നെയ്യാറ്റിൻകര : നെയ്യാറ്റിൻകര ഇൻ്റഗ്രൽ ഡവലപ്മെൻ്റ് സൊസൈറ്റിയും ക്വസ്റ്റ് അലയൻസും സംയുക്തമായി യുവജനങ്ങൾക്ക് വേണ്ടി സംഘടിപ്പിച്ചിരിക്കുന്ന തൊഴിൽ വൈദഗ്ദ്ധ്യ പരിശീലന പരിപാടിയിലെ ആദ്യ ബാച്ച് വിദ്യാർത്ഥികൾ ലോഗോസ് പാസ്റ്ററൽ സെൻ്ററിൽ ഓണാഘോഷം സംഘടിപ്പിച്ചു.
പ്രോഗ്രാം കോ-ഓഡിനേറ്റർ ശശികുമാർ അദ്ധ്യക്ഷത വഹിച്ച യോഗം നിഡ്സ് ഡയറക്ടർ ഫാ. രാഹുൽ ബി. ആൻ്റോ ഉത്ഘാടനം ചെയ്തു. പ്രോജക്ട് ഓഫീസർ മൈക്കിൾ, വിശ്വനാഥൻ, സുജിത വിനോദ്, റോജ, സുജിത രാജ്, ജീന എന്നിവർ ഓണസന്ദേശം നൽകി. കലാപരിപാടികൾ ഓണാഘോഷത്തെ വർണാഭമാക്കി. പ്രോജക്ട് ടീം അംഗങ്ങളായ ജയരാജ്, കവിത, സോന, അഞ്ചന എന്നിവർ നേതൃത്വം നൽകി.
