പത്തനംതിട്ട: ബലാത്സംഗക്കേസില് പൊലീസ് കസ്റ്റഡിയില് കിട്ടിയ രാഹുല് മാങ്കൂട്ടത്തിലുമായി തെളിവെടുപ്പിന് പ്രത്യേക അന്വേഷണ സംഘം.
പത്തനംതിട്ട എ ആര് ക്യാംപില് നിന്നും രാവിലെ ആറു മണിക്ക് തന്നെ രാഹുലുമായി എസ്ഐടി സംഘം തെളിവെടുപ്പിനെത്തി . യുവതിയെ പീഡിപ്പിച്ചു എന്നു പരാതിയില് പറയുന്ന തിരുവല്ലയിലെ ഹോട്ടലിലെത്തിച്ചാണ് തെളിവെടുക്കുന്നത് .തെളിവെടുപ്പിനായി പൊലീസ് വന് സുരക്ഷാ സന്നാഹം ഒരുക്കിയിട്ടുണ്ട്.
കഴിഞ്ഞദിവസമാണ് കോടതി രാഹുല് മാങ്കൂട്ടത്തിലിനെ മൂന്നു ദിവസത്തെ പൊലീസ് കസ്റ്റഡിയില് വിട്ടത്. രാഹുലിന്റെ വീട്ടിലും, പാലക്കാടും തെളിവെടുപ്പു നടത്തിയേക്കുമെന്ന് റിപ്പോര്ട്ടുണ്ട്. അന്വേഷണത്തോട് രാഹുല് സഹകരിക്കുന്നില്ലെന്ന് എസ്ഐടി നേരത്തെ കോടതിയില് അറിയിച്ചിരുന്നു.
