വാഷിംഗ്‌‌ടൺ ഡിസി: യുഎസ് പ്രസിഡൻറ് ഡോണൾഡ് ട്രംപ് ചൈനീസ് പ്രസിഡൻറ് ഷി ജിൻപിംഗുമായി നടത്തുന്ന കൂടിക്കാഴ്ച അടുത്താഴ്ച . ഏഷ്യൻ രാജ്യങ്ങളിലെ സന്ദർശനത്തിൻറെ ഭാഗമായാണ് ചൈനീസ് പ്രസിഡൻറുമായി കൂടിക്കാഴ്ച നടത്തുന്നത്.
വ്യാപാര സംഘർഷങ്ങൾ രൂക്ഷമായതിനെത്തുടർന്ന് കൂടിക്കാഴ്ച സംബന്ധിച്ച് അവ്യക്തതകൾ ഉയർന്നിരുന്നു. ഇതിനു പിന്നാലെയാണ് വൈറ്റ്ഹൗസിൻറെ സ്ഥരീകരണം വന്നത്. ഡോണൾഡ് ട്രംപ് വെള്ളിയാഴ്ച രാത്രി മലേഷ്യയിലേക്ക് പുറപ്പെടുമെന്നും ജപ്പാൻ, ദക്ഷിണ കൊറിയ സന്ദർശിക്കുമെന്നുമാണ് വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ് അറിയിച്ചത് .
ഏഷ്യ – പസഫിക് ഉച്ചക്കോടിയെ അഭിസംബോധന ചെയ്തശേഷമായിരിക്കും ചൈനീസ് പ്രസിഡൻറ് ഷി ജിൻപിംഗുമായി കൂടിക്കാഴ്ച നടത്തുക .
