ഹിസോർ: കാഫ നേഷൻസ് ഫുട്ബോളിൽ തജിക്കിസ്ഥാനെ പരാജയപ്പെടുത്തി ഇന്ത്യ. ആദ്യ മത്സരത്തിൽ ഒന്നിനെതിരേ രണ്ടുഗോളുകൾക്കാണ് ഇന്ത്യയുടെ ജയം. മത്സരം ആരംഭിച്ച് അഞ്ചാം മിനിറ്റിൽ ഇന്ത്യയുടെ അൻവർ അലിയാണ് വലകുലുക്കിയത്.
തുടർന്ന് ആക്രമിച്ച് കളിച്ച ഇന്ത്യ 13-ാം മിനിറ്റിൽ വീണ്ടും ഗോൾ നേടി . ഇത്തവണ സന്ദേശ് ജിംഗാനാണ് ലക്ഷ്യം കണ്ടത്. പത്ത് മിനിറ്റുകൾക്കിപ്പുറം താജിക്കിസ്താന്റെ തിരിച്ചടി.
ഷെഹ്‌റോം സമീവാണ് ഗോളടിച്ചത്. ആദ്യപകുതി 2-1 ന് മുന്നിട്ടുനിന്ന ഇന്ത്യ രണ്ടാം പകുതിയിൽ താജിക്കിസ്താൻറെ മുന്നേറ്റങ്ങളെ പ്രതിരോധിച്ച് ജയം സ്വന്തമാക്കി. ഗോൾകീപ്പർ ഗുർപ്രീത് സിംഗ് സന്ധുവിൻറെ സേവുകളാണ് ടീമിനെ രക്ഷപെടുത്തിയത് .
ഗോൾകീപ്പർ ഗുർപ്രീത് സിംഗ് സന്ധുവായിരുന്നു നായകൻ.
