണപാളികള് മാറ്റിയോ, ശബരിമലയില് ഇപ്പോഴുള്ളത് പഴയപാളികളാണോ അതോ പുതിയ പാളികളാണോ, പാളികളിലെ സ്വര്ണ്ണത്തിന്റെ അളവ് തുടങ്ങിയവ നിര്ണ്ണയിക്കുന്ന പരിശോധനയാണ് നിലവില് നടത്തിയിട്ടുള്ളത്.
