കോട്ടയം: രാജ്യത്തെ മികച്ച സർവകലാശാലകളിൽ ഒൻപതാം റാങ്കിന്റെ തിളക്കവുമായി എംജി സർവകലാശാല. ലോകരാജ്യങ്ങളിലെ സർവകലാശാലകളുടെ നിലവാരം അളക്കുന്ന ടൈംസ് ഉന്നത വിദ്യാഭ്യാസറാങ്കിങ്ങിലാണ് നേട്ടം. അന്താരാഷ്ട്ര റാങ്ക് പട്ടികയിൽ 501-നും 600-നും ഇടയിലുള്ള റാങ്കാണ് എംജി സ്വന്തമാക്കിയത്. വിവിധ പരിഗണനാഘടകങ്ങളിൽ 43.6 മുതൽ 46.1 വരെ സ്കോർ ലഭിച്ചു.
1001-1200 റാങ്കിലാണ് കുസാറ്റിന്റെ സ്ഥാനം. സ്കോർ: 32.1 മുതൽ 32.4 വരെ. കേരള സർവകലാശാല 1201-1500 റാങ്കിലും ഇടം നേടി. സ്കോർ: 27.3 മുതൽ 32 വരെ. 115 രാജ്യങ്ങളിൽ നിന്നായി 2191 സ്ഥാപനങ്ങളെയാണ് പരിഗണിച്ചത്. തുടർച്ചയായി 10-ാം വർഷവും ഓക്സ്ഫഡ് സർവകലാശാല ലോകത്തെ മികച്ച സർവകലാശാലയെന്ന നേട്ടം നിലനിർത്തി.
