കൊച്ചി: കെഎൽസിഎ വരാപ്പുഴ അതിരൂപത ത്രൈ വാർഷിക ജനറൽ കൗൺസിൽ യോഗം (ഞായർ) രാവിലെ 10.30 ന് എറണാകുളം ആശീർഭവനിൽ ചേരും.വരാപ്പുഴ അതിരൂപത
ആർച്ച്ബിഷപ് ഡോ.ജോസഫ് കളത്തിപ്പറമ്പിൽ പൊതുയോഗം ഉദ്ഘാടനം ചെയ്യും. അതിരൂപത പ്രസിഡൻ്റ് സി.ജെ. പോൾ അധ്യക്ഷത വഹിക്കുന്ന ജനറൽ കൗൺസിൽ യോഗത്തിൽ കഴിഞ്ഞ പ്രവർത്തന വർഷത്തിലെ പ്രവർത്തന റിപ്പോർട്ട് ജനറൽ സെക്രട്ടറി റോയ് പാളയത്തിൽ അവതരിപ്പിക്കും.
വാർഷിക കണക്ക് ട്രഷറർ എൻ.ജെ പൗലോസും അവതരിപ്പിക്കും. വരാപ്പുഴ അതിരൂപത സഹായ മെത്രാൻ ബിഷപ് ഡോ.ആന്റണി വാലുങ്കൽ സമാപന സന്ദേശം നൽകും.
സിറ്റിസി സുപ്പീരിയർ ജനറൽ മദർ ഷാഹില സിറ്റിസി,കെആർഎൽസിസി വൈസ് പ്രസിഡൻ്റ് ജോസഫ് ജൂഡ്,കെഎൽസിഎ സംസ്ഥാന പ്രസിഡൻ്റ് അഡ്വ. ഷെറി ജെ തോമസ്, ആധ്യാത്മിക ഉപദേഷ്ടാവ് ഫാ.മാർട്ടിൻ തൈപ്പറമ്പിൽ,അതിരൂപത ബിസിസി ഡയറക്ടർ ഫാ. യേശുദാസ് പഴമ്പിള്ളി,കെഎൽസിഎ സംസ്ഥാന സെക്രട്ടറി ഇ. ആർ ഷൈജ എന്നിവർ ആശംസകൾ നേരും.അടുത്ത മൂന്ന് വർഷത്തേക്കുള്ള അതിരൂപത ഭാരവാഹികളെ ജനറൽ കൗൺസിൽ തിരഞ്ഞെടുക്കും.
കഴിഞ്ഞ കാലങ്ങളിൽ നടത്തിയ സംഘടനാ പ്രവർത്തനങ്ങളുടെ വിലയിരുത്തലും
പുതിയ കർമ്മ പദ്ധതികളെക്കുറിച്ചുള്ള ചർച്ചകളും ജനറൽ കൗൺസിൽ യോഗത്തിൽ ഉണ്ടായിരിക്കും.
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ സ്വീകരിക്കേണ്ട നിലപാടുകളെകുറിച്ച് ജനറൽ കൗൺസിൽ യോഗത്തിൽ ചർച്ച നടത്തും.വരാപ്പുഴ അതിരൂപതയിലെ 63 യൂണിറ്റുകളിൽ നിന്നും തിരഞ്ഞെടുക്കപ്പെട്ട പ്രതിനിധികൾ യോഗത്തിൽ പങ്കെടുക്കും.
