കൊച്ചി: സിനിമാ നടിയെ ആക്രമിച്ച കേസില് ഇന്ന് അന്തിമവിധി. വര്ഷങ്ങള് നീണ്ട നിയമപോരാട്ടത്തിനൊടുവിലാണ് വിധി .എറണാകുളം പ്രിന്സിപ്പല് സെഷന്സ് ജഡ്ജി ഹണി എം വര്ഗീസാണ് വിധിപറയുന്നത്. 11 ന് കോടതി നടപടികള് തുടങ്ങും.
കോവിഡും , പ്രതികളിലൊരാളായ നടന് ദിലീപും പ്രോസിക്യൂഷനും അതിജീവിതയും പലതവണ മേല്ക്കോടതികളില് നല്കിയ ഉപഹര്ജികളും അപ്പീലുമെല്ലാം വിചാരണ നീണ്ടുപോകുന്നതിന് ഇടയാക്കി . സംവിധായകന് ബാലചന്ദ്രകുമാറിന്റെ വെളിപ്പെടുത്തലുകളുകൾക്ക് ശേഷം മാസങ്ങളോളം വിചാരണ നിര്ത്തിവച്ചാണു തുടരന്വേഷണം നടത്തിയത്.
2017 ഫെബ്രുവരി 17-ന് ഷൂട്ടിങ് ആവശ്യത്തിന് തൃശ്ശൂരില്നിന്നുള്ള യാത്രയ്ക്കിടെയാണ് എറണാകുളം അത്താണിയില്വെച്ച് നടി ആക്രമിക്കപ്പെട്ടത്.
പള്സര് സുനിയുള്പ്പെട്ട സംഘം ക്വട്ടേഷന്പ്രകാരം നടിയെ തട്ടിക്കൊണ്ടുപോയി ആക്രമിക്കുകയും അപകീര്ത്തികരമായ ദൃശ്യങ്ങള് പകര്ത്തുകയുംചെയ്തെന്നാണ് കേസ്. പ്രധാനപ്രതി ഉള്പ്പെടെയുള്ളവര് പെട്ടെന്ന് പോലീസിന്റെ പിടിയിലായി. അതേവര്ഷം ജൂലായില് നടന് ദിലീപിനെയും അറസ്റ്റുചെയ്തു.
