സമുദായ പ്രവർത്തനങ്ങൾ കാലഘട്ടത്തിൻ്റെ മാറ്റങ്ങൾ ഉൾകൊണ്ടായിരിക്കണം – ബിഷപ്പ് ഡോ. അലക്സ് വടക്കുംതല

ലത്തീൻ കത്തോലിക്ക സമുദായ സമ്പർക്ക പരിപാടി ഒക്ടോ – 19 ന് കണ്ണൂരിൽ

കണ്ണൂർ : കാലഘട്ടത്തിൻ്റെ മാറ്റങ്ങൾ ഉൾകൊണ്ട് കൊണ്ടായിരിക്കണം സമുദായ പ്രവർത്തനങ്ങളെന്ന് കണ്ണൂർ രൂപത ബിഷപ്പ് ഡോ. അലക്സ് വടക്കുംതല , കെ.എൽ.സി.എ കണ്ണൂർ രൂപത സമിതിയുടെ ആഭിമുഖ്യത്തിൽ ഒക്ടോബർ 19-ന് കണ്ണൂരിൽ വെച്ച് നടക്കുന്ന സമുദായ സമ്പർക്ക പരിപാടിയുടെ മുന്നൊരുക്ക യോഗം ബർണ്ണശ്ശേരി ഹോളി ട്രിനിറ്റി കത്തീഡ്രൽ ഹാളിൽ
ഉത്ഘാടനം ചെയ്ത് സംസാരിക്കുകയായിരുന്നു.
സാമൂഹിക ഇടപ്പെടലുകളാണ് കെ.എൽ.സി.എയുടെ നേതൃത്വത്തിൽ ലത്തീൻ സമുദായം നടത്തേണ്ടത്. പ്രയോഗികമല്ലാത്ത പഴയ പ്രവർത്തന രീതികൾ ഉപേക്ഷിച്ച് പുതിയ പ്രവർത്തന രീതി ആവിഷ്ക്കരിച്ച് മുന്നേറമെന്ന് ബിഷപ്പ് തുടർന്ന് പറഞ്ഞു.

സമുദായ സമ്പർക്ക പരിപാടികൾക്കുള്ള വിവിധ കമ്മിറ്റികൾ യോഗത്തിൽ രൂപം നൽകി.
കെ.എൽ.സി. എ സംസ്ഥാന പ്രസിഡണ്ട് അഡ്വ. ഷെറി ജെ തോമസ് മുഖ്യ പ്രഭാഷണം നടത്തി. സംസ്ഥാന ജനറൽ സെക്രട്ടറി ബിജു ജോസി പ്രവർത്തനങ്ങളെക്കുറിച്ചു ജെ ബി കോശി കമ്മീഷൻ റിപ്പോർട്ട് നടപ്പിലാക്കുന്നതിന് സർക്കാറിൽ സമ്മർദ്ദം ചെലുത്തുന്നതിനെക്കുറിച്ചു സംസാരിച്ചു
കണ്ണൂർ രൂപത പ്രസിഡണ്ട് ഗോഡ്സൺ ഡിക്രൂസ് അധ്യക്ഷത വഹിച്ചു.

കെ.എൽ.സി.എ സംസ്ഥാന ട്രഷറർ രതീഷ് ആൻ്റണി,രൂപത ഡയറക്ടർ ഫാ. ആൻസിൽ പീറ്റർ, മുൻ ഡയറക്ടർ ഫാ മാർട്ടിൻ രായപ്പൻ ,മുൻ സംസ്ഥാന പ്രസിഡണ്ട് ആൻ്റണി നൊറോണ , രൂപത ജനറൽ സെക്രട്ടറി ശ്രീജൻ ഫ്രാൻസിസ് , സംസ്ഥാന സെക്രട്ടറി ജോൺ ബാബു, ഫ്രാൻസിസ് അലക്സ്, റിനേഷ് ആൻ്റണി , കെ. എച്ച് ജോൺ, ആൻ്റണി ലൂയിസ് തലശ്ശേരി ,ലെസ്ലി ഫെർണാണ്ടസ്, വിക്ടർ ജോർജ് , സ്റ്റെഫാൻ ബെഞ്ചമിൻ എന്നിവർ സംസാരിച്ചു