കാസർകോട്: മ്യാന്മർ തീരത്തോട് ചേർന്ന് രൂപപ്പെട്ട ചക്രവാതച്ചുഴി പടിഞ്ഞാറോട്ട് നീങ്ങി മണിക്കൂറുകൾക്കുള്ളിൽ ബംഗാൾ ഉൾക്കടലിൽ ന്യൂനമർദമായി രൂപപ്പെടും. നാളെ അതിതീവ്ര ന്യൂനമർദമായി മാറുന്നതിന്റെ ഫലമായി ഇന്ന് മുതൽ കേരളത്തിൽ പരക്കെ അതി ശക്തമായ മഴയ്ക്കു സാധ്യത ഉണ്ടെന്നു കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി.
ഇന്ന് മുതൽ 27 വരെ ശക്തമായ മഴ പ്രതീക്ഷിക്കുന്നതായി കാലാവസ്ഥ നിരീക്ഷണ കേന്ദ്രം അറിയിച്ചു . 30-40 കിലോ മീറ്റർ വേഗതയിലും ചില സന്ദർഭങ്ങളിൽ ഇത് 40-50 കിലോമീറ്റർ വേഗതിയിലും കാറ്റ് വീശാൻ സാധ്യത ഉണ്ടെന്നും വ്യക്തമാക്കി. മൺസൂൺ ദുർബല മാകുന്ന സാഹചര്യത്തിൽ അതി തീവ്ര മഴയ്ക്ക് സാധ്യത ഇല്ല.
ന്യൂനമർദം രൂപപ്പെടുന്നതോടെ കേരളത്തിൻ്റെ തെക്കൻ ജില്ലകളിൽ ശക്തമാകുന്ന മഴ മധ്യ കേരളത്തിലേക്കും പതുക്കെ വടക്കൻ കേരളത്തിലേക്കും നീങ്ങും. കേരളത്തിൽ ഇന്ന് എറണാകുളം, ഇടുക്കി, കോട്ടയം, ആലപ്പുഴ,പത്തനംതിട്ട, കൊല്ലം, തിരുവനന്തപുരം ജില്ലകൾ മഞ്ഞ അലർട്ട് നൽകിയിട്ടുണ്ട്. നാളെ (സെപ്റ്റംബർ 26) തൃശൂർ, എറണാകുളം, ഇടുക്കി,കോട്ടയം, ആലപ്പുഴ, പത്തനംതിട്ട ജില്ലകളിലും ശനിയാഴ്ച (സെപ്റ്റംബർ 27 )ന് കാസർകോട്, കണ്ണൂർ, കോഴിക്കോട്, വയനാട്, മലപ്പുറം ജില്ലകളിലും മഞ്ഞ അലർട് നൽകിയിട്ടുണ്ട്.
